TATA IBADAH

68 TAHUN SEKSI NAMAPOSO GKPS

(1953 – 2021)

Tema:
"Hasadaon pakon Pangidangion na Marbuah" (Kolosse 1:10)

Subtema:
"Mangarahkon Kuria Marsitungkolan pakon Marsipatoguhon
ampa Marsipardiateian Mandompakkon Paruntolan ni Goluh."
1. PERSIAPAN PAKON PROSESI
 Petugas ibadah martonggo i konsistori.
 Dilo-dilo.

P. Salam Hasadaon pakon Pangidangion na Marbuah ma hubanta haganupan! Syalom

janah horas ma hubanta haganup kuria ni Tuhanta na martumpu bani pesta malas ni
uhur sadari on. Ipasirsir Tuhanta do tunas na majenges, songon bunga na mangerbang,
in ma na maposo i tongah-tongah ni kuria-Ni. Patut do marmalas ni uhur hita ganupan
– tarlobih ma ai namaposo – halani ipasu-pasu janah iparmaloi Tuhan in do ganup
namaposo gabe sijolom horja i tongah-tongah ni kuria in. Halani ai puji hita ma goran-
Ni Napansing in. Riap ma hita jongjong!
 Prosesi petugas ibadah.
Singers (mandodingkon) “Tuhan Husombah Ham”
      

2. VOTUM – INTROITUS – TONGGO (Jongjong)

P. Ibagas goran ni Naibata Bapa pakon Tuhan Jesus Kristus ampa Tonduy Napansing,
Sitompa langit pakon tanoh on.
P.&K. Amen.
P. Martuah ma halak na so ra mangihutkon riah ni halak parjahat,
K. na so ra jongjong bani dalan ni pardousa, anjaha na so ra hundul bani tumpuan ni
halak sipanrisai.
P. Tapi titah ni Jahowa do harosuh ni uhurni,
K. sai titah-Ni ai do ipingkiri arian pakon borngin.
P. Songon hayu do ia na sinuan i topi ni bah mardalan, na marbuah bani musimni,
K. bulungni pe seng ra melus, anjaha sagala hinorjahonni manjadi do.
P. Seng sonai anggo halak parjahat, tapi songon lapa-lapa hinabangkon ni logou do
sidea.
K. Halani ai seng tahan halak parjahat i lobei ni paruhuman, sonai homa pardousa
ibagas humpulan ni halak parpintor.
P.&K. Ai itanda Jahowa do dalan ni halak parpintor, tapi sai maseda do dalan ni halak
parjahat.
P. Haleluya…Haleluya….Haleluya
P.&K. (Mandodingkon) Haleluya…Haleluya…Haleluya...

Pemuda GKPS 68 Tahun | 1

 P. Martonggo ma hita. Ham Tuhan Naibata parholong na tarsulur. Ipuji hanami do
goran-Mu na pansing in. Gok malas ni uhur do nuan hanami kuria-Mu bani na
ipestahon hanami Minggu pakon pesta ulang tahun ni Namaposo i tongah-tongah ni
kuria-Mu GKPS. Tangkas do nuan bannami banggal ni holong-Mu ronsi dear ni
layak-Mu na sai totap marmudu-mudu goluhnami. Ham ale Tuhan, pasu-pasu Ham
ma ganup kuria-Mu tarlobih Namaposo, ase sai tong ringgas janah hobas bani horja
i rumah-Mu na pansing in. Totap ma paahapkon Ham holong ampa kuasa-Mu
hubannami, ase sai gok pamujion ampa hasaksian goluhnami tongtong. Jalo Ham
ma tonggonami on ibagas goran ni Anak-Mu, Jesus Kristus Tuhannami. Amen.
(Hundul Kuria)

3. DODING (HALELUYA NO. 450:1-3)

Sihol do uhurnami Tuhan. Pajumpah bohi pakonni Ham
:,: Sai roh ma Ham sonari Tuhan! Podahi Ham hanami
Sipangindoannami nuan. Sorapi uhurnami Tuhan.
:,; Sai roh ma Ham sonari Tuhan! Podahi Ham hanami.
Ai Ham do na margogoh tongon. Lao patorsahon hanami on.
:,: Sai roh ma Ham sonari Tuhan! Podahi Ham hanami.

4. HASASAPAN NI DOUSA (Jongjong)

P. Ibagas unduk pakon toruh ni uhur, sopotkon hita ma dousanta hubani Tuhan Naibata!
P.&K. (mandodingkon) “Ham Ale Tuhan”

