PERAYAAN NATAL REMAJA

NAPOSO
HKBP PAKKAT
RESSORT PERCUT

Thema : Hehe ma ho! Marsinondang ma ho !

(Jesaya 60:1 )
Sub Thema : Gabe Remaja Naposo Teladan tu sude jolma
sian panghataion dohot pangalaho
HKBP PAKKAT, 27 Desember 2022
 I. PANGARADEON :
1. Kata Sambutan
a. MC
b. Ketua Panitia Natal
c. Parjamita/Parhalado
d. Mewakili Ama
e. Mewakili Ina
f. Mewakili Pangarato
2. Pagalak Lilin :
a. MC
b. Ketua Panitia Natal
c. Parjamita/Parhalado
d. Mewakili Ama
e. Mewakili Ina
f. Mewakili Pangarato

( Ditikki pagalak lilin huhut marende BE No. 616 : 1 satonga soara )

❖ Ulina i di borngin nabadia, humirdophirdop do bintang disi
di borngin i do tu sipalua di panggagatan di Betlehem i. Portibi on
dangol gok haholomon marnida sondang ni Tuhanta i, ulina i
marende do suruan. di borngin i do tubu Kristus i, di borngin i do tubu
Kristus i.
( martangiang di bagasan roha -pahohom diri)

c. JOU – JOU TU PERAYAAN NATAL

L : Selamat Hari natal ma di hita saluhutna keluarga besar ruas ni huria
HKBP Pakkat namarnatal borngin on.
H : Selamat hari natal ma tutu nang di hamu saluhut parhalado nami.
L : Mansai balga do holong ni roha ni Debata di portibion. Ro do Ibana
tumopot hita jolma pardosa dibagasan diri ni AnakNa Tuhan Yesus
Kristus na tubu di bara ni pinahan di huta Betlehem.I do napinestahon
ni sude halak Kristen ganup ari Natal. Hita pe ruas ni huria ni
Tuhanta, marlas ni roha ma hita mangolophon denggan basa ni
Debata di pesta natal sadarion, marende ma hita.

L+H : Mangendehon : BE. No. 57 : 1 - 2 BL : 202

 ⮚ Nunga jumpang muse ari pesta i, hatutubu ni Tuhanta
Jesus i. Tuat do Ibana sian surgo i, mebat tu hita on,
Reff: Hasangapon di Debata, dame, dame ma di jolma,
las ni roha ni Debata hajolmaon muse.
⮚ Beta ale dongan tu Betlehem i, itasomba ma dakdanak
na di si, na tinongos ni parasi roha i, debata Ama i.
Reff : Hasangapon di Debata.

d. IBADAH NATAL
1. Votum – Introitus – Tangiang.

L : Marhitehite Goar ni Debata Ama dohot Goar ni AnakNa Tuhan

Jesus Kristus dohot Goar ni Tondi Parbadia, na manompa dohot
na pamonang hita.
H : Amen.
L : Hehe ma ho! Marsinondang ma ho! Ai na ro ma panondangmu,
jala hamuliaon ni Jahowa binsar di atasmu.
H : Ai ida ma, haholomon do manghungkupi tano on, jala hagolapon
angka bangso;
L : Alai na binsar ne ma Jahowa di atasmu, jala marsinondang
hamuliaonna di atasmu.
H : Jadi dapothonon ni angka bangso parbegu ma panondangmu
dohot angka raja mandapothon sinondang naung binsar di ho.
L : Patonggor matam mamereng humaliang! Luhut ma nasida
marrongoman ro mandapothon ho.
H : Angka anakmu ro sian na dao, dohot angka borum
abingabingonna.Haleluya.
L : Martangiang ma hita. Ale Amanami jala Debata nami, namandok
mauliate do hami tu Ho sian nasa roha nami, ala disuru Ho
anakMu Tuhan Yesus Kristus napaluahon hami sian dosa dohot
hamatean. Hupangido hami tu Ho, sai patiur ma roha nami
marhitehite Tondi Porbadia, asa unang hu roha nami mida
hametmetonna i. Urupi ma hami asa lam hutanda hami Ibana raja
naung ro i, sisombaon ni saluhut jolma di liat portibi on.

