Tata ibadah Perayaan Natal

Bapa inang gkps pontianak

sabtu, 22 desember 2018

1. Tugah-tugah pasal tatang atur kebaktian

2. Kata pembuka humbani MC
3. Prosesi sambil di iringi lagu…
Penyalaan Lilin:
a. Pendeta
b. Pimpinan Majelis
c. Ketua Panitia natal
d. Ketua Bapa
e. Ketua Wanita
f. Mewakili Anggota
g. Mewakili Undangan

4. Doding Pujian “humbai Pulou Ge Banua”

Humbai pulou ge banua sai tarbogei do torus
Doding na mamuji Tuhan si panobus jolma in
Glo………..ria, Puji ma Tuhanta.
Glo………..ria Puji ma Tuhanta

Haganupan na isurga pasangapkon Naibata

Rap mandoding do sidea, I lobei ni Naibata
Glo…………ria Puji ma Tuhanta 2x

5. Votum-Intoitus-Doa (Jongjong ma Kuria)

P : Syalom, ma banta haganupan!
Pungkahonta ma Kebaktian Natal Bapa Inang kuria GKPS Pontianak. Pasirsir hita ma dirinta bani
na sihol marparsaoran hita pakon Naibata. Riap ma hita jongjong.
Ibagas Goranni Naibata Bapa, pakon Tuhan Jesus Kristus ampa Tonduy Napansing Sitompa
langit pakon tanoh on, Amen.
Dob ai, mandarat ma sada tunas humbani tutuho ni si Isai, anjaha marbuah sada tumbor na roh
humbani uratni.
J : Sogop ma Hubani Tonduy ni Jahowa, Tonduy hauhuron ampa pangarusion Tonduy Panuturion
ampa hagogohon, Tonduy habotohon ampa biar bani Jahowa.
Mandodingkon: haganupan bangsa-bangsa, sai mamuji bani Tuhan, Jesus nah un surga in,
tubuh i Betlehem in, dodingni Malekat in pasangapkon Tuhan in.
P : Halani ai masuki nasiam ma horbanganNi marhitei hatarimakasihon, sonai alamanNi marhitei
puji-pujian. Martarimaksih ma nasiam hu Bani, Puji nasiam ma goranNi
J : Pagijang ma ulunima ale sagala horbangan, tarangkat ma hanima ale labah na basaia,ase masuk
Rajani Hamuliaon in
Mandodingkon: haganupan bangsa-bangsa, sai mamuji bani Tuhan, Jesus nah un surga in,
tubuh i Betlehem in, dodingni Malekat in pasangapkon Tuhan in.…
P : Martonggo ma hita…
Ham Tuhan Naibata Bapanami, Paridopni uhur na tarsulur. Puji-pujian, hasangapon pakon
tarimakasih ma isombahkon hanami hu Bamu, mardingat na dob isuruh Ham AnakMu Jesus
Kristus hu bennami jolma. Gabe madoyuk janah masombuh do Ia, tubuh I huta Betlehem bani
harang ni pinahan, ase gabe bayak hanami. Halani ai masuki Ham uhurnami marhitei TonduyMu
napansing ase Ia patotap uhurnami ibagas haporsayaon na sintong, ronsi ujungni goluh nami, ase
martuah hanami marhitei parroh ni AnakMu hu dunia on. Amen

6. Mandoding Haleluya no. 41:1-2 Domma Jumpah use ari pesta in

 Majelis : Domma jumpah use ari pesta in, partubuhonni Tuhannta Jesus in
Turun hape Ia roh hun surga in, roh manohu hujon
Riap : Hasangapon bai Naibata damei-damei bani jolma
Megah uhur ni Naibata, hajolmaon use

