PARTORDING NI PARMINGGUON

PESTA PUNCAK TAHUN PEMBERDAYAAN

HKBP DISTRIK XXIII BINJAI-LANGKAT (REGIONAL IA)

MINGGU XVII DUNG TRINITATIS

Ev: Pilemon 1:8-17 Ep:Panguhum

14:1-4

TOPIK:
MANGOLU SONGON PARRIPE NI TUHAN I
 Di HKBP BINJAI
MINGGU, 26 SEPTEMBER 2021

01 JOUJOU TU PARMINGGUON

U : Huria ni Tuhanta! Di bagasan serep dohot unduk ni roha tu Debata,

tahalashon ma parsaoranta di tongatonga ni bagas joroNa sadari on.
R : Hupuji hami ma Ho Tuhan, ai denggan ni basaM sambing do
na padomuhon hami, umbahen na boi hami marsaor di bagas
joroM na Badia i.
 U : Tapatupa do ulaon na marsituhu di ari sadarion, i ma Pesta Puncak
Tahun Pemberdayaan HKBP Tahun 2021 di Distrik XXIII Binjai
Langkat, na ni hasuhuthon Regional Ia, i ma; Resort Binjai, Resort
Tandam, Resort Binjai II dohot Resort Huta Baru. Rap
manghalashon ma hita di ulaonta sadari on, na paboahon si sada
haporseaon hita mamuji Debata Pardenggan Basai.
R: Pinuji ma Debata naung mangaramoti hita huhut mamasumasu
ngolunta ganup.
U : Marolopolop jala marlas ni roha ma hita marsomba tu Debata,
tahobasi ma rohanta marsaor tumangihon HataNa, ro be ma hita
mardongan las ni roha mamuji Ibana. Marende ma hita!

02. Marende BE No. 123: 1 - 3 “Ale dongan na saroha” BL. 180.

➢ Ale dongan na saroha manjalahi dame i
Dompak Jesus tapasada holong ni rohanta i
Ai Ibana do ulunta hita do ruasNa i
Tuhan Jesus do gurunta hita siseanNa i
➢ Tanda asi ni rohaNa na bagas na timbo i Tanda
holong ni rohaNa na so hadodoan i Didongani
Debatanta Ama na sumurung i Dohot Jesus pe
Tuhanta hita na porsea i.
….Musik …..
➢ (….Jongjong…..) Sai pasada ale Tuhan angka
na porsea i
Asa masihaholongan songon na pinatikMi
 Di bagasan hasintongan i do pinangidoMi
Sai padomu angka dongan na tutu sinondangMi

03. VOTUM – INTROITUS – TANGIANG:

U : Marhitehite Goar ni Debata Ama dohot goar ni AnakNa Tuhan Jesus
Kristus, dohot Goar ni Tondi Parbadia na tumompa langit dohot tano
on. Amen. Songon on do hata ni Tuhan Jahowa: Ida ma, Ahu, apala
Ahu sandiri usouso sogot di birubirungKu jala luluanKu nasida.
Songon pangalului ni parmahan di punguanna ganup ari, uju di
tongatonga ni birubiruna angka na mampar i ibana, suang songon i Ahu
mangalului birubirungKu sogot. Haleluya!
R : (Mangendehon): Haleluya, Haleluya, Haleluya!
U : Martangiang ma hita! Ale Tuhan Debata, Pargogo na so hatudosan,
Amanami saleleng ni lelengna! Asi ni rohaM do na mangaramoti sian
nasailaon rasirasa nuaeng, jala asi ni rohaM do na mangalehon Barita
na Uli i, gabe hangoluannami. Sai asi ma rohaM, sai buhai ma
rohanami jala lehon TondiM na badia i asa huantusi hami sude
panogunoguM dohot pambahenanMu na balga i. Paian ma hataM di
bagasan rohanami, asa mardame jala sonang hami jala lam imbaru
rohanami marhitehite AnakMu, Tuhan Jesus Kristus Tuhannami.
Amen.
(Hundul)
04. Marende BE No. 566: 1 “Na Badia” BL. 566
➢ Na badia do Ho di puji rohangkon do Di
boto rohangkon do mandok badia do Ho.

05. PATIK:
U : Tangihon hamu ma Patik ni Debata di Minggunta sadarion, i ma na ni
enet sian Galatia 6:2 ; 5 Musa 16:16d -17; dohot Johannes 15:16 :
“Masiurupan ma hamu mamorsan angka na dokdok i; i ma dalan
mangaradoti patik ni Kristus”.
R : Jala ndang jadi rumar boti ro manang ise tu adopan ni Jahowa. Ganup
tahe marguru tu na tarlehon tanganna, hombar tu pasupasu naung
nilehon ni Jahowa, Debatam tu ho
U : Ndada hamu mamillit Ahu; Ahu do mamillit hamu jala hupadiri hamu,
asa laho hamu marparbue, jala asa mian parbuemuna i; asa dilehon tu
hamu nasa sipangidoonmuna sian Ama i marhitehite Goarhu.
I ma sahatna, Antong rap mangido gogo ma hita sian Tuhan Debata!
R : Ale Tuhan Debata, sai pargogoi ma hami mangulahon na hombar
tu PatikMi. Amen.
06. Marende BE No. 688:1-2 “Tuhan” BL. 688.
➢ Tuhan jotjot do marsak donganhi, Ala
na sala pambahenanhi, Hatangku
langka nang parulanhi, Jora ma au.
(Jongjong)
➢ Pangkulinghi pe tupa so une,
Mambaen jut roha ni donganhu pe,
 Pingkiran hata na hurang ture,
Jora ma au.

