Khusus dalam Situasi Corona Virus Disease 19 (covid 19)
Resort Sidikalang I. Persiapan Ibadah (doding boi do iganti sesuai pakon kebutuhan) - Manurat topik ni Tonggo - Parsirsihon ianan ni galangan - Pasirsirhon sipartugas - Saat Teduh 1. Votum-Introitus-Tonggo Paragenda: Ibagas Goranni Naibata Bapa pakon Tuhan Jesus Kristus ampa Tonduy Napansing, sitompa langit pakon tanoh on. Amen ! Ai atap ija pe martumpu dua atap tolu halak marhitei goran-Ku, i tongah-tongah ni sidea do Ahu. (Matius18:20). Haleluya... Martonggo ma Hita. Ham Tuhan Naibata na i nagori atas, roh do hanami panorang on hu lobei-lobei-Mu ibagas sihol ni uhur marparsaoran hu Bamu. Na mangindo do hanami nuan, marianan ma Ham i tongah-tongahnami, marhiteihon Tonduy-Mu Na Pansing in. Ungkab Ham ma hauhuron nami bei, ase tongtong sirsir hanami manjalo janah mamparimbagaskon Hata-Mu na gabe hagoluhan nami. Amen. 2. Mandoding Haleluya no 201: 1-3 1. Puji tongtong Jahowa tongon pardear gabei parholong atei sadokahni in; pardear gabei in parholong atei in. 2. Ingat tongtong, ale tonduyhon. Ganup na jenges, ibahen Tuhan Naibata hubam; Dear layak-Ni do na pagoluhkon ho. 3. Seng dong tongon pargogoh tongtong. Na songon Bapa, Tuhanta Naibata i surga in. Gogoh tumang do in, tunggung tumang do in. 3. Tonggo Humbani Niombah: 4. Mandoding Haleluya: 496:1-2 1. Idilo Tuhan Naibatanta, haganup Kuria-Ni in. Ase manjalo haluahon, nabinoban ni Kristus in Tangihon ma dilo-dilo-Ni, pateleng ham ma pinggolmu. Ulang manosal holi dob ni, bai ujung ni panorangmu. 2. Sai jalo ma ganup hata-Ni, sai buhai ma uhurmu. Sonai homa ge sinondang-Ni, in ma baen gabe suluhmu. Tangihon ma dilo-dilo-Ni, pateleng ham ma pinggolmu. Ulang manosal holi dob ni, bai ujung ni panorangmu.
5. Ambilan : Efesus 5: 15-21 (martonggo, dob ai ibasa, iujungi marhitei
amen) 1 Kuria na hinaholongan ibagas Goran ni Tuhan Jesus Kristus Raja ni Kuria in.. Adong do sada doding rohani na lirik ni sonon: "Jam kehidupan diputar sekali dan tak seorang pun tahu kapan kan berhenti, mungkin hari ini, mungkin esok mungkin nanti. Cepat atau lambat tak seorang pun tahu bila waktunya. Jam kehidupan diputar sekali dan tak seorang pun tahu kapan kan berhenti, sadarilah kawan, hidup ini tak terulang. Sekarang waktunya yang kau miliki, sekarang waktunya. Milikilah kasih Yesus yang menjadikan hidupmu berarti, bekerjalah di ladangNya agar hidup tiada percuma". Lirik lagu ai paingatkon hita bahasa mardalan do torus panorang, seng ongga ia mulak hu pudi. Seng tarpadear na dob salpu in, hu loheian ni ari dassa boi iparayak hita, sonaha ase dear janah manggoluh hita domu hubani harosuhni Tuhan das hubani soh ma jam kehidupanta dalam artian marujung goluhta i tanoh on. Ai do na ipasingat Apostel Paulus bani kuria Epesus bani panorang ai sonai age banta nuan on. Pargunahon hita ma panorang na dong banta na lang ibotoh hita antigan marpunsa on ibagas na dear. Sonaha ma ai cara ni mampargunahon panorang ibagas na dear? Na parlobei aima Gabe halak siparuhur ma ulang songon halak na so maruhur. Halak siparuhur bani Bibel hata Indonesia aima orang arif janah na so maruhur isobut orang bebal. Halani ai anggo sihol do hita mampargunahon panorang ni goluh parsatongkinan i atas tanoh ibagas na dear, jadilah orang arif (Gabe halak siparuhur). Sedo maruhur-uhur bani. Paruhurhon hita ma ganup langkahta. Haganupan langkahta maningon patuduhkon bahasa hita on aima anak haliharon sedo anak hagolapan. Anggo anak ni haliharon buah ni aima halayakon, hapintoran ampa hasintongan. Jadi paruhurhon hita ma langkahta siap ari, anggo patuduhkon halayakon, hapintoran ampa hasintongan do, horjahon hita ma, anggo lang do, tontu seng bulih horjahononta ai. Pareksa hita ma lobe rencana ta siap ari, aha do irencanahon hita patar? Mangurupi hasoman do? Horjahon hita ma, tapi anggo mambahen pusokan uhur hasoman, pasoh hita ma. Buei ope contoh na legan na boi isobut hita domu hubani horja ni halak na maruhur. Napaduahon aima mangarusi harosuh ni Tuhan. Boi ipargunahon hita panorang ibagas na dear aima anggo iarusi hita aha do rosuhni sipambere panorang ai marhiteihon manggalangkon panorang, gogoh ronsi dirinta laho manandai-Si. Boi ai jumpah hita bani na manangihon pakon mambasa hata- Ni ronsi ibagas tonggonta sonai age pengalamanta siganup ari. Napatoluhon, padaoh parmabukon ronsi rosuh-rosuhni daging. Ongga do ra hita manangar seng mahua minum tuak, tapi ulang tuakon/tenggen/mabuk. Mase sonai, halani hamabukon mambahen hita hilang kendali. Lang pitah mabuk bani tuak, age hamabukon-hamabukon na legan na mambahen hita candu janah lepas kendali janah maoto, padaoh hita ma ai, halani seng tarbaen jolma na mabuk manggunahon panorang ni domu hubani rosuhni Naibata, halani seng boi be ia manggunahon uhur ni ibagas na totor. Nafsu duniawi ai mando mengendalihonsi, Lang be uhur na bijak. Napaoppathon, dodingkon ma doding puji- pujian bani Tuhan janah hatahon ma hata-hata na madear Bani hasoman. Manombah janah mamuji Tuhan mambere gogoh na banggal tumang banta. Sanggah ipuji hita Tuhan humbani bulat ni uhurta, iekspresihon hita ma sonaha kekagumanta bani Naibata janah mambere malas ni uhur do ai banta. Anggo ibayangkon hita, Hita Mamuji hasomanta, ihatahon hita ia jenges, hita oke malas do uhurta mangkatahon ai janah malas do homa 2 uhurta mangidah jenges ni ai. Sonai homa anggo ididah hita jadi-jadian ni Tuhan, malas do uhurta mangidah hinajengesni ai. Pujian ibagas bulat janah borsih ni uhur mambere energi baru banta na mambere pujian ai. Mamuji Naibata mambahen hita sadar bani hinabanggal ni Naibata, in ma na pagogohkon hita bani goluhta halani ibotoh hita na luar biasa markuasa do hape sipangajamanta ai. Napalimahon, tongtong martarimakasih bani Tuhan janah martoruh ni uhur. Kadang ra do bingung hita aha do beda ni mamuji Tuhan janah martarimakasih bani Tuhan. Ninuhur nami, pujian ai mangarahkon hita mangidah janah mangakui hasangapon, gogoh, holong atei ni Naibata banta. Sanggah mamuji hita, iakui hita ma alasan-alasanta mamuji-Si. Misalni, sanggah mamuji sada anak na etek hita, ihatahon hita ma jenges, imut atap pandei ia pakon na legan. Sonai ma homa bani Naibata, sanggah mamuji Naibata hita, iakui hita ma bujur-Ni, idob ni uhur-Ni, sifat-sifat- Ni pakon na legan. Sanggah martarimakasih hita iakui hita ma pambere-Ni, pambahenan- Ni ronsi pasu-pasu-Ni. Martarimakasih ibagas borsih ni uhur membuktikan toruh ni uhur janah na Lang ibotoh martarimakasih sigijang uhur do ai. Sanggah martarimakasih hita, ijai ma hita mangakui bahasa haganup na dong banta sedo halani gogohta atap pambahenanta, tapi pitah halani pasu-pasu ni Tuhan do janah ijai ma hita mamilangi pasu-pasu ni Tuhan na bahat janah na banggal ai, lambin malas ma uhurta janah lambin margogoh ma hita mandompakkon ari ni goluhta. Martarimakasih, mangajari hita mangidah pengalaman-pengalaman manjalo pasu-pasu, janah pori torik pe sonari pangahapta, domma pengalaman hita, yakin ma hita, Tuhan pasti mambere gogoh banta mamolus ari-ari na torik on, sementara do na marsik on, roh ma malas ni uhur, domma pengalaman hita pasal ai, ase seng pala sai marhoru tu be hita. Halani ai, pakei hita ma ganup panorangta domu hubani rosuh ni Naibata. Amen. 6. Mandoding Kidung Jemaat no 26: 1+3 1. Mampirlah, dengar doaku, Yesus Penebus Orang lain Kauhampiri, jangan jalan t'rus Reff: Yesus, Tuhan, dengar doaku; Orang lain Kau hampiri, jangan jalan t'rus. 3. Ini saja andalanku: jasa kurbanku Hatiku yang hancur luluh buatlah sembuh. Reff: Yesus, Tuhan, dengar doaku; Orang lain Kau hampiri, jangan jalan t'rus. 7. Tonggo syafaat (pangapition) humbani orang tua: 8. Mandoding Haleluya 340:1 1. Huondoskon bani Jesus haganupan diringkon Ia do pasangaponku sadokah bai goluhkon Huondoskon ma, huondoskon ma. Bani Jesus Sipaluah, huondoskon ma 2. Tonggo Panutup Pasu-pasu P : Ondoskon hita ma galanganta hubani Naibata, martonggo ma hita : 3 Ham Tuhan Naibata Bapanami na i nagori atas. Tarimakasih ampa puji-pujian ma isombahkon hanami hu Bamu. Domma itangar janah ijalo hanami hata-Mu nuan on. Pargogohi Ham ma hanami mandalankon in bani goluhnami siganup ari. Bani panorang on iondoskon hanami ma dirinami pakon pasu-pasu na dob binere-Mu bannami, na gabe galangan hatarimakasihon nami hu Bamu. Sai jalo anjaha pasu-pasu Ham ma galangan nami on. laho pabolaghon harajaon-Mu pakon pararatkon hata-Mu i dunia on, na gabe hasangapon-Mu, ibagas goran ni Anak-Mu Tuhan Jesus Kristus Tuhan nami. Amen. Riap ma hita martonggo marhitei tongo na niajarhon ni Tuhan Jesus hubanta: P+K : Ham Bapanami na i nagori atas. Sai na papansing ma goran-Mu. Sai roh ma harajaon-Mu. Sai saud ma harosuh ni uhur-Mu i nagori tongah on songon na i nagori atas. Bere Ham ma bannami sadari on hagoluhan ari-ari. Sasap Ham ma dousanami songon panasapnami bani dousa ni hasoman na mardosua dompak hanami. Ulang hanami bobai Ham hu parlajouan. Paluah Ham ma hanami humbani pangagou. Ai Ham do simada harajaon, pakon hagogohon ampa hasangapon sadokah ni dokahni. Amen. P : Jalo hita ma pasu-pasu humbani Tuhan Naibatanta : Idop ni uhur ni Tuhan Jesus Kristus, pakon holong ni atei ni Naibata Bapa, ampa parsaoran ni Tonduy Na Pansing ma mangkasomani hita haganupan. Amen K : (mandodingkon : Amen, Es=do) A men......A- men.......A-men....! 3. Parsahapan