Rabu, 21 Desember 2022 Tema : Jadi sian dalan na asing nama nasida mulak tu luat nasida ( Mat. 2 : 12b ) A. Pangaradeon 1. Panorangion taringot tu acara 2. Pangaradeon di Konsistori B. Kata Sambutan : MC Ketua Panitia Natal: C. Kebaktian 1. Pamuhai (P: Paragenda; R: Ruas) P : Hamu angka dongan sahaporseaon di bagasan Goar ni Tuhan Jesus Kristus. Habalgaon ni Pesta ndada di hinauli ni gabagaba dohot dekorasi songon Pesta na somal di portibi on, alai di hagogok ni Hata ni Debata do di ngolu ni angka na porsea huhut panghangoluhononhon di si ganup ari. Alani i jumolo ma hupasahat hami tu hamuna saluhutna : Selamat Hari Natal ! R : Selamat Hari Natal P : Namarningot do hita di hagogok ni Hata ni Debata, jala taauhon ma na nidok ni Hata ni Debata tu ngolunta. Tapahibul ma rohanta martangiang. Martangiang ma hita dibagasan rohanta be. 2. Marende BE No. 615: 1-2 “Tarbege surusuruan marende” 1. Tarbege surusuruan marende mansai uli; Angka dolok dohot rura, gok do saringar nai. Reff: Sangap ma, sangap ma di Tuhan, Sangap ma, sangap ma di Tuhan (JONGJONG) 2. Las roham ale parmahan, nunga tubu Kristus i.Rap marende ma hamuna, pasangaphon Raja i. Reff: Sangap ... 3. Votum – Introitus – Tangiang (P: Paragenda; R: Ruas) P : Marhitehite Goar ni Debata Ama dohot Goar ni AnakNa Tuhan Jesus Kristus, dohot Goar ni Tondi Porbadia na tumompa langit dohot tano on. R : Amen P : Ai nunga tubu di hita sada Posoposo, dilehon tu hita sada Anak, pampe tu abaraNa do sogot Harajaon. R : Jala bahenonna do GoarNa, Sipartahi halongangan, Ulubalang ni Debata, Ama saleleng ni lelengna, Raja ni Hadameon. P : Endehon hamu ma sada ende naimbaru di Jahowa, endehon ma Jahowa ale sandok tano on. R : Pajojor hamu ma di tongatonga ni angka sipelebegu hamuliaonNa i, di tongatonga ni saluhut bangso halongangan, angka na binahenNa i. P : Marsomba ma hamu tu Jahowa marpahean na marhadohoan, angka hitir ma hamu maradophon Ibana, ale isi ni sandok tano on. Haleluya! Martangiang ma hita: Ale Tuhan Debata Amanami na di banua ginjang. Pujipujian mardongan mauliate hupasahat hami tu adopanMu na badia jala na songkal situtu, ala ni asi ni rohaM na mansai godang tu hami. Ro do hami tu adopanMu marhite TondiM na badia i, laho manorangi roha nang pingkiran dohot panghilalan nami marsadasada; asa dipapos rohanami paboa na holan Ho do na paimbaru saluhut laho tu hamuliaon ni GoarMu. Ajari ma hami mandok mauliate di pangaramotion dohot dipangajarionMu, marhite TondiMi, asa boi hami manghilala las ni roha na sian banua ginjang di bagasan Goar ni AnakMu Tuhan Jesus Kristus Tuhan nami na mangolu sahat ro di saleleng ni lelengna. Amen.
