PARTORDING NI PESTA

ARI HATUTUBU NI TUHAN JESUS

(BORNGIN NATAL)

GKPI MENTENG INDAH

MEDAN
WILAYAH II : MEDAN II – DELI SERDANG
Sabtu, 24 Desember 2022
Pukul 19.00 Wib

NUNGGA TUBU RAJA HADAMEON

MIKA 5 : 1 – 4
 PESTA ARI HATUTUBU NI TUHAN JESUS
GKPI MENTENG INDAH
MEDAN
================================

I. PANGARADEON
a. Prosesi parhalado sian bilut parhobasan, laho mangarade kebaktian
b. HATA HUHUASI SIAN:
 Panitia Natal
 Penatua/ PHJ
 Jemaat/ Penasehat
c. PAGALAK LILIN
1. Parjamita 4. Penasehat 7. PP/S. Minggu
2. PHJ 5. Pria
3. Penatua 6. Perempuan

II. HATA HUHUASI

U : Horas jala Selamat Ari Natal ma di hita saluhutna! Mauliate ma di Tuhan
siala dibagasan hahipason do sude ruas ni hurianta, jala dibagasan
lasniroha do hita mamestahon hatutubu ni Sipalua I. Huria ni Tuhanta,
sada pesta na mansai balga jala arga do Parningotan Hatutubu ni Tuhanta
Jesus Kristus borngin on. Ai ta pestahon balga ni holong dohot asi ni roha
ni Debata na paluahon hita sian gomgoman ni dosa, sibolis dohot
hamatean.
H : Anggiat ma hatutubu ni Jesus na di huta Betlehem i mangalehon di hita
las ni roha, dame dohot hatuaon borngin on. Jala anggiat ma marhite
hatutubu ni Sipalua I paluahon hita sian biar, hasusaan dohot parsahiton.
U : Antong taparade ma rohanta paihutihut ibadah Natal on, martangiang na
hohom ma hita di bagasan rohanta be mangido tu Debata asa dipahibul
roha dohot pingkiranta.
                                     (=====Musik === Martangiang na hohom)

III. IBADAH
1. Marende BE. No. 57 : 1 – 3 Nunga Jumpang
1. Nunga jumpang muse ari Pesta i; Hatutubu ni Tuhanta Jesus i; Tuat do Ibana
sian surgo i Mebat tu hita on; Hasangapon di Debata, dame, dame ma di jolma.
Las ni roha ni Debata Hajolmaon muse.
 2. Beta, ale dongan tu Betlehem i; Itasomba ma Dakdanak na disi; Na tinongos ni
parasiroha i Debata Ama i; Hasangapon di Debata, dame, dame ma di jolma.
Las ni roha ni Debata Hajolmaon muse
(Jongjong Sude Ruas)
3. Sombanami ma di Ho na tubu on; Ho siboan dame tu portibion; Sai pasaorhon
ma tu rohanami on dameMi o Jesus. Hasangapon di Debata, dame, dame ma di
jolma. Las ni roha ni Debata Hajolmaon muse.

2. Votum - Introitus : (U : Uluan H : Huria)

U : Marhitehite goar ni Debata Ama, dohot goar ni AnakNa Tuhan Jesus
Kristus, dohot goar ni Tondi Parbadia na tumompa langit dohot tano on.
H : Amen.
U : Nunga tubu di hita sada posoposo, dilehon tu hita sada Anak, pampe tu
abaraNa do sogot harajaon, jala bahenonna goarNa :
H : Sipartahi halongangan, Ulubalang ni Debata Ama saleleng ni lelengna,
Raja ni hadameon.
U : Endehon hamu sada ende na imbaru di Jahowa, ale sandok tano on. Pajojor
hamu ma di tongatonga ni angka sipelebegu hamuliaonNa i, ditongatonga
ni saluhut bangso halongangan, angka na binahenna i. Haleluya.
H : (mangendehon) Haleluya…haleluya…haleluya
U : Martangiang ma hita: Ale amanami na dibanua ginjang! Mandok
mauliate do hami tu Ho, ala ni godang ni asi ni rohaM di hami; ai
dibasabasahon Ho do AnakMu na sasada i tu hami na dipardangolan on,
asa malua hami marhitehite Ibana sian dosa dohot sian hamatean saleleng
ni lelengna. Hupangido hami tu Ho, sai sondangi ma rohanami na holom i
marhitehite Tondi Parbadia; angkup ni i sai parrohai ma hami, asa huboto
hami mandok mauliate tu Ho, asa tarapul situtu rohanami di hagogotan
dohot pangunjunan marhitehite AnakMu, Tuhan Jesus Kristus Tuhannami.
Amen. (Hundul Sude Ruas)

