1.

PAMUHAI:
U:Hamuna ruas ni huria na hinaholongan ni Debata!
HORAS MA DI HITA SALUHUTNA!!!!
Pinuji ma Debata Ama ni Tuhanta Jesus Kristus, na sai
tongtong mangaramoti daging nang tondinta.
Diparmudumudu do ngolunta sian ari tu ari, tingki tu tingki.
Dipatuduhon do holong ni rohaNa i tu hita. Nuaeng
bongotanta ma minggu REMINISCERE marhite Topik:
DIPINTORI ALA NI HAPORSEAON. Martangiang ma hita
dibagasan rohanta be!
=====(Tingki na hohom ... : Musik ........BE No. 541 : 1
ayat)====
AMEN, Marenda ma hita.

2. Marende BE. HKBP No. 362 : 1 - 3 “HAMU SALUHUT

HARAJAON” BL. 194
♫ Endehon ende na imbaru di Debata Jahowa i; Ai sasadasa
dipatubu saluhut halongangan i. Sai ditaluhon siamunNa do
sasude musuNa i; Patar dibaen hatigoranNa di jolo ni
parbegu i.
♫ Diingot Debata Jahowa do asi ni rohaNa i, Sai dipahot
hasintonganNa di bangso na pinillit i. I ma diida hajolmaon,
pangisi ni portibi on, Huhut ditanda hatuaon ni Debatanta na
tongtong.
……… Musik ……….

♫ ( jongjong…) Marsuraksurak ma hamuna na

manginganhon tano on; Pangiar ma soaramuna mamuji
Debata tongtong. Marolopolop ma luhutna mardongan
arbab, ogung pe, Lao pasangaphon Debatanta na
manggomgomi sasude.
3. VOTUM – INTROITUS – TANGIANG:
U : Marhitehite Goar ni Debata Ama, dohot Goar ni AnakNa
Tuhan Jesus Kristus, dohot Goar ni Tondi Parbadia na
tumompa langit dohot tano on. Amen. Sai ingot ma, ale
Jahowa, angka denggan ni basaM dohot asi ni rohaM, ai
sian narobi do angka i. Asa unang marsuraksurak angka
musunghu mida ahu. Ale Debatanghu, marhaposan tu Ho
do ahu, sai unang paila ahu. Haleluya!
H : Mangendehon: Haleluya, Haleluya, Haleluya.
U : Martangiang ma hita. Ale Tuhan Debata, Amanami na di banua
ginjang, Parasiroha na sumurung! Na mandok mauliate ma hami tu
Ho sian nasa rohanami, ala dilehon Ho AnakMu na sasada i tu
hamatean humophop hami, asa unang mago na porsea di Ibana,
alai asa hangoluan na saleleng ni lelengna di nasida. Tatap ma
hami, ale Amanami di bagasan AnakMu Tuhan Jesus Kristus, na
gabe habadiaon dohot hatigoran di hami. Sai sesa ma dosanami
saluhut ala ni pelean na sun denggan, na pinelehonNa i humophop
hami. Sai paeleng ma pinggolMu tu tangiangnami jala asi ma rohaM
di hami marhitehite AnakMu, Tuhan Jesus Kristus, Tuhannami.
Amen. ( Hundul )

4. Marende BE. HKBP No. 198 : 1 + 3 “AUT UNANG HO” BL. 46

♫ Aut unang Ho jambarhu ale Jesus, aut so mudarMu mangondihon
ahu, tung na tu dia nama au pardosa, marhaporusan?
♫ Dibahen i hupuji ma GoarMu, Ai dohot au ditaiti Ho, Tuhanku,
Tu parpunguan ni nahinophopMu, dohot mudarMu.

5. P A T I K :

U : Tatangihon ma Patik ni Debata di Minggu Reminiscere i ma ayat

bulanan bulan Maret Galatia 3: 24 “Asa gabe songon siparorot do
patik i, mamboan hita tu Kristus, asa sian haporseaon hita dipintori.
” Ima sahatna. Antong, rap mangido gogo ma hita sian Tuhan
Debata!
 U+H : Ale Tuhan Debata sai pargogoi ma hami mangulahon na
hombar tu PatikMi. Amen.

6. Marende BE. HKBP No. 681 : 1 - 2 “ALE AMANG ASI ROHAM”

♫ Ale Amang asi rohaM di au pardosa on. Unduk do rohangkon

nuaeng marsomba di joloM. Unang jujur, unang jujur angka
dosangki, Sai salpuhon, sai salpuhon sian rohaMi.
♫ (Jongjong… )Amang sai pargogoi ma au di hasiangan on. TondiM
pasaor tu tondingkon pamalum rohangkon. Sai usehon, sai usehon
TondiMi tu au, Asa monang maralohon parungkilon au.

