Paopathon : HURIA KRISTEN INDONESIA (HKI) SIGALAGALA
Sungkunsungkun Panangkasion tu Natoras Calon Oroan
U : Ias do rohamuna manolopi haroro ni borumuna dohot na naeng helamuna on pasahathon
panindangion dohot pangidoan nanaeng manjalo pasupasu pardongansaripeon di tingki
naeng ro?
Natoras ni Calo Oroan: Ias, jala las situtu rohanami baoa na mangaririt borunami on gabe
helanami. Sai dipatulus TUHAN i ma sangkap nasida i.
U : Sahat tu tingki on, adong dope diboto hamu baoa na asing pardonganon ni brumuna on
jala tarihot janji ibana naeng mardongan saripe dohot baoa i?
Natoras ni Calon Oroan : Sian pamotoan nami ndang adong be.
U : Rade do hamu manjalo jala ndang haboratan hamu manang uhumonmuna huria i, molo
so dipasahat huria i pasupasu pardongansaripeon i tu anak dohot na naeng parumaenmuna
on, ala lipe panindangion dohot alus na pinasahat nasida i?
Natoras ni Calon Oroan : Rade do hami jala ndang haboratan hami manang gabe
uhumonnami huria i molo lipe do antong panindangion dohot alus na pinasahatnasida i.
Nasida ma mardabudabu tu Debata na tahaporseai i.
U : Mauliate ma di saluhut alus na pinasahatmuna i, TUHANta ma na mandongani.
6. Manandatangani Surat Panindangion Dohot Pangidoan
 Calon Pengantin: Pangoli dohot Boru Oroan
 Natoras: Pangoli dohot Boru Oroan
 Saksisaksi: Sian pihak paranak dohot parboru
 Mewaki sintua: sian paranak dohot parboru
 Na patumpolhon: Pandita
7. Tingting Ulaon Pamasumasuon
 Tingting I:
 Tingting II:
 Ari Pamasumasuon:
8. Marende BE No. 766:1 “Padan Na Uli”
♫ Padan na uli “Ho ndang hulupahon” ,Ndang pola mabiar au di ngolungki,
Nang pe holom do dalan siboluson, Ro do hatiuron sian langit i.
“Ho tung so huhalupahon Audo manogihon Au do mangondihon
Ho tung so huhalupahon, Au do margogoihon pos ma rohami”.
9. Jamita: (Pdt.A. Datubara S.Th)
10. Marende BE. No. 194:1-3 “Aut So Asi RohaM” (Huhut Papungu Pelean)
♫ Aut so asi rohaM Aut so godang basaM Tu dia au?
Alai dibaen basaM Dohot asi rohaM Tu surgo au
♫ Mauliate ma Di Ho o Debata Ala basaM
Sibahen dalan i Marhite AnakMi Tu banuaM
♫ Anggiat ma holong Rohangku sai tongtong Burju tu Ho
Sai dongananMu au Manang tu dia lao sonang tutu
11. Tangiang Pelean-Ale Amanami-Pasupasu-Amen 3X
RESORT PERSIAPAN NASSAU
TERTIB ACARA PARTUMPOLON
MINGGU, 30 OKTOBER 2022
YUSUF SIAHAAN & FITRI PASNITA SIANIPAR
I. IBADAH PARTUMPOLON
1. Marende BE No.6:4-5 “Puji Jahowa Na Sangap” (Jongjong Ma Ruas)
♫ Puji Jahowa situmpak sude ulaonmu;
Ai ditumpakhon ho tongtong hangoluanmu.
Ingot ma i, denggan basaNa do i,
TomutomuNa sambing do.
♫ Puji Jahowa tondingku, pasangap goarNa!
Dohot sude na marhosa mamuji Ibana.
I do ture, bahenon ni hita sude.
Sai taendehon ma amen!
2. Votum – Introitus- Tangiang (U: Uluan, H: Huria, NM: Na Martumpol)
U : Marhitehite Goar ni Debata Ama, dohot Goar ni AnakNa Tuhan Jesus Kristus dohot
Goar ni Tondi Parbadia naTumompa langit dohot tano on.
