HURIA KRISTEN INDONESIA (HKI)

The Indonesian Christian Church

Jemaat Palembang Resort Palembang
Daerah VIII Riau Sumbagsel

TATA IBADAH JUMAT AGUNG

Thema :
Bagasna I Hamoraon, Hapistaran, Parbinotoan ni Debata Jahowa

Jumat 03 April 2015

Tata Ibadah Jumat Agung HKI Palembang 03 April 2015

1. JOUJOU TU PARSAORAN VOTUM INTROITUS
( jongjong ma paragenda di langgatan dohot ruas di inganan na be mangkuling ma
organ Angon-angon mangendehon sada Ayat BE No. 412 Ndi di dolok Adui )

P : Hamu angka dongan na tinobus ni Kristus andorang so tapungka

parsaoranta di ari nabadia on, jalo hamu ma tabe holong sian hami na
mangkobasi parpunguan on: syalomhamu angka dongan masuk ma
hita tu parsaoran ni huria na badia, parsaoran na marningot ari hamamate
ni Tuhan Yesus namamorsan dosanta di dolok Golgota. Asa tung gomal
di rohanta balga ni holongNa na marpanghophopon i ta paias rohanta
tapahibul pingkiranta, tapaserep jala ta paunduk dirinta ditoru ni silang
ni Tuhanta i (hundul)

2. MARENDE BE No. 184 : 1-2 Nunga tung Jumpang au Ojahan

1. Nunga tung jumpang au ojahan
ni tondingki na mago i Mudar ni Jesus do
manahan Saleleng ni lelengna i Nang mago
pe portibi on Tongtong dohot ojahan on............(Jonjong)
2. Ai dipaherbang do tanganNa Mangkaoli hajolmaon on.
Dibahen asi ni rohaNa Di isi ni portibi on
Naung ro nang na so ro dope Naeng toguonNa do sude.

3. VOTUM - INTROITUS
P : Dibagasan Goar ni Debata Ama, dohot goar ni AnakNa Tuhan Jesus
Kristus, dohot goar ni Tondi Parbadia na manompa langit dohot tano
on, tapungka jala tapatupa parpunguan na hohom on laho marningot
Hamamate ni Jesus na gok holong i di dolok Golgata.
J : Di bagasan GoarMu ale Debata Ama, Anak dohot Tondi Parbadia,
patupaonnami punguan na hohom on.
P : Tabereng ma induk ni haporseaon i jala na paujunghonsa, i ma Jesus
na manaonhon parsilangon i.
J : Singkat ni las ni roha, tohapna i hian, so dietong i hailaon, gabe
hundul di siamun ni habangsa ni Debata.
P : Paingotingot hamu ma Ibana, na pataontaon paraloan sisongon i
dompak Ibana sian si pardosa, asa unang marnaloja hamu, unang

Tata Ibadah Jumat Agung HKI Palembang 03 April 2015

 mandate tondimuna. On do birubiru ni Debata na mamorsan dosa ni
portibi on, Haleluya.
J : ( mangendehon ) : Haleluya, Haleluya, Haleluya
P : Martangiang ma hita. Ale Amanami jala Debatanami, Parasiroha na
sumurung do Ho di sude jolma manisia. Nunga dilehon Ho Anakmu
Tuhan Jesus Kristus Tuhannami manaon haleaon dohot siak ni bagi,
pola mate tarsilang, asa malua hami sian gomgoman ni sibolis. Sai
parrohai ma hami mamingkiri panaonon ni Anakmu, asa taruli hami
marhite sian i di hasesaan ni dosa dohot di haluaon sian hamatean
paduahalihon. Asa dapot hami hangoluan salelenglelengna marhite
Tuhan Jesus Kristus Tuhannami, Anak haholongan ni roham.
Amen.. (Hundul)

4. MARENDE BE No. 622: 2 Mansai Nalnal Diangka Partingkian

2. SilangMu Kristus tanda ni holongMu pahisar tondi na magopu I
mangalononghon sasude dosangku mabaor tu laut asi ni rohaMi.
Naung tubu hami gabe na imbaru,Na ni urasan sian dosa i.
Ala mudarMu na ni usehonMu Di Golgota di hamamateMi.

