TATA IBADAH

MINGGU PESTA SEKSI SIKOLAH MINGGU GKPS

&
PARROHNI TONDUY NAPANSING/ PENTAKOSTA

Tema:
Hasadaon pakon Pangidangion na Marbuah
(Kolosse 1:10)
Sub Tema:
“Marmalas ni Uhur ma Hita Pataridahkon Buah ni Haluahonta anjaha
Gabe Pasu-pasu i Tongah-tongah ni Gareja, Masyarakat ampa Negara
Tandani na dob Matoras Haporsayaonta”
(1 Tessalonika 5:16-18, Jesaya 9:2, Psalmen 118:24)

Minggu, 28 Mei 2023

1
Praeludium
- Ganup sipangidangi i ruang konsistori, sosialisasi (penjelasan) tata ibadah
pakon riap martonggo laho mangidangi
- Ganup sipartugas mamakei topi na malambangkon Tonduy Napansing
(lidah api/ burung merpati) na domma ipadear guru sekolah Minggu)
- 12 Dakdanak Sikolah Minggu (12 susianni Jesus) dihut bani barisan prosesi
anjaha sidea i lobei ni barisan prosesi anjaha mamakei topi na
melambangkon Tonduy Napansing
Siboan doding: Horas ma hubanta haganupan!
Gok bai malas ni uhur ma hita halani boi hita riap markebaktian sadarion
riap pakon dakdanak Sikolah Minggu. Riap hita haganupan, aima halani hita
mamestahon Minggu pakon Pesta Sikolah Minggu. Riap hita markebaktian,
ibagas malas ni uhur halani kuasa pakon gogohni Tonduy Napansing na
ipestahon hita marhitei Minggu Pentakosta, Pardingatan Parrohni Tonduy
Napansing. Halani ai, riap marunduk ni uhur ma hita anjaha marondos
hubani Naibata ibagas na imasuki hita kebaktian on.
Riap ma hita jongjong,
pungkah hita ma ibadahta janah mandoding hita humbani lagu pujian,
Humbai Poltakni Sogod in (Dari Terbit Matahari)
(ganup sipangidangi masuk hu ruangan kebaktian marhitei prosesi.)
Humbai poltakni sogod in, das bai bodni ari in } 2x
Sai puji goranni Tuhan in
Puji Tuhan, puji Tuhan
Humbai poltakni sogod in, das bai bodni ari in
Sai puji goranni Tuhan in
...Saat teduh...
1. Votum – Introitus – Tonggo
P Ibagas goran ni Naibata Bapa, pakon Tuhan Jesus Kristus ampa
Tonduy Napansing, Sitompa langit pakon tanoh on. Amen.
Useihonon-Ku do Tonduy-Hu bani dakdanakmu ampa pasu- pasung-
Ku bani ginomparmu. Haleluya, Haleluya, Haleluya.
K (Mandodingkon) Haleluya, Haleluya, Haleluya.
P Martonggo ma hita!
2
 Ham Tuhan Naibata Bapanami, mangkatahon tarimakasih do hanami
humbani gok ni uhurnami, halani ipajongjong Ham do Kuria-Mu i
tanoh on, anjaha dihut hanami idilo Ham hujin. Suruh Ham ma
Tonduy Napansing in hubagas uhur nami ase ibobai hanami hubani
hagoluhan na pinasirsir ni Anak-Mu Jesus Kristus Tuhannami. Togu
Ham ma hanami marhitei Tonduy Napansing na ipestahon hanami
bani panorang on na sekaligus pakon pesta seksi sikolah Minggu
GKPS, ase lambin orod hu Bamu ibagas haporsayaon na sintong,
anjaha ase marmalas ni uhur hanami pasangaphon Goran-Mu na
pansing in. Ibagas Jesus Kristus hanami domma martonggo. Amen.
(hundul kuria)
2. Mandoding Haleluya No. 195:1-2, “Sai Hupasangap Tongtong Ari on”
Sai hupasangap tongtong ari on, bai goluhkon, bai goluhkon
Ai sai martumpu hanami tongtong, i rumah on, i rumah on
Sonang do uhur marlajar ijon, gok do ambilan tangaron ijon
Nin homa doding sai tambah tongtong, megah au on, megah au on.

Seng dong ngolngolan uhurhu ijin, sonang ijin, sonang ijin.

