TATA IBADAH

NATAL 24 DESEMBER 2019

Tema
Ibohali Manghobaskon Horja Namadear (2 Timoteus 3:17)

Sub Tema
Pasirsir, bohali ma kuria in totap marguru bani podah ampa ajaran ni
Kristus Jesus, ase jonam, toguh marurat, marbuah ibagas pangarusion
ampa habotohon pasal Kristus Sipaluah in

1
 LITURGI KEBAKTIAN NATAL UMUM

Tema : Ibohali Manghobaskon Horja Namadear (2 Timoteus 3:17)

Sub Tema : Pasirsir, bohali ma kuria in totap marguru bani podah ampa ajaran ni
Kristus Jesus, ase jonam, toguh marurat, marbuah ibagas
pangarusion ampa habotohon pasal Kristus Sipaluah in

I. PRAELIDIUM : Singer mandodingkon “O Holy Night”

II. KEBAKTIAN
1. Prosesi : Sanggah Prosesi Mandodingkon Haleluya No. 471 : 1-3 (Sanggah
Mandoding irik ma langsung pagara lilin). Na pagara lilin aima :
- Parambilan
- Pimpinan Majelis Jemaat
- Paragenda
- Seksi Bapa
- Seksi Wanita
- Seksi Pemuda
- Seksi Sekolah Minggu

1. Na pansing, Na pansing, do Ham Naibata nami

Sigomgom haganup tanoh on, Na pansing do Ham
2. Na pansing, Na pansing do Ham Naibata nami
Ai domma roh hanami Bamu, jalo Ham ganup
3. Na pansing. Na pansing do Ham Naibata nami
Sai sasap dousanmi ganup, ‘se talup Bamu

2. Votum – Introitus – Tonggo (jongjong Kuria)

P Ibagas Goranni Naibata Bapa pakon Tuhan Jesus Kristus ampa Tonduy
Napansing Sitompa langit pakon Tanoh on. Amen
J Masuki nasiam ma horbangan marhitei hatarimakasihon sonai alamanNi
marhitei puji-pujian. Martarimakasih ma nasiam hu Bani, puji nasiam ma
GoranNi.
P Haleluya, Puji ma Jahowa, Ai pardear layak do Ia ronsi sadokahni dakahni do
idopni uhurNi. Halani ai dodingkon nasiam ma Haleluya!

2
 J Ise ma nani Raja hamuliaon in? Inma Jahowa na gogoh anjaha puanglima,
Jahowa puanglima parporangan.
P Pagijang ma ulunima ale sagala horbangan, tarangkat ma hanima, ale labah
nabasaia, ase masuk Rajani hamuliaon in.
P+J Mandoding Haleluya No. 32 : 1 Riap ma hita haganup
Riap ma hita haganup mamuji Naibata
Mesek ma pandodingta rup ai in do na tama, Ai in do na tama
P Martonggo ma Hita !
Ham Tuhan Naibata bapa nami, paridopni uhur na tarsulur, puji-pujian
ampa tarima kasih ma isombahkon hanami hu Bamu, mardingat nadob
isuruh Ham anakMu Jesus Kristus hubannmi. Gabe madoyuk anjaha
masombuh do Ia tubuh i huta Betlehem bani harangni pinahan ase bayak
hanami. Pasaor Ham ma dirimu marhitei TonduyMu ase ididah hanami
banggalni pangkopkoponMu hubannami marhitei Jesus Kristus Tuhan nami.
Amen. (hundul kuria)

3. Mandoding Haleluya No. 316 : 1 – 2 Sai Pujima Tuhanta in

1. Sai puji ma Tuhanta in, ai tubuh Jesus in
Sai jalo ma Rajanta in, pasirsir ma uhurmu in
Mandoding puji ma, Mandoding puji ma, Mandoding puji Tuhan in
2. Megah ganup dunia on, marsangap Tuhan in
Ganup mamuji Tuhan pakon ganup tinompa Niin
Mandodng puji ma, Mandoding puji ma, Mandoding puji Tuhan in

4. LITURGI I: Pasal Panompaon

P Haganup do itompa Naibata langit tanoh pakon haganup isini.
Itompa do suan-suanan, pinahan dob ai jolma. Haganupan ai saud
marhitei kuasaNi na mapansing in. Jenges do ganup natinompaNi
Naibata, dolog-dolog pakon haganupan ampa suan-suanan na
maratah-ratah, haganupan ai patugahkon hinajengesni
panompaonNi Naibata. Gijangni in tongon hagogohon ampa
hapistaranNi Naibata, lang boi tarsibar kuasaNi. Sonaha do in saud
na hinan, sonaha do ibahen Naibata mambahen gabe adong. Aha do
ibahen alatNi manompa haganupan in?

Bapa Ia panompaon pinasirsirNi Naibata songon on do, lang marhitei alat

atap pe horja, lang songon tukang Ia namanompa in, tapi lobih
hunjai do. Lang marhitei bahan na dob adong hinan. Tapi pitah
3
 marhitei hata na luar humbani pamanganNi anggo ihatahon Naibata,
“jadi ma ho na lihar” mintor jadi do. Sonai do bani haganup na adong
anggo domma ihatahon Naibata “jadi” saud ma ganup songon na
hinatahonNi ai.

Inang Tongon do ai, patut do longang hita manaksihon panompaon ai,

halani humbani na so adong gabe adong. Songon na isobut bani
istilah asing: “Creatio Ex Nihilo”. Pitah marhitei hataNi gabe adong
saud ganup. Ipasirsir Naibata do haganupan.

S Minggu Tapi dob itompa Naibata haganupan na adong on ihatahon bani

bibelta, marsaran do Ia bani ari papituhon. Sonaha do artini ai?
Namarsaran do Naibata das bani panorang on? Atap lang adong be
sihorjahononNi dob salpu panompaon ai?

Pemuda Lang songon ai artini ai, bogei nasiam ma: Dob honsi itompa Naibata
ganup na adong. Marsaran do Ia humbani panompaon ai, tapi sedo
marsaran humbani ganup horjaNi. Torus do Naibata mangkorjahon
ganup namadear banta. Buktini, dear do ganup natinompaNi das
hubani sonari, manggar-gar do suan-suanan, lambin bahat do age
jolma in. Aima hataridahanni bahasa marhorja do Naibata,
manramoti, marmudu-mudu ronsi mangkasomani haganup
natinompaNi in.

Majelis Anggo sonai patut do hape pujionta Naibata halani iparmudu-mudu

do hita das bani panorang on. Ibere do gogoh hubanta, ganup ari
ibere do hajorgiton pakon ganup na porlu banta. Halani ai patut do
tarpuji goranNi in, anjaha balosi hita ma ganup hataNi in, Amen.

5. Mandoding Haleluya No. 34 : 1-2 : “Sai Roh ma Bai Harang “

1. Sai roh ma bai harang i Betlehem on
Ganup naporsaya podas ma hujon
Manonggor hamegah ni uhurta in,
tinongos ni Bapa na i surga in
2. Sai tonggo hanima ma bai harang on
Ai tubuh dakdanak ijon borngin on
Jenges do rupaNi mataNi torang
Sai torih ma Ia, ho jadi siang

4
6. Liturgi II : Dousa pakon pangkorhonni
Prolog Malas tumang do uhurni Naibata : anggo ibagas malasni uhur,
damei, gok ibagas holong jolma in, daoh humbani hasunsahan pakon
hamagouan songon namasa bani si Adam pakon si Hawa i pohon
Eden. Malasni uhur ai torus do adong bani sidea sadokah balosan
atap marhabiaran hubani Naibata. Tapi gati tumang, iparseda jolma
haganup nadear in, gabe parrohkon hasusahan pakon hamagouan
bani dirini pakon bani hasoman

Bapa Hanami Bapa pe, age domma tangkas aturanni Seksi Bapa itongah-
tongahni GKPS tapi bahat do na lang parduli bani programni. Lang
ihaporluhon hasadaon ai laho mamantapkon tugas pakon
tanggungjawab ni bapa na sasintongni, tarlobih selaku malim
itongah-tongahni keluarga. Hotop do lang ipardiatei hanami
pargoluhanni keluarga pakon masa depan niombah. Gap do hanami
mamikkirhon diri nami sandiri. Kesulitan ekonomi pe gati do ibahen
hanami gabe sidalian mambahen lang roh hu partumpuan age hu
parmingguan. Hape ihasiholhon Tuhanta hita songon na tarsurat
bani 1 Petrus 2:9 “Ase gabe malim ma hita itongah-tongahni
keluarga”.

