ACARA PAMASUMASUON

PARDONGANSARIPEON

RONI IRFAN PARDEDE

Dohot
INTAN SURYA NINGSIH MANURUNG br MANURUNG

GEREJA HKBP PASIR PUTIH

Sabtu, 21 Maret 2020

0
 I. PANGARADEON

- Penganten dohot keluarga dohot parhalado martangiang di

konsistori.

Pdt.: Huria na hinaholongan ni Tuhanta Jesus Kristus na marlas ni roha hita

laho mangudurhon Pamasumasuon ni donganta :
RONI IRFAN PARDEDE dohot
INTAN SURYA NINGSIH br MANURUNG.

Ala na naeng masuk ma Penganten dohot keluarga tu gareja on,

jongjong ma hita saluhutna.

----- Penganten memasuki gereja diiringi Ende “From This

Moment” -----

Nunga sahat be Penganten dohot keluarga di tongatonganta.

Pungkaonta ma parsaoranta dohot Debata na badia i, alani i
hundul ma hita di hundulanta be dibagasan hahohomon.

PARTANGIANGAN
1. Marende BE. No. 565 : 1 + 4 ”Las rohangku lao
mamuji ”

Las rohangku lao mamuji Debata parholong i

Songon bunga na mangerbang di na binsar ari i
Arsak dosa haporsuhon mago dibaen asiMi
Las ni roha na manongtong lehon di au Tuhanki
i (Jongjong)
Rap ma hita mangendehon sangap di GoarNa i
Tapangiar soaranta lao mamuji Tuhan i
Sun do holong ni rohaNa na so marnamontok i
I do pasadahon hita salelenglelengna i.

2. VOTUM & TANGIANG

1
 Pdt : Marhitehite Goar ni Debata Ama dohot Goar ni AnakNa Tuhan Jesus
Krsitus dohot Goar ni Tondi Parbadia na tumompa langit dohot tano
on.
H : Amen
Pdt : Martua ma halak, na so olo mangihuthon tahi ni angka parjahat,
jala na so olo jongjong tu dalan ni angka pardosa, jala na so olo
sahundulan dohot angka pangarehei.
H : Sai patik ni Jahowa do lomo ni rohana, jala sai i do
dipingkiri rohana arian dohot borngin.
Pdt : Songon hau do ibana, na sinuan di topi ni batang aek, na
marparbuehon parbuena di hajujumpang ni tingkina, bulungna pe
ndang olo malos, jala sude na niulana manjadi do.
H : Ai ditanda Jahowa do dalan ni angka na tigor roha i; alai
matua laho lonong do anggo dalan ni angka parjahat.
Pdt : Martangiang ma hita :
Ale Tuhan Debata Amanami na di banua ginjang. Ho do na
mangaturhon pardongansaripeon i. Diida Ho do dongannami on na
marsangkap naeng marbagas. Jala na ro do nasida mangido
pasupasum. Antong sai tatap ma nasida di bagasan asi ni rohaM,
pasupasu jala ramoti ma nasida marhitehite panghaholongiM. Rajai
ma nasida marhitehite Tondi Parbadia, asa mamungka jala
marujung dibagasan dame pardongansaripeon nasida i. Tangihon
ma tangiangnami on, ala ni asi dohot holong ni rohaM. Amen
(hundul)

3. KOOR : NHKBP PEKANBARU – NHKBP PASIR PUTIH

4. MARENDE BE. No. 715 : 1 ” BALGA DO
HOLONGMI ”.

Balga do holongMi sitobus au

Ai nunga mate Ho , humophop au
Hulehon ma tu Ho saluhut ngolungki
Sai i ma padanki tu Tuhanki

5. JAMITA / RENUNGAN :

6. MARENDE BE. No. 701 : 1 + 2 ”TU HO DO AU

MARPADAN”
2
 ( Penganten ro tu jolo ni altar)

Tu Ho do au marpadan , o Jesus Tuhanki

Asa burju haposan au di adopanMi
Sai Ho ma mandongani au di ulaonki
Ajari pargogoi ma au di dalanki
PadanMu ale Jesus tu angka ruasMi
Luhut do toguonMu tu hasangaponMi
Padanku pe o Jesus satia au tu Ho
sai pargogoi ma au, lao mangihuthon Ho.