3. Marende BE. No. 56 : 1 - 2 Sai Ro Ma Hamuna

1. Sai ro ma hamuna angka na porsea. Sai ro ma hamuna tu Betlehem. Ida
dakdanak, sipalua hita. Tasomba ma Ibana; Tasomba ma Ibana, Tasomba ma
Ibana, Rajanta.
2. O Raja na sangap, Tuhan ni saluhut, ditaon Ho na porsuk di tano on. Ala ni
jolma na di hamagoan. Tasomba ma Ibana. Tasomba ma Ibana. Tasomba ma
Ibana, Rajanta.
4. Epistel : Ulaon Apostel 13 : 21 - 25 (Dijaha Marganti Soring)
U : Dung i dipangido nasida ma raja, jadi dilehon Debata ma tu nasida si Saulus,
anak ni si Kis, marga Benjamin, leleng ni opatpulu taon.
H : Jadi dung dipaijur i, dipabangkit ma di nasida si Daud bahen rajanasida, na
hinatindangkonna i di na nidokna: "Nunga jumpang Ahu si Daud, anak ni si
Isai, halomoanki, sipasaut nasa na pinangido ni rohangku!"
U : Sian pinompar ni i ma diparo Debata di halak Israel Jesus, i ma Sipalua na
pinarbagabagana i.
H : Patujolo ni harorona dibaritahon si Johannes tu sandok bangso Israel
pandidion mandokkon paubahon roha.
U : Mareak ujung ni langkana didok si Johannes i: Ndada ahu na niarop ni
rohamuna; di pudingku do Ibana ro. Na hurang tama do ahu mananggali
sipatuna. Olat ni ma sahat na. Martua ma natumangihon hata ni Debata jala na
umpeopsa.
U+H : Amen

5. Koor : Pemuda/i
6. Marende BE. No. 421: 1 – 2 Marsomba au Di joloMon.
1. Marsomba au di joloMon, ponjot, targogot rohangkon, dibaen godang ni
Dosangkon, sai jangkon dohot au, sai jangkon ma au, on, na ramun diringkon,
tung Pos do rohangki di Ho. Dijangkon Ho au on. (Jongjong Sude Ruas)
2. Ndang haurupan au au on, na busuk nama rohangkon, Alai hutangkup hatamon :
Sai ro ma ho tu Au. Sai….

7. Manopoti Dosa (U : Uluan H : Huria)

U : Huria ni Tuhanta! Na jongjong do hita di adopan ni Debata di Pesta Natal di
borngin on. Dang tagamon so manolsoli hita marningot angka dosanta,
dohot angka hahuranganta di adopan ni Debata. Antong, tatopoti ma dosanta
na godang i, ta pamanat ma rohanta jala taparhatopot ma angka dosanta, di
bagasan roha na magopu.
……….….Martangiang ma hita dibagasan rohanta……………..
H : Ale Amang, asi rohaM di au pardosa on. Unduk do rohangkon nuaeng
marsomba tu joloM. Unang jujur, unang jujur, angka dosangki. Sai
salpuhon, sai salpuhon sian roha Mi.
U : Antong martangiang ma ho, topoti sude dosam tu jolo ni Debata. Unang di
jujur angka dosami ai ido dihalomohon Tuhan Jesus naung ro i.
H : Ale Tuhan, asi ma rohaM di hami, ale Kristus, sai unang paingot-ingot dosa
nami na godang i.
 U : On do dipangido Debata sian hita: “Nunga pola hupasisi angka pangalaosim
songon ombun manorop, jala songon ombun manorop angka dosam. Sai
mulak ma ho tu Ahu, ai Ahu do sipalua ho. Hasangapon ma di Debata na di
ginjang.
H : Amen (Hundul Sude Ruas)

8. Koor : ESTER
9. Marende BE. No. 598/ KJ. No. 99 “Gita Sorga Bergema”
Gita sorga bergema, lahir Raja mulia! Damai dan sejahtera turun dalam dunia.
Bangsa-bangsa bangkitlah dan bersoraklah serta, Permaklumkan kabar baik:
Lahir Kristus, T’rang ajaib! Gita sorga bergema, lahir Raja mulia!
Bege ende ni suruan, sangap ma di Tuhan I, Nunga tubu Si palua Raja
Sipardame I, Dipadame Debatanta do diriNa tu pardosa; Nunga tubu
Kristus I di huta Betlehem i. Ende ni suruani, sangap ma di Tuhan i.

10. Liturgi I : PANOMPAON

Paragenda : Ise do na manompa hita? Debata do goarNa jala Ibana muse do na
manompa langit dohot tano on.
Pangula : Ise muse do Debata on? Ibana na maringanan di banua ginjang na badia
i, i ma Tuhanta i, tung halonganan do pambahenanNa sude
Parompuan : Ibana do nampuna hita saluhutna. Debata do manompa portibion dohot
pangisina sudena sian na so adong gabe adong, Ibana dohot
mangaramoti angka na tinompaNa i sude.
Sie Pria : Dung ditompa Debata langit dohot tano, jadi ditompa ma na tiur. Ndang
sian mata ni ari haroroni na tiur i, jala ndang sian bulan manang
bintang, ai andorang so adong dope panondang nunga ditompa Debata
na tiur sian dirina sandiri.
S. Minggu : Na tiur do jumolo dijadihon Debata, asa tiur saluhut. Jala dibagasan
hatiuron ditompa Debata saluhut jadijadianna i.
Pemuda/i : Nunga denggan na tiur i diida Debata, jadi dibahen Debata ma
parsirangan ni na tiur sian na holom. Dung i digoar Debata ma na tiur i
arian, goar ni na holom i borngin. Dung i bot ma ari, torang ma ari
muse, i ma ari parjolo.
Lansia : Di ari parjolo i masa do na tiur dohot na holom. Na marsorin do na dua
i, i ma arian dohot borngin. Alani i ndang adong dope matani ari dohot
bulan disi. Alani i, ndada pergeseran ni mata ni arian gabe suhatsuhat ni
arian dohot borngin di tingki i, alai sian huaso ni Debata do.
Sude Ruas : Na martahaptahap do panompaon ni Debata hombar tu lomo ni rohaNa.
Di ari parjolo nunga ditompa langit dohot tano dohot na tiur, alai ndang
 singkop dope holan i. Ingkon udutan ni Debata dope manompa dohot
manjadihon angka na hinalomohon ni rohana, asa uli jala renta
saluhutna.

11. Koor : LETARE

12. Marende BE. No. 597/ KJ. No. 120 “Hai Siarkan di Gunung”
Refrein : Baritahon di dolok di rura di sude inganan,
Baritahon di dolok naung tubu Kristus i.
Ro do surusuruan tu ladang Efrata
Mandapothon parmahan tompu mansai torang. Refrein :
Refrein : Hai, siarkan di gunung di bukit dan di mana jua,
hai, siarkan di gunung lahirnya Almasih!
Di waktu kaum gembala menjaga dombanya,
Terpancar dari langit cahaya mulia. Refrein :

13. Koor : PANGULA

14. Marende BE. No. 569/ KJ. No. 64 : 1 “Bila Kulihat Bintang Gemerlapan”
Bila kulihat bintang gemerlapan dan bunyi guruh riuh kudengar,
Ya Tuhanku, tak putus aku heran melihat ciptaanMu yang besar.
Maka jiwaku pun memujiMu: “Sungguh besar Kau Allahku” (2x)
O Debata tung longang do rohangku, Molo hubereng na tinompaMi,
Saluhut bintang, hilap dohot ronggur, manghatindanghon hasangaponMi,
Marende au Tuhan mamuji Ho, O, Debata, sangap do Ho.
Marende au Tuhan mamuji Ho, O, Debata, sangap do Ho.

15. Handmime PP/ Remaja

16. Lituri II : HATUTUBU NI SIPALUA
Paragenda : Amang…..amang…….ai songon na torop ma jolma on ai aha do na
masa? Na laho marpesta do nasida tu Jerusalem, tu huta na badia i?
S. Minggu : Ndang ale dongan, na disuru do nasida laho mendaftarhon diri ala
terjadi do nuaeng sensus penduduk. Alai adong ma 2 halak na mardalan
nangetnanget tu huta Betlehem, halak na pogos do nasida, jala tarida
sian paheanna.
Pemuda/i : Alai halak na mora do nasida jala na tarbonggal hian do angka ompuna
sian marga ni si David do nasida. Dituktuhi nasida ma manang pigapiga
jabu, hape ndang adong na mangalehon nasida inganan parbornginan.
Sie Pria : Ndang tagamon adong inganan di nasida gabe laho ma nasida tu bara ni
pinahan. Jadi dung bagas borngin, nunga modom sude halak : “Tubu
 ma Sipalua” borngin i gabe las situtu ma roha ni si Maria dohot si
Josep.
Pangula : Ta boto do naung tubu sipaluai di hita jolma? Molo ta boto do i, marlas
ni roha situtu ma hita. Ndang holan las ni roha alai ingkon ta jangkon
do Ibana di ngolunta.
S. Lansia : Di dia do haroha hataridaan ni panjangkonon i ale dongan?
Diparsaoranta di punguan on, ingkon do lam tu dengganna, suang
songon i nang tu dongan na asing pe. Dung i tapatuduhon ma holong ni
roha tu sama dongan.
Parompuan : Jala ingkon do lam tapuji Ibana marhite na lam ringkas hita tu gereja,
jala punguan ni angka na mamuji GoarNa.
Sude Ruas : Alani i di hamu saluhut angka dongan na porsea, nunga malua hita sian
dosa ala ni naung tubu sadari on di hita i ma sipalua i. Marlas ni roha
ma hita sude na sapunguan on.
17. Marende BE. No. 54 : 1 – 3 Sonang Ni Bornginna I / Malam Kudus
(Pagalak lilin na metmet)
1. Sonang ni bornginna i, uju ro Jesus i. Sonang modom do halak sude; Holan
dua na dungo dope, mangingani AnakNa Jesus, Tuhantai.
Malam kudus, sunyi senyap; dunia terlelap;
Hanya dua berjaga terus, ayah bunda mesra dan kudus;
Anak tidur tenang, Anak tidur tenang
2. Denggan ni bornginna i, uju ro Jesus i. Tu parmahan di Betlehem I, dipaboa
na di surgo i Nunga ro sipangolu, Jesus, Tuhanta i.
Malam kudus, sunyi senyap. Kabar baik, menggegap;
Bala sorga menyanyikannya, kamu gembala menyaksikannya;
“Lahir Raja Syalom, lahir Raja Syalom!”