Inang Hanami inang, i keluarga, i masyarakat , i gareja gati do hanami

pabanggal-banggalhon hahuranganni hasoman. Sipata sogam do
uhur bani halobihan pakon hajengesonni hasoman sonai pakon
parsahap na sumsam. Bani partumpuan-partumpuan pe gati do
pitah mangidah-idah pakeanni hasoman na jenges, mamunten na
mambobahon kebaktian, patuduhkon haadongon pakon na legan.
Tanggung jawab itongah-tongah keluarga pe, ra do lang ipardulihon
hanami hinorhonni na gati martandangi, janah buei ope na legan
sipatorsaon bani goluh nami inang. Hape Hatani Tuhanta
mangkatahon bani Podah 31:31 “Sipaoto-oto do hajengeson anjaha
na lang do rupa na majenges, tapi parinangon na mabiar bani
Jahowa , ai do sipujion”.

Pemuda Anggo hanami, domma buei ibotoh hanami hatani Naibata.

Humbani Sikolah Minggu nari das hubani panorang on. Tapi gati do
hanami mapas bani hatani Naibata. Akibatni lang sai parduli hanami
bani bani kegiatan-kegiatan gereja. Partonggoan nami Pemuda pe
gati masalah, halani lang sai piga na roh. Hubani orangtua pe gati do
hanami memberontak. Anggo lang jumpah sura-sura nami ra do
hanami manunsahi orang tua. Tugas-tugas nami pe lang dear
ihorjahon hanami. Rahanan do hanami shopping, kumpul-kumpul
5
 pakon na legan na lang targorani. Hape nini Tuhanta do bani
Parambilan 11:9 : “Ase marmalasni uhur hanami sanggah haposoon
nami”.

S Minggu Iparsikolah mingguan iajari do hanami pasal Titahni Naibata, deba

ma ai pasangapkon orangtua, ulang manangko, ulang ra manaksihon
Hata na so tongon dompak hasoman jolma. Hape, hata ni Tuhan na
pasingatkon na tarsurat bani Epesus 6:1-3 ihatahon do : “Ase hanami
mambalosi namatoras nami pakon pasangapkon Bapa pakon inang “.

Majelis Tardilo do hanami gabe hasoman sahorja ni Kristus mangidangi Kuria

in. Tapi hotop do iparlaseihon hanami pandiloon ni Tuhan in. Sipata
bagei do nabahen sidalian, taridah do ai bani Roster Sipangidangi i
Gareja , sipata nabinahen sidalian gendo ulang martugas. Age
hasadaon nami sipangidangi hotop do jumpah lang songon
nahinarosuhkonni Tuhan in. Adong do na marsidomdoman,
menganggap diri sijagoan na maningon hatani sibalosan, hape sama-
sama Parmahan anjaha Sipangidangi do hanami. Itongah-tongahni
kelurga pe gati do lang taridah hasadaon ni Ambilan pakon goluh
nami. Age bani horja siganup ari hurang sai taridah do goluh nami
sebagai parhorja. Hape nini Tuhanta do bani 1 Korint 1:9 :”Haposan
do Naibata, na mandilo nasiam hu parsaoran pakom Anakni Jesus
Kristus Tuhanta in”.

