Parture na Parmingguon, 29 Maret 2009

MINGGU JUDIKA
PESTA PEMBANGUNAN HKBP SIJABA RESSORT DOLOK NAULI

Hatorangan : U : Uluan; R : Ruas; SL : Song Leader

I. PANGARADEON
a. Tangkas ma sude ruas ni huria HKBP Dolok Nauli, manghamauliatehon
denggan bas ni Tuhan i tu bagasan ngoluna, na tarida sian hahohomon di na naung
masuk tu komplek ni parpestaan.
b. Di tingki prosesi parhalado sian bilut parhobason, mangkuling ma giring-giring
jala tangkas ma sude na mandohoti ulaon i, martangiang na hohom di bagasan roha.
c. Jala laos jongjong ma saluhutna ruas laho manomu (manghuling ma organ...
angonangon BE. 699: 1 BL. 699)
II. JOUJOU MARSOMBA TU DEBATA
U : Angka dongan na hinaholongan dibagasan Jesus Kristus, pungkaonta ma
parmingguonta sadari on marhite na mandok mauliate tu Debata, ala diloas
Tuhanta hita marpesta pembangunan laho pauliiulihon bagas JoroNa. Antong,
tapahibulma rohanta, asa dibagasan dame dohot las ni roha hita, martangiang,
marende huhut mamuji Goar ni Debata pardenggan basa i. Marende ma hita !
1. Marende BE.No. 2 : 1 – 3 “Naeng pujionku Ho Jahowa” BL. 113
Naeng pujionku Ho Jahowa, ai Ho do Debata na tutu i!/ Sai suru Tondi Parbadia tu
au, asa hupuji goarMi./ Marhitehite Jesus, anakMi, asa lomo rohaM di endengki.
Togihon ma au tu anakMu asa tu Ho ditogu au muse/ TondiM pasaorhon tu
tondingku manogu au di dalan na ture./ Asa tongtong gok dame rohangki huhut
girgir mamuji goarMi. ----- Song leader ..... Jongjong -----
Asi rohaM, ale Jahowa! Pamalo au mamuji goarMi./ Sai unang asal puas hata,
ingkon tutu dipuji rohangki./ Ho, Ama, Anak dohot Tondi i, doshon na jongjong au
di joloM i.
2. Votum – Introitus – Tangiang
U : Marhitehite Goar ni Debata Ama, dohot Goar ni AnakNa Tuhan Jesus Kristus
dohot Goar ni Tondi Parbadia na tumompa langit dohot tano on. Amen.
Luluhon ma au, Ale Debata, jala parbadahon ma badangku dompak bangso na
so daulat roha, sai palua ma ahu sian baoa siulahon sipaotooto dohot
hajengkelon. Ai Ho do Debata haroroan ni hagogoonku. Tongos ma hatiuronMu
dohot hatigoranMu, angka na manogu ahu, pataru ahu tu dolok ni
habadiaonMu dohot tu ingananMu. Haleluya ...
H : (mangendehon: Haleluya.. Haleluya..Haleluya)
U : Martangiang ma hita ! Ale Tuhan Jesus, Sasada Ho do Sipangolu jolma dohot
Debata! Hupuji hami GoarMi, jala hudok hami mauliate tu Ho ala ni saluhut na
binahenMi, patupahon hangoluannami. Sai dongani ma hami marhitehite asi ni
 rohaM, asa hupingkiri hami tongtong na tinaonMu dohot hamamateM, asa
huarsakhon hami dosanami jala asa tubu di hami haporseaon na sintong, jala
asa marroha haholongon hami huhut mandok mauliate tu Ho, asa olo hami
mangihuthon Ho ro di hamatean. Ale Tuhan Jesus, di Ho ma tama pujipujian di
tongatonga ni saluhut huria, naung tinobusMu marhitehite mudarMu na badai i,
olat ni on ro di salelenglelengna. Amen. (hundul)
3. Koor : 1. _______________
2. Ina Kamis HKBP Dolok Nauli
4. Marende BE. No. 34 : 1 ”Jesus do haholonganta” BL. 222
Jesus do haholonganta, ai digarari do utangta, tobusta do mudarNa i/ Daging dohot
tondinami tu Ho, Jesus hulehon hami, ai sonang do di tanganMi/ Sai jalo hami on,
hami, huriaM on, AnakkonMu. Asi rohaM! Denggan basaM. Tumpakhon ma tu
huriaM.
5. Patik
U : Tangihon hamu ma Patik ni Debata ima Patik pasiahon dohot lapatanna. Patik
Pasiahon “Unang ho olo manghatindanghon hata na so tutu maralohon
dongan jolma”. Dia do lapatan ni i. On do : Ingkon dihabiari rohanta Debata,
jala ingkon holong rohanta di Ibana. Asa unang hita olo manggapgapi dongan
jolma manang manjehehon, manang pahatahatahon paoruhon sangapnasida.
Ingkon niampinan do dongan jolma ianggo so tangkas dope binoto salana.
Holan uhum na denggan i do sipaboaboahon. I do sahatna.
Antong rap mangido gogo ma hita tu Amanta Debata laho mangulanhonsa.
H : Ale Tuhan Debata, sai pargogoi ma hami mangulahon na hombar tu patikMi.