H : Amen
U : Parangehon hamu ma haholongon i songon Kristus i, na manghaholongi hamu jala
dilehon do dirina humophop hita, gabe silua jala pelean bahen uap na hushus tu Debata.
H : Na lambas do haholongon i jala nasorta, ndang na mangiburu haholongon i, dang di
paburnangburnang dirina
U : Maradat situtu do haholongon i, ndang na ahut, ndang olo pangarimason, ndang
dipajujurjujur na jahat. Ndang las roha ni mida hageduhon; alai tongtong do dihalashon
hasintongan i
H : Sada ma parrohahon hamu; sada ma haholongon muna; saroha, sapingkiran ma
hamu! Unang ma mardingkan dingkan manang marhasangapon na rumar; alai sian toruk
ni roha muna be ma rajumi hamu dongan muna sumurung sian diri muna.
U : Martangiang ma hita : Ale Tuhan Debata Amanami na di banua ginjang! Ho do na
mangaturhon pardongan saripeon i, di ida Ho do dongannami on si(Goar Calon
Pangoli) Dohot (Goar Calon Oroan) na marsangkap naeng marbagas, na ro do nasida
nuaeng marpadan dipartumpolon sadari on. Antong sai pahot ma nasida di padanna,
patogu ma rohana masihaholongan, rajai ma nasida marhitehiteTondi Parbadia, asa
tangkas pasauton nasida sangkapmu dibagasan pardongan saripeon nasida i. Tangihon ma
tangiang nami on ala ni asi dohot holong ni roham.
H : Amen! (Ruas Hundul)
3. Marende BE No. 212:1+5 “Haholongan Na Badia”
♫ Haholongon na badia sian Tuhan Jesus i
Sai songgopi sai bongoti roha dohot tondingki
♫ Habasaron hadameon na ro sian Tuhanki
Gohi roha dohot tondi unang munsat sian i
4. Manjaha Surat Panindangion Dohot Pangidoan
U : Saonari, Calon Pangoli dohot Calon Oroan, ro ma hamu tu joloon laho manjaha surat
panindangion dohot pangidoan muna naeng manjalo pasu-pasu pardongan saripeon sian
tongtonga ni Huria i.
(Calon Pangol (CP)i, Calon Oroan (CO) ro tu jolo ndung i rap manjaha surat panindangion
dohot pangidoan (Jonjong tu jolo menghadap Ruas)
5. Sungkunsungkun Panangkasion Sian Huria
U : Mauliate ma tapasahat tu Debata Ama, Anak, dohot Tondi Parbadia. Hami sian tonga ni
Hurianta, nga be tangkas hupaihutihut hami isi ni surat panindangion dohot
pangidoanmuna. Saonari,tangkasannami ma hamu na dua taringot tu panindangion dohot
pangidoanmuna i. Suang songoni ma dohot natoras ni Calon Pangoli dohot Calon Oroan
tangkasan nami do tontong haradeon dohot haiason ni rohamuna laho manolopi sangkap
ni ianakkonta dison. Denggan ma alusi hamu sungkunsungkun panangkasion on.
Parjolo:
Sungkunsungkun Panangkasion Tu Calon Pangoli
U : Alusi ma sungkunsungkun on sian nasa roham parbagasan. Ale si.....(goar ni Calon
Pangoli)! Sian ias ni roham do panindangion dohot pangidoanmi, ima naeng manjalo
pasupasu pardongansaripeon dohot si.....(goar ni Calon Oroan) on?
CP : Sasintong na mangolu Debata na tahaporseai i, Sian ias ni rohangku do.
U : Adong dope pardongananmu dohot paropuan na asing, manang dipaorohon natorasmu
ho dohot boru ni tulangmu jala tarihot janji ho dohot ibana naeng mardongansaripe, na
boi manundati pangidoanmu laho manjalo pasupasu pardongansaripeon i? Molo adong
dope tangkas ma alusi, alai molo ndang adong be tangkas ma tontong alusi.
CP : Sasintongna mangolu Debata na tahaporseai i: ndang adong be!
