`

TERTIB ACARA PERAYAAN NATAL

PARHALADO HKBP RESORT LAE HOLE DAN KELUARGA
Minggu, 27 Nopember 2022

Prosesi : Mangarade ma Parhalado sian Bilut Parhobasan.

I. ACARA KEBAKTIAN
01. JOU-JOU TU PARSOMBAON DI DEBATA ( U:ULUAN, H: HURIA )
U : Huria ni Tuhanta, nuaeng na marpungu do hita angka
Parhalado dohot keluarga ima dinamamestahon ari hatutubu
ni Sipalua i di Natal Advent Parhalado dohot keluarga na Sa-
Resort Lae Hole on. Tama do hita marlas ni roha di tingki on ala
dipatau Tuhanta i hita boi hita ganup ro tu bagas joro on laho
marsaor mamuji huhut pasangaphon goarNa i.
H : Tama do tutu mandok mauliate godang hita tu Tuhanta
pardengganbasa i, na marsuru AnakNa na sasadai gabe
hangoluanta. Ndada ala jinou ni rohanta manang ala ni
denggan ni parangenta, alai ala tung asi dohot holong ni
rohaNa sambing do hita jolma pardosa on.
U : Antong, tajangkon ma haroroNa, na mangalehon haluaon i di
hita. Laos pinasahat ma tu hita saluhutna, “Selamat Advent
Natal ma di hita”.
H : Selamat Advent Natal ma tutu di hita sude keluarga besar
Parhalado HKBP Resort Lae Hole.
U : Antong las ma rohanta! Tahobasi ma rohanta lao marsaor
dohot Tuhanta. Marende ma hita…. (Jongjong)
U+H: MARENDE NO. 581 : 1+3 “Sangap Di Jahowa” BL.581
1. Sangap di Jahowa na sun timbul i, balga ni holongNa ndang
tarasam i. Dilehon AnakNa na sasada i, manobus hita jolma
pardosa i. Pujima, Debata ale manisia, las roham, las roham
somba ma Debata. Dapothon Jahowa na sun timbul i, marhite
AnakNa Tuhan Jesus i. ---------- Jongjong -----------

1
`

2. Balga situtu pambaenMi Debata, tung so hasuhatan holong ni

rohaM. Tu jolma pardosa asi do rohaM, diungkap Ho dalan lao tu
banuaM. Puji ma, d.u..
02. VOTUM/INTROITUS (U: Uluan, H: Huria)
U : Dibagasan goar ni Debata Ama, dohot goar ni Anakna Tuhan
Jesus Kristus, dohot goar ni Tondi Porbadia na manompa langit
dohot tano on.
H : Amen
U : Ida ma, hatop do Ahu ro, tiop ma na di ho nuaeng, asa unang
adong na mambuat tumpalmi. Endehon hamu ma hamuliaon ni
Debata, puji hamu ma goarNa, palendes hamu ma dalan di Ibana,
na marhureta di halongangan, Jahowa do goarNa.
H : Marolopolop ma hamu jala marlas ni roha ale boru Sion, ai ida
ma nunga ro Ahu na maringanan ditongatongamuna ninna
Jahowa si asi i ho.
U : Dungi gabe daging ma hata i, jala maringanan ditongatonganta.
H : Jala huida hami ma hasangapon ni AnakNa nasasada na sian Ama
i, gok asi ni roha dohot hatuaon.
U : Haleluya! Martangiang ma hita: Ale Jahowa Debata Amanami. Sai
pinuji ma goarMu na badia i. Ala naung ditingkir Ho bangsoM,
ditogutogu Ho do hami na holang sian Ho, gabe saor muse dohot
Ho, gok halalas ni roha do hami alani i, sai jalo ma hamauliateon
ni rohanami, marhitehite AnakMu Tuhan Jesus Kristus
Tuhannami, Amen. ( Hundul )
03. MARENDE NO. 38: 1 + 4 “Paruak ma Harbangan” BL. 189
1. Paruak ma harbangan I, ai nunga ro Rajanta i. Sigomgom raja sasude
Sitobus hajaolmaon pe, si boan hatuaon I, pasuang hasonangan i. Ipe
tapuji ma Tuhanta Debata.
4. O Jesus ro ma Ho tuson, ai naeng huungkap
rohangkon. Patongon asi ni rohaM, patolhas denggan ni
basaM tu au marhite TondiMi, togihon au tu surgo I, ai
naeng tongong disi hupuji goarMi.