5. PATIK
P : Hamu angka dongan, hamamate ni Jesus di silang i patuduhon na
sintong do Ibana Anak ni Debata. Nunga dihatahon hian na ingkon
mate tarsilang Ibana di Golgata laho manghophop jolma pardosa.
Diuhum portibi Tuhan i ala dipajongjong patik dohot lomo ni roha ni
Debata. Ingkon mate tarsilang Ibana ala dipajongjong hatigoran. Ala
diulahon patik holong, ingkon marutang hosa Ibana. Patut do hape
didok Apostel Paulus tu si Timoteus di 1 Korintus 1: 18.
J : Ai haotoon do hata na taringot tu silang i di roha ni angka nalaho
mago, alai hagogoon ni Debata do i di hita nadapotan haluaon.
P : Diparsilangkon portibi on do angka na mangulahon patik ni Debata i
ma na manghajongjongkon hasintongan dohot hatigoran. Masa do i
nang tu hita, tu angka siihuthon Tuhan i, dipalelelele, dibunu, diorai
pajongjong gareja, disegai, ditutungi bagas ni Tuhan i. Alai taningot
ma : Songon donganNa hita manaon, donganNa do hita nang di
hasangaponNa i. Antong rap mangido gogo ma hita sian Tuhanta :

Tata Ibadah Jumat Agung HKI Palembang 03 April 2015

 P+J : Ale Tuhan Debata, sai pargogoi ma hami mangulahon na hombar tu
patikMi. Amen.
6. KOOR PW

7. MARENDE BE No. 165 : 1+5 ..O Jesus na pangolu au

1. Na basa do rohaM di au o Jesus Tuhanki
Diihuthon Ho au tu nadao mambuat rohangki
5. Ai nunga pola mate Ho humophop tondingki..(jongjong)
Malungun au nuaeng di Ho, naeng au tu lambungMi

8. TANGIANG HASESAAN NI DOSA

P : Asa tung hibul rohanta manolsoli dosanta taingot ma Jesus na
tarsilang i. Marsipal jala gok haporsuhon Ibana manaon sude
dosanta. Dileai, ditijuri, dipastapi jala dipartumpalhon sungsang duri
tu simanjujungNa. Laos Ibana muse do mamorsan hau pinarsilang i
sian bagas paruhuman i sahat tu Golgata. Lam leleng lam dokdok do
silang i dituhuk Tuhan i, pola martinggangan Ibana mamorsan. Hansit
do i jala porsuk. Alai umporsuk sian i dope, diporsan do dosanta i.
Patut do ndang tapaidaida angka parompuan na paihutihut Tuhan i
parniahapan ni Jesus i. Ale Tuhan, manarisik do tu rohanami
linsinglinsing na patamba renge ni parniahapanMi. Ndang tartuhuk
hami silangMi. Ndang tarrampas hami linsinglinsing ni soldadu i,
gale do hami Tuhan, holan ilunami nama na maraburan ala ni
dosanami.
J : ( Mangendehon ) BE No.86:2 Batu mamak di au on.
2. Nasa na hula I, ndang tau hasonaganki, nang rigkot pe rohangki
Pola ro nang ilungki, holan asi nirohaM pangurupi O Tuhan.
P : Hamu angka parompuan, tung sura sai mangandungi jala tumatangis
hamu, jala tung sura boi tahuon ilumuna i, ndada tuk i paneanghon
sitaonon ni Tuhan i. Ai ndada alani ilumuna dohot tangismuna neang
sitaonon ni Tuhan i. Tangihon ma pandok ni Tuhan i : Hamu angka
boru Jerusalem, unang ma Ahu tangisi hamu, dirimuna dohot
anakhonmuna ma . Dokdokna i Tuhan silangMi, pola
martinggangan Ho manuhuk i. Tuani ma ro si Simon Kirene
mangurupi Tuhan i manuhuk silang i. Alai, ndada ala dohot ibana
manuhuk silang i, gabe dohot ibana mamorsan dosa ni portibi on.
Tata Ibadah Jumat Agung HKI Palembang 03 April 2015
 Tung beha pe gogona mamorsan silang i, holan Jesus do na tuk
mamorsan dosa ni sandok hajolmaon.
J : ( Mangendehon ) BE No. 86 : 3 Silang na badia
3. Ro do au nuaeng tu Ho, sai palambas ma rohaM
Nunga pola mate Ho, ala asi ni rohaM
Jangkon au na dangol on, sai ulosi tondingkon
P : Tajalo ma Hata ni Debata taringot tu hasesaan ni dosanta:
Humophop hita gabe dosa do Ibana na so tumanda dosa hian, asa
gabe hatigoran ni Debata hita marhitehite Ibana.
Sude : HASANGAPON MA DI DEBATA NA DI GINJANG. AMEN.
(Huria hundul )

