ACARA PARMINGGUON DOHOT PESTA GOTILON

HKBP JANJIMATOGU HABINSARAN

MINGGU XV DUNG TRINITATIS, 25 SEPTEMBER 2022

U = Uluan H = Huria
TOPIK MINGGU
HADAULATON MARDONGAN SABAM NI ROHA
Ibadah Disertai Rasa Cukup
Pangaradeon : Parhalado Rap martangiang sian bilut parhobasan dung i prosesi laho mamasuhi
bagas Joro, laos jongjog dilanggatan mangadop tu Ruas. Dungi manghuling giringgiring
Joujou laho Marsaor Dohot Debata :
U: Huria ni Tuhanta andorang so masuk hita di Parmingguonta sadarion, jumolo ma hita
martangiang na hohom dibagasan rohanta Ganup……….Amen. Dibagasan las ni roha
hupasahat hami ma tabe tu hamu : Horas ma di hamu saluhutna ruas ni Huria na
hinaholongan na ro marpungu dibagasan Minggu sadarion!
H: Horas ma dihamu sude Parhaladonami.
U: Tama hita mandok mauliate sian nasa roha ala pangaramotion dohot pasupasu ni
Debata na tongtong tapanghilalahon sahat tu tingki on. Diudut do ngolunta jala basa
do IbaNa sumarihon nasa na ringkot dihita. IbaNa do mamasumasu huhut mangalehon
gogo tu hita mangula ulaonta na marragam i, ima di na martani, martigatiga,
marsingkola, karejo di kantor, guru, pensiunan dohot angka na asing. Ibana do mual ni
sude angka na denggan gabe tahatindanghon saluhutna na adong dihita marharoroan
sian Ibana. Alani i, di Pesta Gotilon sadarion marlas ni roha ma hita laho mamaritahon
sude pambahenan ni Tuhanta,nunga dipasupasu Debata hauma na taulai sian na
manabur boni sahat tu gotilon. Alani I tama Pujionta Debata dibagasan ngolunta on.
marende ma hita : (huhut ma hundul parhalado tu hundulanna ganup, tinggal ma
paragenda)
01. Marende BE No. 9 : 1-3 “ Hupuji Holong Ni RohaMu “ BL. 110
♫ Hupuji holong ni rohaMu, O Tuhan Jesus, Rajangki. Tu Ho hulehon ma tondingku, ai
ido pinangidoMi. Huhalupahonma diringku, mamingkir holong ni roha…Mu.
♫ Sai dilului Ho do ahu, au pe huhalungunhon Ho. Ditaiti rohaMi rohangku, dibahen i
hulehon do. Dipillit Ho hian tondingku, ipe hutodo Ho Tuhanku.
== m u s I k == (Jongjong)
♫ Huhilala ingkon marTuhan, ingkon mangolu au di Ho. Ndang jumpang au be
hangoluan aut unang dipatupa Ho. Sai Ho do paradiananku, sai gok di Ho nama
langkangku.
02. Votum- Introitus- Tangiang :
U : Marhitehite Goar ni Debata Ama dohot Goar ni AnakNa Tuhan Jesus Kristus dohot
Goar ni Tondi Parbadia na manompa langit dohot tano on.
H : Amen!
U : Songon on do Hata ni Tuhan Jesus : Martua ma angka na mauas male mida hatigoran,
ai pabosuron do nasida. Martua ma angka na ias tondi, ai idaonnasida do Debata, H a
leluya
H : [mangendehon) : (H a l e l u y a--------H a l e l u y a--------H a l e l u ……..y a)
U : Martangiang ma hita : Ale Tuhan Debata, Parasiroha na sumurung! Mauliate ma
rohanami tu Ho, ala dijou Ho hami tu panghirimon di hangoluan saleleng ni lelengna.
Sai lehon ma TondiM tu rohanami, asa margogo hami mangalo hisaphisap ni rohanami
jala asa hulului hami, angka na di banua ginjang i. Pargogoi ma hami manaluhon
saluhut na naeng mangambat hami tu hasonangan. Sai paganda haporseaon,
panghirimon dohot pamompomon ni rohanami, asa monang hair o di ujungna, laho
 manjalo tumpal I hami di joloM ala ni AnakMu, Tuhan Jesus sipangolu i. Amen.
[hundul]
03. Marende BE No. 760 : 1 “Jesus do AleAlengku“ BL. 760
♫ Jesus do alealengku soada tudosni, aleale na sumurung i di au. Hasoloan ni rohangku,
Tuhan haposanhi, Sipalua na mamorsan dosangki. Na mangapuli ahu di sitaononhi,
mangurupi au di hagogotan i. Jesus do alealenghu soada tudosni, aleale na sumurung i di
au.
04. Patik ni Debata :
U : Tangihon hamu ma Patik ni Debata di Minggunta sadarion, ima Patik Pasampuluhon
dohot lapatanna. Patik Pasampuluhon, Ndang jadi haliangan ni roham bagas ni
donganmu, ndang jadi haliangan ni roham dongan saripe ni donganmu, manang
naposona baoa manang naposona boruboru manang lombuna manang hodana,
manang di ape ugasan ni donganmu. Dia do lapatanni I on do: Ingkon dihabiari
rohanta Debata jala ingkon holong rohanta di Ibana, asa unang hita olo marangkal
mangarohai ugasan ni dongan jolma dohot ugasan tinadinghon ni ompuna, siurupan
do nasida mangaramoti nasa ugasanna. Angkup ni I ndang jadi bolabolaonta pardihuta
ni dongan jolma manang naposona pe, siapoan do nasida jala sidasdason
mandapothon ulaonna hian. Ima sahatna. Antong rap mangido gogo ma hita tu
adopan ni Debata :
H : Ale Tuhan Debata! Sai pargogoi ma hami mangulahon na hombar tu PatikMi. Amen
05. KOOR : REMAJA NAPOSOBULUNG
06. Marende BE No.162 : 1+3 “O Debata Mansai Balga“ BL. 27
♫ O Debata mansai balga huhut dokdok dosangku. Na so adong di tano on na tau
haporusanhu
♫ [jongjong] Ipe tu Ho nama au ro, sai unang tulak ahu. Paombun ma, O Debata,
rimasMu mida ahu.
07. Manopoti Dosa.
U : Tatopoti ma dosanta na godang i tu adopan ni Debata martangiang ma hita : Ale
Tuhan Debata, Amanami, Pargogo na so hatudosan, Parasiroha mida hami na dangol
on! Na ro do hami tu joloM manopoti dosanami na godang i. Dibagasan hajahaton do
hami tubu jala ndang adong haporseaon di bagasan rohanami hian, saluhut do hami
manimbil sian angka dalanMu. Mansai godang do pangalaosionnami di PatikMu. Alai
ingot ma hami, ale Tuhan, ala ni denggan nibasaM dohot asi ni rohaM. Sai unang
paingotingot angka dosa ni haposoonnami dohot pangalaosionnami: Sai ingot ma hami
hombar tu asi ni rohaM dohot denggan ni basaM ala ni GoarMu. Ale Tuhan Jesus,
marpamuati ma rohaM di dosanami na godang i. Amen.
♫ musik angonangon------------------musik angonangon♫
U : Tabege ma bagabaga ni Debata taringot tu hasesaan ni dosanta : Songon on do hata
ni Tuhan Jahowa : Nunga pola hupasisi angka pangalaosiM songon ombun, jala
songon ombun manorop angka dosam. Sai mulak ma ho tu Ahu, ai Ahu do sipalua ho..
Hasangapon ma di Debata na di ginjang.
U+H : Amen! [hundul]
08. KOOR PUNGUAN INA
09. Marende BE No. 273:1+4 “Jesus Tuhanhu Rajai Ma Au“ BL. 240A
♫ Jesus Tuhanhu. Rajai ma au on, asa mangihut tu Ho au tongtong. Topot rohangku
ingani ma I, unang be masuk na asing tu si.Jesus, pasonang rohangku tongtong, asa
marguru tu Ho au tongtong.
