HURIA KRISTEN BATAK PROTESTAN

HKBP HORAS PARDOMUAN NAULI (HPN)

RES HEBRON DIST XXIX DELISERDANG
Jln SM Raja Km, 11,5 Lorong Gereja Desa Bangun Sari
Kecamatan Tanjung Morawa – Kabupaten Deliserdang cp 20362
Pandita Resort: Pdt Hesekiel Sinamo, M.Div (081370252241)
PARTORDING NI PARMINGGUON Minggu, 28 Maret 2021
DI MINGGU PALMARUM : MAREMARE
Topik Minggu: “MAROLOPOLOP ALA ASI NI ROHA NI DEBATA”
“BERSORAKLAH AKAN KASIH SETIA TUHAN”
Ep. Johannes 12 : 12-16 *********** Psalmen 31 : 8 – 16
TRIMA KASIH JIKA ANDA MENONAKTIFKAN HP SELAMA IBADAH
BERLANGSUNG
========================================================
I. Barisan Prosesi sian Bilut parhobasan (ruang konsistori).
Dung martangiang sian bilut parhobasan sude parhalado prosesi : dijolo ma pandita dht
paragenda diuduti nanaeng jakkonon sintua/keluarga diuduti sude dongan parhalado masuk
tu Gareja, diiringi music lagu : (ruas ni huria jongjong sude)
II. IBADAH.
01. PAMUHAI :
U : Parhorason ma di hita saluhutna Huria ni Tuhanta. Pajumpang do hita nuaeng jala
marpungu di PALMARUM on. Dinamandalani hamaolon di portibion, tapanghilalahon
do asi dohot holong niroha ni Debata na tongtong mangaramoti ngolunta be.
R : Alani, marlas ni roha jala marolopolop do tondingku mamuji Debata ala asi
dohot holongMu tu hami.
U : Minggu Palmarum on paingothon hita asa maroloolop manomunomu haroro ni Tuhan
Jesus, paingothon hita paias roha nang pingkiranta asa ture gabe hamianan ni Tuhan
Jesus.
R : Ale Tuhan Parasiroha na sumurung, ajari hami pature diri nami.
U : Dibagasan serep dohot unduk ni roha tu Debata, tapuji maTuhan, marende ma hita!.
02. Marende BE No. 15 : 1-3 “AUT NA SARIBU HALI GANDA”
 Aut na saribu hali ganda saringar ni soarangki. Naeng nasa gogo bahenonku mamuji
Debatanta i. Paboa las ni rohangki hinorhon ni pambaenNa i.
 Tung sura sahat soarangku tu ujung ni portibi on. Naeng nasa jolma haraonku mamuji
Debata tongtong. Tama do nasa hosangki hubaen pasangap Tuhan i. (Jongjong)
 Unang ma modom Ho tondingku, sai ngot ma ho, sai hehe ma. Radot ma ho di ulaonmu,
sai puji Tuhan Debata. Sai pangke nasa malomi mamujimuji Tuhan i.
03. VOTUM – INTROITUS – TANGIANG:
U : Marhitehite Goar ni Debata Ama dohot Goar ni AnakNa, Tuhan Jesus Kristus dohot
Goar ni Tondi Parbadia, na tumompa langit dohot tano on. Amen. Asi ma rohaM di
ahu, ale Jahowa, ai targogot do ahu, maras do rohangku dohot dagingku. Alai anggo

