HURIA KRISTEN BATAK PROTESTAN (HKBP)

ACARA NATAL KELUARGA

Tema : Ai nunga tubu di hamu saborngin on, di huta ni si Daud, Sipalua
I, ima Kristus Tuhan i. (Lukas 2 : 11 )
========================================================
Pangaradeon : Bibel, Lilin 4 buah.
Dipagalak ma lilin I di acara poin 4
01. Dipungka ma acara marhite tangiang nahohom.
02. Marende BE. No. 48 : 1 2 Ria ma hita sasude
Ria ma hita sasude mamuji Debata,
Girgir ma parendenta be ai i do na tama, ai i do na tama.
Di ungkap Debatanta i banuaginjang i,
Di suru do AnakNa i hangoluanta i, hangoluanta i.
03. Votum - Introitus - Tangiang (P=Pemimpin, K=Keluarga)
P : Marhitehite Goar ni Debata Ama, dohot Goar ni anakNa
Tuhan Jesus Kristus, dohot Goar ni Tondi Parbadia, na
tumompa Langit dohot tano on. Amen.
Nunga tubu di hita sada posoposo, dilehon tu hita sada Anak,
pampe tu abaraNa do sogot harajaon, jala bahenonNa GoarNa:
K : Sipartahi halongangan, Ulubalang ni Debata Ama, saleleng ni
lelengna, Raja ni hadameon.
P : Endehon hamu sada ende na imbaru di Jahowa, endehon ma
Jahowa, ale sandok tano on. Pajojor hamu ma di tongatonga ni
angka sipelebegu hamuliaonNa i, ditongatonga ni saluhut bangso
halongangan, angka na binahenNa i. marsomba ma hamu tu
Jahowa marpahean na marhadohoan, angka hitir ma hamu
maradophon Ibana, ale isi ni sandok tano on.
P : Martangiang ma hita :
Ale Debata, Ama na di banua ginjang! Pujipujian, hasangapon
dohot hamauliateon husombahon hami tu Ho, marningot
silehonlehonMi na balga i tu hami jolma na di pardangolan on, i
ma AnakMu, Jesus Kristus, na sinuruMi sian banua ginjang ala ni
hami. Gabe na dangol do Ibana jala na pogos, pola tubu Ibana di
bara ni Betlehem, asa mamora hami. Sai rajai jala togutogu hami
1

marhitehite TondiM, asa lam huida hami godang ni holong ni

rohaM na pinapatar ni AnakMi. Amen.
04. Manjaha Hata ni Debata Sian Jesaya 9 : 1 6.
P : Bangso na mardalani di bagasan haholomon marnida sada
panondang nabolon. Binsar do sada panondang di angka
namangingani tano linggoman ni hamatean.
K : Na marsinondang do panondang i di bagasan na holom.
P : (Pagalak Lilin : marurutan sian natoras tu ianangkon baoa
dohot boru huhut mandok pandohan na di toru on)
Sai marsinondang ma sondang hatiuron na binoan ni Jesus
Panondang i di tonga-tonga ni bagas on asa jumpa dame nang
las ni roha di bagas on.
5. Marende BE. No : 62 : 4 Halalas ni roha godang
Sai sondangi ma rohangku, ale Tuhan Jesus i.
Asa dohot au maruli, di hatutubuMi.
Hasangapon di Debata, laos dame, dame, dame ma di jolma.
Lomo ni roha ni Debata do hita jolma on.
6. Liturgi : (Responsoria) (P=Pemimpin, K=Keluarga)
Molo adong liturgi ni angka dakdanak boi dipatujolo.
Barita Hatutubu ni Jesus : Lukas 2 : 1 14
P : Dung i ro ma uju i parenta sian Kesar Augustus, ingkon suratan nasa
jolma digomgomanna. Pamilangon parjolo ma i, uju digomgomi si
Kirenius tano Siria. Jadi borhat ma sasude, asa disurati, ganup tu
bona ni pinasana.
K : Borhat ma nang si Josep, na sian Galilea, sian Nasaret, nangkok tu
luat Judea, tu huta ni si Daud, na margoar Betlehem, ala sian
pomparan jala
marga ni si Daud Ibana,
P : pasurathon dirina rap dohot si Maria, oroanna i, naung gabegabean.
Jadi di na disini
nasida, gok ma ari ni hangoluanna. Ditubuhon
ma anak buhabajuna, diborhos ma, dipeakkon ma tu bagasan
panggagatan, ala so adong inganan na asing di parmianannasida.
Jadi adong ma marborngin di ladang na disini angka parmahan,
mangingani pinahannasida.
K : Jadi didapothon sada surusuruan ma nasida, jala marsinondang ma
sangap ni Tuhan i humaliang nasida, gabe mabiar situtu ma.
2