♫♫ Na marhaposan tu Jesus tahe, sai na martua ibana muse. Na marsigantung tu Jesus
tutu, jala marroha na bonar burju. Sonang Ibana diportibion, sonang nang sogot di surgo
tongon..
10. Epistel
U : Hata ni Debata turpuk Epistel di Minggu sadarion, ima na tarsurat di Psalmen 146 : 1-
10: Tabukka be ma bibelta, tajaha ma marsikkatsorin : Haleluya! Ale tondingku, puji
ma Jahowa!
H : Pujionhu ma Jahowa saleleng ahu mangolu, sai endehononhu do Debatangku saleleng
adong dope au.
U : Unang marhaposan hamu tu angka pangarajai, tu anak ni jolma, na so umpeop
panumpahion di bagasan ibana.
H : Ia ruar sogot tondina I, mulak ma ibana tu tanona, di ari na sasada I pesan ma sude
angka sangkapsangkapna i.
U : Martua ma manang ise, na mambahen Debata ni si Jakob pangurupina,
marpanghirimon ibana di Jahowa Debatana.
H : Sitompa langit dohot tano on dohot laut ro di isina sudena, siingot hasintongan ro di
salelenglelengna.
U : Sipatingkos uhum tu angka na nirupa, silehon sipanganon tu angka na male, Jahowa
mangharhari angka na tarrante.
H : Jahowa patonggor mata ni angka na mapitung, Jahowa pahehe angka na tungki,
Jahowa manghaholongi angka partigor
U : Jahowa mangaramoti halak na buro, Ibana margogoihon angka na sopot so marama so
marina dohot angka na mabalu, jala dipalipe ianggo dalan ni angka parjahat.
H : Jahowa do raja ro di salelenglelengna, Debatami, ale Sion, marsundutsundut do.
Haleluya.
U : Ido sahatna. Martua ma halak na manangihon Hata ni Debata jala na umpeopsa.
Amen!
11. Marende BE No.753: 1+3 “Di Pardalanan Jesus Di Jolongku” BL. 753
♫ Dipardalanan Jesus di jolongku Holongni tanganMi manogu au. Nang di
ngolungku Ho do sombaonhu, tung sonang mardalan raphon Ho. Huboto do
tangkas panoguonMu, diiringiring Ho do langkangki. Sahat ro di ujungni
pardalanhu, togu ma au jonok tu lambungMi.
♫♫(jongjong) Patogu ma Tuhan haporseaonhu, asa polin tu Ho manghirim au. Tu
surgo I patulus pardalanhu, TondiMi maringan ma di au. Huboto do tangkas
panoguonMu, diiringiring Ho do langkangki. Sahat ro di ujungni pardalanhu, togu ma
au jonok tu lambungMi ..
12. Manghatindanghon Haporseaon.
U : Tahatindanghon ma haporseaonta i songon na hinatindanghon ni donganta
sahaporseaon di sandok portibi on, rap ma hita mandok :
U+H : Ahu porsea di Debata Jahowa---------du (Hundul)
13. KOOR MANNEN HABINSARAN
14. TINGTING HURIA – TANGIANG PANGONDIANON
15. ACARA PASAHATHON HADIAH TU ANGKA JUARA-JUARA KELAS SIAN
TINGKAT SD SAHAT TU SMA/SEDERAJAT. (Diaturhonma ma Parjongjongna)
16. Marende BE No.749 :1--‘Songon Sorha ni Padati” BL.749 [Pelean Ia, Ib]
♫ Songon sorha ni padati do ngolu ni jolma i. Ari on marlas ni roha ala pangomoan i.
Hape ro ma sorimago na manosak roha i. Hapogoson boi do songgop, ise pangaluan
i? Tatapma halibutongan dungkon salpu udan I, padan holong ni rohaNa di sude na
jolma i.