9. MARENDE HURIA SIAN BE No. 152 (Jesus na Mamorsan)

Jesus na mamorsan dosa ni portibi on, pangolu hami
Jesus na mamorsan dosa ni portibi on, sai pasonang hami
Amen, amen, amen.

10. EPISTEL
P : Epistel di pesta parningotan di ari hamamate ni Tuhan Jesus tarsurat
sian Yesaya 52 : 13-15, 53 : 1-12 : Ida ma, pistar do pambahen ni
naposongku; tarhinsat do ibana jala dipatimbo, gabe timbul situtu
sogot.
J : Ia songon i songgot ni roha ni torop halak mida ibana dibahen hinaroa
ni rupana dibahen tandina sian jolma hian, rupana pe maradophon
jolma.
P : Songon i do urasonna torop angka bangso parbegu sogot, hohom be
do angka raja maradophon ibana, ai halak na so dung panahatan ni
barita i, nasida do marnida, jala halak na so dung umbegesa, i do
mangantusi sogot.
J : Tung ise ma nuaeng porsea di jamitanami? Jala tangan ni Jahowa,
tung ise ma naung tumandasa?
P : Ai simbur do ibana tubu songon tumbur di adopan ni bohina, jala
songon tunas sian tano na mahiang. Ndang adong hinauli ni rupana
manang hamuliaonna; ia huida hami ibana, ndang adong rupana
umbahen sihalomohononhon ibana.

Tata Ibadah Jumat Agung HKI Palembang 03 April 2015

 J : Dileai jala dipasiding jolma do ibana, baoa na somal mangae
pardangolan dohot sahit ibana, pola ditabunihon halak bohina
maradophon ibana, dibahen leana, jadi ndang pola hurajumi hami
ibana.
P : Tongon do angka sahitta diusung ibana, jala angka pardangolanta
diporsan; alai anggo rohanta mandok: Debata do maminsang,
mamungkul dohot pasipal ibana.
J : Hape ala ni pangalaosinta ibana tartullang, binahen ni hajahatonta
ibana mabugang. Ampe tu ibana pinsangpinsang parhitean ni
hasonanganta, jala binahen ni bugangna malum itahilala.
P : Luhut do hita lilu songon birubiru, ganup masitondong dalanna be,
alai hajahaton ni hita sudena dihonahon Jahowa tu ibana.
J : Dipasipal pe ibana, sai manaonnaon do anggo ibana, ndang manang
mangkuling pamanganna, songon birubiru do ibana na tinogu tu
pamotongan, jala songon anak ni birubiru na hohom maradophon
jolma sigusting ibana, tung na so dibungka do pamanganna.
P : Dung malua ibana sian pardangolan dohot sian uhum, tung ise ma na
tuk manjujur sundutna i? Ai sirang pe ibana sian tano ni halak na
mangolu, binahen ni pangalaosion ni bangsongku do mangonai
pinsangpinsang i tu ibana.
J : Rap dohot halak parjahat hian tanomanna dilehon, hape rap dohot
halak na mora ibana dung mate, ala na so adong na so uhum diula jala
ndang adong sipaotooto di bagasan pamanganna.
P : Alai dihalomohon Jahowa do parsipalna mangae sahit! Ia dung
dilehon hosana bahen pelean pardengganan, idaonna ma boni jala
paganjangonna ariarina, jala manjadi ma lomo ni roha ni Jahowa
marhitehite tanganna.
J : Dung malua rohana sian halojaon, idaonna ma na pasabam rohana;
torop ma halak pintoran ni naposongku na tigor i marhitehite
parbinotoanna, jala porsanonna ma hajahatonnasida i.
P : Dibahen i torop halak lehononku bahen jambarna, jala marbagi
tabantaban ibana rap dohot halak na marhuaso, ala naung sineahonna
i hosana tu hamatean, jala tarrajum ibana tu halak parjahat; ala naung
ibana mangusung dosa ni torop halak, jala diondihon halak parjahat.
P : Martua ma na tumangihon hata ni Debata jala na umpeopsa. Amen

