KELOMPOK VI

ACARA PARTANGIANGAN MAMASUHI BAGAS

I. Acara di Alaman
01. Marende BE. No. 18 : 2 “Ungkap bahal na umuli”
 Nunga ro au, o Tuhanku, ro ma Ho tu au muse, ai di bagas ingananMu las ni roha
do sude; Sai bongoti rohangkon baen ma joromi dison.
02. Mangungkap Bagas:
Tukang pasahat kunci ni bagas tu Keluarga, dung i, Keluarga (huhut pasahat kunci ni
bagas tu Pandita), mandok:
Hupasahat hami ma kunci ni bagas on tu hamu Amang Panditanami. Sian roha
na hibul, hami Keluarga ............./ Br..........mandok mauliate tu Debata
Pardenggan Basa i, boi sidung dohot dimpos bagas na naeng huingani hami on,
na naeng masuhanta. Onpe amang Panditanami, ungkap hamu ma pintu ni bagas
on, asa masuk hita saluhutna manghalashon pasupasu ni Debata tu
keluarganami on.
Pandita :
Marhitehite Goar ni Debata Ama dohot Goar ni AnakNa Tuhan Jesus Kristus dohot
Goar ni Tondi Parbadia, Huungkap ma bagas on, Amen.
Antong bongot ma hita, sai donganan ni Debata ma sude keluarga na mangingani bagas on.
Pengguntingan Pita:
(Menggunting Pita, dung i mambuka pintu laos masuk tu bagas na imbaru laho patupahon
kebaktian).
II. Acara Kebaktian
Martangiang na hohom.
01. Marende BE.No. 565 : 1 – 2 “Las Rohangku Lao Mamuji “
♫ Las rohangku lao mamuji Debata Parholong i, songon bunga na mangerbang di
na binsar ari i. Arsak, dosa, haporsuhon mago dibaen asiMi, las ni roha na
manongtong lehon di au Tuhanki.
♫ Sude jadijadianMu, laut, tano, langit i, angka bintang dohot bulan nang mata ni
ari i. Hauma, ladang, nang harangan, rura dohot dolok i, saluhut na mangendehon
sangap di Tuhanta i.

02. Votum – Introitus : (P = Uluan ; H = Ruas)

U: Marhitehite Goar ni Debata Ama, dohot Goar ni anakNa Tuhan Jesus Kristus
dohot Tondi Porbadia, amen.
S: Ari on do na jinadihon ni Debata Jahowa, marolopolop jala marlas ni roha ma
hita. Olophon hamu ma Jahowa ale sandok tano on, ro be ma hamu tu jolona
marhite olopolop.
U: Dapotan tua do pangisi ni bagas on sadarion, ai pinompar ni si Abraham do
nang ibana.
S: Iale Jahowa, sai manumpak ma Ho, Iale Jahowa, sai Ho ma mambahen
manjadi. Diparade Ho do na ringkot na tau hangoluannami, diramoti Ho do hami di
angka ulaon siganupari.
Uluan : Songonima di ari sadari on, boi marlas ni roha hami mamasuhi bagas ni Keluarga
ni amanami ............ dohot Inanami..........rap dohot sude keluarga na huhaholongi hami
jala na dihaholongi Ho Tuhan.
Hasuhuton: Sai pasupasuma bagas on gabe bagas pangalapan gogo dohot pangalapan
pasupasu sian Ho. Jala gabe bagas parsaoran, bagas partangiangan mamuji Ho ma
bagas on. Sai pasupasu ma na bongot dohot na ruar sian bagas on. Sai pasupasuma na
mian dibagas on arian dohot borngin. Hupasahat hami pangidoannami on Marhite goar
ni AnakMu Tuhan Jesus Kristus Tuhannami.
Uluan: Martangiang ma hita, Mauliate dipasahat rohanami tu Ho ale Debata
Amanami, ala asi ni rohaM na mandongani jala mangaramoti daging tondinami.
Diloas Ho do jongjong bagas on, sian na mamungka sahat ro di namasuhi. Ale
Tuhan ramoti jala horasi ma hami lumobi hasuhutonnami, asa gabe inganan
hadameon bagas on dohot sude na bogot tuson. Hupangke hami ma bagas on tu
angka ulaon na tama na mamboan hasangapon di GoarMu, dibagasan Tuhan
Jesus Kristus Tuhannami
Sude : amen.
03. Marende Huria No 227 : 1 “Jesus Ngolu Ni Tondingku”
♫ Jesus ngolu ni tondingku, Ho do haporusanki.
Gok di Ho nama diringku ro di nasa langkangki.
04. Manjaha Hata ni Debata, Psalm 128 : 1 – 6
P : Martuama ganup na manghabiari Jahowa, na marparange di angka dalannai.
H : Sai panganonmu do na niula ni tanganmu, martua ma ho sonang.
P : Tudoshon hau anggur na marparbue do ianggo jolmam dibagasan bilut ni angka
jabum.
H : Tudoshon tunas ni hau Jetun do angka anakmu humaliang mejam.
P : Ida ma, sai songoni do tongon dapotan pasupasu baoa, na manghabiari Jahowa.
H : Sai pasupasuon ni Jahowa ma ho sian Sion, asa paidaidaonmu hinadenggan ni
Jerusalem ganup ari saleleng ho mangolu.
P : Jala ingkon idaonmu do angka pahompum tubu ni anakmu. Hasonangan ma
songgop tu Israel. I do sahatna, martuama angka na tumangihon, manjaha hata ni
Debata jala na umpeopsa.
P+H : Amen

Marende BE.No. 763 ”Molo Jesus Donganmi”

05.
♫ Molo Jesus donganmi las roham, Jesus i pangurupim las roham. Hot
haporseaonmi dohot pos ni rohami mardonganhon Jesus i las roham. Ref: Las
roham, las roham mardonganhon Jesus i las roham. Marsinondang ma di ho
bintang panghirimon i mardonganhon Jesus i las roham.
 06. Responsoria: Pangidoan Tu Jahowa Debata
Uluan : Ale Jahowa, sai Ho do haporusannami marsundutsundut.
Hasuhuton : Sai manatap do matangku dompak Ho, Ale na marhabangsa di
banua ginjang.
Hulahula : Molo so Jahowa paulihon sada bagas, loja sambing do angka na
mamandei.
Uluan : Songon panghalungunhon ni ursa di angka guluan, songon I do
panghalunhon ni tondingku tu Ho, ale Debata.
Hulahula : Tudoshon situak ni loba do panghataion na lambok, tonggi tu roha,
jala hahisaron tu holiholi.
Dongan Tubu/ Dongan sahuta: Sai pasonggop ma tu pangisi ni bagas on:” Alus na
lambok na paombun rimas” alai pasiding ma sian nasida:”Alus na
koras na mambahen marsijongjong ateate”.
Hasuhuton : Sai ajari ma hami mangulahon lomo ni rohaM, ai Ho do
Debatangku, Tondim na badiai ma manogihon au tu dalan na hornop.
Boru :Godang ma tongon na binahen ni Jahowa tu hita, jadi marlas ni roha
ma hita.
Uluan :Sai jumolo ma lului hamu harajaon ni Debata dohot hatigoranna,
dungi tambahononna do sude angka ondeng tu hamu.
Hulahula :Biar mida Jahowa do parmulaan ni hapistaran, jala parbinotoan ni
angka na badia do hapantasonna.
Dongan Tubu/Dongan sahuta: Pasupasu ni Jahowa do mambahen mamora, jala
ndang mardongan hangaluton di bahen.
Boru :Di bahen i nunga tung hutanda, ndang adong na dumenggan di
nasida, nda na marlas ni roha mambahen na denggan saleleng di
ngoluna.
Hasuhuton : Anggo ahu dohot donganku sajabu, Sai Jahowa do oloannami.
Uluan:
Antong ramoti ma dirim, asa unang lupa roham di Jahowa, Debatam, gabe ndang
diradoti ho angka tonana i, uhumna dohot aturanna, angka na hutonahon i tu ho
sadarion. Asa unang ia dung mangan ho jala bosuran, jala dipauli ho angka bagas na
uli diingani ho. Tole lombum dohot birubirum lam sinur do jala ganda perak dohot
sere di ho, ganda huhut saluhut na di ho. Hape lam dipaginjang ho roham jala lupa ho
di Jahowa Debatam, na manogihon ho ruar sian tano Misir, sian bagas
parhatobanan.Ibana manogunogu ho di halongonan na bolon jala na jorbut, inganan
ni ulok tulung api dohot naga dohot hala, tano hasang huhut na so marisi aek; Ibana
tahe paruarhon di ho aek sian dolok batu na pir sahali.Ibana mangalehon ho mangan
Manna di halongonan, na so tinanda ni angka ompum, asa Ibana paserep roham
dohot mangunjuni ho, asa marhasonangan ho bahenonna di ujung.
Asa unang dohononmu di bagasan roham: Gogongku sandiri dohot huaso ni
tanganku mangomo di ahu hamoraon on Ingkon paingotingoton ni roham tahe
Jahowa, Debatam, ai Ibana do na mangalehon gogo tu ho mangomo angka arta i, asa
pahothon padanna naung niuarihonna tu angka ompum, songon na andar
sadarion.Alai tung sura lupa roham di Jahowa, Debatam, jala diihuthon ho angka
Debata sileban huhut mangoloi jala marsomba tusi, hatindangkononku hian ma tu
hamu sadarion, ingkon mago situtu hamu. Songon bangso parbegu, angka naung
niago ni Jahowa maradophon hamu, suang songon i hamu mago, ala so ditangihon
hamu soara ni Jahowa, Debatamuna i.
Sude :Hasangapon ma di Debata Amanta, Anakna Tuhan Jesus Kristus dohot
Tondi Porbadia, sian mula ni mulana, nuaeng nang ro di saleleng ni lelengna.
Amen.
07. Marende Huria No 691 :1 “Hupasahat Ma Tu Jesus”
♫ Hupasahatma tu Jesus saluhutna ngolungki, roha nang pambahenanku saluhutna
tingkingki. Hupasahatma tu Jesus saluhutna diringki, hupasahat ma tu Jesus
saluhutna ngolungki.
08. Tangiang Pangondianon
 Hulahula (.............)
09. Marende BE: No. 743: 2 “ O Tuhan Togutogu Ma Au”
♫ Panghulingi ma au O Tuhan, na rade tumangihon hataM.
Sai tumpahi ruasMu Tuhan, na uasan nuaeng di hataM. Sai patau ma au on
naposoM, manjou halak na dao sian Ho. Ro di na so tumanda Ho, muba gabe
pangoloi di Ho.
10. Renungan Oleh: ( Psalmem 127 :1 ; Josua 24 : 15c ;Lukas 19 ; 9)