U : Rade do ho manjalo haputusan ni Huria, molo so dihobasi pasupasu pardongansaripeon
i, ala lipe panindangion dohot alus na binoanmi? Jala naso uhumonmu huria i molo so
dipasahat pasupasu pardongan saripeon i ala lipe do panindangion dohot alus na
pinasahatmi?
CP : Sasintong na mangolu Debata na tahaporseai i: Rade do ahu jala nasotupa uhumonku
huria i molo ndang dipasahat pasupasu pardongansaripeon i di tingkina molo lipe do
panindangionnami i.
U : Adong do parulaonmuna na dua di pardonganonmuna di tingki na salpu na maralo tu
ruhut ha-Kristenonta?
CP : Ndang adong, ias do hami sian i.
U : Mauliate ma disaluhut alus pinasahatmi, TUHANta ma na mandongani ho.
Paduahon:
Sungkunsungkun Panangkasion Tu Calon Oroan
U : Alusi ma sungkunsungkun on sian nasa roham parbagasan. Ale si.....(goar ni Calon
Oroan! Sian ias ni roham do panindangion dohot pangidoanmi, ima naeng manjalo
pasupasu pardongansaripeon dohot si.....(goar ni Calon Pangoli) on?
CO : Sasintong na mangolu Debata na tahaporseai i, Sian ias ni rohangku do.
U : Adong dope pardongananmu dohot si doli na asing, manang dipaorohon natorasmu ho
dohot anak ni namborum jala tarihot janji ho dohot ibana naeng mardongansaripe, na boi
manundati pangidoanmu laho manjalo pasupasu pardongansaripeon i? Molo adong dope
tangkas ma alusi, alai molo ndang adong be tangkas ma tontong alusi.
CO : Sasintongna mangolu Debata na tahaporseai i: ndang adong be!
U : Rade do ho manjalo haputusan ni Huria, molo so dihobasi pasupasu pardongansaripeon
i, ala lipe panindangion dohot alus na binoanmi? Jala naso uhumonmu huria i molo so
dipasahat pasupasu pardongan saripeon i ala lipe do panindangion dohot alus na
pinasahatmi?
CO : Sasintong na mangolu Debata na tahaporseai i: Rade do ahu jala nasotupa uhumonku
huria i molo ndang dipasahat pasupasu pardongansaripeon i di tingkina molo lipe do
panindangionnami i.
U : Adong do parulaonmuna na dua di pardonganonmuna di tingki na salpu na maralo tu
ruhut ha-Kristenonta?
CO : Ndang adong, ias do hami sian i.
U : Mauliate ma disaluhut alus pinasahatmi, TUHANta ma na mandongani ho.
Patoluhon :
Sungkunsungkun Panangkasion tu Natoras Calon Pangoli
U : Ias do rohamuna manolopi roha ni anakmuna dohot na naeng parumaenmuna on
pasahathon panindangion dohot pangidoan nanaeng manjalo pasupasu pardongansaripeon
di tingki naeng ro?
Natoras ni Calo Pangoli : Ias, jala las situtu rohanami parompuan na niririt ni anak nami
on gabe parumaennami. Sai dipatulus TUHAN i ma sangkap nasida i.
U : Sahat tu tingki on, adong dope diboto hamu parompuan na asing pardonganon ni
anakmuna on jala tarihot janji ibana naeng mardongan saripe dohot parompuan i?
Natoras ni Calon Pangoli : Sian pamotoan nami ndang adong be.
U : Rade do hamu manjalo jala ndang haboratan hamu manang uhumonmuna huria i, molo
so dipasahat huria i pasupasu pardongansaripeon i tu anak dohot na naeng parumaenmuna
on, ala lipe panindangion dohot alus na pinasahat nasida i?
Natoras ni Calon Pangoli : Rade do hami jala ndang haboratan hami manang gabe
uhumonnami huria i molo lipe do antong panindangion dohot alus na pinasahatnasida i.
Nasida ma mardabudabu tu Debata na tahaporseai i.
U : Mauliate ma di saluhut alus na pinasahatmuna i, TUHANta ma na mandongani.