Tata Ibadah Jumat Agung HKI Palembang 03 April 2015

11. MARENDE HURIA SIAN BE No. 836 :1-2...Nungga Loja Au O Tuhan
1. Nunga loja au O Tuhan di si ulubalang ari,
Naeng tumibu au pajumpang rap dohot Ho di surgo I,
Nunga bot mata ni ari, Lam jonok nang ajalhi
Nunga loja au O Tuhan rade ma baen ingananki
.
2. Nang pe naung hudai hubolus, Hamoraon, hagabeon,
Songon ombun na maolus, Sude do tinggal ambolong
Aha na tarboan ahu, Lobi sian uloshi
Nunga loja au O Tuhan, Rade ma baen ingananki.

12. MANGHATINDANGHON HAPORSEAON

13. KOOR SEKIP
14. MARENDE HURIA SIAN BE No. 169:1-................ Ho Sipangolu au
( Papungu Pelean I+II)
1. Ho sipangolu au, sai topot ma au on. Sai unang mandaodao.
ho sian rohangkon. Ro Sipangolu ro tibu.
baen ma au anakMu tutu. Dohot mudarMi buri au ias songon hapas ma au.
las tutu, ias tutu, dohot mudarMi buri au.Ias songon hapas ma au.
2. Gogo ni mudarMi Papatar ma di au. Tondi Parngolu i,
tongtong manogu au. Ro Sipangolu ro tibu. Baen ma au anakMu tutu.
Dohot mudarMi buri au Ias songon hapas ma au.
Ias tutu, Ias tutu, Dohot mudarMi buri au. Ias songon hapas ma au.
3. Togu ma rohangkon, Sai taiti au tu Ho Ai langkaMi tongtong Naeng tiruonku
do. Ro Sipangolu ro tibu,baen ma au anakMu tutu. Dohot mudarMi buri au
Ias songon hapas ma au. Ias tutu, Ias tutu, Dohot mudarMi buri au, Ias
songon hapas ma au.

15. JAMITA : Roma 11 : 33, 12 : 1-8

16. MARENDE HURIA SIAN BE No. 541 : 1- Na mulak Jesus i
( Papungu pelean III)

1. Na mulak Jesus i di dihasangapon i. Mangalap nabadia i tu hasonangan i.

Hutundalhon ma, na dipudingki. Jesus ma haposanki di haroroNa i.

Tata Ibadah Jumat Agung HKI Palembang 03 April 2015

 2. So tung na tading au di haroroNa i, So tung ditiop rohangkon na olo sega i!
Hutundalhon ma
3. Nang arta, sangap i, tu aha ringkot i? Na tinggal do sudena I di hamagoan i.
Hutundalhon ma
4. Ias ma rohangki dibaen mudarNa i. So tung haroroNa i ramun sambing ma i!
Hutundalhon ma

17. SUNGGUL-SUNGGUL
18. TANGIANG PELEAN (Jongjong)
P : Tatangiangkon ma peleanta on : Ale Debata Amanami na di banua
ginjang, hupuji hami ma Ho, ala saut sude tahiM naung sinangkapmu
andorang so ojak dope hasiangan on. Na so terlehon portibion, di
lehon Ho do tuhami. Ai Anakmu na sasada I dilehon Ho bahen
haluaonnami. Angkup ni, Ho do na mamasumasuhon angka
silehonlehon na denggan na huparhaseang hami di ngolunami. Sian
na nilehonMi hupasahat hami nuaeng gabe somba nami tu Ho. Jalo
mai jala pasupasu asa manumpak tu hatuaon di pangkobasion ni
huriaM. Marhitehite Kristus Jesus sipalua I, martamiang hami tu Ho.
Amen.
J : (Mangendehon) BE No 303 : 2 O Jesus Sondang Ni Jahowa.
2. Tung aha diroham hubuan peleanMu. Tu asi ni rohaM hubonom ma
rohangku. Nang tondi daging pe manipat ari on. I ma peleanmi, na
asing ndang adong.

