PARTORDING NI PARMINGGUON

DI PESTA PASKAH PADUAHON

PARNINGOTAN ARI HAHEHEON NI TUHAN JESUS

 Ev: 1 Korint 5 : 6 – 8  Ep: Psalmen 114 : 1 – 8

TOPIK :

JESUS KRISTUS DO BIRUBIRU PASKAH

HURIA KRISTEN BATAK PROTESTAN

SEKINCAU- LIWA LAMPUNG BARAT
SENIN, 01 APRIL 2024
01. MARENDE No. 95 : 1, 3 – 4 “NGOT MA HO DIJOU SOARA” BL
222
Haleluya taendehon nuaeng di ari haheheon Tuhanta Siparmonang i
Ai malua do Ibana haruar sian tanomanNa, natalu hamatean i.
Sun ulaonNa i dibaen Tuhanta i, Haleluya
Naung sahat di Tuhanta i upaNa na sumurung i.

Na so pola habiaran ni hita on be hamatean, ai hita pe sai hehe do.

Molo burju taihuthon Tuhanta i, di parungkilon sai ingkon tu lambungNa
ro.
Diboan Jesus i do hita on muse, tu lambungNa Parmonang i sai saut ma i
binaen ni hagogoonMi.

…… (musik - jongjong) ……

Ale ari haheheon beha ulaning hilalaon ni rohangkon di tingkimi? Ndang

hapalang las ni roha di hasosohot ni na roa ro di sude na hansit i
O Jesus togu ma bangsoM tu Debata, tu na sonang
O Rajangki naung hehe i pasahat au tu lambungMi.

02. VOTUM – INTROITUS – TANGIANG :

U : Marhitehite Goar ni Debata Ama, dohot Goar ni AnakNa Tuhan Jesus
Kristus, dohot Goar ni Tondi Parbadia na tumompa langit dohot tano
on. Amen. Pinuji ma Debata jala Ama ni Tuhanta Jesus Kristus, na
tumubuhon hita paduahalihon sian godang ni asi ni rohaNa tu
pangkirimon na mangolu marhitehite haheheon ni Tuhan Jesus Kristus
sian na mate. Haleluya !
H : (Mangendehon): Haleluya, Haleluya, Haleluya.
U : Martangiang ma hita! Ale Tuhan Debata ! Suru ma Tondi Parbadia
tu rohanami, asa tarapul situtu rohanami marhitehite haheheon ni
AnakMu, Tuhan Jesus Kristus, jala asa lam ganda haporseaonnami
marhitehite pangkirimon na mangolu, asa tongtong huingot hami, na
hehe do hami muse sian na mate songon Tuhan Jesus Kristus,
Tuhannami, naung hehe sian na mate i. Amen. (Hundul)

1
03. MARENDE BE No. 89 : 5 “ATE DIDIA SOROPMI” BL 130
Ai manang ise na burju paubahon rohana
Na mangalehon situtu di Jesus i rohana
I do dongan ni Jesus i tumean hangoluan i saleleng ni lelengna.

04. P A T I K :
U : Tangihon Hamu (Tatangihon ma) Patik ni Debata di Pesta Paskah II, i
ma na tarsurat di Efesus 4 : 24, “Jala solukhon hamu ma jolma na
imbaru, na tinompa suman tu Debata, di bagasan hatigoran dohot
hapolinon na marhasintongan!”
U : Ido sahatna. Antong, rap mangido gogo ma hita sian Tuhan Debata!
U+H : Ale Tuhan Debata, sai pargogoi ma hami mangulahon na hombar
tu PatikMi. Amen
05. MARENDE BE No. 433 : 1 + 4 “O TUHANHI SAI TOPOT AU” BL
293
O Tuhanhi sai topot au, paias ma nang rohangki
MudarMu mangurasi parjahat i, mudarMu mangurasi nang na jumahat i
Dihophop Ho au on, dihophop Ho au on, dihophop Ho au on.

----Jongjong----

Porsea au nuaeng di Ho, dihaholongi Ho nang au.

MudarMu mangurasi parjahat i, mudarMu mangurasi nang na jumahat i
Dihophop Ho au on, dihophop Ho au on, dihophop Ho au on.

06. TANGIANG MANOPOTI DOSA :

U : Tatopoti ma dosanta martangiang ma hita! Ale Tuhan Debata,
Pargogo na so hatudosan jala Amanami ! Hujou hami do GoarMu na
badia i, ala na targogot hami marningot dosanami. Sai marasi ni roha
ma Ho mida hami on. O Tuhan Jesus Kristus, Anak ni Debata na gabe
jolma ala ni hami, na mate jala na hehe sian na mate, na manaek tu
banua ginjang do Ho mangondihon hami ! Asi rohaM di hami, sai
patongtong ma di hami roha hamauliateon tu Ho. O Tondi Parbadia,
pangapul di na marsak roha, pamalum ma saluhut na bernit, binahen
2
 ni dosanami ! Ro ma Ho mangingani hami, asa marlas ni roha hami
mangulahon lomo ni rohaM. Ho do parhitean ni nasa asi ni roha, sai
unang tulak hami. Sai tangihon ma hami, Ho ale Debata, Ama, Anak
dohot Tondi Parbadia ! Amen.

Tabege ma bagabaga ni Debata taringot tu hasesaan ni dosa:

Molo tung adong manang ise na mardosa, adong do pangondianta di
Ama i, i ma Tuhan Jesus Kristus na tigor roha i. Jala Ibana do
pardengganan taringot tu dosanta, alai ndada holan taringot tu dosanta,
dohot do taringot tu dosa ni saluhut portibi on. Hasangapon ma di
Debata na di ginjang !

U + H : Amen (Hundul)
07. MARENDE No. 632 : 1 “NUNGA HEHE KRISTUS” BL 632
Nunga hehe Kristus marsihohot ma hamu.
Lam sumurung hita di ulaon ni Tuhanta
Lam sumurung hita di ulaon ni Tuhanta
Radot ma hita lao mangula tu Tuhanta
Radot ma hita lao mangula tu Tuhanta, Amen.

08. E P I S T E L:
U : Tangihon hamu (Tatangihon) ma Hata ni Debata turpuk Epistel di
Pesta Paska na paduahon on, tarsurat di Psalmen 114 : 1 – 8 “Uju na
ruar i Israel sian Misir, pinompar ni si Jakob sian bangso parhata
bobang:
H : Jadi Juda gabe habadiaonNa, Israel gomgomanNa.
U : Diida laut i ma i, gabe tolak, jala sumurut tu pudi ia Jordan.
H : Marhajingjang ma angka dolok songon birubiru tunggal, angka
robean songon anak ni birubiru.
U : Aha di ho, ale laut, umbahen maporus ho? Ale Jordan umbahen
sumurut tu pudi ho?
H : Hamu ale angka dolok, umbahen marhajingjang hamu songon
birubiru tunggal, hamu ale robean, songon anak ni birubiru?
3
 U : Maradophon bohi ni Tuhan i humuturhutur ma ho, ale tano on,
maradophon Debata ni si Jakob.
H : Na paubahon dolok batu gabe ambar aek, batu ping gabe mual.
U : I do sahatna. Martua do angka na tumangihon Hata ni Debata jala
na umpeopsa. Amen.
09. MARENDE BE No. 90 : 1 – 2 “SAI TAPUJI DEBATANTA”
BL 175
Sai tapuji Debatanta, ale hajolmaon i
Ai naung hehe do Tuhanta, sian hamatean i
Dipasidung Jesus i ulaonNa sasude
Patupahon haluaon di saluhut hajolmaon.

--- Jongjong ---

Anggo utang ni dosangku digarari Jesus i
I do haporseaonhu di na tinaonNa i
Nunga tulus patik i nunga mintop rimas i
Di na hehe i Ibana ro di au hangoluanNa

10. MANGHATINDANGHON HAPORSEAON:

U : Tahatindanghon ma haporseaonta i, songon na hinatindanghon ni
donganta sahaporseaon di sandok portibi on. Rap ma hita mandok:
H : Ahu Porsea di Debata Jahowa….. d.u. (Hundul)

11. KOOR REMAJA

12. KOOR NAPOSO
13. TINGTING
14. KOOR INA MARIA
15. KOOR INA KAMIS
16. KOOR AMA
17. MARENDE BE. No. 91 : 1… “HATUAON DO” BL 55 (Pelean Ia, Ib)

Hatuaon do, las ni roha do Hangongot ni Tuhanta i

Mago do hita ngot ma Tuhanta las be, las be ma rohanta i.
Mago do hita ngot ma Tuhanta las be, las be ma rohanta i.
4
 Hatuaon do, las ni roha do Hangongot ni Tuhanta i
Monang do Jesus talu sibolis las be, las be ma rohanta i.
Monang do Jesus talu sibolis las be, las be ma rohanta i.
-----musik------
Hatuaon do, las ni roha do Hangongot ni Tuhanta i
Mungkap do dalan tu hangoluan las be, las be ma rohanta i.
Mungkap do dalan tu hangoluan las be, las be ma rohanta i.

Hatuaon do, las ni roha do Hangongot ni Tuhanta i

I ma gogonta dompak dosanta las be, las be ma rohanta i.
I ma gogonta dompak dosanta las be, las be ma rohanta i.
-----musik------
Hatuaon do, las ni roha do Hangongot ni Tuhanta i
Monang ma hita, jumpa ajalta, las be, las be ma rohanta i.
Monang ma hita, jumpa ajalta, las be, las be ma rohanta i.

18. J A M I T A: 1 Korint 5 : 6 – 8
19. MARENDE BE. HKBP No. 633 : 1… “NUNGA HEHE KRISTUS I”
BL 633 (Pelean II)

Nunga hehe Kristus i, haleluya

Sian hamatean i, haleluya
Parlangitan jouhon ma, haleluya.
Tano on alusi ma haleluya.

Singkop panghophopNa i, Haleluya

Gok hamonanganNa i, Haleluya
Sondang haluaon i, Haleluya.
Patiur dalanta i, Haleluya.

---musik---

Tartaban naroko i, Haleluya

Di baen Tuhan Jesus i, Haleluya
Nunga mungkap surgo i, Haleluya
Di na tinobusNa i, Haleluya
5
 .
Monang do Tuhanta i, Haleluya
Talu hamatean i, Haleluya
Mago do sorop na i, Haleluya.
Ala monang Tuhan i, Haleluya.

--- musik ---

Sangap ma di Tuhan i, Haleluya
Puji ma goarNa i, Haleluya
Baen hamonanganNa i, Haleluya
Manondangi ngolumi, Haleluya.

Raja hangoluan i, Haleluya

Na sun hinagogo i, Haleluya
Jalo ma pujianhi, Haleluya
Nang holongni rohangki, Haleluya.

20. Tangiang Pelean: ( Jongjong )

U : Tatangianghon ma peleanta. Ale Debata, Amanami na di banua
ginjang! Ho do haroroan ni saluhut silehonlehon na denggan dohot
nasa ulibasa na mauliutus. Hupasahat hami ma sian na nilehonMi tu
hami, peleannami tu Ho. Sai jalo ma i gabe uap na hushus di joloM.
Pasupasu ma i jala ramoti asa huparhaseang hami pelean on,
patimbulhon harajaonMu di tongatonga ni huriaM dohot di portibi on.
Buhai ma rohanami marhitehite TondiM, asa lam hutanda hami
godang ni silehonlehonMi tu hami, asa lam girgir hami mandok
mauliate tu Ho, marhitehite Jesus Kristus Tuhannami. Amen.
H : (Mangendehon)
Nasa na nilehonMi, tondi ro di pamatanghu
Hosa dohot gogongki, ro di saluhut artangku
Hupasahat i tu Ho, na so unsatonhu do.
U : Ale Amanami na di banua ginjang! Sai pinarbadia ma GoarMu! Sai ro
ma harajaonMu! Sai saut ma lomo ni rohaM di banua tonga on songon
na di banua ginjang! Lehon ma tu hami sadari on hangoluan siapari!
Sesa ma dosanami songon panesanami di dosa ni dongan na mardosa

6
 tu hami! Unang hami togihon tu pangunjunan! Palua ma hami sian
pangago!
H : (Mangendehon):
Ai Ho do nampuna harajaon, dohot hagogoon
Ro di hasangapon, saleleng ni lelengna, Amen.
U : Tangiang Pasupasu
H : (Mangendehon ) BE No. 845 : 1 “AMEN, AMEN, AMEN” BL
845
Amen, Amen, Amen.