-1-
 ahu, tu Ho do ahu marhaporusan, ale Jahowa, ningku do: Ho do Debatangku. Marguru
tu tangan-Mu do angka parsorionki, sai palua ma ahu sian tangan ni angka musungku
dohot sian angka na mangalotongi ahu. Ale Jahowa, sai unang paurak ahu, ai Ho do na
hujou, sai palua ma ahu marhitehite hatigoranMu, Haleluya!.
R : (Mangendehon): Haleluya, Haleluya, Haleluya!
U : Martangiang ma hita : Ale Tuhan Jesus, Sasada Ho do Sipangolu padomuhon jolma
dohot Debata! Hupuji hami GoarMi, jala hudok hami mauliate tu Ho ala ni saluhut na
binahenMi, patupahon hangoluannami. Sai dongani ma hami marhitehite asi ni
rohaM, asa hupingkiri hami tongtong na tinaonMu dohot hamamateM, asa
huarsakhon hami dosanami jala asa tubu di hami haporseaon na sintong, jala asa
marroha haholongon hami huhut mandok mauliate tu Ho, asa olo hami mangihuthon
Ho ro di hamatean. Ale Tuhan Jesus, di Ho ma tama pujipujian di tongatonga ni
saluhut Huria, naung tinobusMu marhitehite mudarMu na badia i, olat ni on ro di
salelenglelengna. Amen!. (Hundul)
04. Marende BE No. 698 : 1-2 “SAI IHUTHONONKU JESUS“
 Sai ihuthonongku Jesus. Sai ihuthonongku Jesus saleleng-lelengna i. Nang godang
haporsuhon, Sai benget do au manaon. Sai ihuthononku Jesus saleleng-lelengna i.
05. PATIK:
U : Tatangihon ma Hata ni Debata singkat ni Patik di Minggunta sadarion, i ma
natarsurat di II Timoteus 4 : 2 Jamitahon hata i, hajongjongkon di tingki na
une nang so une; pinsang, paingot, apoi marhitehite nasa lambas ni roha
dohot pamodaion. Ido sahatna. (Antong rap mangido gogo ma hita tu adopan ni
Debata).
R : Ale Tuhan Debata, sai pargogoi ma hami mangulahon na hombar tu PatikMi.
Amen.
06. Marende BE No. 426: 1-2 “TUTU NA MATE JESUS I”
 Tutu na mate Jesus i humophop iba on? Durus di hau parsilang i mudarNa i tongon?
Songon i tutu, songon i tutu. Umbaen na mate Jesus i siala au do i. (Jongjong)
 Tutu na mate Jesus i siala dosangki? Na lao pasaehon utangki dibaen holongNa i?
Songon i tutu, songon i tutu. Umbaen na mate Jesus i siala dosami
07. MANOPOTI DOSA:
U : Ale Tuhan Debata, Amanami, Parasiroha na sumurung ! Na pungu do hami di joloM
martangiang tu Ho; ndada mangasahon hatigorannami, na mangasahon asi ni rohaM
na godang i do.
R : Sai asi ma roham di hami, angka namangarsakhon dosanami. Sai sahapi ma
tubagasan rohanami hasesaan ni dosa nami i.
U : Sai asi ma rohaM mida sandok bangsonami, sesa ma dosanami saluhutna. Sai
sungguli ma rohanami, asa muba roha dohot pangalahonami, ala ni Tuhan Jesus
Kristus Tuhannami, Sipangolu hami. Amen!
R : (Mangendehon): 167: 1 “DIJANGKON JESUS DO PARDOSA“

-2-
  Dijangkon Jesus do pardosa na mangarsakkon dosa i. Na mangundukkon hinaroa
ni pambaenanNa sasude. Alai ditangkup hata on, dijangkon Jesus nang au on.
U : Tabege ma bagabaga taringot tu hasesaan ni dosa: Songon on do Hata ni Tuhan
Jahowa: Nunga pola hupasisi angka pangalaosim songon ombun, jala songon ombun
manorop angka dosam. Sai mulak ma ho tu Ahu, ai Ahu do Sipalua ho. Hasangapon
ma di Debata na di ginjang!
R : Amen (Hundul)
08. Marende BE No. 213: 1-2 “DUNG SONANG ROHANGKU”
 Dung sonang rohangku dibaen Jesus i, porsuk pe hutaon dison. Na pos do rohangku di
Tuhanta i dipasonang tongtong rohangkon. Sonang do, sonang do. Dipasonang
tongtong rohangkon.
 Nang dihaliangi sibolis pe au, naeng agohononna muse. Naung mate Tuhanku,
mangolu ma au, utangki nunga sae sasude. Sonang do, sonang do. Dipasonang
tongtong rohangkon.
09. E P I S T E L :
U : Hata ni Debata turpuk ni Epistel ari Minggu PALMARUM on i ma na tarsurat di
Johannes 12 : 12-16, Dung i torang ni arina i dibege halak natorop na ro tu pesta i,
na naeng ro ma Jesus tu Jerusalem.
R : Jadi dibuat nasida ma angka maremare, laho manomunomu Ibana huhut
dijoujouhon: Hosianna! Pinanasupasu ma na ro marhite Goar ni Tuhan i, Raja
ni Israel!
U : Dung i dapot Jesus ma halode sada, i ma dihunduli, hombar tu na tarsurat: "Unang ho
mabiar, boru Sion; ida ma, Rajam do na ro, marsihundul di anak ni halode!".
R : Alai ndang diantusi angka siseanna i hian; dung pe marsangap Jesus, asa
diingot nasida, naung marhahonaan tu Ibana do hape na tarsurat i ro di
pambahenannasida tu Ibana.
U : I do sahatna: Martua ma angka na tumangihon Hata ni Debata jala na umpeopsa.
Amen.
10. Marende BE No. 149: 1-2 “HO TONGTONG IHUTHONONKU”
 Ho tongtong ihuthononku Jesus Sipangolu au. Tung na so tadingkononku Ho na
paluahon au. Sian sasude dosangku dohot sian uhum i. Na tongtong habiaranku ala
pardosaonki (Jongjong)
 Tung di dia jumpang ahu Tuhan sada songon Ho, Na manogunogu ahu tu na
sonang songon Ho? Naung ditaon Ho hamatean lao humophop tondingki. Asa
masuk au manean tohap na sumurng i.
11. MANGHATINDANGHON HAPORSEAON:
U : Tahatindangkon ma haporseaonta i, songon na hinatindangkon ni donganta
sahaporseaon di sandok portibi on. Rap ma hita mandok:
R : Ahu porsea di Debata Jahowa,……………… (Hundul)
12. TINGTING
13. Marende BE No. 515: 1-4 “RINGGAS MA TA PABOA” (Pel. Ia + Ib)

