``

HKBP PALEMBANG RESSORT PALEMBANG

TEMA :
“HUASO NI HAHEHEHON NI JESUS”
( Markus 16: 9 - 18 )

MINGGU, 04 APRIL 2021

1. Joujou tu Parsaoran/parmingguon:
1
 U: Hamu angka dongan sahaporseaon di bagasan Goar ni Tuhanta Jesus Kristus di sandok
portibion. Ari na balga do sadari on di sandok halak Kristen na adong di liat portibi on. Ai
marningot hita di Peristiwa Agung Haheheon Ni Tuhanta Jesus Kristus sian na mate. Jotjot
do tagoari: “Ari Paskah”. Hata Paskah, na ro do i sian hata Heber na mandok: “Pasyah”,
lapatanna Lewat, salpu, disalpui. Pesta Paskah i ma parningotan di haluaon na pinatupa ni
Debata tu halak Israel na di parhatobanan ni Mesir. Di borngin na parpudi, tagan so ruar
nasida, sude bagas ni bangso i ingkon disapuhon dohot mudar ni birubiru hombar tu tona
ni Debata. Ganup bagas na ‘sap mudar’ di baba ni pintu ni bagas i, boluson ni surusuruan i
ma, alai ganup bagas na binereng ni surusuruan i ndang marsap mudar, mate ma anak
buha baju sian tongatonga nasida. Marhite i ma boi ruar bangso i sian parhatobanan i,
mulak tu tano bagabaga di Kanaan, mamolus parhorsihan dohot tingki na mansai leleng
situtu. On ma na pinatupa ni Jesus marhite hamamate dohot haheheonNa. Di na hehe
Ibana sian hamatean i, ‘lewat’ manang ‘salpu’ ma uhum na tu halak na porsea di Ibana,
jumpangsa ma hangoluan na so ra suda, na pinarbagabaga ni Tuhan i di angka na porsea di
Ibana. Alani nang pe masa nuaeng di tonga-tonga ni portibion, secara khusus di bangsonta
wabah virus Corona, namambahen sude hita mabiar. Marhite ari paskah sadarion
paingothon hita saluhutna angka naporsea di Tuhan Jesus na tau ‘lewat’ manang ‘salpu’ do
i bahenon ni Tuhan Jesus. Ala ni i, jangkon hamu ma tabenami Parhalado ni huria on:
Selamat Ari Paskah ma di hita !
H: Selamat Ari Paskah ma nang di hamu ama dohot inanami Parhalado ni huria on.
Dipasupasu Tuhan i ma parsaoranta sadari on. Tarlumobi panghobasionmuna di
parmingguon on, bahen sangap di Goar ni Tuhanta i.
U: Antong tapungka ma Parmingguonta di Pesta Bolon Parningotan Ari Haheheon ni Tuhan
Jesus sadari on, marende ma hita:

2. Marende BE. No. 93 : 1 – 3 “Pesta Paskah” Bl. 94

♫ Pesta Paskah hatuaon, pesta Paskah haluaon, Sian hamatean i, sian
hamatean i. Tuhan Jesus do pasuang, hangoluan, hasonangan, tu saluhut
jolma i.
( Jongjong )

♫ Tuhan Jesus do na monang, Tuhan Jesus do pasuang, Las ni roha dame

pe, las ni roha dame pe. Dongan golom ma hataNa, na porsea di Ibana,
ndang tarbahen mago be.

3. Votum – Introitus
U: Marhitehite Goar ni Debata Ama, Debata sitompa nasa parluhutan, laos sitompa ngolu na
imbaru dibagasan Kristus Jesus naung hehe i. Debata na sian na robi sahat ro di
salelenglelengna, Bonana laos Ujungna. Dohot Goar ni AnakNa Tuhan Jesus Kristus. Debata
na tuat sian banua ginjang, tubu di bagasan daging sian siubeon ni sada na marbaju. Mate
di hau pinarsilang jala mulak mangolu di ari patoluhon humophop jolma pardosa.
2
 Sombanami ma di Ho Tuhan! Dohot Goar ni Tondi Parbadia, Debata na tongtong mian jala
maringanan di ngolu ni angka na porsea. Ibana do Tondi Sipardame jala Pangapul tu sude
na marsak. Sombanami ma di Ho, Ale Tuhan! Pahehe au on.