7. AGENDA PAMASUMASUON .
i. Ruhut Pardongansaripeon ni halak Kristen
Pdt. : Hamu ale angka na pinarhamaol ni Debata, ditahi rohamuna do
nuaeng naeng marbagas, alai ndang tama halak Kristen marbagas
songon sipelebegu. Antong tangihon hamu jolo Hata ni Debata
taringot tu ruhut pardongan saripeon ni halak Kristen. Dung
ditompa Debata jolma i, didok Ibana ma : Ndang denggan sasada
baoa i punjung, hubahen ma di ibana sada boruboru pangurupi di
ibana bahen angkupna. Angkup ni i didok Tuhan Jesus : Ganup na
paulakhon na niolina, ia so ala ni na marmainan, na
palangkuphonsa do. Pangalangkup do nang na mabuat na sirang i.
Antong na pinadomu ni Debata ndang jadi sirangon ni jolma
Songon on do didok Debata tu baoa i : hamu angka baoa,
haholongi hamu ma pardihutamuna be songon Kristus, na
manghaholongi Huria i jala na mangalehon diriNa humophopsa.
Unang muruk hamu dompak nasida, ingkon marroha hamu
mandongani nasida, sangap bahen hamu nasida songon dongan
panean di hangoluan na so ra suda.
Dung i songon on do didok Hata ni Debata tu angka
boruboru : Dioloi angka parompuan ma baoana be songon
pangoloina di Tuhan i, ai baoa i do ulu ni pardihutana songon

Kristus ulu ni Huria i. Ingkon bontor, porman, toman, mardongan

halambohon dohot hamenahon ni tondi parange ni boruboru i.
Ima na arga di jolo ni Debata dohot di jolo ni jolma.
Antong , songon angka na marparangehon Hata ni Debata ma
hamu. Sumolukhon parasinirohaon dohot habasaron dohot
3
 haserepon ni roha ma hamu. Masipauneunean ma hamu dohot
masiasiasian. Saluhut riting ni roha, muruk, rimas, panonggahion
dohot panginsahion i, dao ma sian hamu. Alai di ginjang ni
saluhutna i , masihaholongan ma hamu, ai i do rahutrahut ni na sun
denggan i. Dung i dame na sian Debata, i ma mangarajai di
bagasan rohamuna. Jala saluhut na binahenmuna marhitehite hata
manang pambahenan, tongtong ma i marhitehite Goar ni Tuhan
Jesus, asa Ibana na mangarajai rohamuna dohot ulaonmuna.
ii. Padan Pardongansaripeon
Pdt. : Antong nunga dibege hamu Hata ni Debata taringot tu ruhut ni
Pardongan saripeon i.
Na manungkun ma ahu nuaeng jumolo di ho , ale Pangoli si Roni
Irfan Pardede. Olo do ho manghajongjongkon di jolo ni Debata na
umboto saluhut, dohot di jolo ni angka dongan na pungu dison, na
dipangido roham do si Intan Surya Ningsih br Manurung na
niriritmon gabe donganmu saripe ? Olo do ho manghaholongi ibana
sian nasa roham dohot mangulahon sian nasa gogom , huhut
marparangehon parange na badia rap dohot ibana ? Na olo do ho
manganju-anju dohot hagaleonna, tung sura humurang parangena,
jala na so tupa paulahonmu manang tadinghononmu ibana paima
disirang hamatean hamu sogot ?
Molo naung sada roham mangoloi sakluhutna i dok ma :
Pangoli : Na olo do ahu
Pdt. : Na manungkun ma ahu dohot di ho , ale inang Intan Surya Ningsih
br Manurung niririt ni si Roni Irfan Pardede on bahen donganna
saripe : Na olo do ho manghajongjongkon di jolo ni Debata na
umboto saluhut, dohot di jolo ni angka dongan na pungu dison, na
dipangido roham do si Roni Irfan Pardede on gabe sinondukmu ?
Olo do ho manghaholongi ibana sian nasa roham dohot
marparangehon parange na badia, paboa
halak Kristen ho ? Jala na so tupa mahilolong ho manang
tadinghononmu ibana paima disirang hamatean hamu sogot ?

Molo naung sada roham mangoloi saluhutna i dok ma :

Oroan : Na olo do ahu

iii. Tukar Cincin

4
Pdt. : Dison adong cincin na sian logam mulia, na patuduhon songon
cincin on na so marujung songon i ma holong ni roha nasida na so
marujung ia so sinirang ni hamatean, jala sian logam mulia, na
patuduhon na polin do haholongon ni roha nasida. Alani i martukar
cincin ma hamu nadua jumolo ma Pangoli diuduti oroan ;
Pangoli : Saya sematkan cincin ini ke jari manismu Intan Surya
Ningsih br Manurung tanda kasihku kepadamu bahwa kita tidak
akan berpisah kecuali karena kematian.
Oroan : Saya sematkan cincin ini ke jari manismu Roni Irfan
Pardede tanda kasihku kepadamu bahwa kita tidak akan berpisah
kecuali karena kematian.