Ai sai hurangan tongtong pinggolhin, sanggah ijin, sanggah ijin
Megah hanami mandoding ijin, rapkon hasoman mabuei ijin
Sai tong hudingat Tuhanku ijin, parholong in, parholong in.
3. Hasasapan ni Dousa
P Riap ma hita jongjong!
Martonggo ma hita, sopotkon hita ma dousanta hubani Tuhan
Naibata. Ham Tuhan Naibata, Bapa paridop ni uhur na mangkaholongi
hanami, na roh do hanami hu lobei-Mu mansopotkon dousanami.
Ibotoh Ham do haganup paruhuran, pingkiran ampa parlahounami.
Gati do hanami manlembang humbani harosuh-Mu. Hurang porsaya
hanami bani parmudu-muduon-Mu pakon hagogohon-Mu bani goluh
nami. Lang parlobei ipindahi hanami harajaon-Mu pakon hapintoron-
Mu. Ham Naibata idop ma uhur-Mu bannami pardousa on.
K (Mandodingkon: Tuhan Holong ma Ham)

3
 P Ham Tuhan Jesus, isura uhur-Mu do ase maluah hanami humbani
dousa. Iparentahkon Ham do homa hanami laho mamboan pakon
marsuruh niombah nami ase roh hu-Bamu, hu Gareja marsikolah
Minggu pakon marlajar manandai Ham. Tapi gati do hanami lansei
bani tugas pakon tanggungjawabnami ai. Ham Naibata idop ma uhur-
Mu bannami pardousa on.
K (Mandodingkon: Tuhan Holong ma Ham)

P Ham Tonduy Napansing, roh do Ham hubennami laho mampargogohi

hanami ase boi marbuah goluhnami songon buah ni Tonduy in. Iojur
Ham do homa hanami laho mangajari, mamodahi pakon pauli-ulihon
haporsayaon ni niombahnami ase ibotoh janah iihutkon sidea hata-Mu.
Tapi gati do hanami sangsi janah mabiar laho mangkorjahon
tanggungjawabnami in, lang be gabe sitiruon parsahap pakon
parlahounami i lobeini sidea. Marpangulaki ma uhur-Mu Tuhan, sasap
Ham ma dousanami.
K (Mandodingkon: Tuhan Holong ma Ham)

P Idop ma uhur-Mu Tuhan, sasap Ham ma dousanami in, amen.

...Saat teduh...
Tangar anjaha haporsayai hita ma Hata ni Naibata, bagah-bagah pasal
hasasapan ni dousa.
4
 Paridop ni uhur anjaha pardear layak do Jahowa, nanget manringis
anjaha paridop ni uhur banggal. Seng ibahen hubanta romban hubani
dousanta, anjaha seng ibalaskon banta romban hubani hajahatonta.
Songon idop ni uhur ni bapa bani niombahni, sonai do idop ni uhur ni
Jahowa bani sagala na manghabiari-Si.
Ibagas holong ni Naibata, domma isasap haganup dousanta. Halani ai,
pataridahkon hita ma tanda-tanda ni pargoluhon na bayu. Hasangapon
ma bani Naibata i babou!
P+K Amen (hundul kuria)
4. Mandoding Haleluya No. 457:1-2, “Marhitei Lima Ruti”
Marhitei lima ruti, dua dengke, itamu Jesus do ganupan na roh in.
Dob itonggohon ipartopiki use, lanjar ibagihon bai sidea in.
Bosur mangan lima ribu halak, anjaha dong ope suleini
Dob ipatumpu ganup teba-teba, dong ope sapuluh dua bantei in.