07. MANOPOTI DOSA:

U : Tatopoti ma dosanta tu adopan ni Debata, martangiang ma hita!

Ale Tuhan Debata, Pargogo na so hatudosan jala Ama Parasiroha!
Ndang lomo rohaM mida hamatean ni pardosa; mulak ma nian
parjahat i tumadinghon dalanna, asa mangolu ibana, i do dipangido
rohaM. Alani i umbahen hupangido hami; sai sundati ma torutoruM
asa unang mangonai be tu hami. Sai sesa sude dosanami, asa mangolu
hami di bagasan asi ni rohaM. Sai pargogoi ma hami, asa margogo
hami, marhitehite Tuhan Jesus Kristus Tuhannami. Amen.
U : Bagabaga ni DebataTaringot tu hasesaan ni dosanta: Ise be
mangaluhon angka na pinillit ni Debata? Debata do na mamintori. Ise
do na mandabu uhum hamagoan? Kristus Jesus do naung mate; alai
ndada holan i, naung mulak mangolu do, jala di siamun ni Debata do
Ibana mangondihon hita. Hasangapon ma di Debata na di ginjang!
R : Amen.
(Hundul)

08. Marende BE No. 194: 1-2 “Aut So Asi RohaM” BL.62.

➢ Aut so asi rohaM aut so godang basaM tu dia au?
Alai dibaen basaM dohot asi rohaM tu surgo au

➢ Mauliate ma di Ho o Debata ala basaM Sibahen

dalan i marhite AnakMi tu banuaM

09. E P I S T E L : PANGUHUM 14:1 – 4.

U : Hata ni Debata turpuk Epistel di Minggu XVII Dung Trinitatis sadari
on, tarsurat di Panguhum 14:1-4. Dung i tuat ma si Simson tu
Timna, gabe diida sada boruboru di Timna, sian boru ni halak
Palistim.
R : Jadi nangkok ibana muse, asa dipaboa tu amana dohot tu inana, ninna
do: Adong do huida sada boruboru di Timna sian boru ni halak
Palistim; on pe sai buat hamu ma ibana bahen jolmangku.
U : Alai ninna amana dohot inana ma tu ibana: Ndang adong huroha di
tongatonga ni boru ni hahaanggim manang di tongatonga ni sandok
houmta bahen jolmam, umbahen tung laho ho mambuat boru sian
halak Palistim, angka na marhulup? Jadi ninna si Simson ma tu
amana: Ingkon ibana buatonmu di ahu, ai ibana do hasoloan ni
rohangku.
R : Alai ndang diboto anggo natorasna, tung sian Jahowa do i, ai
mangalului parbonsiran do ibana dompak halak Palistim, ai tongon
gumomgom Israel do halak Palistim uju i.
U : Ido sahatna. Martua do angka na tumangihon Hata ni Debata jala
na umpeopsa. Amen.
10. Marende BE No. 255: 1-2 “Holan Sada Do Na Ringkot” BL. 187.
➢ Holan sada do na ringkot Jesus lehon i di au
Manang aha pe na dapot ndang tuk pasonangkon au
Nang arta nang sangap sude hamoraon ndang tau mangalehon di au
hasonangan
Alai molo dapot na sasada i tongtong las rohangku hinorhon ni i
(Jongjong)
➢ Molo naeng di ho tondingku arta na sasada i Ndang
tarbahen luluanmu anggo so di ginjang i
Disi, di siamun ni Tuhan Jahowa do hundul AnakNa na dung gabe
jolma
Ibana do jambar na sun denggan i. Antong o tondingku jalahi ma i.

11. MANGHATINDANGHON HAPORSEAON:

U : Tahatindangkon ma haporseaonta i, songon na hinatindanghon ni
donganta sahaporseaon di sandok portibi on. Rap ma hita mandok!
R : Ahu Porsea…..
(Hundul)
12. TINGTING DOHOT TANGIANG PANGONDIANON
13. Marende BE No. 204 : 1,3 - 5 “Ndang Tadinghononhu Ho” BL.73.
(Pasahat Pelean Ia, Ib)
 ➢ Ndang tadingkononhu Ho ale Jesus Sipangolu
Naeng ihuthononhu do Ho saleleng au mangolu Ho
do hangoluanhi ndang tadingkononhu i.
…..Musik…..
➢ Nang lam buruk daginghi nengel pinggol, rambon
mata Majal panghilalanhi, dila so malo marhata
Tanda ajalhi naeng ro Jesus tioponku do.
➢ Laos hutiop Jesus i di na sahat au tu surgo Molo
idaonhu i naung huhirim i di tano Las ma rohangki
disi mida Jesus Tuhanhi.
…..Musik….
➢ Ndang be mangapian au di na masa di na rodop
Sai tu ginjang nama lao tondingki marolopolop
Jesus Ho do jambarhi salelenglelengna i.