2
`

04. LITURGI I: MULA NI NASA NA ADONG

Prolog: Marhite hataNa ditompa Debata do langit jala hataNa do
mandok manjadi gabe manjadi ma. Ditompa do laut, tano dohot nasa isi
asa sude nian gabe pujipujian di Ibana. Sian hataNa do manjadi
saluhutna. ( Liturgi Full Timer )
1. Hamu angka dongan, ari on do na jinadihon ni Debata. tama do hita
marolopolop jala marlas ni roha. ai nunga binsar panondang laho
sumondangi saluhutna.soada hagolapon be manghukhupi tano on.
nunga ro hangoluan songon nabinagabagahon ni angka panurirang
narobi. (Pdt. Jedutun Purba, S.Th)
2. Boha do huroa didok angka panurirang i? molo binereng do sian mula
ni mulana sahat rodi sadarion mansadi do sude nasa na tinompa ni
debata. adong do bintang, adong do nang bulan. mataniari pe
marsinondang. nda i hangoluan? (Ny. Pdt. Jedutun Purba br.
Munthe).
3. Ai didok do, di mulana i nunga adong hata i jala saor tu debata do hata
i, nda i nanidok ni panurirang i? molo saor tu debata do hata i, tontu
naeng tangkas do antong botoonta nang angka dongan pe, boha do
huroa hasasaor ni hata i. (Pdt. Marhehe S Pasaribu, S.Th).
4. Molo roha pardagingon do hita mangantusi sude pandohan i songon dia
ma antusanta i. ingkon partondion do. bege ma, andorang so ojak dope
portibion nunga mangareapreap tondi ni Debata. dungi ditompa debata
ma langit dohot tano dohot nasa isina. angka suansuanan, dengke,
pidong namartongatonga langit dohot nasa pahanpahanan. (Ny. Pdt.
Marhehe Pasaribu br Pardede).
5. Dohot do angka namanggulmit ditoru ni tano, angka namanjirir, rodi
angka pahanpahanan sahat rodi awangawang. ido umbahen na
diendehon angka parende panompaon i. nda sada halongangan i sude,
sian na so adong gabe adong. (Biv. Junita Simatupang).
6. Bereng ma mataniari molo so binsar di manogot ni ari mangholom ma
sude portibion, bulan pe dohot bintang marsinondang do ia borngin. nda
3
`

halongangan tutu i. molo pe ro logo ni ari ro udan nene laho

pabornokhon tano i. saluhutna i hahomion ni Debata do i.
( Pandiangan/Biv. Junita Simatupang).
7. Sadia leleng do huroa ditompa debata saluhutna nasa na adong i? molo
pinamanat sude jadijadian ni debata nda mungkin sadari, saminggu,
sabulan, sataon manang martaontaon do ditompa debata. ai didok angka
namalo, ai bidang do portibion, sian timur tu barat, sian julu tu jae, sian
utara tu dangsina. ( CPdt. Daniel Pasaribu, S.Th)
05. Marende BE.No. 39:1 “ Beha Ma panjalongku “
Beha ma panjalongku di Ho o Tuhanhi. Beha ma panomungku di Ho o
Rajangki. Sondangi ma rohangku na holom, na bodo. Ai naeng
patupaonhu las ni rohaM di Ho.
06. LITURGI II.A: MULANI DOSA
Prolog: Tung mansai denggan jala uli do nasa natinompa ni Debata, alai
sude i gabe sega alani elaela ni sibolis na mambahen jolma i gabe
madabu tu dosa. ( Liturgi HKBP Pancur Nauli)
1. Eh ... tahe, holan alani ulok sipangotootoi i gabe hasurahan ma jolma
manisia. ditompa debata jolma asa marhabadiaon di adopan ni Debata,
alai panangihonon di hata ni sibolis do dihalomohon. ida ma, gabe
marsaemara nasida. diusir muse sian porlak na gok las ni roha. maisolat
do jolma i sian jolo ni Debata ala ni pangalaho nasida.
2. Nunga lam sursar be hape portibion, ndang adong be hasonangan. masa
ma na so hea masa. ragam hajahaton. nunga lam ngali holong. ndang
marsipasangapon be. haru dakdanak nunga diboto marhata barangsi.
aha nama jambar ni namangolu on.
3. Gabe tarrimas do debata, uhum pe madabu do tu jolma i. berengma
jolma ditingki si noak, ro do aek na sumar, pola do godang
namarmatean, holan si noak dohot ripe nang ianakhonna do dapotan
haluaon.
4. So jo, haluaon, ai hubege do nian haluaon nanaeng patupaon ni Debata
tu saluhut jolma. alai idama, dipasahat haluaon i tong do jolma i
4
`