Usih sonin do hita tinobus-Ni, na dob porsaya bani Tuhan Jesus in.
Jumpahan goluh na marlobih-lobih, asal ma tongtong hita bujur ijin.
Roh ma hita! Irikkon Tuhanta, Ia ma tong sibalosanta.
Seng ipaturut hita on gayuran, tong do iparorot ase sai sonang.
5. Ruji-Ruji Minggu Pentakosta: Tonduy Napansing Mambere Gogoh
P Hita haganupan kuria ni Tuhan, bani mungkahni parrohni Tonduy
Napansing, iurupi Tonduy Napansing in do susianni Tuhan Jesus ase
gabe saksi ni Kristus laho mambaritahon Ambilan na Madear, anjaha
Tonduy Napansing pabayuhon sidea ase lambin barani anjaha sirsir
mangambilankon Ambilan na Madear.
K Hita pe na manjalo kuasa na sarupa humbani Tonduy Napansing, sirsir
ma hita ipabayu gabe tinompa na baru.
P Tonduy Napansing aima na mangurupi susian ni Tuhan Jesus
mangarusi hatani Naibata, anjaha na mangojur sidea ase padaskon
Ambilan na Madear hubani haganup bangsa. Halani ai, Minggu
Pentakosta aima Minggu na pasingatkon hita ase totap mambaritahon
pambahenan ni Tuhan.
K Sai sirsir ma hanami mambaritahon pambahenan ni Naibata na jenges
bani goluhnami.
5
 P Tonduy Napansing isuruh Naibata Bapa ibagas Kristus Jesus, anjaha
Tonduy Napansing na mangajari pakon pagolpahon hita bani
haganup na iajarhon Tuhan Jesus hubanta. Tonduy Napansing do
homa Sipangapiti banta ase margogoh hita laho pajongjongkon
hasintongan.
K Ham ale Tonduy Napansing, pabayu anjaha papansing Ham ma
hanami, ase lambin sirsir hanami mangkaholongi, mambere diri nami
bahen harosuhni uhur-Mu pakon gabe pasu-pasu bani haganup
jolma. Amen.

6. Mandoding Haleluya No. 83:1-3, “Roh ma Ham, Tonduy Na Pansing”

Roh ma Ham Tonduy Na Pansing, Naibatangku na botul!
Uhurnami ma papansing, mambalosi Ham bujur.
Sai sondangi Ham totap uhurnami na golap
Bere Ham bai uhurnami hapentaran hun Bamu
Ase ibotoh hanami marpangabak hu Bamu
Humbai hakahouon pe Ham ma paluahkon bei
... Interlude ...
Patuduhkon Ham bannami dalan hagoluhan in
Sai pabayu uhurnami, sai padaoh dousa in
Sai pagogoh au tongtong bani na madear on
7. Hata Haporsayaon
P Riap ma hita jongjong! Saksihon hita ma haporsayaonta in, songon na
sinaksihon ni haganup halak na porsaya bani sab tanoh on!
P+K Ahu porsaya bani Naibata Bapa, … Amen
(hundul kuria)
8. Acara Khusus
a. Mambasa/ mangidah video Tonah Pimpinan Sinode GKPS
b. Mambasa Puisi, “Roh Allah Ada Padaku”
c. Galangan Puji-pujian: Koor, Vokal Grup pakon na legan
d. Tingting
e. Tonggo Pangapition humbani sikolah Minggu

6
9. Mandoding Kidung Rohani, “Anggo Ipartigatiga An” 2x

10. Ambilan: Johannes 20:19-23

11. Galangan
P Paima ipatumpu hita galanganta, tangar hita ma lobei Hata ni Naibata
na gabe onjolan banta laho manggalang, aima natarsurat bani: Heber
13:16 “Mambahen na madear ampa na marsibere-bere, ulang ma
halupahon nasiam ai, ai galangan na sonai do iharosuhkon Naibata”.
Sonari patumpu hita ma galanganta!