19. TANGIANG PANUTUP

P : Ale Tuhan Debata na marhabangsa di ginjang ni saluhut nunga patar
huida hami holong ni rohaM na godang i. gumodang do I sian holong
ni roha ni Ama-ama dohot Ina-ina, dianakhonna. Tung na so
tartimbang do godang dohot arga nisilehonlehonMu di hami. Ai
AnakMu na sasada I di suru Ho gabe jolma manaon pardangolan,
insakinsak dohot pastappastap. Gabe tarpajal Ibana jala tu hamatean
humophop hami. Mauliate ma roha name ala naung sae utang nami,
jala malua hami sian dosa, sian hamatean, dohot sian gomgoman ni
sibolis. Alani pujion name GoarMu na badia I ala naung di
patupaanakMu pardomuan, pardengganan nami tu Ho. Ale Tuhan Jesus
Tata Ibadah Jumat Agung HKI Palembang 03 April 2015
 Birubiru ni Debata, naung mamorsan dosa nami, dohot dosa ni
hajolmaon, mauliate ma roha nami tu Ho, jala pujion nami ma ho ro di
salelenglelengna. Sai tatap ma huriaM nahinophopMu jala na
pinapungimi. Sai pahot ma di hami hasesaan ni dosa, dohot dame na
pinatupaMi. Sai paias jala parbadia I ma hami, asa tarboan ho hami tu
banua ginjang, pasaorhon hami Tu angka nabadi i. sai bunu jala
parsilangkonma jolma na buruk I, dohot sangkapsangkap na roan a
dibagasan hami, asa unang marlindang hami mandapothon ama na
dibanua ginjang i. hupasahat hami ma dirinami tu Ho, jala hulehon
hami roha name bahen ingananMu, ala naung dihophop Ho hami. Di
ho ma hami, jala Ho di hami, sai unang laos hami sirang sian Ho.
Dongani hami, jala saor ma Ho tu hami. Sai patogu ma
haporseaonnami tu Ho, asa hot langkanami ro di ujungni hamatean. Sai
ramoti ma angka ruasMu nama maritahon holong ni rohaM dohot dalan
naung pinatupami. Antong mangolu manang mate pe hami. Ho do
Tuhan nami dohot Raja nami. Sai asi marohaM, ingot ma hami di
hasangaponMi jala boan hami tu hasonagan na dilambung ni Debata.
Amen.
(Huria marsorinsorin mengendehon sasabintas BE No. 269 ; 5)
Sude : Hugolom di rohangku hau pinarsilang i
Boruboru : laos I do haposanku parsigantuganki
Baoa : ai nunga saut di tobus Tuhanku tondingki
Sude : Ibana do patulus pasahat langkangki
P : Tangiang Ale Amanami.
P+J : (Mangendehon) : Amen, Amen, Amen

SUNGGUL SUNGGUL
1. Kebaktian PASKAH dilaksanakan MINGGU TGL 05 APRIL 2015
Pukul 09.30 Wib
2. Setelah Acara tersebut terlaksana akan dilanjutkan dengan
PERJAMUAN KASIH.
Dimohon kepada seluruh warga HKI (PENDETA, PARHALADO,
MAJELIS dan JEMAAT agar membawa Makanan Ala Kadarnya)
Tata Ibadah Jumat Agung HKI Palembang 03 April 2015
 ENDE TU ULAON NA HOHOM
1. B.E. 194. AUT SO ASI ROHAM
1. Aut so asi rohaM Aut so godang basaM Tu dia au?
Alai dibaen basaM Dohot asi rohaM Tu surgo au
2. Mauliate ma Di Ho o Debata Ala basaM
Sibahen dalan i Marhite AnakMi Tu banuaM

2. B.E. No. 88. DI SURGO DO ALEALENTA

1. Jesusku naung manobus ahu sai naeng haholonganku Ho
Tu dolok Golgata Ho laho Nionjar ni holongMu do
Hupuji nasa asiMi Alai gumodang holongMi
2. Tarsolsolbagi do rohangku Paidaida dangolMi
Marningot sasude dosangku Ai i do na tinaonMi
Hupuji nasa asiMi Alai gumodang holongMi

3. B.E. No 84. AUT NA GINORGA TU ROHANGKU

1. Aut na ginorga tu rohangku, bohiM di na lao mate Ho Aut na huingot o
Tuhanku, tongtong pangkophopMi di au Ai Ho do paluahon ahu, dosangku
do pinorsanMi Didaoni Ho parsahitonku, martua au binahen ni i.

4. B.E. No. 83, NA LAO DO BIRUBIRU I

1. Na lao do Birubiru i Mamorsan angka dosa
Ni nasa hajolmaon i Di benget ni rohana Diporsan do sahitta i Di lehon do
DiriNa i Tu tangan ni pamunu Ditaoni do na bernit i Ro di na tos hosaNa i
Didok : Naeng porsanonku.

5. B. E.No. 86. SILANG NA BADIA

1. Silang na badia i Ho do lombulombungki
Maralohon dosa i Dohot pandelean i Di sude sitaonon i Ho ma
lombulombungki.
6. B.E. No 84. AUT NA GINORGA TU ROHANGKU
2. Mauliate ma rohangku, di Ho o Jesus Tuhanki Ho naeng tongtong
haholonganku Marningot denggan basaMi Antong sai tiop ma tanganku,
manogu au tu lambungMi Dijalo Ho do tangiangku, sai pos do rohangki di
si.

Tata Ibadah Jumat Agung HKI Palembang 03 April 2015

 7. B.E.No 541 : NA MULAK JESUS I.
4. Ias ma rohangki dibaen mudarNa i.
So tung haroroNa i ramun sambing ma i! Hutundalhon ma
6. Hugolom mudar ni Tuhanku Jesus i.
Ai i do haporusanki di haroroanNa i. Hutundalhon ma

ENDE MARULAON NA BADIA

1. B.E. 179 ADONG DO SADA MUAL
1. Adong do sada mual i, di na mardosa i Mansai denggan do mual i pasonang
rohangki
2. Aek mual na badia i, ima di Jesus i. Disesa do tihasta i, dibuat arsak i.
2. BE. 155 NAUNG MORU DO MUSE SATAON
1. Tu son ma ale tondingku, di na mauas, male ho Manjalo basa ni Tuhanmu
pinaradeNa i di ho. Dilehon Jesus do dagingNa, marhitehite roti on, Dilehon
dohot do mudarNa, marhitehite anggur on.
2. Ai nang tongtong pe ganup ari, mudarNa mangurasi au. Huhut Ibana so
mansadi manogu tu lambungNa au. Sai naeng au mangan parpadanan ni
Jesus Kristus, Tuhanki. Na padamehon parbadaan, na pasonangkon rohangki.
3. Asi rohaM di au o Jesus, tumpahi au sadari on. Ai hataMi do hupatulus,
manganhon parpadanan on. Antong patiur ma rohangku, marningot denggan
ni basaM. I ma na tinaonMi dosangku, binaen ni holong ni rohaM.
3. BE. 435. MAROLOPOLOP TONDINGKI. ( Papungu pelean Ulaon Nabadia)
1. Marolopolop tondingki ai naung di tobus Jesus i. Hamu sude, bege ma I,
sai las ro hangku mandok I Sonang ni ting ki I, Dung jumpang Jesus Tuhanki
Tondi na manga ja ri au, tarbaen marlas Ni ro ha au ! Sonang ni tingki I, dung
jumpang Jesus Tuhanki.
2. Dihaol holongna rohangki, tung na so boi be mago i. MataNa do manatap au,
pinggolNa tumangihon au. Sonang ni. 3. Tu Jesus sahat ngolungki
saleleng ni lelengna i. Rap dohot au endehon ma endengku na imbaru da.
Sonang ni..
4. O rohangki, sai tahan ma, ditobus ho, ihuthon ma I ma tutu, nang mate ho, tu
surgo do ditogu ho. Sonang ni

Tata Ibadah Jumat Agung HKI Palembang 03 April 2015

 PIMPINAN, MAJELIS DAN PARHALADO MENGUCAPKAN
SELAMAT MERAYAKAN JUMAT AGUNG
KEPADA SELURUH JEMAAT HKI PALEMBANG
TUHAN MEMBERKATI

HKI PALEMBANG

Tata Ibadah Jumat Agung HKI Palembang 03 April 2015