-3-
  Ringgas ma ta paboa naung monang Kristus i. Rade do hasesaan ni angka dosa i. Di
goar ni Tuhanta i do hamonangan i! Ringgas ma ta paboa naung monang Kristus i.
 GoarNa tapaboa tu liat tano on. Ai i do na manggohi tongtong rohanta on.
Taaithon ma gogoNa i na so dung talu i. GoarNa tapaboa tu liat tano i.
---- Musik ----
 Tung Tano Bato Goar ni Jesus Tuhan i. Tu Goar i maporus sude na gale i. Nang
mangalantap udan i, nang pur alogo i. Tung Tano Bato Goar ni Jesus Tuhan i.
 Taboan ma goarNa tu angka jolma i. Torop na so mananda Jesus Tuhanta i. Sibolis
nioloan i, ai dililuhon i. Taboan ma Goarna tu angka jolma i.
14. JAMITA: Psalmen 31 : 8 – 16
15. Marende BE No. 435: 1-4 “MAROLOPOLOP TONDINGKI” (Pel. II dht Amplop Distrik
tu jolo)
 Marolopolop tondingki ai naung di tobus Jesus i. Hamu sude bege ma i, sai las ro
hangku mandok i.
Ref: Sonang ni tingki i dung jumpang Jesus Tuhanki! Tondi na mangajari au, tarbaen
marlas ni ro ha au! Sonang ni tingki i dung jumpang Jesus Tuhanki.
 Dihaol holongNa rohangki, tung na so boi be mago i. MataNa do manatap au,
pinggolNa tumangihon au. Sonang ni…………..
---- Musik ----
 Tu Jesus sahat ngolungki saleleng ni lelengna i. Rap dohot au endehon ma endengku na
imbaru da. Sonang ni…………..
 Tu Jesus sahat ngolungki saleleng ni lelengna i. Rap dohot au endehon ma endengku na
imbaru da. Sonang ni…………..

III. PASAHATHON PASUPASU HASINTUAON / Manjangkon Sintua.

(Khusus Ibadah pukul 10.00 WIB)
A. Vocal Grup Calon Sintua dht Keluarga: “Sai Patau ma Diringku” BE.No.730
B. Marende BE. No. 718 : 1 + 3 “Hubege Jesus Manjou”
(ro ma tu jolo nanaeng dijakkon gabe sintua rap dohot inanta, jongjong dijolo ni pandita
hombar tu naung diaturhon songoni nang dongan parhalado sude)
1. Hubege Jesus manjou hubege Jesus manjou
Sipalua au manjou porsan silang ihuthon ma Au.
Sai ihuthononku Jesus sai ihuthononku Jesus,
Sai ihuthononku Jesus. Huihuthon Jesus Tuhanki.
3. Aloonku ma diringku, aloonku ma diringku,
Porsanonku ma silangku, mangihuthon Jesus Tuhanki.
Sai ihuthononku ………
C. MANJAHA AYAT HATA NI DEBATA SUDE PARHALADO
D. PANJAKKONON SINTUA
Pandita:      