SL:( Mangendehon BE. No. 685:1,3,2 )

♫ Pahehe au on, ale Debatangki, ala Jesus naung hehe mangolu tongtong. Haleluya
puji Tuhan, Haleluya Amen, Haleluya puji Tuhan, pahehe au on.
♫ Pahehe au on, Jesus sihophop au, pola mate tarsilang Ho manobus au. Haleluya puji
Tuhan, …du….
♫ Pahehe au on, Tondi ni Tuhanki, na papatar tu hami Sipalua i. Haleluya puji Tuhan,
…du…

U: Unang Ho mabiar, Ahu do bonana dohot ujungna. Na mangolu do jala naung mate do Ahu
najolo, jala ida ma: Ahu do na mangolu ro di salelelng ni lelengna, jala di Ahu do anak hinsu
ni banua toru dohot Hamatean, Haleluya !

H: Mangendehon Reffrein: “Haleluya Puji Tuhan, Haleluya Amen, Haleluya Puji Tuhan,
Pahehe au on”

U: Martangiang ma hita: “Ale Tuhan Jesus, Tuhannami ! Na mandok mauliate do hami tu Ho,
ala ditaluhon Ho do dosa dohot hamatean marhitehite hamamateMi, ala disondangi Ho
tanomannami, asa marpanghirimon na mangolu hami ala haheheonMi. Alani unang be
mabiar hami, nang pe di na tongon mangadopi hamaolon ala sahit virus korona portibi on.
Ai nunga dipaunsat Ho do hami sian haholomon tu hatiuron, sian hamatean tu hangoluan.
Antong, pargogoi ma hami mamuji dohot mangoloi Ho jala pasangaphon Ho di bagasan
haporseaon na mangolu, paima sahat hami tu lambungMu, Amen !” --Hundul—
4. Marende BE. No. 95: 1 + 3 “Haleluya taendehon” Bl. 222
♫ Haleluya taendehon nuaeng di ari haheheon, Tuhanta siparmonang i. Ai malua
do Ibana, haruar sian tanomanNa, na talu hamatean i. Sun ulaonNa I dibaen
Tuhanta I, Haleluya; naung sahat di Tuhanta I upaNa na sumurung i.
♫ Na so pola habiaran ni hita on be hamatean, ai hita pe sai hehe do. Molo burju
taihuthon Tuhanta I di parungkilon sai ingkon tu lambungNa ro. Diboan Jesus I
do hita on muse tu lambungNa. Parmonang I, sai saut ma I binaen ni
hagogoonMi.

5. Patik Ni Debata :
U : Patik ni Debata di minggunta sadari on, tongon di ari Haheheon Ni Tuhanta Jesus sian
Hamatean, tarsurat di Confessi HKBP Bindu 6, songon on ma hataNa: Tahaporseai
jala tahatindangkon do: Debata do patupa haluaon, i ma haluaon sian dosa,
sian gomgoman ni sibolis dohot hamatean, nang sian ragam ni huaso na maralo
tu hata ni Debata.

3
 H : Sian asi dohot holong ni roha ni Debata do dipatupa haluaon i marhite
panghophopan ni AnakNa na sasada i, Tuhan Jesus Kristus na mate di hau
pinarsilang na tuat tu banuatoru dung ditanom jala na mulak mangolu di ari
patoluhon.
U : Dalan manjalo haluaon i, i ma marhite haporseaon na tinubuhon ni Tondi
Parbadia jala haporseaon i do dirajumi Debata gabe hapintoran ni jolma. Ia
haluaon i hamuliaon ni Debata dohot hatuaon ni jolma i do i. Nunga malua na
porsea i, atik pe godang dope parungkilon sibolusonna di portibi on. Sai
dipalua asi ni roha ni Debata do na porsea i sian ragam ni mara di ngolu
siganup ari, di ngolu pardagingon nang partondion pe, manang marsasahalak
manang marsasapunguan.
H : Hataridaan ni haluaon i di ngolu ni na porsea i di portibi on, ima ngolu na
marhabadiaon, na marparbuehon angka parbue ni Tondi (I Joh. 3: 16; II Kor. 8:
9; U1. 4: 12; Gal. 5: 22).
U : Marhite poda on taondolhon do, na so adong haluaon na asing sian haluaon na
pinatupa ni Jesus Kristus jala Jesus Kristus sambing do nampuna halak
napinaluaNa i.
H : Na so tarrampas sibolis manang angka huaso na asing be na porsea i sian
gomgoman ni Kristus (Rom 8: 38 - 39).
U : Ala ni i tatulak do poda na mandok, boi jolma i paluahon dirina sian
gomgoman ni dosa, sibolis dohot hamatean marhite sian na manadingkon
hariburon ni portibi on. Laos tatulak do poda na mandok usaho ni jolma i
sandiri do na manontuhon haluaonna. Ido sahatna. Antong rap mangido gogo ma
hita tu adopan Debata
U+H : Ale Tuhan Debata, sai pargogoi ma hami, mangulahon na hombar tu patikMi, Amen !