7. Koor / Vocal Group

8. Mandoding Lagu Rohani “Gepe Gerger Dousanta”

Halani ai O hasoman haganupan hita da..
Ulang lupa hita da bai Hatani Tuhan in
Porirni au O Tuhanku na manlanggar titahMu..
Ulang moru holongMu, bangku na pardosa on
Gepe ger-ger dousanta songon..
Parger-gerni hiou hasumba
Gabe putih do ibahen Ham
Songon parputihni hapas
Hubanta pardousa on…
Hubanta pardousa on

9. Liturgi III : Bagah-bagahni Naibata bani sipardousa

Prolog Sonai ma janginni goluhni jolma na ibagas dousa. Daoh humbani

hadameian, gok ibagas gobir, hageoron, parsangsian ampa
6
 keputusasaan. Hamagouan do rupeini jolma ibagas dousa. Tapi
marhitei idop uhurni Tuhan, ipasirsir do dalan haluahon banta.

Bapa Gati do jolma mandolei bani goluh on. Lang adong pangarapanni
bahasa ari patar dearan humbani sadari on. Naima tene haganupan
in, halani dousa do. Porini sonaha pe lape mintor ganup jolma boi
roh hubani Tuhan in. Hape ihatahon Tuhanta do bani Mateus 11:28 :
“ Roh ma nasiam hubangku, nasiam na loja anjaha na boratan, ase
hupasonang nasiam”.

Inang Jangin tumang do pangkorhonni dousa bani goluhni jolma.

Hinorhonni dousa, gabe tubuh hagobiron bani goluh on. Gobir
mamingkirhon goluh siganup ari, gobir mamingkirhon niombah,
gobir mamingkirhon ari patar. Hape Tuhanta mangkatahaon bani 1
Petrus 5:7 : “Ompaskon nasiam ma haganup na hinolsohkon nasiam
huBani, ai isarihon do nasiam”. Ai ma tandani idopni uhurni Jahowa
na so ra marpunsa, mulak ratah do ai siap sogod, banggal do
habonaronNi”.

Pemuda Tongon tumang, hinorhonni dousa ai gabe tubuh ma use keragu-

raguan, tubuh keputus asaan mambahen madabuh hubagas
pandoleian. Lang adong semangat manatap ari na laho roh. Nini
Tuhanta bani Jesaya 43:11 :”Ulang ho mabiar, Ahu do hasomanmu.
Marhiteihonni ai gabe jumpah pangarapan na toguh bani goluh
haposoon”.

S.Minggu Sanggah i Parsikolah mingguan hudingat do ayat na tarsurat bani

Johanes 3:16:”Ai sonon do holong ni uhurni Naibata bani dunia on,
pala do Anakni na sasada in iberehon, ase ulang magou ganup
naporsaya Bani, tapi ase hagoluhan na sadokahni dokahni Bani”.
Berarti na totap do Naibata patugahkon holong ni uhurNi banta.

Majelis 1 Upahni dousa aima hamateian. Seng dong hagoluhan nag ok ibagas
malasni uhur anjaha damei na manongtong. Ai nini Tuhan do bani
Tangis-tangis 3:31-32 : “Ai seng ra Tuhan in mangambukkon halak
ronsi sadokahni dokahni . Ai agepe domma marhoeu ibahen, holong
do use uhurni romban hubani hinabueini idopni uhurni”.

Majelis 2 Nasiam hasoman, bagah-bagah ni Naibata na pasirsirhon hasasapan

ni dousa pakon haluahon bani ganup jolma. Songon na ibaritahon
nabi-nabi naparlobei in :”Ale boru Sion, marolob-olob ma ho ale
boru Jerusalem, tonggor ma, na roh Rajamin marayak ho : parpintor
7
 anjaha Siparmonag do Ia. Toruh do uhurNi anjaha mangajak halode,
anakni halode boru-boru”. Ase alo-alo hita ma parrohNi.

10. Mandoding Haleluya No. 385 : 1-2

1. Ai domma tubuh saborngin on, Panondangni dunia on
Usih songon angkulanta in, Immanuel Goran Nin
Tarbogei dodingni malekat, i talun Efrata
Mamuji Tuhanta na sangap, panggomgom na totap
2. Age sombuh partubuh Niin, daulat do tong uhur Ni in
Ase ganup na tinompa in mamuji Goran Niin
Ai Ia simada kuasa, gok bai do ganup in
Mangimbang sibolis ‘ge dousa, seng dong usihan Niin

11. Galangan Koor/ Vocal Group/ Puisi

12. Liturgi IV : Barita Partubuhni Sipaluah in

P Marhagogohon do Hata ni Tuhan in anjaha totap do ronsi sadokahni
dokahni, saud do haganupan bagah-bagahNi. Domma roh Sipaluah
na pasir-sirhon Haluahon banta jolma.

S. Minggu 1. Mambasahon Jesaya 9 : 1 – 2

2. Mambasahon Mika 5 : 1
3. Mambasahon Mateus 1 : 21
4. Mambasahon Lukas 2 : 10-11
Bapa Tongon tumang do na tarsurat in. Barang ise na porsaya parrupei do
ia bani hagoluhan na sadokahni dokahni . Seng mardalan bani na
golap namangirikkonSi, halani Jesus do Dalan Hasintongan ampa
Hagoluhan.

Inang Jesus do haholongan in anajah halak na totap ibagas holong ai do na

totap ibagas Jesus anjaha Jesus ibagas Ia. Hunjon do gabe talar
holong ni uhur ni Naibata hubanta aima marhitei na dob sinuruh ni
Anakni na sasada in hu dunia on ase manggoluh hita marhiteihonSi.
Ia do Naibata na sintong anjaha hagoluhan na sadokahni dokahni
jumpah ia Bani.

Pemuda Gabe daging ma Hata in janah domma marianan itongah-tongahta.

Domma ididah hanami hasangaponni anak sasada na humbani Bapa
in. Gok do idopni uhurNi ampa HasintonganNi. Haleluya,

8
 hasangapon bani Naibata na ibabou anjaha damei ma i tanoh on
bani jolma na hinarosuhkonni uhurNi.

Majelis Anggo ipaluah Anak in nasiam, maluah botul ma nasiam. Barang ise
na mangkorjahon HataNi seng idahonni be hamateian na sadokahni
dokahni. Bani Lukas 11:28 nini do : “Martuah ma na mambogei Hata
ni Naibata anjaha na marimbagaskon ai”.

13. Mandoding Haleluya No. 45 : 1+2

1. Malasni uhur na banggal na huambilankon on
Domma tubuh Sipaluah bai hita jolma on
Sangap bani Naibatanta, damei damei damei ma bani jolma
Malas uhurni Naibatanta bai hita jolma on
2. Ai saborngin on do poltak bintang bai na golap in
Na lao palihar na golap bani uhurta in
Sangap bani Naibatanta, damei damei damei ma bani jolma
Malas uhurni Naibatanta bai hita jolma on

14. Liturgi V : Pengakuan bani pambahenanni Jahowa

Prolog Sonaima banggalni holongni Naibata hubanta, halani ai patut ma
ibahen hita goluhta laho mambalosi Jesus marhitei mangkobaskon
horja namadear. Tahun Kemandirian Bertheologia domma
ihobaskon hita bani tahun 2019 on, ase lambin jonam, toguh
marurat, marbuah ibagas pangarusion ampa habotohon pasal
Kristus.

Bapa Mangkobaskon Horja namadear, onma na gabe onjolan ase goluh on

totap marbuah halani in puho janah hobas ma hita anjaha margogoh
manramotkon Rumah tangganta bei, ase bo jonam janah toguh
marurat marbuah ibagas Kristus in. Nini Tuhan bani Pilipi 4:13 :
“Haganup do tarhorjahon ahu marhiteihon Ia, namargogohi ahu”.

Inang Jalo janah hagoluhkon hita ma partubuhni Kristus Sipaluah in,

husaksihon ma paboa seng dong sad ape haluahon sobali Kristus
napaluahkon hita. Anjaha sada do Tuhan in, inma Jesus Kristus
parhiteianni haganup nini hatani Naibata bani 1 Korint 10:31 “Aipe
atap na mangan atap na minum nasiam, atap ahape ihorjahon
nasiam, bahen nasiam ma haganup ai pasangapkon Naibata”.