♫♫ Molo ro pe halisungsung, holom humaliang ho. Pos roham ndang dipasombu sai
paluaonNa ho. Molo manariur langit, tung uli idaon i. Tanda holong ni rohaNa di na
tinompaNa i..Tatapma halibutongan dungkon salpu udan I, padan holong ni rohaNa di
sude na jolma i.
===== H o l a n m u s I k ===
 ♫♫♫ So tung pola ho mandele, unang biahaton ho. Hehe ho hatop langkahon, ingot
padan na tu ho. Haholongon do Tuhanmu, ima mangapuli ho. BahenonNa ho
martua, asal ma porsea ho. Tatapma halibutongan dungkon salpu udan I, padan
holong ni rohaNa di sude na jolma i
17. Jamita : 1 Timoteus 6: 6-9 (Pandita Resort)
18. Marende BE No. 746 :1--“Sabam Ma ho” BL. 746 [Pelean II]
♫ Sabam ma ho, sabam ma ho tondingku, benget ma ho mamorsan silangmi. Pir ma
tondim, satia do TuhanMu Ibana do patogu langkami. Nangpe rahis, ,maol
sidalananmu, tulus do I baenonni Tuhanmi
. ♫♫Sabam ma ho, sabam ma ho tondingku, tu Tuhan I tingganghon holsomi. Tongtong do
ho disarihon Tuhanmu, benget ma ho di parungkilonmi. Sai hot ma ho manghirim di
Tuhanmu, monang do ho di paraloanmi.
=== h o l a n m u s I k =====
♫♫♫Sabam ma ho, sabam ma ho tondingku, satongkin on so do galumbang i. Marujung do
na hansit taononmu, pos rohami donok do Tuhan i. Tuhanmu do parade ingananmu, di
surgo I huta na sonang i.
19. Acara Pesta Gotilon Pasahat Silua, Pasahat Tandok Marisi Eme dohot Amplop
(Diparade ma inganan ni amplop, ingananni Silua dohot goni ingananni boras, jongjongma
sude Parhalado mangadop tu Ruas)
U : Huria ni Tuhanta, naeng pasahatonta ma tu Debata marhite huriaNa deba sian angka
parbue ni na taula sian haumanta be,dohot angka silua las ni roha ala pasupasu ni
Debata na mandongani ulaonta diombas manabur, mangula sahat tu na manggotil.
H : Antong marolopolop jala marlas ni roha ma hamu ale angka anak ni Sion mida Jahowa,
Debatamuna i!
U : Ai Ibana mangalehon tu hamu udan panaburon bahen pamintorion, jala dipatuat tu
hamu udan tipotipo, udan panaburan dohot udan gotilon patumonaan.
H : Jadi tambun ma eme di angka pardegean, jala binsat angka pangilangan sian anggur
dohot miak.
U : Alani I tahaposi ma Debata, na buas mangalehon tu hita saluhut sihalashononta.
Pasahat hamu ma tu Debata, sian roha mandok mauliate unang ma mardongan muruk
manang na so tarjua.
 Marende No. 848:1…. ( Huhut Pasahat Silua)
= Parjolo ma Sikola Minggu, dung i Remaja/Naposo dohot Ama marhite Amplop diuduti ruas
ina pasahat ganup siluana tu jolo.
20. Marende BE N0. 463: 1 “PasupasuM TongosonMu”BL. 312 “Laos Jongjong sude”
♫ PasupasuM tongosonMu, ido didok hataMi. Suru tondiM na badia, bosur ma baen
rohangki. HagogoonMu songgop ma tu rohangkon. Unang sai holan manetek, gohi
sandok diringkon
21. Tatangianghon ma peleanta tu adopan ni Debata !
22. Tangiang Ale Amanami Pasupasu ---------Amen---------Amen--------Amen
II. Acara Ndung Simpul Minggu : ACARA LELANG , Rap Marsipanganon….

SELAMAT HARI
MINGGU HORAS