18. Koor : Panitia Natal

19. Liturgi III : Panghirimon Tu Ari Hangoluon Sogot
Paragenda : Saonnari pe di naung tabege barita hatutubu ni Tuhan Jesus Sipalua i,
sai olo ma hita meninggalhon bangkonta na gok dosa i. Unang ma
holan di bara ni pinahan pinasombu Jesus Sipalua i, alai naeng ma
dibagasan rohanta ala so adong haluaon na asing dungkon ni Ibana
songon marga na pinillit hita.
Parompuan : Dung tubu Jesus tu portibi on gabe godang ma las ni roha
marolopolop situtu ma nasida na manjangkon i alai godangan do na
tarlalap alani hinaringkot ni portibi on.
S. Pria : Ndang be sundut mata ni arim manang surut ia bulanmu, ai jahowa do
na gabe panondangmu.
PP&SM : Ia bangso saluhut do nasida gabe halak partigor. Na ummetmet i gabe
saribu, jala na so piga gabe bangso na bolon.
Lansia : Adong ma ari partubolon bi Debata laho mangapuli saluhut angka na
marsak roha. Dilehon do tu nasida tumpal singkat sirabun, jadi idaon
ni angka bangso parbegu ma hatigoran.
Sude Ruas : Oloi ma Jahowa jala olophon ma goarNa ai sian Ibana do ro haluaon
na salelenglelengna.

20. Tangiang Pangondianon

21. Marende BE. No. 62 : 1 + 3 “ Halalas Ni Roha Godang “
1. Halalas ni roha godang, na hubaritahon on. Nunga tubu Sipalua di hita jolma
on. Hasangapon di Debata, laos dame, dame, dame ma di jolma. Lomo ni
roha ni Debata do hita jolma on. (Jongjong sude ruas)
3. Tuhan Jesus hadomuan, na disuru Debata, Na pasaehon sude dosa di dolok
Golgata. Hasangapon .....

22. Jamita : Mika 5 : 1 - 4

23. Marende BE. No. 52 : 1 – 2 Hatuaon Do
1. Hatuaon do, las ni roha do, hatutubu ni Jesus i. Mago do jolma, ro ma
Tuhanta. Las be, las be ma rohanta i.
2. Hatuaon do, las ni roha do hatutubu ni Jesus i. Domu do hita tu Debatanta.
Las be, las be ma rohanta i.
24. Pelean:
- Nas Pelean Matius 2 : 11
Laos dibongoti ma bagas i, gabe diida ma Dakdanak i dohot si Maria, inana i.
Dung i manungkap ma nasida marsomba tu Dakdanak i, dirungkari ma
artanasida: Sere, haminjon dohot angka na angur, parsombanasida tu Ibana.
- Ende Pelean BE. No. 49 : 7 Sai Ro Ma Tu Bara
7. Antong rohanami ma peleanMi O Jesus hasian sai jalo ma i; Ias jala sonang
ma baen angka i Tongtong gabe domu ma tu rohaMi.
25. Tangiang Panutup: Tangiang Ale Amanami (Doksologi),
26. Pasupasu, Amen..amen..amen..

PANITIA NATAL & SELURUH MAJELIS GKPI JK MENTENG INDAH

MENGUCAPKAN
SELAMAT HARI NATAL 25-26 DESEMBER 2022 & SELAMAT
MENYONGSONG TAHUN BARU 2023