P. Ham ale Tuhan, roh do nuan hanami hu lobei-lobei-Mu. Mangaku do hanami, gok
dousa ampa habutakon do parlahounami. Lang talup hanami mandompakkon paratas-
Mu in.
K. Ham ale Tuhan, holong ma Ham bannami pardousa on.
Nmp. Itodoh Ham do hanami gabe simada tanggung jawab i tongah-tongah ni kuria-Mu, tapi
gati do lang iparimbagaskon hanami horjanami in. Goluhnami lang ibagas aturan
anjaha ruhut ni paruhuran na lang manontu – in do gati manrajai hanami. Ipaturut
hanami do uhurnami ibobai rosuh janah hisap ni dunia on, mambahen gabe daoh
hanami humBamu pangkorhon ni in. O Tuhan, holong ma Ham bannami, ulang
padingat-dingat Ham ganup dousa panlanggaronnami in.
P.         Ham ale Tuhan, marpangulaki ma uhur-Mu hubennami.
P.&K. (mandodingkon) “Ham Ale Tuhan”
Pemuda GKPS 68 Tahun | 2
Nmp. Anggo ididah janah irimang-rimangi hanami dirinami sonai age parlahounami, lape
talup namin hanami marugas Bamu. Lape gabe niombah na sintong hanami i lobei-Mu
sonai age i lobei ni namatorasnami. Lape ope gabe sipangarah hanami hubani hasoman
na talup pajumpah pakon Ham. Lang ope tinggil panangarnami bani doruh-doruh ni
hasoman na talup sitoguon ampa siuruponnami. Bani hahurangannami in, holong ma
Ham Tuhan, sasap Ham ma dousanami.
P.         Ham ale Tuhan, marpangulaki ma uhur-Mu hubennami.
P.&K. (mandodingkon) “Ham Ale Tuhan”
P.         Ham Tuhan Naibata Bapanami, tangihon Ham ma tonggonami on.
Nmp.  Ham ale Tuhan, talar do i lobei-Mu ganup dousa hahurangannami in. Halani ai, ibagas
toruh ampa unduk ni uhur, mangindo ma hanami hu Bamu, holong ma Ham bannami.
Patalup Ham ma hanami gabe Namaposo GKPS na bujur janah siparuhur, na sari bani
ganup horja janah tongtong sipangihut bani podah-Mu janah na lang urah madabuh
bani hisap ni hadagingon.
P.         Ham ale Tuhan, marpangulaki ma uhur-Mu hubennami.
P.&K. (mandodingkon) “Ham Ale Tuhan”
P.         Tangar anjaha haporsayai hita ma Hata ni Naibata, bagah-bagah pasal hasasapan ni
dousa. “Domma Hupasisi salahmu songon hombun, anjaha songon hombun manorap
dousamu. Mulak ma ho hu Bangku, ai Ahu do na manobus ho.” Ibagas holong ni
Naibata, domma isasap haganup dousanta. Halani ai, pataridahkon hita ma tanda-tanda
ni pargoluhon na bayu. Hasangapon ma bani Naibata i babou.
P.&K. Amen. (Hundul Kuria)  

5. DODING (HALELUYA NO. 440:1-2)

Ija do jumpah parsaranan sonai ampakon hasonangan.
Sai ganup tikki ge ganup panorang, margantih soluk roh ni paruntolon.
Sompong tartawa tapi lang madokah, holsoh marganjang mamingkirhon goluh.
Lao mansarihon haganup na hurang, lanjar do lalap lang marhasungkupan.
Seng jumpah hita in bai goluh, anggo lang roh hita bai Jesus.
Gok bai Tuhanta do in haganupan, mambere goluh na marhasungkupan.
Anggo sonai bai Jesus ma roh hita, mangindo aha do na porlu banta
Sirsir do Jesus mangurupi hita, asal ma Ia tong parsuhutanta.

6. HATA HAPORSAYAON

7. ACARA KHUSUS HUT SEKSI NAMAPOSO GKPS

a. Mambasa Tonah/Manaksihon Video Tonah ni Pimpinan Sinode GKPS
b. Mambasa Puisi
c. Tonggo Pangapition

Pemuda GKPS 68 Tahun | 3

 d. Vocal Group/Koor Namaposo
8. DODING (HALELUYA NO. 424:1+3)
Tuhanta do na marmahani hita,
marhorja age marsaran pe hita ibagas tahun on.
Ai Ia do na margogoh tongon, mambere na porlu banta.
Marhorja, marhorja ma hita, martonggo ulang homa lupa.
Marhorja bagas hasintonganni, seng soya gogohmu. 
Tangan-Mu na gogoh in Naibatangku,
tampeihon Ham ma bai simanjujungku, mamasu-masu au.
Buei do, buei tumang munsuhkin, na sihol mandorap ahu.
Gogohku seng tarpangajamkon  manlawan ganupan munsuhku.
Maningon Ham do na mangkasomani, ase margogoh au.