Sombahnami hu Bamu na dob roh on, Ham siboan damei hudunia on

Sai pasorap Ham bai uhurnami on, dameiMu, O Jesus
Hasangapon bai Naibata…

7. Liturgi I Panompaon
P. Harga tumang do hita bani Naibata. Ipasirsir do lobei aha na porlu banta,
baru itompa Naibata hita. Panompaan ma mungkahni horja paridopni uhuran Naibata bani dunia
on. Marmalas ni uhur ma hita ai haholongan do Naibatanta in.
Bapa : Naibata manompa Bapa, Tapi seng ipaturutni Bapa in punjung, Ibahen Naibata ma bani
Bapa sada pangurupi, na gabe parangguanni. Naibata manompa inang, tapi lang singgan ijai,
Naibata manompa dakdanak, Naibata manompa keluarga. Tarimakasih ma Tuhan, ibotoh Ham do
aha na porlu bennami. Humbani mungkahni iajari Ham do hanami. Bahasa seng boi hanami
manggoluh sasahalak nami i dunia on. Halani ai ibere ham halak ne legan, na gabe pangurupi, ase
marsihaholongan hanami.
Kuria: mandodingkon “tubuhan poyon-poyon, itongah juma in, manggargar manuk-manuk,
bai parasaran niin” (Hal. 399)
Inang: Itompa Naibata do na lihar pakon na golap. tidahon pakon pariama, ari borgoh pakon ari
milas, logou ni ari pakon musim udan, arian pakon borngin. Naibata mambere petunjuk waktu. Ase
boi hita mamakei panorang na dong banta ibagas na dear. Adong panorang marhorja, adong
panorang marlajar, adong panorang marminggu, adong panorang modom. Ai bani sagala na adong,
adong bei do musimni, anjaha bani sagala na masa itoruh ni langit, adong bei do panorangni.
Tarimakasih Tuhan, ibere Ham do hanami panorang, tandanani na porsaya do Ham bahasa boi do
hanami mangatur goluh nami siganup ari, mambagi panorang nami, ase dear mardalan haganupan,
bahen sangapni goranMu.
Kuria: mandodingkon “marbagei pakon ihan, ibagas laut in, ge tinompa na legan seng
targoranni in” (Hal. 399)
Bapa: Au marosuh tumang mangankon dayok, apalagi anggo domma ipanggang, mantap ma
tongon. Bujur tumang do Naibata bani jolma, lang pitah dayok na itompaNi. ItompaNi do dengke,
itompaNi do ugas, itompaNi do porkis na etek, itompani do Gajah na banggal, itompani do singa
na gogoh itompaNi goya na galek. Lang pitah binatang na itompa Naibata, suan-suanan pe jenges
haganupan. Kopi. jagul, pote, jahe, utei, cabe, aih lang targorani au haganupan. Tarimakasih ma
Tuhan itompa Ham do dunia on ibagas na dear. Bahat binatang pakon suan-suanan na
manramotkon goluh nami anjaha na maningon ramotkonon nami homa.
Kuria: mandodingkon “Ganupan iparmudu, Tuhanta Naibata, lobihan iparmudu ganupan
hita da” (Hal. 399)
Wanita: Ibere Naibata do homa banta tanoh pakon laut, bah pakon na horah, Gabe boi ma hita
marjuma i tanoh atap manangkap dengke i laut, mambahen rumah i atas na horah anjaha minumkon
bah. Tongon do tene, domma iatur Naibata ganup na porlu bani jolma. Naibata do na tang
sibotohan, aha na madear banta. Tarimakasih ma Tuhan, ipasungkup Ham do goluh nami marhitei
hadearon
Kuria: mandodingkon “sonai ge halayakon ibere do homa talup hatahononta, diateitupama”
(Hal. 399)
Inang; Dob itompa Naibata jolma in, ampa haganup na porlu bani, ipasu-pasu Naibata ma
sidea, nini ma dompak sidea: Manggompari anjaha lambin manggargar ma hanima, goki hanima ma
 tanoh on anjaha patunduk ma in; rajai hanima ma dengke na i laut, manuk-manuk na i awang-
awang, pakon sagala binatang na manjulur iatas tanoh on. Tarimakasih ma Tuhan, Ipalar Ham do
hanami manrajai tinompaMu na legan. Andohar ma boi hanami gabe hiteiMu, laho manrajai
haganupan na adong on ibagas hapintoran, songon Ham na manrajai goluh nami.