12. Tonggo Galangan – Panutup – Paingkathon - Pasu-pasu

P Riap ma hita jongjong!
Martonggo ma hita mangondoskon galanganta hubani Naibata!
Ham Tuhan Naibata, Simada hanami pakon haganup goluhnami.
Tarimakasih ma hatahononnami hu-Bamu, halani iparmudu-mudu,
iparorot janah ipasu-pasu Ham do goluhnami. Ibere Ham do homa
parhiouon, hajorgiton, sipanganon pakon siinumon ronsi na porlu bani
goluhnami. Tanda ni tarimakasihnami, iondoskon hanami do hu-Bamu
goluh pakon humbani pasu-pasu nabinere-Mu in, na ipatumpu hanami
on, gabe galangannami. Papansing anjaha pasu-pasu Ham ma on gabe
galangan na misbou i lobei-Mu, bahen hasangapon pakon pararat ni
harajaon-Mu i dunia on. Sai tambahi Ham ma pasu-pasu-Mu janah sai
lambin paganda Ham ma holong ni atei-Mu hubennami. Ajari Ham ma
7
 hanami, ase lambin igalangkon hanami dirinami pakon
hinadongannami hubani harajaon-Mu bahen hasangapon-Mu, ibagas
Goran ni Anak-Mu Jesus Kristus, Sipaluah hanami. Amen.
K (Mandodingkon Haleluya No. 249:2)
Ganup binere-Mu in, tonduy pakon angkulangku
Hosah ampa gogohkin ronsi haganup artangku
Huondoskon in Bamu, seng paosoronku in
P Ham Tuhan Naibata Bapanami Paridop ni uhur. Tarimakasih ampa puji-
pujian ma isombahkon hanami hu-Bamu, halani isuruh Ham do Tonduy
Napansing in bennami kuria-Mu i dunia on. Marhiteihonni ai, lambin
margogoh janah tarapoh uhurnami bani pardalanan ni goluhnami
sanggah i dunia on ope hanami. Mangelek ma hanami hu-Bamu, pasu-
pasu Ham ma hanami haganupan, tarlobih Seksi Sekolah Minggu na
ipestahon hanami bani sadari on. Pargogohi Ham hanami marparlahou
marguru hubani Tonduy-Mu Na Pansing in, ase tongon-tongon ma
marbuah goluhnami. Ibagas goran ni Anak-Mu, ipadas hanami
tonggonami on. Amen.
Ham Bapanami na i nagori atas. Sai napapansing ma Goran-Mu! Sai
roh ma harajaon-Mu. Sai saud ma harosuh ni uhur-Mu i nagori tongah
on songon na i nagori atas! Bere Ham ma bannami sadarion hagoluhan
ari-ari. Sasap Ham ma dousanami songon panasapnami bani dousa ni
hasoman na mardousa dompak hanami! Ulang hanami bobai Ham hu
parlajouan! Paluah Ham ma hanami humbani pangagou!
K (Mandodingkon:
Ai Ham do Simada Harajaon, pakon hagogohon
ampa hasangapon sadokah ni dokahni. Amen.
P “Laho ma hanima, podahi hanima ma sagala bangsa, ase gabe susian-Ku
sidea, anjaha didi hanima ma sidea hubagas goran ni Bapa, Anak ampa
Tonduy Napansing. Ajari hanima ma sidea mangkorjahon sagala na
dob Hutitahkon bennima. Tonggor ma, sai na hasomanan-Ku do
hanima ganup ari, ronsi roh ujung ni dunia on”
P. : Jalo ham/ hita ma pasu-pasu humbani Tuhan Naibatanta:
Ipasu-pasu anjaha iparorot Tuhan Naibata ma ham/ hita.
Isondangkon Tuhan Naibata ma bohi-Ni hu bamu/ banta,
8
 Janah maidop ma uhur-Ni mangidah ham/ hita.
Idompakkon Tuhan Naibata ma bohi-Ni hu bamu/ banta,
Janah ipasorap ma damei-Ni bani tonduymu/ tonduyta. Amen.
K. : (Mandodingkon) Amen, Amen, Amen

Postludium

Mandodingkon, “Horas Bei ma Hita”

Puisi:
Roh Allah Ada Padaku
Karya: Silvia br. Sembiring
(Guru Sikolah Minggu GKPS Hosianna, Pematang Siantar)

ROH ALLAH ADA PADAKU

Terima kasih Tuhan

Kau bangunkan aku pagi ini
Kau berikan aku sinar mentari
Roh-Mu mengajariku bersyukur dalam doa pagi ini
9
Roh Allah itu mengajariku menjadi anak sekolah Minggu yang hidupnya berarti
Berbuat tanpa menuntut balas, berkata tanpa menyakiti dan hidupnya tidak
menjadi pemalas.

Kalau aku,
Menjadi anak yang berani karena melakukan yang benar,
Mau menolong orang lain,
Merawat lingkungan,
Itu karena Roh Allah ada padaku.
Kalau aku
Menjadi anak yang bisa berbicara dengan sopan kepada semua orang,
Berani berdoa,
Rajin belajar,
Tidak mengejek teman karena kelemahannya,
Itu karena Roh Allah ada padaku.
Dan kalau aku,
Menjadi anak yang mau mengatakan “maaf” saat melakukan kesalahan,
Mau mengucapkan “tolong” saat butuh pertolongan,
Mau mengucapkan “terimakasih” atas kebaikan orang lain,
Itu juga karena Roh Allah ada padaku.
Roh Allah-lah yang menolongku menjadi anak sekolah minggu yang taat dan
benar.
Terpujilah Dia yang telah memberikan pertolongan dalam hidup kita.

Selamat merayakan Hari Pentakosta

dan Selamat Pesta Sekolah Minggu untuk kita semua.

10