14. JAMITA: Pilemon 1:8-17

Pinatolhas ni Praeses : Pdt.Hercules Sihotang, MTh

15. Marende BE No. 656:1- 3 “Parhahamaranggion” BL.656

(Pasahat Pelean II: tu Kantor Pusat & Amplop Pesta Tahun
Pemberdayaan Distrik)

➢ Parhahamaranggion i, lam hot jala togu,

Singkop ma hasadaon i, di Jesus i burju,
 Rap sauduran hita be marholong na tutu,
Mardame, marlas roha ma di Jesus i tutu.
➢ Togu ma hasadaon i; di ojahanna i, Sada
haporseaon i, di Tuhan Jesus i. Ai sada
pandidion i, ai sada Ama i, Sada ma hita
Kristen i manomba Tuhan i.
……Musik……
➢ Ai disagihon do ganup asi-asiNa i, Asa
ringgas huhut burju, di ulaonNa i, Sai lam
serep ma rohamu hombar tu hata i,
Parholong roha ma hamu maniru Tuhan i.

16. PARSURUON: (Jongjong)

U : Na so marguna do hita na jolo hinorhon ni dosanta na godang i, alai na
marguna situtu do hita nuaeng di adopan ni Debata ala ni asi dohot
holong ni rohaNa.
R : Mauliate ma di Jahowa naung manjanghon hita pardosa on gabe
anak haholongan ni rohaNa.
U : Antong nang hita pe, tama ma molo masijanghonan hita jala
masisesaan dosa songon panesa ni Debata di nasa dosanta. Ido tandana
naung parripe ni Tuhanta hita.
R : (Mangendehon BE No 369:1, “Na Marhaha Anggi” BL.143)
Na marhahaanggi hita sasude. Ndang mardia imbar manang ise pe.
Asing be hatanta nang luatta pe. Sada do amanta i taingot be.
U : Tapasahat ma peleanta tu harajaon ni Debata, martangiang ma
hita! Ale Debata, Amanami na di banua ginjang! Ho do haroroan ni
saluhut silehonlehon na denggan dohot nasa ulibasa na mauliutus.
Hupasahat hami ma sian na nilehonMi tu hami, peleannami tu Ho. Sai
jalo ma i gabe uap na hushus di joloM. Pasupasu ma i jala ramoti asa
huparhaseang hami pelean on, patimbulhon harajaonMu di tongatonga
ni huriaM dohot di portibi on. Buhai ma rohanami
marhitehiteTondiM, asa lam hutanda hami godang ni silehonlehonMi
tu hami, asa lam girgir hami mandok mauliate tu Ho, marhitehite
Jesus Kristus Tuhannami. Amin.

R : (Mangendehon) BE No. 204 : 2 “Ndang Tadingkononhu Ho” ➢

Nasa nanilehonMi, tondi ro di pamatanghu.
Hosa dohot gogongki, ro di saluhut artanghu.
Hupasahat i tu Ho, na so unsatonhu do.

U : Ale Amanami na di banua ginjang! Sai pinarbadia ma GoarMu! Sai ro

ma harajaonMu! Sai saut ma lomo ni rohaM di banua tonga on songon
na di banua ginjang! Lehon ma tu hami sadari on hangoluan siapari!
Sesa ma dosanami songon panesanami di dosa ni dongan na mardosa
tu hami! Unang hami togihon tu pangunjunan! Palua ma hami sian
pangago!

R : (Mangendehon):
➢ Ai Ho do nampuna harajaon, dohot hagogoon.
Ro di hasangapon, saleleng ni leleng na, Amen
 U : Pasupasu !
R : (Mangendehon) Amen, Amen, Amen.

17. Jadwal Acara

No. Acara / Kegiatan Waktu (Pukul) Pelaksana
1. Persiapan – Prosesi 10.15-10.25 Wib Sie Acara
2. Ibadah 10.30 – 12.00 Wib Sie Acara
3. Kata Sambutan 12.00 – 12.30 Wib Sie Protokol
4. Lelang Makanan 12.30 – 13.00 Wib Sie Lelang
5. Makan Siang + Lelang 13.00 – 13.30 Wib Komsumsi + Lelang
6. Panortoron (Praeses + Fulltimer, 13.30 – 15.30 Wib Sie Protokol
Panitia, Resort)
7. Penutup 15.30 -------

Untuk Kalangan Sendiri – PPTP-D.23BL-REG1A