6. Marende BE. No. 90: 1 – 2 “Sai marlas ni roha hita” Bl. 175
♫ Sai tapuji ma Tuhanta, ale hajolmaon i. Ai naung hehe do Tuhanta, sian
hamatean i. Dipasidung Jesus i, ulaonNa sasude, Patupahon haluaon, di saluhut
hajolmaon.
( Jongjong )
♫ Anggo utang ni dosangku, digarari Jesus i. I do haporseaonku, di na tinaonNa i.
Nunga tulus patik i, nunga mintop rimas i. Di na hehe i Ibana, ro di au
hangoluanNa.
7. Manopoti Dosa:
U: Hamu angka dongan sahaporseaon di bagasan Goar Ni Tuhanta Jesus Kristus! Na jongjong
do hita di adopan ni Debata, tongon di Minggu Parningotan Di Haheheon ni Tuhan Jesus
sadari on. Ndang tagamon so sonson angka dosanta i manosak sahat tu ateate, pusupusu
dohot ringring ni pingkiranta; mangkarati, manghilhili jala manegai ngolu ni haporseaonta.
Ala ni i, tungki ma rohanta di jolo ni Debata na sun Timbul i, mangido hasesaan ni dosanta,
anggiat marasiroha Debata tu hita manalpuhon sude hamaolon ni bangsonta na sonson
diadopanta nuaeng.

4
 SL: (Mangendehon BE. No. 686:1) Ramun do au di joloMi, gok dosangki urasi au. O Jesus
Birubiru i, dison do au, patau ma au.

U: Ale Jahowa, huparhatopot hami do angka dosanami na sai laon, tongon di Ari parningotan
HaheheonMi sadari on. Hami do na ‘pasahat’ Ho tu angka soldadu i gabe tarsilang di hau
pinarsilang i. Dosanami dohot ianakhonnami do manggadehon Ho, umbahen manaon ho di
na bernit i. Huparhatopot hami ma i nuaeng di joloM. Nunga las rohanami ala
dihamonanghon Ho do sitaononMi marhite haheheonMu sian na mate. Jala mauliate ma di
Ho, sai dohot ma hami dapotan upa ni hamonanganMi, malua ma hami sian angka panahit
na sonson di adopannami dihasiangan on, pinuji ma GoarMu na Badia i , asi ma rohaM !

SL: (Mangendehon BE. No, 686: 2) Na ro do au tu joloMi, gale do au, urupi au. O Jesus ala
mudarMi, dison do au, patau ma au.

U: Ale Jahowa! Jotjot do ngolunami songon na ‘bersandiwara’: anggo mamereng ringgasnami

nian marminggu, markoor, mangihuthon angka punguan ni huria dohot partangiangan,
nunga tardok nian hami angka parhaporseaon naung tang. Alai di pudi ni angka ibadah
seremonial na huihuthon hami i, godang do pangansion di hami. Hata ndang sadalan dohot
pambahenan, Ibadah ndang marsaor dohot parange na denggan, tangiang ndang mardalan
rap dohot kejujuran di ulaon siganup ari. Ala ni i Ale Tuhan, Asi rohaM, sai sesa dosanami
jala paimbaru roha na marhaporseaon tu Ho, marhite Jesus Kristus Anak haholongan ni
rohaM.

SL: (Mangendehon BE. No, 686: 3) Ala denggan ni basaMi, ro au tu Ho, O Jesuski. Parbadia
ma rohangki, dison do au, patau ma au !

U: Antong tapangke ma jolo tingki satongkin, hohom ma hita di adopan ni Debata mangido asi
ni rohaNa, asa disalpuhon angka hamaolon di tonga ni bangsonta nuaeng. Martangiang ma
hita di bagasan rohanta be :………………………………………… manghuling ma soara ni organ
nangetnanget, mangendehon BE. No. 686 saayat……

H: ( Diuduti ma muse mangendehon BE. No. 686: 1. Satonga soara ) Ramun do au di joloMi,
gok dosangki urasi au. O Jesus birubiru i, dison do au patau ma au !