Amen.
6. Koor : 1. ________________
2. HKBP Sigumbang
7. Marende BE.No. 167 : 1 – 2 “Martua do marhaposan” BL. 108
Dijangkon Jesus do pardosa, na mangarsakhon dosa i/ Na mangundukhon hinaroa
ni pambaenanna sasude/ Alai ditangkup hataon: dijangkon Jesus nang au on.
............Jongjong ........
Pardosa na tarsolsol bagi, na ponjot roha situtu/ Huhut na olomanopoti, dosana i
mansai burju/ I do dijangkon Jesus i asa paluaonNa i.
8. Manopoti Dosa :
U : Huria ni Tuhanta ro ma hita tu adopan ni Debata, taokuhon ma angka dosanta,
jala tapangido ma hasesaan ni dosa,
SL: ( … tingki na hohom…: mangendehon BE. 182 : 1 (BL. 24 )
U : Martangiang ma hita :
Ale Amanami hujou hami do goarMu na Badia i ala na targogot hami marningot
dosanami na godang i, sai marasi roha ma Ho mida hami
H : O Tuhan Jesus Kristus, Anak ni Debata na gabe jolma ala ni hami, na mate jala
na hehe sian na mate, na mulak tu banua ginjang do ho mangondihon hami. Asi
ma rohaM di hami sai patongtong ma di hami roha hamauliateon tu Ho.
 U: Ale Tuhan Debata, Amanami, Parasiroha na sumurung ! Na pungu do hami di
joloM martangiang tu Ho; ndada mangasahon hatigorannami, na mangasahon
asi ni rohaM na godang i do. Sai asi ma rohaM mida sandok bangsonami, sesa
ma dosanami saluhutna. Sai sungguli ma rohanami, asa muba roha dohot
pangalahonami, ala ni Tuhan Jesus Kristus Tuhannami, sipangolu hami. Amen
H : Ho do parhitean ni nasa asi ni roha, sai unang tulak hami, sai tangihon ma
hami, Ho ale Debata Ama Anak dohot Tondi Parbadia. Amen.
SL:( Tangiang na hohom huhut di iringi BE. No. 683: 1 BL.683 )
U : Tabege ma bagabaga ni Debata taringot tu hasesaan ni dosanta. Songon on
hata ni Tuhan Jesus: Ro ma hamu tu Ahu, hamu angka na loja jala na sorat,
hupasonang pe hamu. Buat hamu ma augangKu tu hamu, guruhon hamu ma
sian Ahu, ai na lambok do Ahu jala na serep marroha, asa dapotan hasonangan
tondimuna. Ai lambok do augangKu jala neang do dohot na hupaporsanhon.
Hasangapon ma di Debata na di ginjang !
H : Amen ( Hundul)
9. Koor : 1. _____________
2. Ina Kelompok 7 HKBP Dolok Nauli
10. Marende BE.No. 150 : 1 – 2 ”Ndang au nampuna ahu” BL. 125
Ndang au nampuna ahu; huboan diringkon/ Tu Tuhan i, Rajangku, sigomgom tano
on./ Ai di bagasan Jesus au diida Debatangku na pasonangkon au.
Ndang au nampuna ahu, dung mate Jesus i/ Dihophop do tondingku, disesa
dosangki/ Tongtong ma hupasahat au, mangunduk tu Tuhanku, Na lambok roha i.
11. Epistel : 1 Petrus 2 : 21 – 25
U : Turpuk epistel di bagasan minggunta sadari on, ima na Surat na parjolo na
sinurat ni Apostel Petrus 2 : 21 – 25, songon on ma didok disi, marsingkat sorin
ma hita manjahasa: Ai tusi do hamu tarjou, ai dohot do Kristus manaon na
porsuk humongkop hamu, tumadingkon tiruan di hamu, asa diihuthon hamu
bogas ni patna:
H : "Ndang adong dosa diula Ibana; ndang jumpang angkal di bagasan
pamanganna."
U : Ndang manginsahi Ibana, di na hona insak, ndang mangasupi, di na manaon
na porsuk; alai dipasahat do tu Panguhum sitigor roha i.
H : Diporsan Ibana do dosanta di bagasan dagingna tu hau i, asa malua hita sian
dosa, gabe mangolu di hatigoran i: "Hinorhon ni bugangna i do gabe malum
hamu."
U : Ai songon birubiru na lilu do hamu najolo; alai nunga didompakkon hamu
nuaeng Parmahan i, na manganahon tondimuna. I do sahatna.
Martua do angka na tumangihon Hata ni Debata, jala na umpeopsa. Amen.
12. Koor : 1. _______________ ; 2. _________________
13. Marende BE. No. 237 : 1 + 3 ” Jesus Kristus do Manobus” BL. 91
Jesus Kristus do manobus hajolmaon sasude,/ Na niago ni sibolis, dimulana i
dope/ Jesus Kristus do Rajanta, sipangolu sasude.
..... Jongjong ...
 Sahat ma tu Ho tondingku, sai ramoti nama au/ Ai na susa so diringku molo au
guru di au./ Sai tiopi ma tanganku asa unang mago au.
14. Manghatindanghon haporseaon
U: