ACARA MAMASUHI BAGAS SIBAGANDINGTUA

I. Acara di alaman
a. Marende :188 : 1+5 “Jahowa siparmahan au”
 Jahowa siparmahan au, ndang hurang manang aha. Ai nasa jea dipadao do sian dorbianna, tongon di baen na
lomak I, lao pangoluhon tondingki, di baen asi rohana.
 Tongtong do denggan ni basaM Jambarhu di ngolungkon, tongon do asi ni rohaM mangihut di langkangku, dungi
dung suda bohalhi, sai ingananhu JabuMi, saleleng ni lelengna.

b. Mangungkap Bagas (K: Keluarga, U: Uluan, S: Sude)

K: (Pasahat ma Kunci ni bagas tu Parhalado huhut ma didok:) sian asi dohot holong ni roha ni Jahowa do
hupungka jala hupasidung hami pembangunan ni bagas on. Dipasupasu Tuhanta do hami saleleng na paulihon bagas
on sahat tu Dimpos. Antong hupasahat hami ma kunci ni bagas on tu hamu parhaladonami, jala ungkap hamu ma,
asa masuk keluarga on rap dohot sude naginokhonnami.
U: Hu ungkap ma bagas on marhite Goar ni Debata Ama, dohot Goar ni AnakNa Tuhan Jesus Kristus, dohot Goar ni
Tondi Parbadia. Amen.
S: Horas ma hamu, manginani bagas on. Inganan naginohan ni Dame dohot holong ni Roha ni Tuhanta ma bagas on di
hamu.

Masuk ma sude Tu Bagas na Imbaru, jala di uduti ma tu acara kebaktian

II. Acara kebaktian

a. Marende No. 18 : 2,3 “ungkap bahal naummuli”
 Nunga ro au o Tuhanhu, ro ma Ho tu au muse, ai dibagasan ingananMu las ni Roha do muse. Sai bongoti
Rohanghon, baen ma joroMi di son.
 Sai pantun pangalahongku maradophon bohiMi, Sai suruhon tu Rohangku tondi Porbadia I, asa sai tongtong
ture. Tangianghu, ende pe.

b. Votum-Introitus
U: Marhitehite Goar ni Debata Ama, dohot Goar ni AnakNa Tuhan Jesus Kristus dohot Goar ni tondi Parbadia.
Amen. Marolopolop ma hamu, ale angka Partigor, mangasahon Jahowa talup do marende angka na unjur
marroha.
S: Marlas ni roha ma hamu, hamu ale partigor dibagasan Jahowa, jala puji hamu ma GoarNa na Badia.
U: Puji ma Debata na so manulakhon Tangiangki, manang asi ni roha na pe sian ahu.
S: Sai pujionku do angka pambahenan ni Jahowa, sai ingotonhu do halongangan angka na binahen na I sian na
robi.
U: Na denggan si tutu do na ma muji Jahowa dohot na mangendehon GoarMu, ale na tumimbul!.
S: Mamaritahon asi ni rohami manongotna i, dohot hasintonganMi bornginna i.
U: Olo i hamu ma Jahowa marhitehite las ni roha, ro be ma hamu tu joloNa marhitehite olopolop.
S: Ai Pardenggan basa do Jahowa, ro disalelenglelengna do Asi ni RohaNa, jala marsundut sundut do
hasintonganNa.
U: Haleluya, martangiangan ma hita; Mauliate dipasahat roha nami tu Ho Debata Ama nami, ala asi dohot
holong ni rohaM mandongani jala mangaramoti daging dohot tondi nami. Di loas Ho do Jongjong bagas on
sian na mamungka sahat ro di na mamasuhi. Ale Tuhan ramoti jala horasi ma hasuhuton nami, bahen ma
bagas on gabe bagas inganan ni dame manang hasonangan manang ise pe namian jala bongot tu bagas on.
Sai parrohai mapangisi ni bagas on tu angka ulaon na denggan bahen hasanganpon di GoarMu. Jalo ma
tangiangnami on marhite Jesus Kristus Tuhannami. Amen

c. Marende No115: 1,3 “Tuhan Debata sai ramoti ma”

 Tuhan Debata sai ramoti ma daging dohot tondi nami, I do pangidoan nami; sai pahipas be hami on sude.
 Sai parbadia i, sai tongtong rajai, Ale Tondi Porbadia, rohanami asa ria, mangoloi hataM hombar tu rohaM

d. Tangiang
U: Ale Debata, huparhatopot hami do, ho do jumolo manghaholongihami. Balga na I panumpakMu, ale
Tuhan, molo dilehon Ho bagas on gabe inganan nami, mangido hami tu Ho, pasupasu jala mian ma Ho
ditongatonga ni bagas on, lam tu balgana ma holong ni rohanami laho mangihuthon Ho.
H: Ale Debata Parholong, asi ma rohaM dihami.
U: Ale Debata, Ho do marsuru surusuruanMu tu undung undung ni Si Abraham so pamotoan na, lao pasahat
pasupasuM. Hu pangido hami ma, paloas ma bagas on gabe bagas na girgir manjanghon haroro ni tamue,
namangalehon panisioan marhite tarupna, namangalehon hasonangan dohot las ni roha marhite dingding
na, na mangalehon parlinggoman sian mataniari nang sian udan.
H: Ale Debata, na gabe jolma jala mian di tongatonga nami, asi ma rohaM di hami.
U: Huparhatopot hami do ale Debata, saluhutna manumpak na denggan di angka na Marholong ni roha di Ho.
Ala ni I sai bahen ma bagas on gabe inganan ni ngolu namasihaholongan jala inganan las ni Roha.
H: Ale Debata na gabe jolma na mian di hami, asi ma rohaM di hami.
U: Hu parhatopot hami do, ndang adong di son huta na hot di hami, alai dipaloas ho do hami manginani bagas
on paima sahat hami tu inganan na pinaradeM. Urupi hami lao mandok mauliate tu Ho. Asa hupelehon
hami pelean nami marhitehite mangaradoti ulaon lomo ni rohaM di bagas on.
H: Ale Debata, na gabe jolma jala mian di tongatonga nami asi ma rohaM di hami.
U: Sai bagas partangiangan ma bagas on, inganan paradianan dohot pangalapan ni gogo, inganan na magalehon
haimbaruon dohot pangaradeon tu angka ulaon na badia di Debata Ama, namangarajai rap Anak dohot ondi
Parbadia, nuaeng, tongtong, sahat ro di salenglengna.
H: Amen

e. Marende No. 160 : 3 “Au dohot na saripengkon”

 Rajai ma hami sai tongtong, pasaor tu rohanami on, dameM, o Tuhannami, Marhitehite TondiMi ingani
Rohanami be. Huhut patogu hami. Dao ma bada sian hami, jabunami baen inganan, pardamean,
hasonangan.

f. Jamita : Maz 67:1-

g. Marende No. 403 : 1-2 “molo Jesus donganmi” Papungu Pelean
 Molo Jesus donganmi Las roham, Jesus I pangurupin las rohaM. Hot haporseaonmi dohot pos ni rohami,
mardonganhon Jesus I pos roham…….. Las roham, las roham, mardonganhon Jesus I las roham;
marsinondang ma di ho, bintang panghirimon I, mardonganhon Jesus I las roham.
 Molo Jesu donganmi las roham, jagaonNa tondimi las roham. Tiruonmu ma tongtong dame nang holongNa I,
saleleng di ngolumi las roham, Las roham d.u.
h. Tangiang Pelean – Ale Ama name - Pasupasu

III. Acara Adat