PARTONDING NI ACARA PESTA PARNINGOTAN

ARI HANANAEK NI TUHAN JESUS

DISTRIK X MEDAN ACEH, 13 Mei 2021

TEMA:
GABE SITINDANGI NI KRISTUS

01. Pangaradeon
U: Huria na hinaholongan ni Tuhan Jesus Kristus…! Tahalashon ma Pesta
Parningotan Hananaek ni Tuhan Jesus Kristus tu banua ginjang sadari on.
Didok Tuhan Jesus do di Johannes 14:1-3: “ Unang ma bonsa rohamuna!
Porsea ma hamu di Debata, jala porsea ma hamu di Ahu! Torop do inganan
di bagas ni Damang. Aut so i, dohononku ma tu hamu: Na laho do Ahu
mangarade inganan di hamu? Jala laho pe Ahu mangarade inganan di hamu,
sai mulak do Ahu mangalap hamu, asa rap hamu dohot Ahu! Antong di
bagasan las ni roha marende ma hita mamuji Tuhanta sian BE.97 : 1 - 2
“Ingoton ma sadari on”

02. Marende BE.97 : 1 - 2 “Ingoton ma sadari on”

• Ingoton ma sadari on parnaek ni Tuhan Jesus
Tu habangsaNa na tongtong, na so tarbaen be meret
Tasomba ma Tuhanta i naung mulak tu AmaNa I.
Tapujima Ibana
(jongjong)
• Ai nunga mungkap dalan i di angka na porsea
Lao mamongoti surgo i, malua sian jea
Naung mangonai tu sasude na manaluhon dosa i.
Pinuji ma Tuhanta

03. Votum-Introitus-Tangiang
U: Marhitehite goar ni Debata Ama dohot goar ni AnakNa Tuhan Jesus
Kristus dohot goar ni Tondi Parbadia na tumompa langit dohot tano on.
S: AMEN
U: Nunga didok Jahowa mandok Tuhanku: Hundul ma Ho di siamunHon,
paima hubahen angka musuM sidegedegean ni patMu.
R: Marrogoman bangsoM ro sian lomona di ari parporanganMu,
U: marpahean habadiaon songon nambur sian ampuan ni andos torang ro
do tu Ho paranganMu angka na umposo.
R: Nunga pola maruari Jahowa, jala ndang tagamon solsolanNa rohaNa

-- 1 --
 U: Sai Ho do malim ro di salelenglelengna mangihuthon horong ni si
Melkisedek. Sai patimbul ma diriM, ale Debata, tu atas ni langit
hamuliaonMu tu sandok tano on. Haleluya.
S: (mangendehon) Haleluya…Haleluya…Haleluya
U: Martangiang ma hita:
Ale Tuhan Jesus Kristus, Anak ni Natumimbul i, naung manaek tu
banua ginjang jala hundul tu siamun ni Debata. Sai suru ma Tondi
Parbadia tu rohanami, asa Ibana tongtong mangajari rohanami. Lehon
tu hami parhalado na burju tu hataM, pargogoi ma nasida, asa
tongtong diradoti nasida ulaonna jala asa marsahala nasida mangalo
bisuk ni sibolis i, asa tung rarat harajaonMu di hasiangan on, paima
sude musuM peak di toru ni patMu. Sai pamonang ma hami saluhutna
manaluhon dosa dohot hamatean marhitehite Ho, ai Ho do na mangolu
dohot na manggomgomi rap dohot Ama i dohot Tondi Parbadia. Amen.
---Hundul-----

04. Marende BE.669 : 1 “Ringgas au paboahon”

• Ringgas au paboahon, Barita na uli. Barita haholongan ni Jesus
Tuhanki, Ringgas au paboahon ai na sintong do i. Mambuat nasa holso
soada tudos nii. Ringgas au paboahon, barita na ummuli,
Barita haholongon ni Jesus Tuhanki.

05. Patik: Ulaon 1 : 8

U: Patik ni Debata di hita Pesta Parningotan Hananaek ni Tuhan Jesus i ma
na tarsurat di Ulaon ni Apostel 1 : 8, Alai jaloonmuna do hagogoon ni
Tondi Parbadia na songgop tu hamu, gabe sitindangingku ma hamu di
Jerusalem dohot di sandok Judea dohot di Samaria, sahat ro di ujung ni
tano on. Antong rap mangido gogo ma hita sian Tuhan Debata
laho mangulahon na hombar tu patikNa i.
S: Ale Tuhan Debata Sai Pargogoi Ma Hami Mangulahon Na
Hombar Tu Patik-Mi. Amen

06. Marende B.E.No.100 : 5 - 6 “BONGOTI MA ROHANGKU”

• I pe ringgas ma hita Mangalo dosa i’ Manggotap roha daging Nang
hajahaon pe. Tahalungunhon be Tuhanta na di ginjang Ibana do na
monang, i ma tatiru be. ----Jongjong----
• O Jesus Tuhannami Asi ma rohaMi, Sai sesa dosanami Palua hami be.
Pamasuk hami on Tu hangoluan sogot Sai loas hami dohot Mamuji
Ho tongtong.