-4-
 Hamu ale angka dongan na saHuria on ! Diida hamu do nuaeng donganta na
jongjong dison na itapilit bahen Sintua di tongatonganta. Naeng pangidoannasida
ma pasupasu sian Tuhanta i, asa margogo nasida mangulahon ulaonnasida.
               Antong tabege ma jolo pangarimpunan ni ulaon ni Sintua.
1. Pangula ni Huria do nasida mamatamatahon dongan angka na pinasahat tu
nasida dohot mangaramoti  parangenasida. Molo diboto nasida, na hurang
ture parange ni manang ise, ingkon pinsangonnasidai manang paboaonnasida
tu Guru dohot tu Pandita, asa dipature.
2. Mandasdas donganta tu parmingguan dohot manangkasi alana umabahen  na
so ro.
3. Mandasdas anakboru sikola, asa ondop ro.
4. Maningkir angka na marsahit jala paturehon na ringkot tu nasida dohot nasa
na tarpatupasa, ala na rumingkot, pasingothon Hata ni Debata tu nasida dohot
tumangiangkonsa.
5. Mangapuli angka na marsak, paturehon angka na dangol dohot na pogos.
6. Mangapuli angka sipelebegu, angka parugamo na asing dohot angka na lilu,
asa dohot marsaulihon hangoluan na pinatupa ni Tuhan Jesus.
7. Mangurupi paturehon angka guguan dohot ulaon na ringkot tu Harajaon ni
Debata.
On pe, hamu na hinaholongan, naeng tangkas  botoonnami burju ni rohamuna
mangaradoti ulaon hasintuaon i. Dibahen i alusi hamu ma na husungkunhon on tu
hamu :
1.   Na olo do hamu mamarangehon parange na tama di jolo ni Debata  dohot
di jolo ni jolma ?
2.    Na olo do hamu manjalo ulaon hasintuaon songon na hupajojor ondeng
tu hamu ?
3. Na olo do hamu mangaradoti sude sian nasa roha dohot sian nasa
gogomuna hombar tu Hata ni Debata ?
Molo sada rohamuna mangoloi jala marpadanhon sudena i di jolo ni Debata dohot
di jolo ni donganta on, dok hamu ma alusmuna.
Rap mandok Sintua najinakkon :
Na olo do au, sai dipargogo Tuhani ma ahu mangulahon saluhutna i.
Pandita :
Antong marsijalangan ma hita, paboa hot ni padanmuna i jala paboa na olo do
hamu mangula ulaon ni Debata rap dohot hami. (Pandita manjalang)
1. Ale RAMLI PARGAULAN HUTA PEA; Hujangkon ma hamu gabe sintua di
Huria Kristen Batak Protestan HPN Resort Hebron.
2. Ale HENDRIK LOREN SILABAN; Hujangkon ma hamu gabe sintua di Huria
Kristen Batak Protestan HPN Resort Hebron.
3. Ale B. SIRINGORINGO; Hujangkon ma hamu gabe sintua di Huria Kristen
Batak Protestan HPN Resort Hebron.

-5-
 “Sai diparrohai Tuhan Debata, Ama Tuhanta Jesus Kristus ma hamu, marhitehite
Tondi Parbadia mangkaburjuhon siulaonmuna, na pinasahat tu hamu sadari on,
asa marsangap Debata di tongatonga ni HuriaNa i. Amen”.
  (mangadop tu Ruas ma sintua naung jinakkon dht keluarhga)
Hamu angka dongan na di Huria on jangkon hamu ma nasida di bagasan dame.
Sude ma hita on manggogo tumangiangkon nasida, asa manjadi ulaonnasida i,
huhut mangkorhon hasangapon ni Tuhanta.
Sude Ruas “Ima tutu, hujanghon hami ma hamu amang Sintuanami.
Hutangianghon hami ma hamu, asa tongtong dipargogoi jala di pasupasu
Tuhan Debata laho mangula ulaon Tohonan Hasintuanmuna i.” 
E. Tangiang         :
Ale Tuhan Debata Amanami na di banua ginjang ! Mauliate ma rohanami tu Ho
ala ni asi ni rohaM di angka dongannami on. Sai tamabai ma tu rohanasida angka
silehonlehon ni Tondi Parbadia, asa la marroha jala margogo nasida mangaradoti
tohonan na sahat tu nasida. Asi  ma rohaM dohot di sude ruas  ni HuriaM on, asa
lam hot haporseaonnasida be, jala lam ture parangenasida mangihuthon Ho.
Sungguli ma rohanami asa masihaholongan, unang adong sipinsangon di hami,
asa lam rarat harajaonMu, jala marmulia GoarMu na badia i. Amen.
         Ale Amanami na di banua ginjang ! Amen.
E. (Mandok Hata ma sahalak sian naung jinakkon gabe sintua di huria on)
F. MARENDE BE. No.729 : 1        “LAHO MA HAMU”
(mulak ma tu inganna be sude parhalado)
Laho ma hamu tu liat portibion, Ninna Jesus Kristus Tuhan i.
Ninna Jesus Kristus Tuhan i. Asa marlas ni roha ma langit nang dohot hajang
hajang i. Marolop olop angka ladang i ro dihau na diharangan i.
Baritahon ma Barita na uli i Tu saluhut na tinompa i,
tu saluhut na tinompa i.
Martopaptopap sunge i, Marhasakhasak tao nang laut i.
Marolop olop ma portibion nang sudena pangisina i. Amen.
 
