PARTORDING NI PARMINGGUON XVII DUNG TRINITATIS

DI HKBP BALIKPAPAN, RESS. KALTIM

MINGGU, 26 September 2021

01. Pamhuai :
U : Horas! Selamat ari Minggu ma di hita saluhutna ruas ni huria ni Tuhanta na
hinaholongan. Marsada ni roha ma hita muse sadari on laho mamuji Tuhanta
di Minggu XVII Dung Trinitatis na marlapatan: Hasitolusadaon Ni Debata;
dohot Topik Minggu sadari on: MANGOLU SONGON PARRIPE NI TUHAN I.
Tapuji ma Debata, marende ma hita ……

02. Marende BE. 192 : 1 + 5 “O, TUHAN JESUS, RAJA”

 O Tuhan Jesus, Raja ni sudena, tubu sian Ama i
Haholonganku, sisombaonku, sasada Ho do Tuhanki
------ Jongjong -----
 Jesus Tuhanku, Ho ma di rohangku, hasudunganki tongtong
Nang au mangolu, nang pe lao mate, sai Ho nampuna diringkon.

03. VOTUM – INTROITUS – TANGIANG:

U : Marhitehite  Goar ni Debata Ama dohot Goar ni AnakNa Tuhan Jesus Kristus
dohot  Goar ni Tondi Parbadia, na tumompa langit dohot tano on. Amen. Biar
mida Jahowa do parmulaun ni hapistaran, maruli hamaloon ni roha na
sumurung do sude angka na mangulahonsa; hot do baritaNa i ro di
salelenglelengna. Haleluya!
J : (Mangendehon): Haleluya, Haleluya, Haleluya!
L : Martangiang ma hita: Ale Tuhan Debata, Pargogo na so hatudosan ! Sai lehon
ma di hami haporseaon na mangolu, asa tongtong hami porsea di AnakMu,
Tuhan Jesus Kristus, Tuhannami. Tompa ma roha na ias di bagasan hami, jala
paimbaru rohanami jala pasintong. Sai pahot ma haporseaonnami, asa hot jala
sonang rohanami marningot naung sesa dosanami, ala ni Tuhan Jesus Kristus
Tuhannami. Amen. (Hundul)

04. Marende BE. 656 : 3 “PARHAHAMARANGGION”

 Ai disagihon do ganup asi-asiNa i,
Asa ringgas huhut burju, di ulaonna i,
Sai lam serep ma rohamu hombar tu Hata i,
Parholong roha ma hamu maniru Tuhan i.

1
05. PATIK :
U : Tangihon hamu ma patik ni Debata di Minggu sadarion Mateus 22 : 37 – 39;
Jadi didok Jesus ma: Sihaholonganmu do Tuhan Debatam sian nasa ateatem,
sian nasa hosam dohot sian nasa roham! I do patik raja jala parjolo. Alai dos
do arga ni na paduahon on: Sihaholonganmu do donganmi doshon dirim!
Ima sahatna, Antong rap mangido gogo ma hita sian Tuhan Debata!
R : Ale Tuhan Debata, sai pargogoi ma hami mangulahon na hombar tu
PatikMi. Amen.

06. Marende BE. 289 : 1 – 2 “POS MA HO ROHANGKU”

 Pos ma ho rohangku di Debata bonom ma arsakmu tu rohaNa da
Unang lomos tiop ma gomos haporseaonmu unang ho bobos
PaluaonNa, ho ma antong sian nasa jea di tano on.
------Jongjong-----
 Pos ma ho rohangku di Debata bonom ma arsakmu tu rohaNa da
Lao mago pe na dison sude sonang bahenonNa sogot ho muse
Ale Jahowa, haposanki sai togihon ahu tu surgo i.

07. MANOPOTI DOSA:

U : Tatopoti ma dosanta tu adopan ni Debata, martangiang ma hita! Ale Tuhan
Debata, Amanami, Pargogo na so hatudosan, Parasiroha mida hami na
dangol on ! Na ro do hami tu joloM manopoti dosanami na godang i. Di
bagasan hajahaton do hami tubu jala ndang adong haporseaon di bagasan
rohanami hian, saluhut do hami manimbil sian angka dalanMu. Mansai
godang do pangalaosionnami di PatikMu. Alai ingot ma hami, ale Tuhan, ala
ni denggan ni basaM dohot asi ni rohaM. Sai unang paingotingot angka
dosa ni haposoonnami dohot pangalaosionnami; sai ingot ma hami hombar
tu asi ni rohaM dohot denggan ni basaM ala ni GoarMu. Ale Tuhan Jesus,
marpamuati ma rohaM di dosanami na godang i ! Amen.
(--- BE. 699 : 1 ---)
U : Tabege ma hata bagabaga taringot tu hasesaan ni dosa: Ai ndang adong
imbar nii; ai saluhut do pardosa jala hurangan maradophon hasangapon ni
Debata, alai angka na gabe pintor, binahen ni basabasa marhite sian asi ni
RohaNa, hinorhon ni panobusion na marhitehite Kristus Jesus i, na
pinajongjong ni Debata bahen habangsa parasian marhitehite haporseaon di
mudarNa.
Hasangapon ma di Debata na di ginjang !
R : Amin. (Hundul)
2
08. Marende BE. 190 : 2 “LAS ROHANGKU SITUTU”
 Las rohangku situtu, mida Jesus na burju
Patupahon hangoluan, di au na di hamagoan
Tung saluhut dosangki, do disesa Jesus i.

09. E P I S T E L :
U : Tabege ma Hata ni Debata turpuk Epistel di Minggu XVII dung Trinitatis
sadari on, tarsurat di Panguhum14 : 1 – 4 ;
Dung i tuat ma si Simson tu Timna, gabe diida sada boruboru di Timna, sian
boru ni halak Palistim.
R : Jadi nangkok ibana muse, asa dipaboa tu amana dohot tu inana, ninna
do: Adong do huida sada boruboru di Timna sian boru ni halak Palistim;
on pe sai buat hamu ma ibana bahen jolmangku.
U : Alai ninna amana dohot inana ma tu ibana: Ndang adong huroha di
tongatonga ni boru ni hahaanggim manang di tongatonga ni sandok
houmta bahen jolmam, umbahen tung laho ho mambuat boru sian halak
Palistim, angka na marhulup? Jadi ninna si Simson ma tu amana: Ingkon
ibana buatonmu di ahu, ai ibana do hasoloan ni rohangku.
R : Alai ndang diboto anggo natorasna, tung sian Jahowa do i, ai
mangalului parbonsiran do ibana dompak halak Palistim, ai tongon
gumomgom Israel do halak Palistim uju i.
U : Ido sahatna. Martua do angka na tumangihon Hata ni Debata jala na
umpeopsa. Amen.

10. Marende BE. 544 : 1 + 3 “MOLO RO PANJOU NI TUHAN”

 Molo ro panjou ni Tuhan, molo salpu tingki on,
Molo binsar bintang sipaias i,
Jala sahat ma tu ginjang angka na tinobus i,
Dohot au dibaen Tuhanta lao tusi.
Molo jouon ni Tuhanta angka goar di pustaha,
dibaen asi ni rohana, alusanku: O Tuhanku, au dison.
(Jongjong)
 Dibaen i, o, ale dongan, ringgas be ma hita on,
Pararathon harajaonNa i tongtong.
Ai dung salpu tingki on, na masuk be tu surgo i.
Dohot au dibaen Tuhanta lao tusi.
Molo jouon…

3
11. MANGHATINDANGHON HAPORSEAON:
U : Tahatindangkon ma haporseaonta i, songon na hinatindanghon ni donganta
sahaporseaon di sandok portibi on. Rap ma hita mandok!
R : Ahu porsea ….. (Hundul)

12. TINGTING
13. Marende BE. 649 : 1 – 2 “DIPASADA AMA I”
(Pelean Ia, Ib)
 Dipasada Ama i, angka na porsea i,
Ni rahutan ni holong ni Kristus i marhite TondiNa i.

 Las roham endehon ma Holong i radoti ma,

Sauduran hita na porsea i di Tuhanta Jesus i.

14. Jamita : Pilemon 1 : 8 – 17

15. Marende 651 : 1 – 2 “HURIA NA HUHAHOLONGI HAMI”
(Pelean II)
 Huria na huhaholongi hami na pinajongjong ni Tuhanta i.
Tung na so lupa sian rohanami Huria i dohot ruasna i,
di nasa hasusaan tongtong do i manahan.
Manggogo pe angka galumbang i, Tuhanta do na pademakhon i,
Martua do na hot di Tuhan i.

 Marpadan do au on tu Debatangku; tu Jesus Raja ni Huria i.

Sai pangkeonku do nasa gogongku, mangaradoti huriaNa i,
Tung ro pe haleaon ingkon huhabengethon.
Manggogo pe angka ………
(Jongjong)
16. TANGIANG PELEAN + TANGIANG ALE AMANAMI + PASUPASU