4. Marende BE. 569:1 - 2 “O Debata tung longang do rohangku”
O, Debata tung longang do rohangku, molo hubereng na tinompaMi.Saluhut bintang, hilap dohot ronggur,manghatindangkon hasangaponMi.Marende au Tuhan mamuji Ho. O, Debata Sangap do Ho, Marende au Tuhan mamuji Ho. O, Debata Sangap do Ho Diladang di adaran dohot tombak, marende pidong tung mansai sonang. Punsu ni dolok, sunge, dohot rura,mamaritahon sangapMi Tuhan. Marendea au Tuhan mamuji Ho,.... 5. Liturgi I : Panompaon ni Debata 6. Koor Gabungan : Ibana do panondang 7. Marende BE No. 61:10+11 “Na tau las ni roha” Holsomi, holsoNa, dihilala i, Sai pasonangonNa, na niainNa i Sai pasonangonNa, na niainNa i. TangantanganonNa na porsea i, Laos pasahatonNa tu na sonang i Laos pasahatonNa tu na sonang i 8. Liturgi II : Mula ni dosa 9. Vocal Group / Solo 10. Marende BE. 608:1-2 “O Betlehem na metmet i” Betlehem na metmet i, boasa modom ho? Humirdophirdop bintang i, hohom marnida ho. Alai ro sian ho do panondang na tongtong, na pinarsinta na sai laon sorang di borngin on. Hohom so pamotoan do saut bagabaga i. Sian banuaginjang ro Kristus Tuhanta i. Portibi on ramun do binaen ni dosa i. Tu angka na manjangkon do ro Sipalua i. 11. Liturgi III : Baga baga haroro ni Mesias 12. Puisi / Koor Ina Gloria : 13. Marende BE. 615:1 “Tarbege surusuruan marende” Tarbege Surusuruan marende mansai uli. Angka dolok dohot rura, gok do saringarna i. Ref.: Sangap ma! Sangap ma di Tuhan. Sangapma! Sangap ma di Tuhan. 14. Liturgi IV : Haroro ni Sipalua 15. Koor Ama / VG / V. Solo 16.Marende BE. 49.:1-2 “Sai ro ma tu bara” Sai ro ma tu bara di Betlehem on,Hamuna porsea,hatop ma tuson; Marnida halasan ni rohanta i;Tinongos ni Ama pardi surgo i. 2. O, ida hamu ma di bara inon, Dakdanak na tubu disi borngin on. Uli do rupaNa, mataNa tiur, O bereng Ibana, ho gabe tiur. 17. Liturgi V : Sikapta manomunomu Tuhanta 18. Pagalak Lilin Natal: (Pagalak lilin laos tu jolo ma) 1. Parjamita 2. Ketua Panitia Natal 3. Mewakili Pemerintah / Parhalado 4. Mewakili Ruas Ama 5. Mewakili Ruas Ina 6. Mewakili Naposo Bulung 7. Mewakili Sekolah Minggu Dungi Mangendehon BE. 54:1-3 “Sonang ni Bornginna i “ (jongjong) Sonang ni borngin na i, uju ro Jesus i Sonang modom do halak sude, holan dua na dungo dope Mangingani AnakNa, Jesus Tuhanta i Denggan ni borngin na i, uju ro Jesus i Tu Parmahan di Betlehem i, dipaboa na di surgo i Nunga ro Sipangolu Jesus Tuhanta i Godang ni tua disi, di na ro Jesus i Tung malua pardosa muse, sian hamagoanna sude Ala ro Sipangolu, Jesus Tuhanta i hundul 19.Koor Gabungan : Kidung Merdu Bala Sorga 20. Liturgi VI : Barita hatutubu ni Tuhan Jesus
21. Marende No. 62 :1- “Halalas ni roha godang” ( PELEAN I )
Halalas ni roha godang, na hubaritahon on. Nunga tubu Sipalua, di hita jolma on. Hasangapon di Debata, laos dame-dame ma di jolma. Lomo ni roha ni Debata, do hita jolma on ~~~~instrument~~~~ Sai sondangi ma rohangku, ale Tuhan Jesus i. Asa dohot au maruli di hatutubuMi. Hasangapon di Debata………
22. Jamita/Renungan Natal
23. Marende No. 605 :1--------- “Las ma roham” (PELEAN II). Las ma roham, Tuhanta ro, gumonggom sasude Ungkap roham, jangkon Rajam, marende ma sude, Marende ma sude, marende, marende ma sude ~~~~instrument~~~~ Tano nang laut, harangan i, nang awang-awang i Hauma i, nang sunge i, olophon Raja i Olophon Raja i, olophon, olophon Raja i ~~~~instrument~~~~ Bura binaen ni dosa i, marujung ma disi Ai nunga ro, Mesias i, mamboan dame i Mamboan dame i, mamboan, mamboan dame i ~~~~instrument~~~~ 24. Tangiang Panutup D. HIBURAN 1. Mandoh Hata : Uluan ni Huria 2. VG, V Solo, Duet 3. Lelang 4. Drama Singkat 5. Door Prize 6. Snack
PARHALADO & PANITIA NATAL
HKBP BINTANG SELAMAT PASAHATHON
SELAMAT HARI NATAL
25-26 DESEMBER 2022 & SELAMAT TAHUN BARU 01 JANUARI 2023