11. Marende No. 672 : 1 – 3 ” Tung Godang Situtu” (Papungu Pelean)

 Tung godang situtu ulaonmu antong dipasahat Tuhanta tu Ho. Ndang adong be
tingkim marnalemba tahe, ngolumi bahen tiruan tongtong. Sai patupa ma i ala ni
Tuhan i so manghirim balosna tu Ho. Debata do marnida naniulami, manang na
adong parbue ni i.
 Ai lambok do soara ni Tuhanta i, Ro ma ho las ma nang rohami. Sai taingot
tongtong hata ni Tuhan i mangarahon jolma tu Tuhan i. Sai patupa ma i ala ni
Tuhan i so manghirim balosna tu Ho. Debata do marnida naniulami, manang na
adong parbue ni i.
 Ala nii boan ma sondang na tiur i, boan ma hata ni Tuhan i. Sai urupi na pogos, na
mardangol i asa ro tu Jesus Tuhanta i. Sai patupa ma i ala ni Tuhan i so manghirim
balosna tu Ho. Debata do marnida naniulami, manang na adong parbue ni i.
12. Tangiang Panutup/Pasupasu:
III. Acara na mangihut dipasahat ma tu hasuhuton.
Ibadah Syukur Di Tingki Pangkangkungion ( Ibadah Syukur Naik Sidi)

1. Marende BE. No. 149:1-2 HO TONGTONG IHUTHONONKU

Ho tongtong ihuthononku Jesus Sipangolu au,
Tung na so tadingkononku, Ho na paluahon au
Sian sasude dosangku, dohot sian uhum i,
Na tongtong habiaranku, ala pardosaonki.

Tung di dia jumpang ahu, Tuhan sada songon Ho,

Na manogunogu ahu, tu na sonang songon Ho?
 Naung ditaon Ho hamatean, lao humophop tondingki
Asa masuk au manean, tohap na sumurung i.

2. VOTUM - TANGIANG
P: Marhitehite Goar ni Debata Ama dohot Goar AnakNa Tuhan Jesus Kristus dohot
Goar ni
Tondi Parbadia,
J: Amen
P: HataMi do sulusulu ni patnami jala hatiuron di dalannami
J: Sai martua do angka halak na umbege hataNa jala na umpeopsa!
P: Jala manang ise na manguluhon jala marsihohot di hata ni Debata, sai na
maruntung do di
angka sidalananna
J: Jala nasa Surat i sinihathon ni Debata do i, na mamodai, maminsang dohot
manogunogu jala
tu hatigoran
P: Jala Hata Ni Debata do hangolua dohot haluaon na angka na porsea,
MARTANGIANG MA
HITA.

3. Marende BE. No. 238 :1 & 3 IHUTHON AU SUDE HAMU

Ihuthon au sude hamu, didok Tuhanta Jesus, Sai soadahon dirimu, hatangku ma
patulus
Alai bolongkon ma sude, parulanmu na so ture

Hupatuduhon di hamu, sipasidingonmuna, Sude geduk ni rohamu, sipaubaonmuna

Ai naeng ias ma tondimu, di na lao suda bohalmu

4. Renungan : (Psalm 119:105 , Josua 1:9, Rom 10:17)

5. Marende BE No. 695 : 1+3 JESUS TUHANKU DI HO MA AU ON"

Jesus Tuhanku di Ho ma au on, Asa mangihut tu Ho au tongtong, Gohi rohangku
ingani au on.
Sonang di Ho tongtong, O Tuhan togu ma au. O Tuhan togu togu ma au, Gohi
rohangku ingani
au on, Sonang di Ho tongtong

Nang pe mangonggop sibolis di au, Jala magigi musungku di au,

Ndada mabiar au pos rohangki, Ho pangondianhi, Jesus pangondianki, Jesus
Tuhan
 pangondianhi, Ndada mabiar au, pos rohangki, Ho pangondianhi.

6. Tangiang Pangondiangon

7. Marende BE No. 706 (papungu pelean) GODANG NI PASU-PASU I

Godang ni pasu-pasu i, dilehon Tuhanki, Tarlobi asi-asiMi, marhite anakMi.
Jaloma pujianki, Jesus Sipalua i, Boi au bongot tu surgo i, Marnida hasangaponMi.

Tondong nang ale-ale i, palashon rohangki, Alai na umuli i, boi au anakMi

Jaloma pujianki, Jesus Sipalua i, Boi au bongot tu surgo i, Marnida hasangaponMi.

8. Tangiang Penutup