2. Marende BE No. 591 : 3

 ● Hosianna ro ma Ho, masuk Ho tu rohangkon, baen mardame
tondingkon lao manjangkon haroroM, Anak Daud ro ma Ho,
masuk Ho to tu rohangkon.

3. Marende B.E. No. 62 HALALAS NI ROHA GODANG BL. 172.

❖ Halalas ni roha godang, na hubaritahon on.
Nunga tubu Sipalua di hita jolma on.
Hasangapon di Debata, laos dame, dame, dame ma di jolma.
Lomo ni roha ni Debata do hita jolma on.
❖ Ai saborngin on do binsar bintang di na holom i.
Sumondangi hagolapon, na di rohanta i.
Hasangapon di Debata, laos dame, dame, dame ma di jolma.
Lomo ni roha ni Debata do hita jolma on.

4. Panjahaon Epistel
L : Barita Nauli di hita sadarion na gabe songon Epistel di acara natal
on, ima natarsurat di buku ni panurirang Jesaya 52:7-10. Tajaha ma
marhite respon soria. Lehetna i di atas ni angka dolok, angka pat
ni parbarita nauli, na patubegehon hadameon, namamaritahon
barita nauli, napatubegehon hatuaon, namandok tu Sion: “Debatam
do bangkit raja”
H : Soara ni jolma parhalmu, angka dipangiar be soarana rap
marolopolop, ai adop bohi be diida nasida, molo mulak Jahowa tu
Sion.
L : Pangiar ma soramuna rap marolopolop ma hamu, ale angka
pasipasi ni Jerusalem , ai nunga marpangulahi roha ni Jahowa mida
bangsoNa, nunga dipalua Jerusalem.
H : Nunga pola dipatoltol Jahowa tanganNa na badia i di adopan ni
saluhut bangso parbegu, jadi saluhut ujung ni tano on marnida
hatuaon ni Debata.
L : I do sahat ni turpukhi. “Martua do natumangihon hata ni Debata
jala naumpeopsa”. Amen.

5. Liturgi I :
6. Marende BE No. 48 : 1 + 7 BL : 16
✔ Ria ma hita sasude mamuji Debata, girgir ma parendenta
be, ai i do na tama, ai i do na tama.
 ✔ Ringgas ma hita sasude mamuji Debata, gogo ma
taendehon be, Amen haleluya, Amen haleluya.

7. Liturgi II
8. Vocal Group Ondi DKK
9. Liturgi III

10. Marende No. 614 : 2

❖ Asi ma rohaM di au o Tuhanki, sai jalo ma tangiang nang endengki.
Songon si Maria ina namartua I, baen nang au martua ala haroroMi, o
Tuhanki.

11. Liturgi Ragam Bahasa

12. Puisi
13. Liturgi IV
14. Koor Ina
15. Marende No. 602:1
⮚ Di natal na parjolo I, parmahan marborngin di lading i. Tusi do ro
Suruan I mandok nungga sorang Mesias i. Noel, Noel, Noel,Noel, tubu
Raja ni Israel.