iv. Pamasumasuon Pardongansaripeon

Pdt. : Antong masileanan tangan siamun ma hamu paboa hot ni
padanmuna : (Penganten marsidompahan )
Naposo ni Debata do ahu na mamboan Hatana tu hamu.
Marhitehite Goar ni Debata Ama, Anak dohot Tondi Parbadia do
ahu mandok : Na pinadomu ni Debata ndang jadi sirangon ni
jolma.
( Penganten marsinggang mandompakhon Pendeta )
Pdt. Dipasupasu jala diramoti Tuhan Debata ma hamu. Disondanghon
Tuhan Debata ma bohiNa tu hamu jala asi ma rohana mida hamu.
Didompakhon tuhan Debata ma bohina tu hamu jala dipasaorhon
ma Tondina tu tondimuna be. Amen
(Penganten jongjong mandompakhon Pendeta)
v. Pasahathon Akte Kawin dohot Alkitab Kenangan sian
Huria.
vi. Mulak ma Penganten tu hundulanna dung jolo dijalang
natoras ni Pangoli dohot Natoras ni Oroan diiringi lagu “Doa
Seorang Anak” (Jongjong ma Natoras ni Pangoli dohot
Oroan di Ingananna).

8. MARENDE BE. No. 754, 1 … “GOK LAS NI ROHA DO

AU”
( Pelean )

5
 Gok las ni roha do au di ngolungkon, dingolungkon , di ngolungkon
Gok las ni roha do au di ngolungkon tongtong di rohangkon.
Mauliate gok las ni roha maringan HolongMi Tuhan di au
Mauliate gok las ni roha maringan holongMi tuhan di au.
..... organ .....

Mardame jala sonang do rohangkon , di ngolungkon, di ngolungkon.

Mardame sonang do rohangkon, tongtong di ngolungkon.
Mauliate gok las ni roha .....
..... organ .....
Gok do holong ni Jesus di ngolungkon, dingolungkon, di ngolungkon
Gok do holong ni Jesus di ngolungkon, tongtong di ngolungkon
Mauliate gok las ni roha …..
..... organ .....
Marlas ni roha do au di ngolungkon, di ngolungkon , di ngolungkon.
Marlas ni roha do au di ngolungkon, tongtong di ngolungkon.
Mauliate gok las ni roha ........

9. Tangiang Panutup - Pasupasu (Jongjong)

Pdt : Tatangianghon ma Pelean tu Debata martangiang ma hita :
Ale Debata , Amanami na di banua ginjang, Ho do haroroan ni
saluhut silehonlehon na denggan dohot nasa na mauliutus.
Hupasahat hami sian na nilehon mi tu hami, peleannami tu Ho. Sai
jalo ma i gabe uap na hushus di joloM. Pasupasu ma i jala ramoti,
asa huparhaseang hami pelean on, patimbulhon hararajaonMu di
tongatonga ni Huriam dohot di portibi on. Buhai ma rohanami
marhitehite TondiM., asa lam hutanda hami godang ni
silehonlehonMi di hami , asa lam girgir hami mandok mauliate tu
Ho , marhitehite Jesus Kristus Tuhannami. Amen.
Antong rap mandok ma hita di tangiang “ Ale Amanami “ :
H : Ale Amanami na di banua ginjang. Sai pinarbadia ma
GoarMu. Sai ro ma HarajaonMu. Sai saut ma lomo ni rohaM
di banua tonga on songon na di banua ginjang. Lehon ma tu
hami sadari on hangoluan siap ari. Sesa ma dosanami
songon panesanami di dosa ni dongan na mardosa tu hami.
Unang hami togihon tu pangunjunan. Palua ma hami sian
pangago. Ai Ho do nampuna harajaon dohot hagogoon ro di
hasangapon saleleng ni lelengna. Amen .

6
Pdt : Asi ni roha ni Tuhan Jesus Kristus dohot holong ni roha ni Debata
Ama dohot parsaoran ni Tondi Parbadia ma na mandongani hamu
saluhutna. Amen .
H : Amen ~ Amen ~ Amen

Mandok Hata :
- Pihak Paranak
- Pihak Parboru

IV. FOTO BERSAMA

- Pengantin dohot Pendeta

V. Masijalangan tu penganten dohot Natoras

Huhut marende sian : BE No. 141 ……BL. 222
Sai tiur ma langkamuna , sai Debata ma donganmuna
Nang SurusuruanNa pe. Molo diramoti Jesus
Hamuna ndang tarbaen so bulus do langkamuna sasude
Antong Tuhanta i ma donganmuna i ganup ari.
Hamu sude sai ingot be tumangianghon hami pe