8. Mandoding “Oh Naibata Sangap Do Ham”

Reff: Mandoding au Tuhan mamuji Ham, oh Naibata sangap do Ham
Mandoding au Tuhan mamuji Ham, oh Naibata sangap do Ham
Oh Naibata gok longang do uhurhu, anggo huidah natinompaMu
Ganupan bintang hilap pakon longgur, pataridahkon hasangaponMu
Reff:
Ijuma ge ipadang ‘pa harangan, mandoding manuk-manuk gok jenges
Pakpakni dolog ge bah pakon pamah, mambaritahon sangapMu Tuhan
Reff:

9. Vocal Group Seksi Bapa

10. Liturgi II : Liturgi pardabuhni hubagas dousa

1. Magigi, magigi tumang au sonari on, magigi au mangidah sidea, mangidah ia, magigi tumang au. On
ma biak ni jolma gati tubuh bani uhurni Jolma in, otik-otik magigi. Mangidah halak jenges magigi,
mangidah halak sukses magigi, magidah halak maju magigi. Tapi malas tumang do uhurhu halani
bahat ibagas uhurni jolma in au, haha..
2. Marah, eh magigi… sip ma ham, seng ham sibahatan iharosuhkon buei halak. Salah do ham ai, au
do sihebatan. Au do sibahatan na iharosuhkon jolma. Anggo ham pitah bani halak na dewasa do, tapi
anggo biak marah, ganup ongga marah: humbani dakdanak das hubani na matua. Halani ai humbani
haetekon nari domma dong marah ibagas uhurni jolma, songon dakdanak anggo lang ibere
pangindoanni marah, apalagi ma halak na dewasa. Tarlobih bani dirini parinangon, baru puho marah,
laho marminggu marah, bani parhorjaan marah, sanggah marlipstik marah, marah hubani pargotong
sonai age hubani niombah. Halani ai au do sibahatan ibagas uhurni jolma.
3. Munafik, ahhhh lang pala buei tu sahabmu eda, halani dunia on jarang do songon ho ai, porini
adong pe lang bahat atap ra pitah pura-pura do hansa ai songon au. Au do na gati ibahen halak
songoon pajangan, aplemes-lemes bani pardarat, au ma munafik alias muka nabi pikiran koruptor.
Rugi ma ge anggo dong duit lang ipadear-dear pardarat, pamakei diri kan porlu do I pamerhon ase
songon na mantab I idah hasoman, jadi lang pala haru ham, bahatan ope I dunia on na munafik,
pura-pura bujur, pura-pura marsibere-bere, pura-pura songon malekat, hahaha rosuh tumang au ai.
4. Parladung, eak, sintong tumang do ham munafik, tapi ulang ham lepak, parladung pe bahat do
idunia on, anggo isukkun pa sudah dimana, sudah di jalan ini ma, hape na jalan-jalan do,, hahahhaaa
ai jaman sonari pe bahat do homa halak na hobby marladung, niombah hubani orang tua, sonai age
orangtua hubani niombah. Nin ma naming torus malas tumang uhurhu…
5. Panrisai, aha nimmmmuuuu??? Hebat, jago, ise do na mangkatahon ai, mase homa pajago-jagohon
ai, au ma si hebatan bani goluhni jolma, PANRISAI. Anggo mambahen halak geor, martinggili, lang
marsisahapan au ma barisan paling depan… dingat da PANRISAI ma sihebatan
6. Domdom, stop. Stop. Stop… lang ibotoh nasiam maila tene, ganup nasiam menganggap sihebatan.
Bani goluuh on idah nasiam lobei halak na domma mardamei, yakin au dong do ope domdomm
ibagas uhur ni ai. Bani pamangan memang domma humaafkon si anu ai, tapi lang boi hulupahon
pambahenanni bakku, dinggaaatttt pe au pasal haganupan ai
7. Putus asa, aihhh, aihhh, na buei tumang do sahap nasiam ai, perkenalkan au ma namargoran putus
asa, anggo mambahen halak hancur, maropuk bahkan bunuh diri enteng ma bangku ai. Incaran na
paling empuk bangku aima halak na gagal, halani bahat do halak na lang siap gagal, gagal dalam
kerja hancur, gagal dalam perekonomian maropuk, apalagi gagal dalam cinta amboooiiiii sakitnya….
hahahhaa
8. Bapa, sasap Ham ma dousa-dousa nami. Sihol do uhurnami ase Ham ma namanompa, janah
pabayuhon hanami dommu hubani harosuhni uhurMu. Tapi Tuhan, mahol do sidalanonnami in. gati
do lang marhasabaron hanami. Borat do pangghab nami sipata laho mandalankon namadear halani
 bahatni tantangan. Ajari Ham ma hanami Tuhan, ase songon hataMu na mangkatahon: martuahma
halak na manangar hataNi Naibata anjaha namarimbagashonsi. Dapotan malasni uhur ma tongon
hanami Tuhan, bani na mandalankon rosuhNi uhurMu
9. Bapa, tolong Ham ma hanami, ase anggo adong pen a koras paruhuran nami, roh hanami marondos
hu Bamu Tuhan. Pabayu Ham ma uhurnami ase songon hinarosuhkonMu pargoluhannami. Ajari
Ham ma hanami ase sir-sir martoruhni uhur hu Bamu janah ra hanami marlajar, manangihon ronsi
mangkorjahon hataMu. Sisir do hanami ipatupa janah ipauli Ham gabe tinompa na bayu.