9
 Pemuda Songon Doding on ma pengakuan name Pemuda :
Mandodingkon Haleluya No. 343:1+4
1. Banggal tumang do holongMu, pabayu goluhkon
Na doyuk kahou magou, hape maluah do
4. Hujolom padan na toguh, in ma HataNI in
Ai Tuhan in do gogohkin, na hot sadokah niin

S Minggu Songon doding on ma pangindoan name

1. Mandodingkon Haleluya No. 8 : 1-2
O Jesus hasomani, hanami haganup
Pasada uhur name ase torang ganup
2. Seng boi dalanon name sanlangkaah na torsa
Dob Ham hasoman name, torang age huja

Majelis Ai Harga do hita itobus. Halani ai, hargahon hita ma partobusNi ai.
Pongkut ma tongtong madalankon horja ni Tuhan. Barang ise na
ibagas Kristusnna tinompa na baru ma in. Dolma salpu sisapari,
tonggor ma domma gabe na baru. Songon panaksihonon ni Apostel
Paulus sonai ma homa riap hita mangakuhon bahasa seng be ahu na
manggoluh in nuan, tapi Kristus ma na manggoluh ibagas ahu. Na
mangkaholongi ahu anjaha na mamberehon diriNi manghopkop Ahu

15. Mandoding Haleluya No. 39 : 1-2 Sonang ni, Borngin ni in

1. Sonang ni, borngin ni in, sanggah roh Jesus in
Sonang modom do halak ganup, dua mando na puho in rup
Mangoromi Anakni Jesus Tuhanta in
2. Dear ni bornginni in, sanggah roh Jesus in
Bai parmahan i Betlehem in, ipatugah nah un surga in
Domma roh Sipagoluh, Jesus Tuhanta in

16. Ambilan

17. Mandoding Haleluya No. 316 : 1-3 Sai Puji ma Tuhanta in (Irik Patumpu
galangan)
1. Sai puji ma Tuhanta in, ai tubuh Jesus in
Sai jalo ma Rajanta in, pasir sir ma uhurmu in
Mandoding puji ma, mandoding puji ma
10
 Mandoding puji Tuhan in
2. Megah ganup dunia on, marsangap Tuhan in
Ganup mamuji Tuhan in, pakon ganup tinompa Nin
Mandoding puji ma, mandoding puji ma
Mandoding puji Tuhan in
3. Sonang ma hita haganup, ai sasap dousa in
Ipasu-pasu do ganup, ase maluah hita rup
Humbai hamagouan, humbai hamagouan
Humbai hamagouanta rup

18. Tonggo Panutup – Pasu-pasu (Jongjong kuria)

P Ham Bapa nami na so tarimbang, tarimakasih ma isombahkon hanami
huBamu halani domma ipasaud Ham bagah-bagahMu hubannami
J Pargogoh naso tarimbang do tongon Ham, janah saud do haganup sura-
suraMu.
P Domma tongon ididah hanami janah idai hanami malas ni uhur na
pinasirsirMu in bennami marhitei AnakMu Jesus Kristus.
J Tambahi Ham ma gogoh nami ase lambin talar pangidah name bani
kuasaMu janah ase lambin talar homa pangarapan name huBamu.
P Ham Tuhan, isura uhurMU do ase haganup dunia on, mandaihon
haluahon ampa hagoluhan na humbaMu marhitei partubuhni AnakMu
Sipaluah in. Idilo Ham do homa hanami gabe hiteiMu laho pasaudkon
sura-suraMU in.
J Bahen Ham tongon hanami gabe saksi-saksi laho manaksihon pardameian
ampa Haluahon nahumbaMu
P Riap ma hita mangkatahon Tonggo na niajarhon Tuhan Jesus Kristus
hubanta
P+J Ham Bapanami…………
P Ipasu-pasu anjaha iparorot Tuhan Naibata ma Ham/ Hita. Isondangkon
Tuhan Naibata ma bohiNi hubamu/banta Janah maidop ma uhurNi
mangidah ham/hita. Idompakkon Tuhan Naibta ma bohiNi hubamu/
hubanta. Janah ipasorap ma dameiNi hubamu/ banta. Amen

III. POSTLIDIUM :

Marsalam- salaman irik mandodingkon : “Selamat Hari natal “

11