  16. Tangiang Panutup : Pelean , Pasu-pasu - Amen... Amen... Amen...
===================================================================================
1 Tim 1 : 12
“Mauliate hudok di na margogoihon ahu, i ma Kristus Jesus, Tuhanta i; ai
dietong do ahu haposan, umbahen na dipabangkit ahu gabe parhalado”.
=====================================================================================================================================================

Sude Parhaladop dohot Ruas

HKBP Horas Pardomuan Nauli (HPN) Resort Hebron
pasahathon
SELAMAT DAN SUKSES tu hamu amanami:
St. RP. Hutapea – St. HL. Silaban. St.B. Siringoringo

-6-
TINGTING
III. GOAR MINGGU : PALMARUM ( Maremare )
TOPIK MINGGU : “MAROLOPOLOP ALA ASI NI ROHA NI DEBATA”
“BERSORAKLAH AKAN KASIH SETIA TUHAN”
IV. TINGTING NAMARRAGAM
1. UCAPAN SELAMAT.
Tuhita sude ruas ni Huria namar ulang tahun kelahiran dohot  pernikahan sian
tanggal 22 s/d 28 Maret  2021 hupasahat hami ma selamat ulang tahun  ma
di hamu, sai ditambai Tuhanta ma pasupasu dohot ganjang ni  umur  dao  sian
parmaraan dohot parsahiton.
2. JADWAL PARTANGIANGAN PASSION MINGGUON :
Rabu, 31 Martet 2021 pukul 19.30 Weyk 2,4,6
Kamis, 01 April 2021 pukul 19.30 Weyk 1,3,5,7
3. JADWAL IBADAH JUMAT AGUNG sri Jumat tgl 02 April 2021 :
JAM 08.00 WIB : Wijk Ganjil 1, 3, 5 (Eksaudi), dohot 7
JAM 10.00 WIB : Wijk Genap 2, 4, 6 : ULAON NABADIA
JAM 17.00 WIB : IBADAH UMUM BAHASA INDONESIA
4. ACARA ULAON NA HOHOM HAMAMATE NI TUHAN JESUS, JUMAT PUKUL 02.00.
Asa taingot ma ro tu acara i. (Marpahean na hohom ma hita nuansa gelap)
5. IBADAH BUHA-BUHA IJUK HAHEHEON NI TUHAN JESUS TAPATUPA DI ARI
MINGGU TANGGAL 04 April 2021 Pukul 05.00 WIB (manogot)
6. JADWAL IBADAH MINGGU NARO Minggu Paskah I tgl 04 April 2021 :
JAM 08.00 WIB : Wijk Genap 2, 4, 6
JAM 10.00 WIB : Wijk Ganjil 1, 3, 5 (Eksaudi), dohot 7 : ULAON NABADIA
JAM 17.00 WIB : IBADAH UMUM BAHASA INDONESIA : ULAON NABADIA
7. PASKAH II Patupaonta ma di ari Senin tanggal 05 April 2021 Gabung masuk jam
10.00 WIB
8. MANJALO PASUPASU TOHONAN SINTUA. Hombar tu Program Hurianta taon 2021
on, di ari Minggu sadarion, tgl 28 Maret 2021, saut do patupa onta acara manjalo
pasupasu tohonan sintua sian hurianta 3 halak, ima : 1). CSt. H. Silaban. 2). CSt B
Siringoringo. 3). CSt RP. Hutapea. Patupaon ma i di parmingguon jam 10.00.
9. AMPLOP DISTRIK. Minggu SADARION Patupaonta do Pandurungon tujolo Pelean
amplop ima tu Anggaran Distrik XXIX Deliserdang.
10. TAINGOT MA TONGTONG MANJAMOTHON PROTOKOL KESEHATAN.
 MEMAKAI MASKER
 MENCUCI TANGAN
 MENJAGA JARAK

-7-
-8-