11. Mandoding Haleluya No. 384:1-2

1. Anggo sai tong hupingkiri, pambahenankin
Simbei do tong ganup tingki, seng margagan in
Holongmu, Tuhan pangajamankin
Sai marpangulaki, Ham mangidah in
Holongmu, Tuhan pangarapankin
Seng dong parsuhutan, pitah Ham do in

2. Gijang uhur ampa latei, seng maronti in

Uhur domdom ganup ari, sai na roh do in
Holongmu, Tuhan …

12. Liturgi III : Bagah-bagah pasal Partubuhni Sipaluah In

Prolog : Hamagouan do rupei ni jolma na ibagas dousa. Tapi lang marosuh Naibata anggo
magou jolma in halani dousani ai. Halani ai Naibata sendiri do roh hu tongah-tongah ni jolma
marhitei janah ibagas Jesus Kristus, laho paluahkon jolma humbani hamateian hinorhon ni dousani.
Hunjin taridah ma paboa marhitei idop ni uhurNi, ipasirsir do dalan haluahon banta
Bapa (Ganup)
: Tongon, lang marosuh uhur ni Naibata mangidah hamateian ni jolma halani dousani. Marhitei
nabi-nabiNi, ibagahkon Naibata do haluahon na totap anjaha na gok hubani haganup jolma.
Ibagahkon Naibata do parroh ni Sipaluah hu dunia on, laho pauahkon jolma anjaha laho membere
hagoluhan na sadokah ni dokahni. Ai nini hata ni Tuhanta do : “Ai sonon do holong ni uhur ni
Naibata bani dunia on, pala di AnakNi na sasada in iberehon, ase ulang magou ganup na porsaya
Bani, tapi ase hagoluhan na sadokah ni dokahni bai” (Joh 3:16)
Inang (Ganup)
: “Tonggor ma, na roh ma panorangni, nini Jahowa, pasaudonKu ma ijai bagah-bagah na dob
Hubahen bani ginomparni Israel ampa bani ginomparni Juda” (Jer 33 : 14).

