0 penilaian0% menganggap dokumen ini bermanfaat (0 suara)
30 tayangan3 halaman
Kebaktian Minggu di GKPS Resort Tebing Tinggi membahas topik "Na so ra marpunsa do idopni uhurni Jahowa". Acara dimulai dengan votum, nyanyian pembuka, doa syukur, bacaan Alkitab, khotbah, pengakuan iman, perayaan Perjamuan Kudus, pengumuman, dan penutup dengan doa. Khotbah membahas tentang hidup yang dijanjikan oleh Allah bagi mereka yang percaya kepada-Nya.
Kebaktian Minggu di GKPS Resort Tebing Tinggi membahas topik "Na so ra marpunsa do idopni uhurni Jahowa". Acara dimulai dengan votum, nyanyian pembuka, doa syukur, bacaan Alkitab, khotbah, pengakuan iman, perayaan Perjamuan Kudus, pengumuman, dan penutup dengan doa. Khotbah membahas tentang hidup yang dijanjikan oleh Allah bagi mereka yang percaya kepada-Nya.
Kebaktian Minggu di GKPS Resort Tebing Tinggi membahas topik "Na so ra marpunsa do idopni uhurni Jahowa". Acara dimulai dengan votum, nyanyian pembuka, doa syukur, bacaan Alkitab, khotbah, pengakuan iman, perayaan Perjamuan Kudus, pengumuman, dan penutup dengan doa. Khotbah membahas tentang hidup yang dijanjikan oleh Allah bagi mereka yang percaya kepada-Nya.
Minggu 02 Oktober 2022 Topik : Na so ra marpunsa do idopni uhurni Jahowa 1. Votum-Introitus-tonggo P: Riap ma hita jongjong. Ibagas goranni Naibata Bapa, pakon Tuhan Jesus Kristus ampa Tonduy Napansing sitompa langit pakon tanoh on. Amen Ai ipatalar do ijin hapintoran ni Naibata, humbani haporsayaon hubani haporsayaon, songon na dob tarsurat : Na manggoluh do parpintor in halani haporsayaonni. Haleluya, Haleluya, Haleluya! K: (Mandodingkon) Haleluya, Haleluya, Haleluya! P: Martonggo ma hita! Ham Tuhan Naibata, na i Nagori Atas simada hasintongan. Holong ma uhur-Mu, bere Ham ma Tonduy-Mu manorangi uhurnami ase boi itimbangi anjaha ibotoh hanami harosuh pakon na so iharosuhkon Ham. Hasomani janah togu-togu Ham ma hanami ase margogoh hanami mangkorjahon harosuh-Mu janah ase boi ibagas na sintong pardomuannami pakon Ham bani panorang on, marhitei Jesus Kristus Tuhannami. AMEN 2. Madoding Haleluya No. 401 : 1-2 3. Hasasapan ni dousa P : Riap ma hita jongjong. Martonggo ma hita sopotkon hita ma dousanta hubani Tuhan Naibata. Ham Jesus Kristus Tuhan na pansing anjaha na dob papansingkon hanami. Na mangaku do hanami, gati do lang ihargahon hanami hapansingon na dob ilayakhon Ham bannami marhitei goluh na ibagas habutakon. Pangkorhon ni hamajuan ni jaman, lambin marbagei do horja-horja hadousaon na lang pitah parsedahon hauhuron tapi dihut do mangkorhon naboritni pardagingon. Namangaku do hanami ilobeimu, Holong ma atei-Mu, sasap Ham ma dousanami, urasi janah iankon Ham ma uhurnami marhitei Tonduy-Mu ase lambin manggoluh ibagas hapansingon. Ham Tuhan, holong-Mu tumang do na iarapkon hanami bani pangindoannami on. Amen Tangar anjaha haporsayai hita ma Hatani Naibata, bagah-bagah pasal hasasapan ni dousa “On do ibahen Naibata : Mangkopkop hita gabe dousa do Ia, na so mananda dousa, ase gabe hapintoron ni Naibata hita ibagas Ia”. Ibagas holong ni Naibata, domma isasap haganup dousanta. Halani ai, pataridahkon hita ma tanda-tanda ni pargoluhan na bayu. Hasangapon ma bani Naibata i babou. K: Amen 4. Mandoding Haleluya No. 237 :1-2 5. Manaksihon Haporsayaon P: Riap ma hita jong-jong! Saksihon hita ma haporsayonta in, songon na sinaksihonni haganup halak na porsaya bani sab tanoh on! K : Ahu porsaya bani Naibata Bapa …… 6. Mandoding Haleluya No.348 : 1,3 7. Tingting Kuria Pakon Tonggo Syafaat 8. Mandoding Haleluya No. 352: 1-2 9. Ambilan : TANGIS- TANGIS 3: 19 - 26 10. P: Paima iondoskon hita galanganta, tangar hita ma lobei hata ni Naibata na gabe onjolan banta laho manggalang, aima na tarsurat bani: Psalmen 50:14 “Galangkon ma banggal ni uhur bani Naibata, anjaha galari ma bagah-bagahmu bani sitimbulan in”.Sonari ondoskon hita ma galanganta. (iiringi Musik/Lagu) 10.Tonggo Galangan-Panutup-Pasu-pasu P: Riap ma hita jongjong .Martonggo ma hita mangondoskon galanganta hubani Naibata! Ham Tuhan Naibata Bapa nami, paridop ni uhur, harohanni sagala pasu- pasu. Tarimakasih ma isombahkon uhur nami huBamu halani hunBamu do ijalo hanami pasu-pasu na gokan dear pakon na laingan. Bani panorang on isombahkon hanami huBamu na gabe galangan nami, diri nami pakon hinadongan nami na dob binereMu in. Pasu-pasu Ham ma galangan na sinombahkon nami on, gabe galangan na mapansing na mambahen harajaonMu lambin marhataridahan i dunia on. Ungkap Ham ma uhurnami marhitei TonduyMu, ase lambin ididah, ibotoh janah ihamalaskon uhur nami bueini silayak-layakMu, na dob ijalo hanami pakon na sihol bere on Mu ope hubannami. Ajari Ham ma hanami laho mangondoskon galangan nami na patut galangkonon nami huBamu. Jalo Ham ma galangan pakon tonggo elek-elek nami on, ibagas Jesus Kristus Tuhannami. Amen. K: (mandodingkon Hal 340:1) “Huondoskon bani Jesus” P : Ham Bapa nami na i nagori atas, sai na papansing ma goranMU, sai roh ma harajaonMu, sai saud ma harosuhni uhurMU inagori tongah on songon na inagori atas. Bere Ham ma bennami sadari on hagoluhan ari-ari. Sasap Ham ma dousa nami songon panasap nami bani dousani hasoman na mardousa dompak hanami. Ulang hanami bobai Ham hu parlajouan, paluah Ham ma hanami humbani pangagou...... K : (mandodingkon) “ai Ham do simada …” P: Laho ma nasiam, janah “Ulang ma surut ringgas ni uhur nasiam, hinsah ma ibagas tonduy, sirsir ma mambalosi Tuhan in” Jalo ham (hita) ma pasu-pasu humbani Tuhan Naibata : “Ipasu-pasu anjaha iparorot Tuhan Naibata ma ham (hita). Isondangkon Tuhan Naibata ma bohiNi hubamu (hubanta) janah maidop ma uhurNi mangidah ham (hita). Idompakkon Tuhan Naibata ma bohiNi hubamu (hubanta) janah ipasorap ma dameiNi bani tonduymu (tonduyta bei). Amen K: (mandodingkon) “Amen … amen … amen …”