I.

HATA HUHUASI
II. PAGALAK LILIN (Diiringi Musik)
III.KEBAKTIAN
1. JOUJOU TU PARSAORAN – VOTUM – INTROITUS (Jongjong Huria)
U : Tasomba ma Debata Ama, mula ni nasa na adong, mula ni dungdang, mula ni
Tondi, mula ni eme na marlundu, mula ni jolma na sungsang. I ma Debata
Ama, mula ni nasa na adong, na hos di ari, na juang di langit. Na manatap sian
ginjang ni langit, na manonggor tu toru ni langit. Mula ni hatuaon, i ma Jahowa
Debata Ama.
H : Husomba jala hupuji hami ma goarMu, Ale Tuhan. Hasangapon ma di Ho.
U : Tasomba ma AnakNa Jesus Kristus, mula ni na lenggam, mula ni na denggan.
I ma Jesus Kristus na gabe mual hangoluan, silumallan na tio. Na manarehon
pangurupion, tu jolma na tading di ruruson, na mian di rura rurus. Mula ni jagar
mula ni uhum, sipatiar na rundut, sipatio na litok, i ma anak ni Debata, Tuhan
Jesus Kristus.
H : Husomba jala hupuji hami ma goarMu, Ale Tuhan. Hasangapon ma di Ho.
U : Tasomba ma Tondi Parbadia. Tondi pangurupi, Tondi pangajari. Tondi na
basa, Tondi na bisuk. Na so matangkang dihata, na so matahut dibohi. Na
songon bulu di holbung na so haliapliapan, songon hapur di tangan na so
halipurpuron. I ma Tondi Parbadia na mian ditongatonganta.
H : Husomba jala hupuji hami ma goarMu, Ale Tuhan. Hasangapon ma di Ho.
U : Marhitehite Goar ni Debata Ama. Dohot Goar ni AnakNa Tuhan Jesus Kristus.
Dohot Goar ni Tondi Parbadia, na manompa langit dohot tano on, Amen
H : Ale Jesus Tuhan nami, bereng hami na di son. PinarmahanMi do hami
saluhutna na di son. Sai asi rohaM di hami, sai pangolu hami on. Amen!
U : Bangso na mardalani di bagasan haholomon marnida sada Panondang na
bolon. Binsar do sada Panondang di angka na mangingani tano linggoman ni
hamatean.
H : Ai nunga tubu di hita sada posoposo dilehon tu hita sada Anak, Pampe tu
abarana do sogot harajaon, jala bahenonna GoarNa : Sipartahi halonganan,
siulubalang ni Debata, Ama saleleng ni lelengna, Raja ni Hadameon.
U : Hehe ma ho, marsinondang ma ho, ai na ro ma panondangmu, jala hamuliaon
ni Jahowa binsar di atasmu.
H : I da ma haholomon do manghuhupi tanoon, jala hagolapon angka bangso, alai
na binsar ne ma Jahowa di atasmu.
 U : Mariaia ma ho, ale boru Sion, marolopolop ma ho ale Israel, marlas ni roha ma
ho jala marolopolop sian nasa roham, ale boru Jerusalem.
H : Pinuji ma Tuhan i olat ni on rodi saleleng ni lelengna, Amen.
U : Martangiang Ma Hita : Ale Tuhan Debata, Amanami na di banua ginjang.
Mandok mauliate do hami tu Ho, ala ni godang ni Asi ni rohaM di hami; ai
dibasabasahon Ho do AnakMu na sasada i tu hami na dipardangolan on, asa
malua hami marhitehite Ibana sian nasa dosa dohot sian hamatean saleleng ni
lelengna. Hupangido hami tu Ho, sai sondangi ma rohanami na holom i
marhitehite Tondi Porbadia i; angkup ni i sai parrohai ma hami, asa huboto
hami mandok mauliate tu Ho, asa tarapul situtu rohanami di hagogotan dohot
di pangunjunan marhite AnakMu, Tuhan Jesus Kristus Tuhannami, Amen.
