ACARA IBADAH NATAL

PANGULA NA GOK TINGKI & KELUARGA

HKBP DISTRIK XII-TANAH ALAS

TEMA NATAL :
“Jadi sian dalan nasing nama nasida mulak tu luatnasida”
(Mateus 2:12 b)
(Maka pulanglah mereka ke negerinya melalui jalan lain) (Matius 2:12)

Jumat, 02 Desember 2022

Di HKBP Lawe Perbunga

1
 PANGULA NA GOK TINGKI & KELUARGA
HKBP DISTRIK XII-TANAH ALAS

Pangaradeon : Sude Parhobas asa marpungu dibilik parhobasan laho

mamungka ibadah Natal

01. PAMUHAI :
U : Huria ni Debata na Hinaholongan ni Tuhanta Jesus Kristus, parjolo
hupasahat hami ma tabe tu hita sude Pangula na gok Tingki dohot
keluarga : Salam Advent jala Selamat Natal ma di hita saluhutna.
R : Salam Advent dohot Selamat Natal ma tutu.
U : Tongon na mangarade do hita laho manghalashon parningotan ari
hatutubu ni Tuhan Jesus, huhut laos manomunomu di haroroNa na
paduahalihon i.
R : Ho do ale Jahowa, dihalungunhon rohangku. Ale Debatangku,
marhaposan tu Ho do ahu.
U : Alai anggo Ibana, denggan do saluhutna dibahen ditingki halehetanna.
R : Antong, tapangido ma tu Ibana Pardengganbasa I asa dipatongtong
haporseaonta manghaposi Ibana huhut benget nirohanta manomunomu
Kristus sipalua i.
U : Sai dihalomohon Ibana ma angka pamujion nang parendeonta. Marende
ma hita.

02. Marende B.E No.45:1-3 “Hosianna Anak ni Raja David”

1. Hosianna Anak ni, Raja David ro tu hita. Baen ture dalanna i, asa bongot tu
rohanta. Baen ma gabagaba i, di Tuhanta na ro i.
2. Hosianna ro ma Ho, tu bagasan rohanami; Na manomunomu Ho, ale Jesus
Tuhannami. Las do rohanami i, molo bongot Ho tusi
…………………..orgen……………… ayat 3. jongjong
3. Hosianna Raja ni Hadameon Ulubalang, Nasa na binoanMi Dame dohot
hasonangan Hami na hinophoMi Di nampuna i sude

2
03. VOTUM – INTROITUS – TANGIANG:
U : Marhitehite Goar ni Debata Ama, dohot Goar ni AnakNa Tuhan Jesus
Kristus, dohot Goar ni Tondi Porbadia na tumompa langit dohot tano on.
Amen. Marolopolop ma ho jala marlas ni roha, ale boru Sion, ai ida ma, na
ro ma Ahu maringanan di tongatongam i, ninna Jahowa. Haleluya!.
R : Haleluya!.
U : Martangiang ma hita : Ale Tuhan Debata, Pargogo na so hatudosan, na
tumompa langit dohot tano, hinorhon ni asi ni rohaM do umbahen sahat
hami Pangula na gok tingki dohot Keluarga HKBP distrik XII-Tanah Alas on
tolhas tu Minggu Advent on, huhut laos mamestahon parningotan ari
hatutubu ni AnakMu Jesus Kristus Tuhannami. On pe, na marpungu do
hami dison manomunomu haroroMi, alani ro ma Ho Tuhan na mamboan
dame, las ni roha nang hatuaon i. Topot ma hami asa mangolu jala malua
hami sian hadosaon i. Unang pasombu hami digomgoman dosa dohot rante
hamatean i. Alani Marmulia jala marsangap ma Ho sian sude nasa na adong
diportibion. Tangihon tangiangnami on na hupasahat hami tu joloM
marhitehite Jesus Kristus Sipalua i. Amen (Hundul)
04. Marende BE No. 592:1-2 “Hosianna Di Anak ni Raja Daud”
1. Hosianna di Anak ni Raja Daud partigor jala parmonang
Marsurak ma ho boru Sion Rajam manopot ho.
Amen haleluya! Puji, tasomba Raja na sian surgo i.
Puji ma goarNa Raja si parmonang
Ameng haleluya puji, tasomba Raja ni hadameon i.
2. Hosianna di Anak ni Raja Daud na ro lao mamboan dame
Na lambok, na serep roha I hosianna ma di ginjang
Amen, halleluya……….
05. E P I S T E L :
U : Hata ni Debata turpuk sijahaon diperayaan Advent, manang natal di
tingkion dienet do sian Lukas 12: 35 – 40, Sai hohos ma gontingmuna,
jala galak ma palitomuna!

3
 R : Jala suman ma hamu tu jolma na paipaimahon indukna, di na ro
muli ibana sian parunjuhan, asa mamintor diungkap di ibana, di
harorona manuktuhi.
U : Martua ma angka anak somang i, na dungo dapoton ni indukna di
harorona i! Na sintong do hatangKon tu hamu: Hohoshononna ma
ulosna, pajuguhonna ma nasida; ibana ma jongjong marhobasi di nasida.
R : Martua ma nasida, anggo songon i nasida didapot, manang na ro
ibana di paduanghaebornginhon manang di
patolunghaebornginhon.
U : Alai tanda hamu ma on: Aut diboto nampuna jabu, manang di pungkul
piga tagamon ro panangko, dungo ma ibana, ndang loasonna ibana
manursari ugasanna.
R : Hamu pe, gabe hobas ma, ai na ro do Anak ni Jolma i di tingki na so
panagamanmuna!
U : I do sahatna: Martua ma angka na tumangihon Hata ni Debata jala na
umpeopsa. Amen.

06. Marende B.E No.610:1 “Pasangap ma”

1. Pasangap ma, Pasangap ma, Debatanta na di ginjang. Dame ni Tuhan saor
tu hita angka jolma halomoanNa. Pasangap ma Debatanta, pasangap ma
Debatanta. Dame ni Tuhan, saor tu hita, dame ni Tuhan saor tu hita
Angka jolma, angka jolma halomoanNa, angka jolma halomoanNa,
HalomoanNa. Pasangap ma ! Pasangap Ma ! Debatanta, Debatanta na di
ginjang. Dame ni Tuhan, saor tu hita angka jolma HalomoanNa. Amen,
Amen.

07. Liturgi I : PRAESES & KELUARGA + SEKRETARIAT DISTRIK

Narasi : Ise do na manompa hita?....Debata do goarNa, jala Ibana muse
do na manompa langit dohot tano on. Nuaeng tabege ma “boha do
Debata manompa nasa na adong i : 1). 1 Musa 1:1-2 2). 1 Musa
1:3-4 3). 1 Musa 1:4

4
08. Marende B.E No.614:1 “Ro ma Ho tu au”
1. Ro ma Ho tu au O Jesus Tuhanki, Sian banua ginjang tu rohangki,
Ro ma Ho tu au O Tuhan Sipalua I, Dame binoanMu ndang
natarasam I, O Tuhanki.

09. Koor : Gabungan Pangula na gok tingki dohot Keluarga

10. Liturgi II : HKBP Ressort Kutacane

Narasi :Tabege ma muse liturgi udut ni panompaon ni Debata na
manompa langi, tano dohot ro di isina ;
1). 1 Musa 1:6-7 2). 1 Musa 1:8-9 3). 1 Musa 1:10-12 4). 1 Musa
1:11-12 5).1 Musa 1: 13-14 6).1 Musa 1:15-16 7).1 Musa
1:17-18 8).1 Musa 1:19-20 9).1 Musa 1: 21-22, 10). 1 Musa
1:23-24 11). 1 Musa 1:45-26

11. Vocal group : HKBP Ressort Lau Baleng

12. Liturgi III : HKBP Ressort Lawe Sigalagala

Narasi : Uli jala denggan do sude saluhut dijadihon Debata, ndang
adong na hurang dipanompaon i. Singkop jala rade do sude diparade
Debata angka na ringkot i. Alai atik pe songon i anggo diroha ni angka
tompaan I sai na hurang do. Ujung na madabu ma jolma I tu bangasan
dosa:
1). 1 Musa 3:1 2). 1 Musa 3:2-3 3).1 Musa 3:4-5 4). 1 Musa
3:6-7 5). 1 Musa 3: 17 6). 1 Musa 3: 19-20
7). 1 Musa 3:21

13. Marende B.E. No. 612:1 – 2 “Sai paherbang ma habongmu”

1. Sai paherbang ma habongmu angka pardisurgo I, Baritahon
nunga tubu Sipalua jolma i. Beta hita lao manomba Raja Sipalua i.
2. O parmahan na manjaga dorbia di Efrata, Nunga dame hita jolma
saor dohot Debata.Beta hita………d.u.

14. Pujian Duet : Iren don Joice

5
15. Liturgi IV : HKBP Ressort Lawe Disky
Narasi : Upa ni dosa ima hamatean, jala molo so muba roha ni jolma
sian dosana ingkon uhumon jala rimasan ni Debata do jolma I, Alai
atik pe songon i, sai didatdati jolma I do mangulahon dosa:
1). Jes 59:3-4 2). Jes 59:7-8 3). Psalm 107:17-18
4). Psalm 107:26-27 5).Psalm 107:33-34 6). Psalm 107:39
7).Psalm 103:40

16. Marende B.E No.615:1-2 “Tarbege suru-suruan”

1. Tarbege surusuruan marende mansai uli. Angka dolok dohot rura,
gok do saringar na i. Sangap ma sangap ma di Tuhan
sangap ma sangap ma di Tuhan.
2. Las roham ale parmahan, nunga tubu Kristus i, Rap marende ma
hamuna, psangaphon Raja i. Sangap ma……

17. Liturgi V : HKBP Ressort NSS

Narasi : Ndang dipasombu Debata angka jolma i mago binahen ni
dosana i. ai ninna do “ndang lomo rohangku mida hamatean ni
parjahat I, alai hamumulak ni parjahat I do tumadingkon dalanna asa
mangolu ibana”. Nuaeng begeonta ma songon dia asi ni roha ni Debata
mida angka pardosa.
1). Jes 1 :18 2). Jes 1:19 3). Jes 4:2 4). 4). Jes 4:3 5). Jes 54:7
6). Jes 54: 8 7). Psalm 103:2 8).Psalm 103 : 3 9).Psalm 103:4
10). Psalm 103:11 11). Psalm 103 : 12 12). Psalm 103: 13

18. Vocal group :

19. Liturgi VI : HKBP Ressort Maranti

Narasi : Ndang margogo jala so marhuaso jolma paluahon dirina sian
dosa na. Holan marhite basabasa, asi ni roha ni Debata do umbahen asa
malua hita sian dosa, dohot panghophopon Jesus Kristus, Mesias
sipalua i do. Nuaeng tabege ma bagabaga haroro ni Mesias i
1). Jesaya 9:2 2). Jesaya 11:1 3). Zakaria 9:9 4). Mika 5:1
5). Maleak 3 : 1 6). Psalm 24: 7-8 7). Psalm 24: 9-10

6
20. Marende B.E No.52:1 1-2 “Hatuaon do”
1. Hatuaon do las ni roha do Hatutubu ni Jesus I,Mago do jolma Ro ma
Tuhanta Las be, las be ma rohanta i.
2. Hatuaon do las ni roha do Hatutubu ni Jesus I, Domu do hita Tu
Debatanta Las be, las be ma rohanta i.

21. Liturgi VII : HKBP Ressort Lawe Ponggas

Narasi : Nunga mansai leleng portibion paimaimahon haroro ni Mesias
na dibagabagahon Debata marhite panurirang i, nuaeng tabege ma
hasasaut ni bagabaga haroro ni Mesias / Kristus Jesus Tuhan i. marhite
liturgi VI on:
1). Luk 2:1 2). Luk 2:5 3).Lukas 2: 7 4).Lukas 2: 8
5). Luk 2:9 6).Luk 2:10 7) Lukas 2:11 8)).Lukas 2:12

22. Vocal solo : HKBP Ressort Lau Baleng

23. Marende B.E.No.616 : 1 “Uli na I diborngin na badia”

1. Uli na I di borngin na badia, Humirdop-hirdop do bintang disi.
Di borngin I do tubu Sipalua, di panggagatan di Betlehem I,
Portibi on dangol gok haholomon, marnida sondang ni Tuhantai.
Uli na I marende do suruan, diborngin I do tubu Kristus I, Di borngin
I di tubu Kristus i.

24. Liturgi VIII : HKBP Ressort Estomihi Bandar Purba

Narasi : di liturgi on tabege dope ima udut ni liturgi hasasaut bagabaga
I, ima haroro ni Mesias I :
1). Luk 2: 13 2).Lukas 2:14 3).Lukas 2:15 4).Lukas 2:16
5).Lukas 2:17-18 6). Lukas 2:19 7).Lukas 2:20

25. Marende B.E No.53:1 “Di Betlehem do tubu”

1. Di Betlehem do tubu Di hita Anak i I do sian na burju
Hupilllit Rajangki, i do, i do, Hupilllit Rajangki
2. Tu holong ni rohaNa Hubonom rohangkon, Hulehon di Ibana
Sude na di au on Olo, olo, sude na di au on

7
26. Liturgi IX : HKBP Ressort Lau Baleng
Narasi : Nunga singkop padan ni Debata taringot diharoro ni Jesus
Kristus, Mesias, Sipalua i. Ibana do parhiteanta asa dapotan
hasesaan ni dosa, haluaon, dohot hangoluan na manongtong i. On pe
ise Ibana Jesus Mesias i ?.......
1). Johanes 8:58 2). Johanes 13:13 3). Johanes 20:28 4) Johanes
20:29 5).Pangungk 1:18 6). Pilipi 2:11 b, 7). Rom 11:35

27. Marende B.E No. 611:1 “Peak Tuhanta di Panggagatan”

1. Peak Tuhanta di panggagatan pogos, lea,
Alai sun sangap, rade manaon mamorsan
Dosanta padame hita tu Debata.

28. Jamita : Pdt.Gunawan Panjaitan, M.Si (Mateus 2:12 b : Jadi sian

dalan nasing nama nasida mulak tu luat nasida)

29. Marende B.E No. 62: 1 “Halalas ni roha godang” (Pelean)

1. Halalas ni roha godang, na hu baritahonon
Nunga Tubu Sipaluadi hita jolmaon
Hasangapon ni Debata, laos dame, dame, dame, ma di jolma
Lomoni roha ni Debata di hita jolma on.
2. Ai saborngin on do binsar bintang di na holom i. Sumondangi
hagolapon, na di rohanta i. Hasangapon di Debata, laos dame, dame,
dame ma di jolma. Lomo ni roha ni Debata do hita jolma on.
………………………………..orgen………………………….
3. Tuhan Jesus hadomuan, na disuru Debata, Na pasaehon sude dosa di
dolok Golgata. Hasangapon di Debata, laos dame, dame, dame ma di
jolma.Lomo ni roha ni Debata do hita jolma on.

30. Tangiang Panutup : (jongjong)

Tangiang Pelean, Tangiang ale Amanami, pasupasu, Amen, amen, amen.