Lansia (Ganup)
: “Marmalas ni uhur tumang ma ho ale boru Sion, marolob-olob ma ho, ale boru Jerusalem!
Tonggor ma, na roh do Rajamin marayak ho; Parpintor anjaha Siparmonang do Ia. Toruh do uhurNi
anjaha mangajak halode, anak ni halode boru-boru” (Sak 9:9)
Bapa (Ganup)
: “Tonggor ma, suruhonKu ma suruhanKu, ase ipasirsir dalan i lobeiHu, jadi sompong ma roh
Tuhan, na pinindahannima ai, marayak rumahNi; Suruhan ni parpadanan, na hinasiholhonnima ai,
tonggor ma, na roh ma Ia, nini Jahowa Zebaot” (Maleakhi 3:1)
Inang (Ganup)
: Humbani sada anak boru do tubuh Sipaluah in, i tongah-tongah ni jolma, laho patuduhkon.
Sonaha banggal ni holong ni atei ni Naibata. Ai nini Tuhanta do: “Tonggor ma, boratan rumah ma
sada anak boru, anjaha tubuhan Anak, Anjaha bahenonni ma goranNi : Immanuel” (Jes 7:14)
 (Riap) :Ham Tuhan, huhatengerhon do ganup bagah-bagahMu. Urupi Ham ma ahu ase totap
mardalan bani dalanMu. Ham Tuhan, sai manumpak ma Ham. Ham Tuhan, pasu-pasu Ham ma ahu.
Amen.
(hundul kuria)

13. Pemutaran Video/ Persembahan Pujian dari Pemuda

14. Mandoding Haleluya No 316:1-3

Sek. 1 : Sai pujima Tuhan-ta in, ai tubuh Jesus in
Sai jalo ma Rajanta ta in, pasirsir ma uhurmu in
Riap Mandoding puji ma, mandoding puji ma, mandoding puji Tuhan in

Sek. 2 : Megah ganup dunia on, marsangap Tuhan in

ganup mamuji Tuhan in, pakon ganup tinompa Niin
Riap Mandoding Pujima…

Sek. 3 : Sonang ma hita haganup, ai sasap dosa in

Ipasu-pasu do ganup, ase maluah hita rup
Riap : Humbai hamagouan, humbai hamagouan, humbai hamagoannta rup

15. KOOR Gabungan Bapa Inang “Mari rayakan”

16. Liturgi Kelahiran
Bapa : Malas ni uhur na bagal na huambilankon on
Domma tubuh sipaluah bai hita jolma on
Sangap bani Naibatanta, damei damei damei ma bani jolma
Malas uhurni Naibata bai hita jolma on
Bapa 1 : Gok puji-pujian do si Josep ampa si Maria manlangkahkon langkahni sidea, age pe
maningon daoh sidalananni, payah anjaha susah laho mangindahi parbornginan, lang adong
rumah na ungkap manjalo parroh ni sidea, tapi bani hatubuhanni Sipaluah in I haranganni
pinahan I Betlehem i.
Bapa 2 : tubuhma simaromei-omei, ibatangi juma balata
tubuhma uhur damei, hubanta ganup naihaholongi tuhanta
Bapa 3 : marasar ma anduhur, idologni si marsolpah
riap ma hita marmalas uhur, ai domma tubuh raja sipaluah
Bapa 4 : dalan hu kariahan, singgah tokkin i pangalbuan
etah nasiam bapa inang huparmingguan, ulang lalap dong sidalian
Bapa 5 : nasuan sasanggei, bulungni lang ra melus
ulang hita mandolei, ai domma tubuh Tuhan Jesus
Bapa 6 : bolah ma Uttei Mukkur, ronjam bai paranggiiran
Ningon do hita sauhur tarlobih pajongjong Rumah Ni Tuhan
Bapa 7 : inggouni simalungun sodap tumang tangaron
daohma na malungun ai naibata do hatengeran
Majelis : hodong-hodong na helpat, ulang ipandurdurhon
anggo ningon ipandurdurhon, andurdurhon ma hubonani
anggo adong hanami nalepak,ulang ma iparuhurhon
anggo ningon iparuhurhon, paruhurhon ma hinamantinni
Ganupan : patureima baliga, ihuta kariahan
sada ma kuriatta, ibagas panriahan