-- 2 --
07. Manopoti Dosa
U: Tapaunduk ma dirinta di adopan ni Debata laho manopoti dosanta na
godang i. Martangiang ma hita: Ale Amanami jala Debatanami na di
banua ginjang. Parasiroha na sumurung mida hami. Tatap ma hami
marhitehite asi ni rohaM, jala sesa ma dosanami saluhutna.
R: (mangendehon) BE.421:1 “Marsomba au di joloMon”
• Marsomba au di joloMon, ponjot targogot rohangkon
Dibaen godang ni dosangkon, sai jangkon dohot au
Sai jangkon ma au on, na ramun diringkon
Tung pos do rohangki di Ho, dijangkon Ho au on
U: Tabege ma Hata bagabaga ni Debata taringot tu hasesaan ni dosanta:
Songon on do holong ni roha ni Debata di portibi on pola do AnakNa na
sasada i dilehon, asa unang mago ganup na porsea di Ibana, asa
hangoluan na saleleng ni lelengna di Ibana. Hasangapon ma di
Debata na di ginjang.
S: AMEN (hundul)

08. Marende BE.101:4+5 “Taiti gogo ihut tu Ho”

• Dibahen i O Jesushi, sai naeng ihuthononhu
Do hataMi, nang langkaMi, saleleng au mangolu
• Taiti gogo ihut tu Ho, au tu banua ginjang
Asa disi pujionhi denggan basaM, O Tuhan

09. Epistel:
U: Turpuk epistel di Pesta Parningotan Hananaek ni Tuhan Jesus Kristus
sadari on, tarsurat di Epesus 1:15 – 23, tajaha ma marganti sorin ……..

10. MARENDE NO. 718 : 3 – 4 HUBEGE JESUS MANJAOU

• Aloongku ma diringku, Aloongku ma diringku
Porsanku ma silangku, Mangihuthon Jesus Tuhanki
Refr: Sai ihuthonongku Jesus, Sai ihuthonongku Jesus
Sai ihuthonongku Jesus, Huihuthon Jesus Tuhanki. (
Jongjong)
• LehononNa hagogoon, LehononNa hagogoon,
Dohot tumpal hangoluan, Dibanua ginjang na sonang
Refr: Sai ihuthonongku Jesus, . . . . .

11. Manghatindanghon Haporseaon

-- 3 --
12. Sunggul-Sunggul

13. Marende BE.247 : 1… “Sai hehe ma hamuna, hamu” (pelean Ia + Ib)

❖ Sai hehe ma hamuna Hamu parangan ni, Tuhanta Jesus Krsitus Tu
paraloan i.
Ai ndang tarbaen ho monang Nda na mangalo ho,Ai musu ni Tuhanta
Tung ingkon talu do.
❖ Tangihon panjouonNa Tu hamusuon i, Ihuthon ma hataNa Mangalo dosa i
Ibana do donganmu Mandopang musu i , I pe tongtong haposi Tuhanta
Jesus i.
-------Musik-----
❖ Ndang jadi haposanmu Gogom sandiri, da, Ai tung na so hasea do i di
Debata
Sai naeng basahononNa Di ho sinjatami , Ai ndang tarbaen so talu
Musuna baenon ni.
❖ Manaon ma ho satongkin Di paraloan i, Tibu do i marujung Dibaen
Tuhanta i
Dung i partumpalanna Ma ho di surgo, Donganna ho manggomgom
HarajaonNa i.

14. Jamita: Lukas 24 : 44 – 53

15. Marende BE.519 : 1 ------- (Pelean II) “Tarbege do panjou”.

• Tarbege do panjou ni Kristus torus ditano batak i:
Ise na sumeahon hosa, ise mangkophop dongan i?
Hita sude, naeng marade Nang dilele, da, Haposanna di Debata.
• Na olo hita paboahon holong do Jesus Tuhan i.
Naung saut malua do dibahen ama nang ina Batak i.
Hita……
-----Musik-----
• Antong, ringgas ma lao mamboan barita ni Tuhanta i.
Tu angka marga di na holom, asa dapotan dohot i.
Hita……
• Ulahon ma mangkatindangkon Kristus nampuna hita on,
Asa torop dope barani marsomba tu Rajanta on.
Hita…….

16. Tangiang Panimpuli : Tangiang Pelean - Tangiang Pangondianon

(Hananaek) -Ale Amanami - Pasupasu

-- 4 --