ACARA PAMASUMASUON

DI HKBP Agave Sigalingging

Asa ndada dua be nasida, tung sada daging do.

Onpe, naung pinadomu ni Debata, ndang jadi
sirangon ni jolma.
Mateus 19 : 6
Jumat, 10 Nop 2018
 ACARA PAMASUMASUON
David Sanggam Pandapotan Sihotang, S. Kom & Heriyanti Br Sinaga

1. Pangaradeon.
 Keluarga (Pihak Paranak & keluarga Parboru) marpungu di
Konsistori
 Tangiang pamonai di Konsistori
 Prosesi Pengantin & orangtua masing-masing, jemaat berdiri.
2. Tapungka ma acara Pamasumasuon, Marende ma hita
sian Sangab Di Jahowa No.569 : 1 + 3
1. O Debata tung longang do rohangku, Molo hubereng
na tinompa-Mi. Saluhut bintang, hilap dohot ronggur,
manghatindanghon hasangapon-Mi.
Marende au Tuhan mamuji Ho, O, Debata, sangap do
Ho.
Marende au Tuhan mamuji Ho, O, Debata, sangap do
Ho.
,,,,,,,,,,,,,jongjong,,,,,,,,,,,,,
3. Molo huingot balga ni holong-Mu, Marhite Jesus na
tarsilang i.
Anak sasada-Mi O Debatangku, dilehon Ho manobus
jolma i.
Marende au Tuhan mamuji Ho, ……………..
3. Votum – Introitus – Tangiang P.Pandita
H=Huria
U. Marhitehite Goar ni Debata Ama dohot Goar ni AnakNa
Tuhan Jesus Kristus dohot Goar ni Tondi Parbadia na
tumompa langit dohot tano on.
H. A m e n .
U. Ari on do na jinadihon ni Jahowa, marolopolop jala marlas
ni roha ma hita. Beta hita manungkap marsomba,
marsinggang ma hita tu adopan ni Jahowa Sitompa hita.
H. Ai Ibana do Debatanta, jala hita bangso
pinarmahanNa, jala birubiru niiringiring ni tanganNa.
U. Martua ma halak, na so olo mangihuthon tahi ni angka
parjahat, jala na so olo jongjong tu dalan ni angka
 pardosa, jala na so olo sahundulan dohot angka
pangarehei.
H. Sai patik ni Jahowa do lomo ni rohana, jala sai i do
dipingkiri rohana arian dohot borngin.
U. Songon hau do ibana, na sinuan di topi ni batang aek, na
marparbuehon parbuena di hajujumpang ni tingkina
bulungna pe ndang olo malos, jala sude na niulana
manjadi do.
H. Sai panganonmu do na niula ni tanganmu, martua ma
ho jala sonang. Ida ma, sai songon i do tongon
dapotan pasupasu baoa, na mangkabiari Jahowa.
U. Sai pasupasuon ni Jahowa ma ho sian Sion, asa
paidaidaonmu hinadenggan ni pambahenan ni Debata
ganup ari saleleng ho mangolu. Haleluya, martangiang
ma hita.
Ale Tuhan Debata Amanami na di banua ginjang. Ho do
na mangaturhon pardongansaripeon i. Di ida Ho do
dongannami on na marsangkap naeng marbagas; David
Sanggam Pandapotan Sihotang, S. Kom. dohot
Heriyanti Br Sinaga jala na ro do hami mangido
pasupasuM, antong sai tatap ma nasida dibagasan asi ni
rohaM. Pasupasu jala ramoti ma nasida marhitehite
panghaholongiM. Rajai ma nasida marhitehite Tondi
Parbadia asa mamungka jala marujung dibagasan dame
pardongansaripeon nasida i, tangihon ma tangiangnami
on ala ni asi dohot holong ni rohaM. Amen.
-hundul-
4. Koor:
5. Marende SDJ No.743 : 1
1. O Tuhan togu-togu ma au, tu dalan lomo ni roha-Mi,
Raphon Ho sonang mardalan au, nang rahis maol
sidalananki,
Tondi-Mi baen manggohi au on, margogoihon au
naposoMon,
Pasangap Ho dingolungkon, paima sahat tu surgo au on.

6. Jamita:
7. Koor:
8. Marende SDJ No.792 : 4 (Penganten naek tu altar)
4. Pasu-pasu hami o Tuhan, sai usehon dame-Mi,
Sai ampehon tangan-Mi Tuhan, lehon tu au gogo-Mi
Diportibion, baen ma au Tuhan, siradoti haholongon,
Togu-togu ma, hami on Tuhan, marparange na denggan.
Pasu-pasu hami o Tuhan, sai usehon dame-Mi,
Sai ampehon tangan-Mi Tuhan, lehon tu au gogo-Mi
9. Agenda Pamasumasuon ....................
10. Parhalado pasahat Kenang-kenangan sian huria :
11. K o o r :
12. Marende BE No.160 : 1 ………… Bl.206 (Papungu
Pelean)
1. Au dohot nasaripengkon, O Jesus na di jolo-Mon
Ho naeng oloannami. Ho ma nampuna hami on,
saleleng hosanami on, sai pasupasu hami.
Ho ma Raja Sioloan, pausoan, sisungkunon
di patik-Mu ale Tuhan.

,,,,,,,,,,,,,,organ,,,,,,,,,,,,,,,
2. Sai pasupasu hami be, pasingkop bohalnami pe,
padao ma hapogoson. Horasi dohot daging i,
sai tuk ma baen gogo-Na i, manahan di ulaon.
Tolong, tolong, ganup hami, asa hami manghaposi,
roha-Mi na sai marasi.
,,,,,,,,,,,,,,organ,,,,,,,,,,,,,,,
3. Rajai ma hami sai tongtong, pasaor tu rohanami on,
dameM o Tuhannami. Marhitehite tondi-Mi, ingani
rohanami be, huhut patogu hami. Dao ma bada,
sian hami, jabunami baen inganan,
pardamean hasonangan.
13. Tangiang Pelean.
Ale Debata, Amanami na di banua ginjang, Ho do
haroroan ni saluhut silehonlehon na denggan dohot nasa
ulibasa na mauliutus.
 Hupasahat hami ma sian na nilehon-Mi tu hami,
peleannami tu Ho. Sai jalo ma i gabe uap na hushus di joloM.
Pasupasu ma i jala ramoti asa huparhaseang hami pelean on,
patimbulhon harajaon-Mu di tongatonga ni huriaM dohot di
portibi on.
Buhai ma rohanami marhitehite TondiM, asa lam hutanda
hami godang ni silehonlehon-Mi tu hami, asa lam girgir hami
mandok mauliate tu Ho, marhitehite Jesus Kristus Tuhannami.
Amen.
14. Rap mandok tangiang : Ale Amanami …………..
…….Pasupasu.
15. Acara Mandok Hata :
a. Sian Horong ni Paranak
b. Sian Horong ni Parboru.
16. Foto Bersama : Pendeta & Pengantin.
17. Jongjong Pengantin & Natoras, huria pasahat ucapan
selamat.
. Marende BE No.141 : 1 Bl.222
1. Sai tiur ma langkamuna, sai Debata ma donganmuna,
nang surusuruanna pe. Molo di ramoti Jesus hamuna
ndang tarbaen so bulus do langkamuna sasude.
Antong Tuhanta i, ma donganmuna i, ganup ari,
hamu sude sai ingot be, tumangiangkon hami pe.