(Hundul Huria)
2. MARENDE BE. NO. 57 : 1 + 3 “NUNGNGA JUMPANG MUSE”
Nungnga jumpang muse ari pesta i, hatutubu ni Tuhanta Jesus i
Tuat do Ibana sian Surgo i mebat tu hita on
Hasangapon di Debata, dame, dame ma di jolma
Las ni roha ni Debata, hajolmaon muse
Somba nami ma di Ho na tubu on, Ho siboan dame tu portibion
Sai pasaorhom ma tu roha nami on dameMi o Jesus
Hasangapon di Debata, dame, dame ma di jolma
Las ni roha ni Debata, hajolmaon muse
3. LITURGI PAMUHAI
4. KOOR KELAS I & II
5. LITURGI I
6. KOOR KELAS III
7. MARENDE BE. NO. 49 : 6 – 7“SAI RO MA TU BARA”
Tung aha ulaning denggan di rohaM? Silehononnami baen las ni rohaM?
Nang sere nang perak ndang pinangidoM Ai roha na ias sambing do lomoM
Antong rohanami ma peleanMi O Jesus hasian sai jalo ma i
Ias jala sonang ma baen angka i Tongtong gabe domu ma tu rohaMi.
8. LITURGI II
9. KOOR KELAS IV
10. PUISI
11. LITURGI III
12. MANOPOTI DOSA U : Uluan, H : Huria (Jongjong Huria)
U : Ale Debata nami na di banua ginjang, diparhatopot roha nami do balga ni Asi
ni rohaM di hami na adong di inganan nami on. Dilehon Ho do AnakMu Tuhan
Jesus Kristus tu portibion tubu di bagasan haleaon, manaon na porsuk pola
ingkon mate tarsilang asa gabe haluaon di hami. Dia ma naung hubaen hami
tu Ho balos ni i? Jot-jot do hami marjanji dibagasan roha nami, hape dang
tulus hu ulahon hami. Sai maruari do roha nami marhite angka ende nami
mandok: Hulehon di Ibana sude na di au on, olo, olo sude na di au on. Dia ma
naung hulehon hami tu Ho ale Tuhan? So ndada gabe gabus nami doi di
joloM? Molo tung ipe sai asi ma rohaM di hami.
H : (Mangendehon Mansai Lambat BE. No. 53 : 2 “Di Betlehem do Tubu”)
Tu holong ni rohaMu, Hubonom rohangkon
Hulehon di Ibana sude na di au on. Olo, olo sude na di au on.
U : Jotjot do huendehon hami ganup jumpang ari Natal : Sai naeng
haholonganku, Ho ale Tuhanki. Nang marsak , las rohangku, ingkon lam
gandai, olo, olo ingkon lam gandai. Alai baliksa do hu ulahon hami. Ndang
huhaholongi hami Ho, sian nasa roha, ate-ate, pikkiran, dohot sian nasa gogo
nami. Dang huhaholongi hami dongan nami songon diri nami. Holan masa
angka pangunjunan, arsak, sitaonon dohot parungkilon, nunga pintor mandele
hami laos manundalhon Ho. Mandao hami sian tangiang dohot sian punguan.
Jot-jot nai hugabusi hami Ho. Asi ma roham di hami ale Tuhan, pargogoi ma
hami manghaholongi Ho dohot manghaholongi dongan nami.
H : (Mangendehon Mansai Lambat BE. No. 53 : 3 “Di Betlehem do Tubu”)
Sai naeng haholonganku, Ho ale Tuhanki. Nang marsak las
rohangku, ingkon lam gandai. Olo, olo, ingkon lam ganda i.
U : Manghilala do roha, hurang do hita manghaholongi Debata nang
manghaholongi dongan pe. Antong tama do hita patedekhon diri diadopan ni
Debata laho mangido asi ni Roham asa tarjalo hita Raja Hadameon i. Hita na
liat na lolo, tama do hita jongjong mandompakhon Raja Hasuhuton Bolon i,
laho mangido hasesaan ni dosanta; huhut mangidohon pangurupionNa
dingolunta siapari. Jongjong ma hita : Ale Tuhan Debata, Amanami pargogo
na so hatudosan. Parasi roha do Ho, Ama ni Tuhan Jesus sipangolu hami. Na
ro do hami pardosa on tu jolo ni habangsaMi manopoti huhut
manganggukhon dosanami. Mansai jotjot huarsahi hamu Ho marhitehite
pingkiran dohot pambahenannami na roa i. ndang huhaholongi hami Ho sian
nasa rohanami; dohot nasa ateatenami dohot sian tondinami; nang
dongannami ndang doshon dirinami hubahen hami. Dibahen i tama do
rimasanMu hami jala uhumonMu hami tu hamatean salelenglelengna. Alai na
 maporus ma hami nuaeng tu asi ni rohaM na godang i, mangido hasesaan ni
dosa saluhutna.
H : Sai urupi ma hami paubahon rohanami ala ni Tuhan Jesus, Anak haholongan
ni rohaM. Sipangolu hami dohot ala ni GoarNa nabadia i; Ale Tuhan, sai asi
ma roham di hami na dangol on.
U : Nunga ditangihon Debata tangiangta i, jala dilehon do baga-baga tu angka na
porsea na olo paubahon rohana.
H : Ai songon on do holong ni roha ni Debata di portibi on, pola do AnakNa na
sasada i dilehon. Asa unang mago ganup na porsea di Ibana, asa hangoluan
salelenglelengna.
U : Pinuji ma Jahowa, ai nunga ditangihon soara ni sombasombangki. Jahowa do
pargogongku dohot lombulombungku; Marhaposan tu Ibana do ahu. Jadi
dapotan pangurupion ma ahu, asa marolopolop ma rohangku jala pujion ni
endengku ma Ibana.
H : Godang situtu do denggan basaM, na pineopMu di angka na mangkabiari Ho.
Pinuji ma Jahowa ai tung sumurung do Asi ni rohaNa di ahu.
U : Tung na godang situtu do denggan ni basaM, na pineopMu di angka na
manghabiari Ho. Pinuji ma Jahowa ai tung sumurung do asi ni rohaNa di ahu,
dibagasan huta na gonting. Hasangapon ma di Debata na di ginjang!
H : Amen. (Hundul Huria)
13. KOOR KELAS V “NANG GUMALUNSANG”
14. PUISI
15. MARENDE BE. NO. 52 : 1 + 3 “HATUAON DO”
Hatuaon do las ni roha do Hatutubu ni Jesus i
Mago do jolma Ro ma Tuhanta Las be, las be ma rohanta i.
Hatuaon do las ni roha do Hatutubu ni Jesus i
Las ma rohanta Mida Tuhanta Las be, las be ma rohanta i.
16. LITURGI IV
17. VOCAL GROUP “JANJI KESELAMATAN”
18. LITURGI V
19. MARENDE BE. NO. 54 : 1 – 2 “SONANG NI BORNGIN NA I”
Sonang ni bornginna i Uju ro Jesus i
Sonang modom do halak sude, Holan dua na dungo dope
Mangingani AnakNa Jesus Tuhantai
Denggan ni bornginna i Uju ro Jesus i .
Tu parmahan di Betlehem i. Dipaboa na di surgo i
 Nunga ro Sipangolu Jesus Tuhanta i
20. LITURGI VI (ALAM)
21. KOOR KELAS VI “TOLE ENDEHON”
22. MARENDE BE. NO. 48 : 4 – 5 “RIA MA HITA SASUDE”
Sitompa nasa na adong, sigomgom sasude
Ro songon i tu tano on, Manaon na porsuk i Manaon na porsuk i
Dibahen i las situtu do rohangkon nuaeng
Hujangkon Jesus i tutu, ai sonang au dibaen, ai sonang au dibaen
23. JAMITA, Johannes 3 : 16 (Pdt. Saroha Bintang, S.Th)
24. MARENDE BE. NO. 62 : 1 – 3 “HALALAS NI ROHA GODANG”
(Papungu Pelean)
Halalas ni roha godang, na hubaritahon on
Nunga tubu Sipalua di hita jolma on
Hasangapon di Debata, laos dame, dame, dame ma di jolma.
Lomo ni roha ni Debata do hita jolma on
Ai saborngin on do binsar bintang di na holom i.
Sumondangi hagolapon, na di rohanta i.
Hasangapon di Debata, laos dame, dame, dame ma di jolma.
Lomo ni roha ni Debata do hita jolma on.
Tuhan Jesus hadomuan, na disuru Debata
Na pasaehon sude dosa di dolok Golgata.
Hasangapon di Debata, laos dame, dame, dame ma di jolma.
Lomo ni roha ni Debata do hita jolma on
25. TANGIANG PANIMPULI
IV. VARIA NATAL
 Hiburan
 Drama : Pardalanan Nomensen Di Tano Batak