16. Renungan Hatutubu ni Tuhan Jesus Kristus.

L : Hamuna angka dongan sorang Jesus Kristus di bara ni pinahan di
huta Betlehem. Ndang adong bagas na manjakkon si Josep dohot si
Maria. Sonang modom do halak sude uju i.Songon i do rohanta di
tingki on ?
H : Marende no 54 : 1 Sonang ni Borngin na i. BL : 64
Sonang ni bornginna i, uju ro Jesus i. Sonang modom do halak su-
de; holan dua na dungo dope mangingani Anakna Jesus Tuhanta i.
L :Dapotan haluaon, las ni roha do jolma dohot portibi on
namanjanghon jala paloashon Jesus di ngoluna. Parmahan na
di Betlehem, ngalian nasida manjaga pinahanna, alai dapotan
las ni roha do nasida. Dohot do ho songon parmahan i ?
H : Marende no 54 : 2 Sonang ni Borngin na i. BL
: 64
 Denggan ni bornginna i, uju ro Jesus i. Tu parmahan di
Betlehem i, dipaboa na di surgo i. Nunga ro sipangolu, Jesus
Tuhanta i.
L : Aha do natapanghilalahon ganup marpesta natal hita ? Tamba
do las ni roha, gogo, jala manaek do haburjuonta mar Tuhan ?
H : Marende no 54 : 3 (ditingki marede ro ma sipagalak lilin tu
ruas, di pamate ma lampu)
Godang ni tua disi di na ro jesus i. Tung malua pardosa muse,
sian hamgoanna sude, ala ro sipanglu, Jesus Tuhanta i.
17. Pragmen “Doa Bapa Kami” :
18. Vokal Solo Gita Sinaga
19. Koor Remaja Naposo HKBP PAKKAT

20. Marende BE No. 598 : 2 BEGE ENDE NI SURUAN

● Kristus raja sian surgo tuat tu portibi on. Tubu sian si Maria lao
manobus hita on. Debata na so tarida gabe daging songon hita nunga
raphon hita be Jesus i, Immanuel, Ende ni suruan i, sangap ma di Tuhan
i.

21. Jamita :

22. Marende BE No. 605 : 1 – 2 + 4 LAS MA ROHAM( Pasahat

pelean)
● Las ma roham Tuhanta ro, gumomgom sasude ungkap roham,
jangkon rajam marende ma sude, marende ma sude, marende
marende ma sude. ----------------- Misic---------------
● Tano nang laut harangan i, nang awang-awang i, hauma i,
nang sunge i, olophon raja i, olophon raja i, olophon olophon
raja i.

23. Responsoria Natal.

L: Gabe daging ma Hata i jala maringan di tongatonga ni hita on, on ma
barita natal mangihuthon si Johannes laos i do nang panghorhon ni natal
di hita, asa tapatuduhon Jesus Kristus i mangolu di bagasan dirinta,
keluarga dohot hurianta. Antong tajangkon ma Ibana mian di bagasan
 ngolunta. Taboan ma Ibana mulak sian pesta natal on tu angka bagasta
asa mian Ibaba di tonga - tonganta ganup ari.

H: Mangendehon BE No 614 : 1
● Ro ma Ho tu au o Jesus Tuhanki, sian banuaginjang tu rohangki.
Ro ma Ho tu ahu o Tuhan sipalua i, dame binoanMu ndang na
tarasam i o Tuhanki.

L: Nunga tahalashon hatutubu ni Jesus i. Andorang so mulak hita sian

parpunguan on tama do hita marpadan tu Tuhan i. Dung tajalo sondang
hatiuron nasian Tuhan i, unang be mulak hita tu ngolu na gok hagolapon,
unang mangonai tu hita angka hasusaan.

H:Tuhan, baen ma ahu gabe panondang, molo masa hagolapon.

L: Tama do hita mamaritahon haluaon nabinoan ni Jesus i asa longang

portibion ala panindangionta.

H: Mangendehon BE No 53 : 2 BL ; 51
● Tu holong ni rohaNa hubonom rohangkon, hulehon di Ibana sude
na di au on, olo, olo, sude na di au on.

24. Tangiang Pelean - Ale Amanami - Pasupasu, Amen 3 x.

25. Acara Hiburan

- Liturgi Profesi
- Tari-tarian Naposo

26. Pembagian Snack

SELAMAT HARI NATAL
25-26 DESEMBER
2022
&
SELAMAT
MENYAMBUT
TAHUN BARU

1 JANUARI
2023