9. AMBILAN

10. GALANGAN
Prb. Paima iondoskon hita galanganta, tangar hita ma lobei Hata ni Naibata na gabe onjolan
banta laho manggalang, aima na tarsurat bani Psalmen 116:17-18, “Bamu ma
galangkononku galangan puji-pujian anjaha goranni Jahowa ma padilo-diloonku.
Bagah-bagahku bani Jahowa hugalari ma!”
Sonari patumpu hita ma galanganta.
P.&K.(mandodingkon) “Galangan”

Pemuda GKPS 68 Tahun | 4

11. TONGGO PANUTUP + PASU-PASU (Jongjong)
Prb. Martarima kasih do hanami Tuhan halani domma 68 tahun hajongjonganni seksi
Namaposo i tongah-tongah ni kuriaMu GKPS. Ham do na mambobai kuria-Mu ale
Tuhan.
K. Talup do hanami pataridahkon goluh na tongtong marondos Bamu janah ringgas
bani ganupan horja.
Prb. Sirsir do hanami laho mangidangi Ham ale Tuhan, romban hubani hasintongan-
Mu in.
K. Sari janah parholong hubani hasomannami, ai in do ipodahkon hata-Mu.
Prb. Etah, dalankon hita ma horja na marsiurupan. Marsitoguan janah marsitungkolan
ma hita bani ganup na borat.
K. Marsipatoguhan janah marsipardiateian ma homa goluhta siganup ari.
Nmp. Hanami on do na gabe saksi janah suruhan-Mu, Ham o Tuhan Sipaluah hanami.
Prb. Halani domma 68 tahun hajongjongan ni Namaposo i kuria-Mu.
K. Lambin magodang janah matoras ma sidea ibagas panandaion hu Bamu.
Prb. Domma ipatumpu hanami galangannami, tanda ni hatarimakasihonnami Bamu.
Sai jalo anjaha pasu-pau Ham ma on laho manumpaki pardalanni horja i tongah-
tongah ni kuria-Mu. Ojur anjaha paingat Ham ma tongtong hanami, ase parlobei
ma hanami mangondoskon dirinami gabe galangan na manggoluh i lobei-lobei-Mu
halani domma parlobei Ham mangondoskon diri-Mu bahen tobusannami. Amen.
Pemuda GKPS 68 Tahun | 5
 Prb.&K.(mandodingkon) “Galangan” (Reff.)
Prb. Ham Bapanami na i nagori atas, sai na papansing ma goranMu, ….. psb.
Prb.&K. (mandodingkon) Ai Ham do simada harajaon…. pst.
Prb. Laho ma nasiam, janah “Pindahi nasiam ma na madear, ulang ma na jahat, ase
manggoluh nasiam; ase tongon ma Jahowa, Naibata Zebaot hasoman nasiam,
songon na hinatahon nasiam.”
Jalo ham (hita) ma pasu-pasu humbani Tuhan Naibatanta:
Ipasu-pasu anjaha iparorot Tuhan Naibata ma ham (hita). Isondangkon Tuhan
Naibata ma bohi-Ni hu bamu (hu banta) janah maidop ma uhur-Ni mangidah ham
(hita). Idompakkon Tuhan Naibata ma bohi-Ni hu bamu (hu banta) janah ipasorap
ma damei-Ni bani tonduymu (tonduyta bei). Amen.
Prb.&K.(mandodingkon) Amen. Amen. Amen.

12. POSTLUDIUM (Irik Marsalam Sehat)

Pemuda GKPS 68 Tahun | 6

Puisi

NAMAPOSO GKPS GENERASI HARAPAN BANGSA DAN GEREJA

Namaposo GKPS
S elepas kau memperoleh selusin bimbingan dan teguran cinta kasih Tuhan
E lok sekali bagimu memandang hamparan kehidupan di padang yang tersajikan
K an kau temukan di sana tumpukan air jernih dalam sebuah penampungan
S ejuk… ya sejuk dan segarnya sumber kehidupan itu, indah serta menawan
I nilah gumpalan waktu yang Tuhan berikan guna melumpuhkan segala keakuan

Namaposo GKPS
N amamu hadir pada tahun 1953, dan kaulah ribuan pasukan sang Mukhalis
A da tertanam di dalam sanubarimu sembilan buah-buah Roh dan sikap kritis
M ungkin ketika datang terpaan badai tornado kehidupan membuat idealismemu terkikis
A mbil dan tancapkanlah iman di jantung hatimu guna menyelimuti kulit batang tubuhmu agar tidak menipis
P emikiranmu yang cemerlang gantungkanlah pada jangkar kapal Tuhan agar terjaga dan eksis
O h Tuhan, bilamana hadir pun senja, buram pun mata serta tubuh menua kami tetap menjadi hidangan-Mu yang manis
S ebab Kabar Baik yang menjulang tinggi itu bersemayam dalam jiwa kami sebagai ahli waris
O h Tuhan kami berterimakasih jika terlahir sebagai makhluk sosial akan tetap di jalur optimis

Namaposo GKPS
G enerasi Milenial, Generasi Harapan Bangsa, dan Generasi Harapan Gereja, itulah dirimu
K erajaan Allah dan Kemuliaan-Nya, bentangkan dan kumandangkan dengan tak jemu-jemu
P ada satu hari nanti nuansa keimanan bangsa Simalungun akan ditanyakan kepadamu
S elamat bagimu, berkat Tuhan sudah nyata dan akan terus nyata dalam hidupmu.

Selamat Ulang Tahun Seksi Namaposo GKPS Ke 68 Tahun

Pdt. Novrando Sinaga, M.Th.

GKPS Res. Pematang Purba

Pemuda GKPS 68 Tahun | 7