mardosa. holan alani hosom, dohot hajahaton ni jolma i ingkon pola ro

ibana laho manesa angka dosanta.
5. Ndang adong be hasonangan ni jolma di portibion, masa do bencana
alam namansai sange, banjir di Jakarta, bencana alam erupsi gunung
Sinabung sahat ro di angka na hagoran. pola do godang namarmatean,
gabe godang na so marama so marina.
6. Aha ma naeng dohononta, dibahen debata partinandaan tu jolma
disoadahon do, ndang adong partingkian laho mananda diri, lam ragat
hajahaton, pembunuhan, pencurian, korupsi, narkoba, ndang mararga be
ngoluon, sahat ro di napanirangnirangon. hira na sodiboto jolma i
mangulahonsa.
7. Didok endenta do, so ma jolo jala pingkir, laho tudia langkami, otik nai
ma ho tarlombang dibahen hatangkangonmi. hatangkangon ni hita
jolma do gabe madabu tu dosa, alai asi do roha ni Debata
dibagabagahon do marhite angka panurirang hasesaan ni dosa
dibagasan Jesus.
8. Boha do huroa barita ni i, ai molo ro haluaon ingkon rade manian jolma
managam harorona, alai ida ma, repot do jolma i, di hauma, di ladang,
dipartigatigaan, manang diulaon dia pe i, ndang adong tingki laho
paimahon haroro ni Sipalua i.
9. Sego do panompaon ni Debata i. mago do hasangapon ni jolma ala ni
pangalahona. dilului jolma i do parbinotoan ni portibi laho mandao sian
debata. madabu do jolma tu bagasan gambo ni dosa ala diihuthon tahi ni
sibolis.
10. Alai ulok do na umbisuk sian nasa na manggulmit di ladang. dibagasan
rupa ni ulok i do sibolis mangotootoi jolma i asa madabu tu bagasan
dosa. dielaela do jolma laho manganhon parbue ni hau parbinotoan na
di tonga ni porlak i. ala ni tabo dohot hinauli parbue ni hau gabe
dipangan nasida.

5
`

11. Dungi tonggor ma mata nasida nadua diboto ma na marsaemara nasida,

gabe disomoti ma bulung ni hau ara bahen sabuk nasida. jorbut na i
panghorhon ni dosa i. sian na so umboto ila gabe maila, sian
namarhasangapon gabe marlea.
12. Ai dibege nasida do soara ni Debata namedangedang di porlak i di
haroro ni alogo mareak bot ari, gabe martabuni nasida, diboto nasida do
naung mardosa nasida na so tama be jongjong diadopan ni Debata.
pardosa ho didok roham, na so tama be dohot, ninna endenta i.
13. Hinorhon dosa do gabe lumlam portibion. ida ma, nunga doshon sada
sian hami si adam umboto na denggan dohot na roa. on pe asa unang
didungdunghon tanganna mamutikhon huhut sian hau hangoluan i jala
dipangan gabe mangolu salelenglelengna.
14. Gabe dipabali Debata Jahowa ma nasida sian porlak i, asa diula tano
pambuatanna i. dilele ma nasida sian i. naung dapotan las ni roha sian
pangaradeon ni debata gabe ambolong holan ala ni pangelaela ni
sibolis.
15. Jorbut ni panghorhon ni dosa di jolma natinompa ni Debata. lam deak
do anggo hajahaton di sandok jolma manisia. ndada holan na dipabali
be alai nga tarrimas debata. nunga madabu tu dosa amana si adam dohot
do nang anakna si kain.
Liturgi II.B : HKBP Parbuluan
 1 Musa 3 : 21-22
 1 Musa 3:23-24
 1 Musa 4:6-7
 1 Musa 4:8+10
 1 Musa 4:11-12
 1 Musa 6:3-4
 1 Musa 6:5-6
 1 Musa 6:7-8
 1 Musa 6:9-10
6
`

 1 Musa 6:11-12
07. MARENDE NO. 52: 1 + 3 “HATUAON DO”
1. Hatuaon do, las ni roha do, hatutubu ni Jesus i
Mago do jolma, ro ma Tuhanta, las be las be ma rohanta i
3. Hatuaon do, las ni roha do, hatutubu ni Jesus i
Las ma rohanta, mida Tuhanta, las be las be ma rohanta i
08. LITURGI III.A: BAGABAGA HARORO NI SIPALUA I
Prolog: Songon timboni langit sian tano on, songonima timboni
sangkap ni Debata na gok dame dohot las ni roha. Arga do jolma i di
Ibana, gabe dijanjihon ma haroro ni Messias asa malua sude jolma i.
(HKBP Lumban Gambiri).
1. On ma barita na binaritahon ni angka panurirang, alai anggo ale
Betlehem Eprata, mametmethu do ho nian anggo tung pola jujuron tu
angka huta marriburibu di juda, hape sian ho do haroroan ni na gabe
panggomgomi di Israel, jala angka haroroanna sian nahinan, sian angka
ari na robi salelenglelengna.
2. Ingkon sian huta nametmet do hape haroro ni sipalua i, olopolop dohot
las ni roha do sombahonon, mariaia situtu ma ho ale boru sion,
marolopolop ma ho ale boru Jerusalem. ida ma, na ro ma rajam tumopot
ho, partigor ibana jala siparmonang, na serep do rohana jala
marsihundul di halode dohot di anak ni halode inaina.
3. Torop huta na ribur anggo di luat i, alai didok tuhanta, ndang adong na
so tarpatupa ibana, saluhutna do marhapatean tu ibana na sun gogo i.
naeng papataron ni debata ma huasona marhite haroro ni sipalua i, asa
saluhutna jolma manisia manjalo haluaon.
4. Ai ditatap do haetehon ni naposona. parhatuaon ma ahu olat ni on
marsundutsundut. ai marsundutsundut do asi ni rohana mida angka na
mangkabiari ibana mangihuthon bagabagana tu angka ompunta. pinuji
ma tuhan i ala ditopot bangsona jala dipatupa haluaonna.

7
`

5. Arion do na jinadihon ni debata, marolopolop jala marlas ni roha ma

hita disi. iale Jahowa sai manumpak ma ho. iale jahowa sai ho ma
mambahen manjadi. pinasupasu ma na ro marhitehite goar ni Jahowa.
6. Naeng ro ma sipalua jolma, aha do na tama paheanku, jala aha ma
endehononku, tung sura pangisi ni jerusalem ihuthononku, dohononku
ma “hosianna anak ni raja david na ro tu hita on manatap
pardangolanta.
7. Sonangna i hape jolma on, mardosa do hita maradophon Debata alai
diondingi do hita, mian dibagasan hajahaton do hita alai asi do rohana.
ndada holan angka na porsea hape dapotan haluaon, sandok sude jolma
manisia do. ianggo ho ale tondingku sai jangkon ma panondang i.
8. Panondang nanaeng ro i do papatarhon na so hea niidami, hangoluhon
ma sondang na i tu tondimi, ai ido hasonanganmu. diboan do hangoluan
i silua ni amana i, ai naeng tu harajaon ni pasuangonna jolma i.
9. Na ro ma rajami sai jangkon ibana tu roham, hasangaponna ditadinghon
mambuat dangol ni hita jolma, ditogihon hita laho tumundalhon na roa
lao mangoloi rajam naung ro i. saonnari do halehetonna na ingkon
jumpang hadengganan.
10. Hamu angka na marsak roha dibaen godang ni dosa, sai hehe ma hamu,
padirgak hamu ma ulumuna. sai borhat ma hita manomu rajanta,
pagalak sulumuna, unang lalap di hasiangan on. on nama tingki laho
manjalo haluaon nanaeng boanonna tu hita.
11. Nunga binsar be panondang i, ima panondang na sian si jakob. na tubu
di huta Betlehem Efrata, di bara ni pinahan. dipaboa pardisurgo i.
marende do angka parangan mandok hasangapon ma di Debata na di
ginjang dame ma di tano on di angka jolma halomoan i.
12. Ro do angka parhapistaran sian purba manghatindanghonsa, angka
parmahan na di ladang i dibaritahon do na masa i. nunga saut bagabaga
i, nda las ni roha do nian sandok tano on. paluaonmu ma nuaeng, ale

8
`

raja naposomon di bagasan dame, songon na nidokmi, ai nunga diida

matangku haluaon na sian ho i.
13. Na pinaradem di jolo ni bangso sudena bahen panondang sumondangi
angka pardosa bahen hasangapon ni bangsomi. ai nunga pola ampe
tangke tu daling ni angka hau, sitabaon do nasa hau na so
marparbuehon na denggan jala sidabuhononhon tu api.
14. Pinuji ma jahowa na asi roha i, dilehon do anakna hangoluanta i, girgir
ma hita on mamuji Debatanta ala basaninon. ibana na tiur hian na
sangap sian nahinan na patiurhon tano on, laho sumondangi tano on.
dipataridahon holong ni rohana tu portibion.
15. Ai songonon do holong ni roha ni debata di portibion pola do anakna na
sasada i dilehon asa unang mago ganup na porsea di ibana asa
hangoluan na salelenglelengna di ibana, naeng paluaonna do portibion
umbahen na disuru.
16. Holongan do roha ni angka jolma di na holom asa di na tiur jala ndang
didapothon na tiur i asa unang gabe patar angka ulaonna i, alai ganup
halak namangula di hasintongan i dapothononna do na tiur i
17. Nampuna oroan i do pangoli i alai na jongjong do aleale ni pangoli i
patangitangi ibana, jadi marlas situtu roha dibahen soara ni pangoli i asa
halalas ni roha sisongoni ma jumpang di ahu.
18. Ai dihatindanghon na ro sian banua ginjang i do na niidana dohot na
binegena, gabe ndang adong namanjanghon na hinatindanghonna i.
halak na manjanghon na hinatindanghon na i ido sumahaphon paboa
parsintong Debata.
Liturgi III.B : HKBP Sitinjo
 1 Musa 8:21-22
 1 Musa 9:13-14
 1 Musa 9:15-16
 2 Musa 15:26-27
 Jesaya 48:18-19
9
`

 Jesaya 54:7-8
 Jesaya 54:9-10
 Jeremia 29:10-11
 Jeremia 29:23+25
 Jeremia 29:31-32
 Andung 3:22+25
09. MARENDE NO. 40: 1 + 3. “Las be ma rohamuna” BL. 153
1. Las be ma rohamuna, na tigor roha i
Naung ro do Rajamuna mamboan tua i
Ndang marpanggortap I anggo do haroroNa
Alai tuk do gogo na padaohon jea i
3. Hamuna angka raja oloi ma Raja on
Ai hangoluanmuna do dipatupa on
Ai molo tois hamu manjua di hataNa
Sai lalu do rimasNa mangago tu hamu.
10. LITURGI IV: PARBUE NI HALUAON NA PINAIMA NI TUHAN
Prolog: Ndang dihalomohon Debata angka parbolatan sian tongatonga
ni parsaoran ni jolma, alai hasadaon do di bagasan holong. Mian jala
mangolu dibagasan Ibana na gok Holong i, ima na pinaimana: ( HKBP
Pangiringan).
1. Angkup ni i saroha ma hamu saluhutna, sapanghilalaan, angka
namarholong ni roha di dongan, parasi roha dohot marhaserepon
songon ama i parasi roha ai marhite i do ditanda anak ni Debata hita.
2. Ai ndang sian Debata ganup halak na so mangulahon hatigoran, jala na
so marholong ni roha di donganna. masihaholongan ma hita ai sian
Debata do haholongon i.
3. Jala ganup namarholong ni roha, ima naung tubu sian Debata jala
ditanda do Debata.
4. Sandok pabotohon hamu ma habasaron muna tu jolo ni Debata marhite
ulaon na denggan. ganup halak namangulahon na denggan ido na
dapotan pasupasu jala dapotan haluaon.

10
`

5. Hatutubu ni Jesus ima hatutubu paimbaruhon ganup jolma, ai marhite

hatutubu ni Tuhanta i nunga gabe partohap hita di hasangapon na
pinarade ni tuhan i, unang ma ula hamu angka na roa, angka na jat
diadopan ni Debata, pasiding ma.
6. Na tutu situtu do na hudok on, huhatahon hami do na huboto hami jala
huhatindanghon hami do naung huida hami.
7. Gabe ndang dijangkon hamu na huhatindanghon hami, tung porsea ma
hamu molo huhatahon tu hamu angka na dibanua ginjang.
8. Ai saluhutna do dipatunduk tu toru ni patna. alai molo saluhut
dipatunduk didok tandap ma disi, na so dohot na patundukkon
saluhutna tu ibana, asa debata gabe saluhut di bagasan saluhut
9. Na ro do ari sogot, ninna Jahowa patindangonku ma di si Daud sada
tumbur na tigor, na bangkit raja jala na pistar, jala hajongjongkononna
ma uhum dohot hatigoran di tano i, jala on do goarna dohonon ni
halak : Jahowa do parpintoranta.
10. Dungi ruar ma sada tunas sian tungko ni si isai, jala marparbue sada
tubis na tubu sian uratna, jadi songgop ma tu Ibana tondi ni Jahowa,
tondi habisuhon dohot hapistaran, tondi ni panuturion dohot hagogoon,
tondi ni parbinotoan dohot biar maradophon Debata
11. Sandok ulahon ma na denggan, unang ihuthon na roa asa sonang jala
martua ho.
12. Sian Debata do halak na mangulahon angka na denggan, ia siula na roa
ndang dung diida i Debata.
13. Alai hasangapon, hamuliaon dohot dame na sian Debata do tu ganup
halak siulahon lomo ni roha ni Debata.
14. Songoni tu ganup halak namanghosomi donganna namanghosomi
Debata do i disi. ai jaloonna do hombar tu naniulana.
15. Boto hamu ma, sibunu jolma do ganup na hosom roha di donganna, jala
diboto hamu do, na so mian hangoluan salelenglelengna di nasa sibunu
jolma. ai natinompa jala natinobus ni Debata do hita.
11
`

16. Naeng do okuhononta di ganup rohanta, hosianna, ro ma ho, tu bagasan

rohanami. namanomunomu ho, ale Jesus tuhan nami, las do rohanami i
molo bongot ho tusi.
17. Ai panondang i do papatarhon na so hea ni idami, dibahen i sai
hangoluhon ma sondang na i tu tondimi, ai ido hasonanganmi, dibahen i
sai marsinondang ma baen haporseaonmi padenggan jala sai patorang
roham ro di parangemi, paboa marguna do panondang na ro i di ho
Liturgi IV.B : HKBP Sibira
 1 Musa 49:10-11
 Jesaya 2:2-3
 Jesaya 2:4+6
 Jesaya 52:1-2
 Jesaya 52:3-4
 Jesaya 52:5-6
 Jesaya 52:7+9
 Jesaya 60:1-2
 Amos 8:11-12
 Mika 4:1-2
 Mika 4:3-4
 Mika 5:1-2
11. MARENDE NO. 43 : 1-2 “ Padiri Rohamuna “ BL. 154
1. Padiri rohamuna, hamu parroha i. Naung ro do tuamuna pasaehon
dosa i. Ro sian ginjang do, maningkir sidangolon ni nasa hajolmaon,
naeng buatonNa do.
2. Pauli di Ibana ma rohamuna be. Alai na so lomoNa padao ma sasude.
DalanNa naeng ture lao bongot tu rohanta. Ipe na tau sabatNa pabali
ma sude.
12. Liturgi V : Prolog: Nunga singkop be sudena, nunga tubu Jesus Kristus. Ibana
do Mesias naung pinarbagabaga ni Debata, aha do naung taula songon halak na porsea
na manjangkon hatutubu ni Tuhan Jesus? Tatangihon ma Liturgi na mangihut on:
(HKBP Punguan Nauli + Parbuluan 2)

12
`

1. Joh. 1:1-2 ( Punguan Na Uli) 11. Joh. 1:21-22 (Parbuluan 2)

2. Joh. 1:4-5 ( Punguan Na Uli) 12. Joh. 1:23-24 (Parbuluan 2)
3. Joh. 1:6-7 ( Punguan Na Uli) 13. Joh. 1:25-26 (Parbuluan 2)
4. Joh. 1:8-9 (Punguan Na Uli) 14. Joh. 1:27-28 (Parbuluan 2)
5. Joh. 1:10-11 (Punguan Na Uli) 15. Joh. 1:29-30 (Parbuluan 2)
6. Joh. 1:11-12 (Punguan Na Uli)
7. Joh. 1:13-14 (Punguan Na Uli)
8. Joh. 1:15-16 (Punguan Na Uli)
9. Joh. 1:17-18 (Punguan Na Uli)
10. Joh. 1:19-20 (Parbuluan 2)
13. Marende: BE. No. 42 : 1 “ Hamu Sude Naung Tinoruan “ BL. 216
1. Hamu sude naung tinoruan ni patik ni si Musa i. Sai ro hamu tu
hasonangan na dibagasan Jesus i. Ai nunga di tostosi Jesus do ihotihot
ni sibolis, na mangagohon tondimi. Dapothon Tuhanmu, naung ro
mambaen haluaonmu, papos ma rohami disi.
14. Liturgi VI.A : Parhatuaon Na Ualu (HKBP Simallopuk)
1. Psalm 103:1-2
2. Psalm 103:3-4
3. Psam 103:5-6
4. Psalm 103:7-8
5. Psalm 103:9-10
6. Psalm 103:11-12
7. Psalm 102:3-4
8. Poda 3:5-6
9. Lukas 4:18
10. Lukas 4:19-20
11. Roma 8:16-17
12. Roma 8:28-29
Liturgi VI.B : HKBP Lae Hole
 Matius 3:12-13
 Matius 3:14-15
 Matius 3:16-17
 Matius 4:8-9
 Matius 4:10-11
13
`

 Matius 4:16-17
 Lukas 4:16-17
 Lukas 4:18-19
 Johannes 8:9-10
 Johannes 8:11-12
15. Marende BE. No : 44 :1 – 2 “Hamuna na Porsea I Sai Tomu Tuhan
Jesus I” BL. No 206
 Hamuna na porsea i sai tomu Tuhan Jesus I, pahehe rohamuna
Jonok do ari pesta ni saluhut huriaNa I, ima hatutubuNa
Ipe hehe ma hamuna, baen pantunna, lao manjanghon
Na manopot hajolmaon.
 Marlas ni roha situtu saluhut halak na burju lao mangihuthon Jesus
Ipe pataridahon ma las ni roham di Debata, sangkapNa ma patulus
Puji, puji, Jesus Kristus na manobus tondimuna, sian
hamagoanmuna.
16. Liturgi VII.A : Haluaon na pinatupa ni Debata ndada holan tu bangso Israel i,
alai dohot do tu saluhut jolma na di portibion. Alani halashon ma basabasa haluaon
naung tajalo sian Ibana. (HKBP Parbangkalan + Pembangunan)
1. Psalm 12:6-7 (Parbangkalan)
2. Lukas 4:18-19 (Parbangkalan)
3. Lukas 4:20-21 (Parbangkalan)
4. Ul. Ap. 4:12-13 (Parbangkalan)
5. Ul. Ap. 13:26-27 (Parbangkalan)
6. Jesaya 12:2-3 (Parbangkalan)
7. Joh. 3:16-17 (Parbangkalan)
8. Joh 3:20-21 (Pembangunan)
9. Joh 5:28-29 (Pembangunan)
10. Joh 8:12+14 (Pembangunan)
11. Johannes 10:27-28 (Pembangunan)
17. Marende BE No.41:1+4 “Parripe ni Tuhanta” BL.153
 Parripe ni Tuhanta sai hehe ma hamu
Sai jangkon ma Rajanta marroha na burju
Girgir ma hita be marende di Ibana
Manjouhon Hosianna, burju ma sasude
14
`

 Antong girgir ma hita manomu Raja i

Mangungkap di Ibana sandok rohanta i
Denggan nuaeng tabaen dalanNa tu rohanta
Na naeng pasonangonNa tiur ma I tabaen.
Liturgi VII.B : HKBP Parsaoran Dame
 Matius 5:3-4
 Matius 5:5-6
 Matius 5:7-8
 Matius 5:9-10
 Matius 7:13-14
 Johannes 14:2-3
 Johannes 14:6-7
 Johannes 16:4-5
 Roma 5:3-4
 Roma 5:5-6
 Efesus 4:29-30
 Efesus 4:31-32
 Pilipi 2:2-3
 Pilipi 2:7+9
18. Marende BE No. 45:1-2 : Hosianna Anak ni Raja David BL. 73
 Hosianna Anak ni Raja David ro tu hita
Baen ture dalanNai asa bongot tu rohanta
Baen ma gabagaba I di Tuhanta na ro i
 Hosianna ro ma Ho tubagasan rohanami
Na manomunomu Ho ale Jesus Tuhannami
Las do rohanami I molo bongo Ho tusi
19. Liturgi VIII : Diparade Debata do upa na hot di halak na porsea, i ma
hangoluan na saleleng ni lelengna. Marhite na lam tapadenggan
panghobasionta di tonga-tonga ni HuriaNa HKBP Resort Lae Hole,
tapatuduhon ma dirinta parhalado na denggan roha hombar tu
panjouonNa tu hita be. (HKBP Betesda)
 Hesekiel 34:11-12
 Hesekiel 34:13-14
 Hesekiel 34:16-17
15
`

 2 Korintus 6:1+4
 2 Korintus 6:5-6
 1 Tesalonika 4:12-13
 1 Tesalonika 4:14-15
 1 Timoteus 3:2-3
 1 Timoteus 3:4-5
20. MARENDE NO.54 : 1-2 “SONANG NI BORNGIN NAI” (Huhut Pagalak
Lilin)
1. Sonang ni, borngin na i, uju ro Jesus i
Sonang modom do halak sude, holan dua na dungo dope
Mangingani anakna Jesus Tuhanta i
2. Denggan ni Tua di si, di na ro Jesus i
Tu parmahan di Betlehem I, di paboa na di surgo i
Nunga ro Sipangolu, Jesus Tuhanta i.
3. Godang ni tua disi di na ro Jesus i
Tung malua pardosa muse, sian hamagoanna sude
Alar o Sipangolu, Jesus Tuhanta i
Pagalak Lilin: 1. Parjamita
2. Panitia
3. Parhalado Resort
4. Mewakili Keluarga Ama
5. Mewakili Keluarga Ina
6. Mewakili Bolahan Amak
7. Mewakili Dakdanak
21. JAMITA : Pdt. Jedutun Purba, S.Th
22. MARENDE NO. 61 : 1 - 6 “NA TAU LAS NI ROHA” ( P.Pelean )
1. Na tau las ni roha hatutubu ni
Jesus Sipalua, haholonganki
2. Tung godang do dosa, pangunjunan pe
Mangarsahi hita paima mate be,:,
------- Musik ---------
3. na so tarhatahon hamagoan i
Aut so tubu Jesus Sipalua I,;,
4. Tuhan Debatangku, Jesus Ho doi
16
`

Nda tung be mandele na porsea I ;,:

--------- Musik ----------
5. Sai tarapul au Tuhan dibaen Ho
Tua na sun timbul dame jumpang do,;,
6. Sai mardongan Jesus Hinadenggan nii
Nang tu au patulus haloloMi,;,
23. Tangiang Ale Amanami + Tangiang Pasupasu + Amen
24. Ramah Tamah
1. Hata Patujolo sian Parhalado : Parsaoran Dame ( Bolahan Amak )
2. Hata Huhuasi/ Sambutan Sian:
 Mewakili Bestur Resort
 Mewakili Keluarga Parhalado Ama : Simallopuk
 Mewakili keluarga Parhalado Ina : Betesda
 Pandita Ressort : Pdt. Jedutun Purba, S.Th
 Marsipanganon
 Acara Boi Diatur Tersendiri

Seluruh Parhalado HKBP Resort Lae Hole

mengucapkan:
Selamat Hari Natal 25 Desember 2022
&
Selamat Menyongsong Tahun Baru 01 Januari 2023
Tuhan Yesus Memberkati
HORAS!

17
`

18
`

19