PARTORDING NI PARTANGIANGAN PELETAKAN BATU PERTAMA

GEREJA HKBP BETHESDA SITAKKA, RESORT PEARAJA

Selasa, 6 September 2022

Joujou tu Parsaoran
U: Huria ni Tuhanta, mauliate ma di Debata na pasaorhon hita di inganan on i ma di
Peletakan Batu Pertama Gereja HKBP Bethesda Sitakka. Sialani i, raphon Tuhan Jesus
ma tapungka ulaonta di bagasan tingki on, marende ma hita:
1. Marende B.E No. 309 : 1, 4 ”Raphon Tuhan Jesus i”
1. Raphon Tuhan Jesus i pungka ulaonmu,
Ingkon tu Ibana i parguruhononmu.
Baen Ibana donganmi hehe manang modom,
Degema bogasNa i, rohami pahohom
Hupasahat ma antong saluhut langkaku,
tu Tuhanku na tongtong mian di rohangku.
Manang aha pe hubaen Ho hu pangasahon,
Ale Tuhan tulus baen saluhutna, amen
2. Tangiang pamuhai
U: Marhitehite Goar ni Debata Ama, AnakNa Tuhan Jesus Kristus dohot Tondi Parbadia
do pungkaon ulaon on. Amen. Mariaria do tondinta mida Debata Sipalua i. Ai ditatap
do haetehon ni naposona on. Ai habalgaon do dibahen Tuhan i tu hita. Nabadia do
Goarna.
R: Pinuji ma Debata Pardenggan basa i, na tau partanobatoan di ari hagogotan dohot
di tonga ni angka na serep marroha.
U: Taoloi ma Jahowa marhite las ni roha, ro be ma hita tu joloNa marhitehite olopolop.
Mandok mauliate ma hita di Ama i naung patauhon hita manjalo tohap di bagasan
hatiuron i, siteanon ni angka nabadia.
R: Tu Ho do hami joujou ale Jahowa sai tangihon ma soara nami.
U: Haleluya Martangiang ma hita: Ale Jahowa Debata parasiroha na sumurung,
mauliate hudok hami tu Ho, ala dijou Ho hami tu parsaorannami di tingki on, i ma
Peletakan Batu Pertama paulihon Gareja HKBP Bethesda Sitakka. Tung pe margogo
jolma alai ndang tuk gabe boi haposannami ia so holan Ho. Pasupasu ma sangkap
nami on, marhite na hupeakhon hami batu parsuhi ni bagas on, dalannami ma i
pasahathon saluhut pardalanan pembangunan sahat tu na singkop jala dimpos. Lehon
gogo nang di sude panitia nang pande tukang asa sai tongtong di bagasan pos ni roha,
di bagasan las ni roha huhut di bagasan hahipason nasida mamingkiri dohot
patupahonsa sahat tu na mangujungi. Sahat tu tanganMu ma hami on sude dibagasan
goar ni AnakMu Tuhan Jesus Kristus, Tuhannami, Amen.

3. Marende BE. No. 188: 2 “Jahowa Siparmahan Au”

2. Ditogu au tu na tio Aek mata hangoluan. Dibaen do tondingki sio di dalan hasonangan.
Sabam rohangku do tongtong, saleleng au di tano on. Baen sangap di goarNa.

1
4. Manjaha Hata ni Debata
U : Tajaha ma Hata ni Debata i ma na tarsurat di Mateus 7: 24- 27, Psalm 119: 105, 1
Kor. 15:58: Didok Tuhanta Jesus: Asa na umbege hatangKi jala diulahon,
sipatudoson ma i tu halak na marroha, na paulihon bagasna diatas batu mamak.
H : Ia ro pe udan potir, mangalantap pe tangkuju jala pur pe habahaba manondong bagas
i, ndang na marumpak, ai batu mamak do haojahanna.
U : Alai na umbege hatangKi, hape ndang diulahon, i ma sipatudoson tu halak na oto, na
paulihon bagasna di atas rihit.
H : Dung i ro ma udan potir, mangalantap ma tangkuju, pur ma dohot habahaba
manondong bagas i, gabe marumpak ma, pola tung marongso.
U : HataMi do Sulusulu ni pathu jala hatiuron di dalanku. Onpe, hamu angka donganku
na hinaholongan, marsihohot jala so mubauba ma hamu, jala lam sumurung ma
tongtong di bagasan ulaon ni Tuhan i, ai diboto hamu do: Ndang magopo
halojaonmuna di bagasan Tuhan i. Ido sahatna. Martua do angka na tumangihon
Hata ni Debata jala na umpeopsa. Amen.

5. Marende BE No. 463: 2 ”PasupasuM TongosonMu”

1. Buat ma angka pangambat, unang songsong dalan i. Mual ni aek hangoluan ringkot do
di rohangki. HagogoonMu songgop ma tu rohangkon. Unang sai holan manetek, gohi
sandok diringkon.
6. Tangiang Pangondianon
7. Marende BE. No. 30: 1 “Jesus Lehon Hatorangan”
Jesus lehon hatorangan, hapistaran mangantusi hataMi
Lehon mata na marnida dohot roha na umboto dalanMi
Asa tongtong maradophon bohiMi mardalan hami
Asa digomgomi TondiMi ma hami.
8. Jamita
9. Marende BE. No. 66 : 1 “Debata baen donganmi”
1. Debata baen donganmi lao mangula ulaonmu, baen Ibana haposanmu, sai paserep
rohami. Debata baen donganmi, Debata baen donganmi

10. Peletakan Batu Pertama : (Jumolo ma Pandita mameangkon)

- Dung i: Uluan Huria, Utusan Parhalado, Ketua Panitia Pembangunan, Unsur
Pemerintahan, Utusan Ruas, Utusan Gereja Tetangga, Pande Tukang
11. Marende B.E. No. 651: 1 “Huria na Huhaholongi hami”
1. Huria na huhaholongi hami, na pinajongjong ni Tuhanta i.
Tung na so lupa sian rohanami Huria i Dohot ruasNa i.
Di nasa hasusaan tongtong do i manahan.
Manggogo pe angka galumbang i, Tuhanta do pademakhon i.
Martua do na hot di Tuhan i.

12. Tangiang Ale Amanami