P : Alai didok surusuruan i ma tu nasida: Unang mabiar hamu; ai barita

halalas ni roha godang do huboan tu hamuna, parsaulian ni sandok
bangso i.
P + K : Ai naung tubu do di hamu saborngin on, di huta ni si Daud, Sipalua i,
ima Kristus, Tuhan i!
P : On ma partinandaan di hamu: Posoposo do dapotonmuna, na binorhos
peakdi panggagatan. Jala tompu ma adong dongan ni surusuruan i
torop angka parangan parbanuaginjang, dipuji nasida do Debata,
mandok:
P + K: Hasangapon ma di Debata di ginjang, dame ma di tano on, di angka
jolma halomoan i.
7. Marende BE. No. 54:1-2 Sonang ni Bornginna i (BL.64)
Sonang ni borngin na i uju ro Jesus i; sonang modom do halak sude,
Holan dua na dungo do pe; mangingani AnakNa Jesus Tuhanta i.
Denggan ni borngin na i, uju ro Jesus i; tu parmahan di betlehem i,
Dipaboa na di surgo i; Nunga ro Sipangolu Jesus Tuhanta i.
8. Renungan Lukas 2 : 11
Ai naung tubu do di hamu saborngin on, di huta ni si Daud,
Sipalua i, i ma Kristus, Tuhan i!
On ma barita las ni roha sian banua ginjang na pinasahat ni suruan ni
Debata tu angka Parmahan na di ladang Efrata. Digoari do on barita las ni
roha, ala marhite boa boa on taralusi ma hasisihol ni roha ni bangso ni
Debata di haroro ni Sipalua. Barita ni bibelta i mandok, adong do masa na
muba ima sondang na mansai tiur situtu, pola do gabe tahutan angka
parmahan i.
Barita na pinatolhas ni Bibelta i, masa sinondang natiur
humaliang nasida, gabe mabiar nasida. Ala ni ima marsoara ma Debata
marhite angka suruan i, soara ni suruan i mandok asa unang mabiar nasida.
Boasa ndang porlu mabiar nasida, ai barita las ni roha do na pinasahat ni
suruan i tu nasida, ima hatutubu ni Jesus Sipalua i. Tajalo ma hata ni
Debata nuaeng asa unang mabiar hita manguduti ngolunta. Nunga ro
Debata mandongani hita ima Immanuel. Debata na ngabe jolma I
dibagasan Jesus ima na gabe patupahon haluaonta.
Barita las ni roha hatutubu ni Kristus i, hasahatanna ima saluhut
manisia, saluhut rumatangga ni angka naporsea jala tu saluhut portibion.
Marhite haroro ni Debata tu portibion sian i ma tatanda lomo ni roha ni
Debata di hita, asa saluhut do jolma, keluarga malua sian dosana be, malua
sian biar ala ragam ni hamaolon, alai margogo ma maniop Debata dohot
mangulahon lomo ni rohaNa asa tu haluaon.
3

Jesus na tubu i, ima Sipalua. Lapatanna Jesus do na boi paluahon hita

sian dosa jala holan dibagasan Ibana do jumpang hita haluaon i.
Rumatangga na porsea di Jesus ido rumatangganga na dapotan haluaon i.
Rumatangga na manjalo Jesus Sipalua i, ido na manggogo mangulahon
lomo ni roha ni Debata di rumatangga i. Haporseaon di Jesus Sipalua i,
dohot haunduhon ni keluarga di Jesus i, tarida do molo dibagasan
rumatangga i adong tong-tong dame, jumpang pangajarion di hata ni
Debata. Ganup ma mangula hombar tu hadirionna be, isarana : Ia natoras
mangula mangaramothon pardalanan ni rumatanggana hombar tu
rumatangga ni naporsea. Diarmoti jala disarihon angka ianangkon diangka
naringkot di ngoluna. Diajarhon ma angka parange nadenggan dingoluna.
Jongjong ma ibana songon malim manogihon rumatangga i marsomba tu
Debata. Ai rumatangga i do gabe songon sada parsaoran, inganan
pangajarion dohot inganan martangiang tu Debata asa margogo nasa
pangisina laho mardalan lam tu dengganna muse.
Martua ma nasa rumatangga na manjalo Jesus Sipalua i, ai nungga ro
Ibana tubu di portibi on dohot dibagasta pe. Marlasniroha mangula ulaonna
dohot mangolu dibagasan pangajarion dohot panoguooNa. Beta hita
tajangkon ma Ibana Sipalua naung ro tu portibi on. Amen.
9. Marende BE. No. 605 : 1 + 4 Las Ma Roham ( Pelean )
Las ma roham Tuhanta ro; Gumomgom sasude
Ungkap roham, jangkon rajam, marende ma sude,
Marende ma sude, Marende, Marende ma sude.
Ibana do Rajanta i Parasiroha i,
Natigor i, na bonar i, parholong roha i,
Parholongroha i, Parholong, Parholongroha i.
10. Tangiang Panutup : Ale Amanami..Amen..Amen..Amen. (Di endehon)
(Molo Partohonan do Manguluhon dipasahat ma pasupasu, alai molo
naso partohonan ndang pola dihatahon hata pasupasu)
Mangendehon We wish you a Merry Christmas!
(Huhut masijalangan rap marende : We wish you a Merry Christmas!
5 ! 1
1 . 2 1 7 ! 6 6 . 6 ! 2 2 . 3 2 1 ! 7
We wish you a Mer-ry Christ-mas we wish you a Mer- -ry Crist7 . 7 ! 3 3 . 4 3
2 ! 1
6 6
6 5 ! 1
7
1 . !
mas we wish you a Mer-ry Christ-mas and a Hap- -py New Year
(Endehon: Selamat Ari Natal):
Selamat Ari Natal, Selamat Ari Natal, Selamat Ari Natal, dohot Taon
Baru 2x
4

 Selamat Ari Natal