PARTORDING NI MINGGU

ROGATE
MINGGU KELUARGA
( AMA, INA, DOHOT IANAKHON SAHUNDULAN )

MINGGU, 22 MEI 2022

TOPIK :
MANGHABURJUHON TANGIANG
 Pukul : 06.00, 10.00 WIB

01. PANGARADEON
L : Huria na hinaholongan dibagasan Kristus Jesus! Mandok mauliate ma
hita siala asi dohot holong ni rohaNa, di minggunta sadarion, i ma
naginoaran ima minggu Rogate lapatanna Martangiang. Alani i tama ma
hita sude ama, ina, rap dohot ianakhonta sahundulan hita laho mamuji
hasangaphon goarNi Debata di Bagasan Namarlas ni roha hita.

( ---Marsijalangan huhut di iringi Song leader mangendehon ende :

“ku cinta k’luarga Tuhan”---)

L : Huria na hinaholongan dibagasan Kristus Jesus. Marhite goar ni

minggunta sadarion, i ma minggu rogate namarlapatan Manghaburjuhon
di bagasan Tangiang. Antong tapasada ma roha dohot pikiranta laho
tapangiar suarata mamujumuji Tuhan Debata marhite namarende hita
sian Buke Ende No. 135 : 1 + 2.

02. MARENDE BE NO. 135 : 1 + 2 “MARPUNGU DO DI JOLOMON” BL. 206

 Marpungu do di joloMon marsada roha hami on o Jesus Tuhannami
Ho Raja na tarsilang i, na pinatimbo i muse sai ro ma Ho tu hami
Olo, jalo ma tangiang, pamujian di goarMu, ala holong ni rohaMu
(Jongjong)
Holan Ina : Na metmet di mulana i sai dipararat Ho do i, I ma harajaonMu
Holan Ama : Lam ganda do bilangan ni na paboahon hataMi,
baen sangap di goarMu
Anak/Naposo : Jesus, tulus baen sangkapMu sosoanMu hajolmaon,
asa olo paluaon

03. VOTUM – INTROITUS – TANGIANG : (A.X.B.5-D.VIII.29)

04. MARENDE BE NO. 789 : 1 “LULUI HAMU HARAJAON NI DEBATA”

 Lului hamu harajaon ni Debata, rap dohot hatigoranNa
1
 TambahononNa ma ondeng tu hamu, Haleluya, Haleluya
Haleluya, Haleluya, Haleluya, Haleluya, Haleluya
05. PATIK: III DOHOT LAPATANNA
U : Patik di hita di minggunta sadarion i ma na tarsurat i ma patik
patoluhon , Ndang jadi dohonon goar ni Debata, ianggo so ture
dalanna. Ai hona uhumNa do sogot angka na marsineang di goarNa.
Dia do lapatan ni i ? On do : Ingkon dihabiari rohanta Debata jala
ingkon holong rohanta di Ibana, asa unang hita olo mamurai manang
manolonnolon manang marujarujaran na roa, manang manmgansi
marhite goar ni Debata; ai di na tarsosak dohot tangiang dohot
pujipujian do sidohonon goar ni Debata. Antong, rap mangido gogo
ma hita tu Debata!
H : Ale Tuhan Debata sai pargogoi ma hami mangulahon na hombar tu
patikMi. Amen.

06. MARENDE BE NO. 432 : 1 - 2 “SIAN HURUNGAN NI DOSANGKI”

BL. 292
 Sian hurungan ni dosangki, ro au tu Ho, ro au tu Ho
Tu haluaon di mudarMi, Jesus au ro tu Ho
Nasa rohangku malum hipas, gabe mamora nang pe pogor
Sian jeangku ro au tu Ho, Jesus au ro tu Ho
(Jongjong)
 Sian ilangku nang ramunhi, ro au tu Ho, ro au tu Ho
Gabe na ias nang rohangki, Jesus au ro tu Ho
Sian holsongku tu sonangMi, sian runduthu tu dameMi
Sian arsakhu tu holongMi, Jesus au ro tu Ho

07. MANOPOTI DOSA:

(P : Paragenda, A : Ama, I : Ina, An : Anak S : Sude)
P : Martangiang ma hita laho manopoti dosa! Ale Tuhan Debata, Ama ni
Tuhannami Jesus Kristus , Ho do Debata pargogo na so hatudosan,
2
 sitompa nasa na adong, paruhum na tigor, na manguhumi jolma
manisia!

A : Na ro do hami tu joloM manopoti dosanami, angka na huula hami

marhite sian pangalaosionnami di PatikMu, i ma marhite sian tubutubu
ni rohanami na roa i, nang sian pangkataionnami na so ture, ro di
pangoloionnami di hisaphisap ni rohanami.

P : Na tama situtu do hona uhum hami ala ni dosanami i, alai na tarsolsol

bagi do hami nuaeng ala ni i.

I : Asi ma rohaM di hami, ale Debatanami. Pardengganbasa jala Parasi roha

do Ho ala ni Anak haholongan ni rohaM, Tuhan Jesus Kristus
Tuhannami.

An : Sai sesa ma dosanami saluhutna, jala suru ma Tondi Parbadia tu

rohanami be, asa tarbahen hami mangoloi Ho di bagasan hatigoran dohot
habadiaon, gabe sahat hami tu hangoluan na so ra suda, na
pinarbagabagaM di angka na porsea di AnakMu Tuhan Jesus Kristus,
Tuhannami. Amin.

--- Sahalak Solois mangendehon BE 683:1 ---

Bagabaga ni Debata taringot tu hasesaan ni dosanta:

P : Songon on do Hata ni Tuhan Jahowa: Nunga diarsahi Ho ahu marhite sian

angka dosam, jala nunga dilojai ho Ahu marhite sian angka hajahatonmu.
Ahu tutu, Ahu sandiri manalesei angka pangalaosim ala ni hadirionKu, jala
ndang be Hupaingotingot angka dosam.

Hasangapon ma di Debata na di ginjang!

S : Amin

08. MARENDE BE NO. 714 : 3 “TUHAN NA MARMAHAN HAMI” BL. 714

 PadanMi huingot hami na mardosa godang on

3
 Ias burionMu hami sian haramunon on
Tuhan Jesus Sipalua, Ho nampuna hami on (2x)

09. E P I S T E L : JEREMIA 33 : 1 – 9

(P : Paragenda, A : Ama, I : Ina, An : Anak S : Sude)

P : Hata ni Debata turpuk Epistel di Minggu Rogate sadari on, tarsurat di

Jeremia 33 : 1 – 9. Dung i ro ma hata ni Jahowa tu si Jeremia
paduahalihon di na tarhurung dope ibana di bilut hurungan i, ninna
do:
S : Songon on do hata ni Jahowa na pasintonghon bagabagaNa i, Jahowa
na manjadihonsa laho pasunhon, Jahowa do goarNa!
A : Joujou ma ho tu Ahu, asa Hualusi ho, asa Hupabotohon tu ho hata angka
na bolon dohot na songkal, angka na so binotomi.
I : Songon on do hata ni Jahowa, Debata ni Israel, taringot tu angka bagas
ni huta on dohot taringot tu angka bagas ni angka raja sian Juda
angka naung niloha on bahen partanobatoan dompak angka salosap
dohot dompak angka podang.
An :Adong pe jolma masuk tu bagasan laho marmusu dompak halak Kasdim,
asa gohanna angka i dohot bangke ni jolma, angka naung Hubunu di
bagasan murukHu dohot di bagasan rimasHu, ala naung Hupadao
bohingKu sian huta on binahen ni saluhut hajahatonnasida.
S : Ida ma, Ahu sandiri pahehehon tu nasida hahisaron dohot hamalumon,
jala pamalumonHu nasida, jala Ahu papatarhon tu nasida hadameon
dohot habonaron mardapotdapot.
P : Jala Ahu manogihon mulak angka na tarbuang i sian Juda dohot angka
na tarbuang i sian Israel, jala Ahu pahothon nasida suang songon di
mulana.
S : Jala Ahu mangurasi nasida sian saluhut hajahatonnasida i, na mardosa
i nasida dompak Ahu, jala marpamuati rohangKu di saluhut
hajahatonnasida i, na mardosa i nasida dompak Ahu, jala na
niosenasida i Ahu.
P : Jala ingkon gabe barita silas ni rohangKu huta i, bahen pujipujian dohot
bahen hamuliaon maradophon saluhut bangso parbegu di tano on,
4
 angka na umbege saluhut na denggan na Hubahen i tu nasida, jadi
tarsonggot jala angka hitir nasida mida saluhut na denggan dohot mida
saluhut huta on na Hubahen i tu nasida. I do sahatna. Martua ma angka na
tumangihon Hata ni Debata jala na umpeopsa. Amen.

10. MARENDE BE NO. 503 : 1 + 3 “NA LOJA HO O DONGANKI” BL. 343

 Na loja ho, o donganhi, dibahen hasusaan i
Rade di ho adian i, sai bereng dompak Jesus i
Reff : So ho, ungutungutmi paso (2x)
Hohom ma ho, paso saritami
(Jongjong)
 Satongkin nari nama i, dung i ro haluaon i
Jonok do hasonangan i, paso ma holsoholsomi
Reff : So ho, …………

11. MANGHATINDANGHON HAPORSEAON:

U : Tahatindanghon ma haporseaonta i, songon na hinatindanghon ni
donganta sahaporseaon di sandok portibi on. Rap ma hita mandok!
H : Ahu Porsea di Debata Jahowa….. (Hundul)

12. TINGTING
13. MARENDE BE NO. 814 : 1… “SAI AJARI AU TUHANHU” BL. 814
(Papungu Pelean Ia, Ib)
 Sai ajari au Tuhanhu di na martangiang au
Patuduhon tu rohangku sangkap ni rohaM di au
Songon na binaen ni Jesus na manaon humophop au
Unang lomo ni rohangku, lomo ni rohaM ma saut
--------Musik-------
 Nasa na mauliutus, dipatupa Ho di au
Panolopi do tondingku, di sangkapMu na tu au
Mangauhon pambaenanMu, di na marsitaonon au
Unang lomo ni rohangku, lomo ni rohaM ma saut
--------Musik-------
5
  Di bagasan Ho Tuhanhu, boi marlas ni roha au
Ho sambing haporusanku, Ho ma paluahon au
Pargogoi ma au Tuhanhu, ai mansai gale do au
Unang lomo ni rohangku, lomo ni rohaM ma saut
14. JAMITA: JAKOBUS 5 : 13 – 18
13 Molo adong di tongatongamuna na tumaon na porsuk, martangiang ma
ibana; molo adong na marlas ni roha, marende ma ibana. 14 Molo adong na
marsahit di hamu, dijou ma angka sintua ni huria i; asa ditangiangkon
ibana; didampol ma ibana dohot miak marhitehite Goar ni Tuhan i.
15 Dung i pangoluon ni tangiang haporseaon i ma na marsahit i, jala
paheheon ni Tuhan i ma ibana; sesa ma nang dosana, molo tung adong
diulahon. 16 Antong, masitopotan dosa ma hamu dohot masitangiangan,
asa malum hamu. Na margogo situtu do tangiang ni partigor, molo
dihaburjuhon. 17 Jolma do si Elia, sabangko dohot hita; gogo do ibana
martangiang, unang jolo ro udan; jala ndang ro udan di tano i, tolu taon
onom bulan lelengna. 18 Dung i diulahi ma martangiang, jala dilehon
langit i ma udan; dung i dipantubuhon tano i ma parbuena.
15. MARENDE BE NO. 815 : 1… “ULI DO TINGKI NA HOHOM” BL. 815
(Pelean II: Pusat + Pembangunan)
 Uli do tingki na hohom di jolo ni habangsa ni
Amanghu na rade tongtong manjalo pangidoanhi
Ai di na marsak rohangki sai diapuli tondingki
Malua sian jorgong i di tingki martangiang i
------Musik-------
 Uli do tingki na hohom, sonang martua rohangkon
Tongtong masihol rohangkon, lao martangiang na hohom
Au raphon na badia i, sai naeng marnida bohiMi
Tuhanhu sipartobus i, di tingki martangiang i
------Musik-------
 Uli di tingki na hohom, pasahat pangidoanhi
Tu Debata na bonar i, Sitangihon tangiang i
Di na huida bohiMi porsea au di hataMi
Tompas holso ni rohangki, di tingki martangiang i
6
16. TANGIANG PELEAN DOHOT PASUPASU.

FILIPI 2 : 2
“Karena itu sempurnakanlah sukacitaku dengan ini:
hendaklah kamu sehati sepikir, dalam satu kasih, satu
jiwa, satu tujuan”

PENDETA, PARHALADO
HKBP KRAMAT JATI RESORT KRAMAT JATI
MENGUCAPKAN :
7
SELAMAT HARI MINGGU