7. MANOPOTI DOSA:

U : Tatopoti ma dosanta martangiang ma hita! Ale Amanami

jala Debatanami, na di banua ginjang, Pargogo na so hatudosan!
Pardengganbasa do Ho, jala ro di saleleng ni lelengna do asi ni
rohaM. Sai marpamuati ma rohaM di hajahatonnami, jala sai unang
be ingot angka dosanami; ai jotjot do hami mardosa maradophon
Ho, jala jotjot do husungguli hami rimasMu marhite sian
pangalaosionnami, di hataM, Ale Tuhan Jahowa, sai unang
paingotingot pangalaosionnami, unang alang asi ni rohaM, sai urupi
ma hami, Ho ale Tuhan Debata hatuaonnami, palua hami, jala sesa
dosanami, ala ni AnakMu, Tuhan Jesus Kristus, Tuhannami. Amen.
===== Martangiang na hohom Musik BE Bo. 539 sa Ayat =====
Bagabaga ni Debata taringot tu hasesaan ni dosa! Songon on do
Hata ni Tuhan Jahowa: Nunga diarsahi Ho Ahu marhite sian angka
dosam, jala nunga dilojai ho Ahu marhite sian angka hajahatonmu.
Ahu tutu, Ahu sandiri manalesei angka pangalaosim ala ni
hadirionKu, jala ndang be Hupaingotingot angka dosam.
Hasangapon ma di Debata na di ginjang!
U+H : Amen (Hundul)

8. Marende BE. HKBP No. 441 : 1 + 3 “DI AU TUHAN JESUS” BL. 297
♫ Di au Tuhan Jesus, na salpu do sudena, na dokdok, nang dosa,
nang uhum tu au. Ringkot do rohangku marhatopothon, Jesusku,
Tuhanku, ditobus Ho au. Disesa Tuhanku do angka dosangku, nang
ho, ale dongan ditobus nang ho.
 ♫ Di au dohot surgo, sude hasonangan hinorhon ni Jesus, ale
donganki. Sai golom mudarNa, naeng ho partohap di sonang ni roha
na sumurung i.
Ref: Disesa Tuhanku...

9. E P I S T E L:

U : Turpuk Epistel di Minggu Reminiscere sadari on i ma na tarsurat di

Psalmen 121: 1 – 8. Tajaha ma marsingkatsoring: Ende
hananangkok. Sai mangaranapi do matangku dompak angka dolok:
Sian dia do ulaning ro pangurupion tu ahu?
H: Sian Jahowa Sitompa langit dohot tano on sambing ro
pangurupion ianggo tu ahu.
U: Ndang tagamon loasonNa tarsulandit patmu, ndang tagamon nok
mata ni Sijaga ho.
H: Ida ma, ndang olo nok mata, jala ndang olo modom ianggo
Sijaga Israel.
U: Jahowa do Sijaga ho, Jahowa do parlinggomanmu di lambung ni
tanganmu siamun.
H: Ndang tagamon doiton ni mata ni ari ho arian, manang bulan pe
bornginna i.
U: Sai jagaon ni Jahowa do ho sian nasa parmaraan, sai jagaonNa do
tondim.
H: Sai jagaon ni Jahowa do ho laho ruar dohot laho bongot, olat ni
on ro di salelenglelengna.
U: I do sahatna. Martua do angka na tumangihon Hata ni Debata jala
na umpeopsa.
U+H: Amen.

10. KOOR INA BLOK B ( PKL. 06.00 )

KOOR INA (PKL. 10.00)
11. Marende BE. HKBP No. 364 : 1 – 2 “SAI HURANAPI DOLOK I”
♫ Sai huranapi dolok i; Aik sura sian i ro haluaonki
Ndang i, ai sian Tuhan i, sitompa parluhutan, do ro pangurupion.
………. Jongjong …….
 ♫ Ndang tarsulandit patmu, da diloas Tuhanmi, na so dung modom i Tongtong
haposi Debata, ndang olo nok mataNa, sai ho do jinagaNa.

12. MANGHATINDANGHON HAPORSEAON:

U : Tahatindanghon ma haporseaonta i, songon na hinatindanghon ni

donganta sahaporseaon di sandok portibi on. Rap ma hita mandok!
H : Ahu porsea di Debata Jahowa, i do Ama pargogo na so hatudosan,
na tumompa langit dohot tano. Ahu porsea di Jesus Kristus, Anak ni
Debata Jahowa nasasada i; i ma na tinubuhon ni si Maria, na
gabegabean sian Tondi Parbadia andorang so habubuhan. I do
Tuhanta na tumaon na bernit di panguhuman ni si Latus, na mate
tarpajal do Ibana di hau pinarsilang, na tuat tu banuatoru dung
ditanom, na mulak mangolu di ari patoluhon, na manaek tu Surgo
laho hundul tu siamun ni Debata Jahowa, AmaNa i pargogo na so
hatudosan i, disi ma Ibana paima mulak sogot tu tano on
manguhumi halak na mangolu dohot na mate. Ahu porsea di Tondi
Parbadia, jala adong sada Huria na badia, Huria hatopan ni halak
Kristen angka na badia, dohot di hasesaan ni dosa dohot di Hata i
na mandok: Mulak mangolu do sogot daging ni halak naung mate,
dohot di hangoluan na so ra suda. Amen. (Hundul)
13. TINGTING:

14. KOOR AMA (PKL.06.00)

KOOR LANSIA (PKL. 10.00)

15. Marende BE. HKBP No. 501 : 1 .... “SAI DITOGUTOGU JESUS”
(Pelean Ia, Ib)
♫ Sai ditogutogu Jesus tondingki na gale i, asa unang be au ganggu di
panoguonNa i. Maradian do rohangku, molo huhaposi i ;,;Nang
sitaonon dipasonggop sai jonok do Tuhanki;,;
♫ Sai diiringiring Jesus au na gale situtu, ditungkoli do langkangku,
diparmudu au burju. Molo loja au mardalan, nang maheu
tondingki, ;,;LehononNa aek na tio sian batu mamak i;,;
……………. Musik ……………
♫ Sai ditogutogu Jesus au diparhorsihan i, paima sahat au tu surgo, i
ma ingananNa i. Jala idaonku sogot panoguNa i di au, ;,;Pujionku
haholongan ni Tuhanta i di au;,;