U: Bagabaga ni Debata, taringot tu hasesaan ni dosa :

Paras iroha ajala pardenggan basa do Jahowa, lambat tarrimas jala Parasiroha godang.
Ndang dibahen tu hita hombar tu angka hajahatonta. Songon asi n iroha ni amaama mida
angka anakna, asi n iroha ni Jahowa di angka na manghabiari Ibana. Hasangapon ma di
Debata na di ginjang,
U+H: Amen!
8. Marende BE. No. 632 : 1 - 2 “Nunga hehe Kristus”

5
 ♫ Nunga hehe Kristus, marsihohot ma hamu. Lam sumurung hita di ulaon ni
Tuhanta. Lam sumurung hita di ulaon ni Tuhanta. Radot ma hita lao mangula
tu Tuhanta, radot ma hita lao mangula tu Tuhanta.
♫ Nunga hehe Kristus, marlas roha ma hamu. Lam benget ma hita di sude
parungkilonta, lam benget ma hita di sude parungkilonta. Jugul ma hita
martangiang tu Tuhanta. Jugul ma hita martangiang tu Tuhanta. Amen.

9. Epistel :
U : Epistel di Pesta Ari Haheheon ni Tuhanta sadari on, i ma na tarsurat di Johannes 20 : 1 -
10, Tajaha ma marsingkat soring :  Dung I di ari parjolo dung salpu ari Sabbat, laho ma si
Maria Magdalena sogot di na holom I dope tanoman I, jadi di ida ma naung dihindat
batu I sian tanoman i.
H : Gabe marlojong ma ibana manopot si Simon Petrus dohot sisean na sada nari,
haholongan n iroha ni Jesus paboahon tu nasida: “Nunga dibuat na mambuat Tuhan I
sian tanomanNa; ndang binoto manang tu dia ditaruhon”.
U : Jadi borhat ma si Petrus dohot sisean na sada nari, jadi sahat ma nasida tu tanoman i.
H : Na rap marlojong do na dua I, gabe marhajoloan do sisean na sada, na humatop sian si
Petrus, gabe parjolo ma Ibana sahat tu tanoman i.
U : Jadi dipaunduk ma dirina, diida ma peak angka pangalilit; alai ndang bongot ibana.
H : Ro ma nang si Petrus sian pudina; di bongoti ma tanoman i jadi diida ma peak angka
pangaliliti i.
U : Anggo sekka panaputi ni uluNa ndang rap dohot angka pangaliliti I, pulik do dibalun tu
ingananna.
H : Disi pe asa bongot nang sisean na sada, naung parjolo sahat tu tanoman I; dipanotnoti,
gabe porsea ma ibana.
U : Ai ndang dope diantusi nasida hat ani Surat I na mandok: Ingkon hehe Ibana sian na
mate. Asa muli ma sisean na dua i. Ido sahatna ! Martua do angka na tumangihon
Hata ni Debata, jala na umpeopsa, Amen !

10. Marende BE. No. 96 : 1 + 3 “Nunga talu hamatean” Bl. 101

♫ Nunga talu hamatean di baen Tuhan Jesus I. Ai naung hehe do Ibana songon na
nidokNa i. Haleluya, haleluya nunga hehe Jesus i. Haleluya, haleluya nunga
hehe Jesus i.
( Jongjong )
♫ Marlas roha be ma hita ala hehe Jesus i. Ai malua sude hita sian hamagoan i.
Haleluya, haleluya nunga hehe Jesus i. Haleluya, haleluya nunga hehe Jesus i.

11. Manghatindanghon Haporseaon :

U: Di na tongon masa nuaeng sonson sitaonon di sandok portibion ima sahit virus Corona,
ingkon pos do rohanta tu Tuhan Debata na sai ramotanNa do hita. Alani tahatindanghon

6
 ma Haporseonta i, songon panghatindangion ni donganta sahaporseaon di sandok portibi
on, rap ma hita mandok:

U+H: Ahu porsea di Debata Jahowa…du…Amen !