17. Mandoding Haleluya no 38: 1-2

 I Betlehem do tubuh Anak nab anta in, in do halak nabujur
Hutodoh rajangkin. In do, in do hu todoh rajangkin
Gok babi holong ateiNi, na mando uhurhon, hubere ma hu Bani
Ganup na bangku on, Nai ma, nai ma ganup na bangku on

18. Refleksi Natal dalam Ragam Profesi

19. Mandoding Haleluya no. 39:1-3

Bapa : Sonangni, bornginni in, sanggah roh Jesus in
Sonang modom do halak ganup, dua mando na puho in rup
Riap : Mangoromi AnakNi Jesus Tuhanta in

Inang : Dear ni bornginni in sanggah roh Jesus in

Bai parmahan i Betlehem in, ipatugah na hun surga in
Riap : Domma roh Sipagoluh, Jesus Tuhanta in

Lansia : Buei ni tuah ijin, sanggah roh Jesus in

Tor maluah pardousa use, humbai hamagouanNi hape
Riap : Ben na roh Sipagoluh, Jesus Tuhanta in.

20. Ambilan

21. Patumpu Galangan

Ijon dong do huboban Tuhan, limbuahni horjangku lang targorani in
Sadiha ma hargani Tuhan, anggo sai na pikiri ganup layakMu in
Jalo ma Tuhan, megah ma uhurMu 2x

Tangan ku na galek do Tuhan, na lang ongga marsari do pe au on nuan

Uhurhu ma hubere Tuhan, na gabe galanganku pamalas uhurMu
Jaloma Tuhan, megah ma uhurMu 2x

Hudingat do tonahMu Tuhan, maningon do jagaon dakdanak na etek

Tampeihon ham tanganMu Tuhan, bai simanjujung nami paruhur na galek
Jaloma Tuhan…. 2x

22. Tonggo panutup, Pengutusan ampa Pasu-pasu (jong-jong kuria)

P. Martonggo ma hita
Ham Naibata nami pargogoh naso tarimbang, tarima kasih ma isombahkon uhur nami huBamu,
halani domma ipasaud ham bagah-bagahMu bani dunia on. Domma tubuh Tuhan nami Jesus
Kristus bahen haluahon ampa hagoluhan nami.
K. Markuasa do tongon Ham Tuhan, saud do haganup sura-sura uhurMu
P. Domma ididah janah idaihon hanami malasni uhur napinasirsir Mu in bennami
K. Tambahi Ham ma gogoh nami ase lambin talar pangidah nami bani kuasa Mu janah ase lambin
talar homa pangarapan nami hu Bamu.
P. Ham Tuhan isura uhurMu do ase haganup dunia on mandaihon haluahon ampa hagoluhan
nahumBamu, idilo Ham do homa hanami gabe hiteimu laho pasaudkon sura-suramu I dunia on
K. Jadihon Ham ma tongon hanami gabe saksi–saksi na bujur laho manaksihon hadameion ampa
haluahon na hum Bamu
P. Bani pergumulan-pergumulan sonai age sitaronon-sitaronon naidompakhon hanami jolma,
 K. Pargogohi anjaha pasu-pasu Ham ma hanami Tuhan, ase ulang talu hanami mandompakkon
haganupan in, tapi totap hanami marpangajaman hu Bamu anjaha monang hanami
mandompakkon dunia on
P+K. Amen
P. Riap ma hita martonggo marhitei Tonggo Ham Bapa nami.
P. Mangondoshon Pasu-pasu.

23. Kata Sambutan

24. Hiburan
25. Mulak Ibagas damei