12. Tingting

13. Marende BE. No. 624: 1 … “Haleluaya, Haleluya” ( Pasahat Pelean Ia+Ib )
♫ Haleluya, Haleluya, nunga hehe TUhanta i. Haleluya, haleluya, puji goarNa i.
Jesus sigomgom tano on, Tuhan ni sandok portibi on. Haleluya, Haleluya, nunga
hehe Tuhanta i. Haleluya, haleluya, puji goarNa i.

♫ Boan Barita na Uli tu saluhut na tinompa i. Haleluya, Haleluya, nunga hehe

Tuhanta i. Haleluya, haleluya, puji goarNa i.
……O r g a n……
♫ Haleluya, Haleluya, nunga hehe Tuhanta i. Haleluya, haleluya, puji goarNa i.
Mate au raphon Krustus I, hehe muse raphon Tuhan i. Haleluya, Haleluya, nunga
hehe Tuhanta i. Haleluya, haleluya, puji goarNa i.
♫ Ngolu na so ra suda i upa ni angka na monang i. Haleluya, Haleluya, nunga hehe
Tuhanta i. Haleluya, haleluya, puji goarNa i.
……O r g a n……
♫ Haleluya, Haleluya, nunga hehe Tuhanta i. Haleluya, haleluya, puji goarNa i.
Pasangap ma Debatanta I, endehon ma Sipalua i. Haleluya, Haleluya, nunga hehe
Tuhanta i. Haleluya, haleluya, puji goarNa i.

14. Jamita : Markus 16: 9 - 18

15. Marende BE. No. 633: 1 … “Nunga hehe Kristus i”

( Pasahat Pelean II. Tumpak tu Kategorial Parompuan )
♫ Nunga hehe Kristus i, Haleluya. Sian hamatean i, Haleluya. Parlangitan jouhon
ma, Haleluya. Tano on alusi ma, Haleluya.
♫ Singkop panghophopNa i, Haleluya. Gok hamonanganNa i, Haleluya. Sondang
haluaon i, Haleluya. Patiur dalanta i. Haleluya.
…… O r g a n ……
♫ Tartaban naroko i, Haleluya. Dibaen Tuhan Jesus i, Haleluya. Nunga mungkap
surgo i, Haleluya. Di na tinobusNa i, Haleluya.
♫ Monang do Tuhanta i, Haleluya. Talu hamatean i, Haleluya.Mago do soropNa i,
Haleluya. Ala monang Tuhan i, Haleluya.

…… O r g a n ……

7
 ♫ Sangap ma di Tuhan i, Haleluya. Puji ma GoarNa i, Haleluya. Baen
hamonanganNa i, Haleluya. Manondangi ngolumi, Haleluya.
♫ Raja hangoluan i, Haleluya. Na sun Hinagogo i, Haleluya. Jalo ma pujianki,
Haleluya. Nang holong ni rohangki, Haleluya.

16. Parsuruon Tu Ngolu Siap Ari :

U: Nunga Hehe Kristus ! I do proklamasi na mansai arga sian Pesta Parningotan Haheheon ni
Tuhanta Jesus sadari on. Lapatanna, ndang hot Jesus di udean, ndang adong hagogoon dia
pe na boi mangihoti Ibana di toru ni situmandok i. Ndang adong na boi mambahen hita
ganggu jala hurang porsea di ulaon hahohomion i. Boha tarjalo roham do i ? Boha do
alusmu tu na masa i ?

H: Porsea do ahu, nunga hehe Kristus Jesus sian hamatean. Ala ni i, ingkon lam margogo au di
tonga na masa wabah virus Corona on, laho mangihuthon Ibana.

U: Songon Jesus naung hehe sian na mate. Ibana do gabe patumonaan ni haheheonku rap
dohot angka na porsea i, di ari sogot.

H: Ndang be huhabiari hamatean, uhum sogot dohot banua toru. Ala nunga tardidi ahu tu
bagasan Goar ni Ama, Anak dohot Tondi Parbadia. Nunga dohot au mate di bagasan
hamatean ni Kristus i jala dohot do nang ahu dipahehe, di bagasan haheheon ni Jesus i. Ala
ni i, nunga parjambar au di hangoluan sogot. Jala naeng marsitutu au mangihuthon Ibana.

U: Tangiang pelean; Ende Pelean;

Tangiang Ari haheheon; Ale Amanami; Pasupasu:
Amen, Amen, Amen (diendehon).

Saluhut Parhalado HKBP Palembang Ressort Palembang, Pasahathon:

~ SELAMAT PASKAH ~