TATA IBADAH MINGGU GKPS DEPOK

MINGGU EXAUDI
MINGGU 24 MEI 2020

Warta Jemaat

Praeludium :

Mandoding Haleluya 496 : 1-2 “Idilo Tuhan Naibatanta”

1. Idilo Tuhan Naibatanta, haganup Kuria-Ni in.
Ase manjalo haluahon, nabinoban ni Kristus in
Tangihon ma dilo-dilo-Ni, pateleng ham ma pinggolmu.
Ulang manosal holi dob ni, bai ujung ni panorangmu.

2. Sai jalo ma ganup hata-Ni, sai buhai ma uhurmu.

Sonai homa ge sinondang-Ni, in ma baen gabe suluhmu.
Tangihon ma dilo-dilo-Ni, pateleng ham ma pinggolmu.
Ulang manosal holi dob ni, bai ujung ni panorangmu.

Bernyanyi "Kubawa Hidupku S'karang"

Kubawa Hidupku S'karang

Ke Tempat Kudus-Mu Tuhan
Di Mezbah-Mu Kuserahkan
Seluruh Hidupku
Penuhi Hatiku S'karang
Dengan Urapan Yang Baru
Agar Aku Lebih Lagi
Mendengar Suara-Mu

Jadikan Aku Tuhan

Rumah Doa-Mu
Agar Semua Suku Bangsa
Datang Menyembah-Mu
Jadikan Aku Tuhan
Rumah Doa-Mu
Agar Semua Suku Bangsa
Datang Menyembah-Mu

1. VOTUM – INTROITUS – TONGGO :

Paragenda : Riap ma Hita Jongong

Paragenda : Ibagas goran ni Naibata Bapa, pakon Tuhan Jesus Kristus ampa
Tonduy Na Pansing,

Kuria : Sitompa langit pakon tanoh on. Amen.

Psalmen 103 :1 – 6.
P : Puji ma Jahowa ale tonduyhu.
K : Anjaha hun bani gok ni uhurhu mamuji goran-Ni Na Pansing in.
P : Puji ma Jahowa ale tonduyhu.
K : Anjaha ulang ma halupahon ganup dear ni layak-Ni.
P : Ia do na manasap sagala dousamu.
K : Anjaha Ia na pamalumkon sagala naboritmu.
P : Na paluahkon goluhmu humbani hamagouan.
K : Na mansortalihon bam dear layak ampa idop iii uhur.
P : Na pabosurhon sura-suramu marhitei na madear.
K : Ase mulak bayu haposoonmu, songon manuk-manuk nanggordaha.
P : Jahowa na mambahen hapintoron.
K : Anjaha na pasintongkon uhum bani halak na hona dorun.
P : Haleluya
P+K : (Mandodingkon) Haleluya, Haleluya, Haleluya.
P : Martonggo ma hita
Ham Tuhan Naibata Bapanami , Pardear layak do Ham manangihon
dilo-dilo ni haganup jolma. Paeleng Ham ma pinggolMu manangihon
pangindoanmami. Tonduy napansing in ma manorapi uhur ni haganup
kuriaMu, ase riap hanami manangihon hataMu, janah ase lambin sintong
janah pitah haporsayaonnami hu Bamu. Amen

Hundul ma Kuria

2. Mandoding Hal. 402 :1-2 “Puji ma Naibatanta”

1. Puji ma Naibatanta bai ianan Na PansingNi in, Bai paratas hamuliaonNi in

Haleluya, Haleluya Puji ma Naibata.
Pasangap ma goranNi halani pambahenanNi in, ampakon hagogohonNi in
Haleluya, Haleluya pasangap Naibata
Pahata ma tarompit ge arbab pe, irandu pakon gondrang husapi pe
Irik homa sarunei ge sordam pe, sonai ampakon ogung marolol bei
Puji ma rumbuk ma baen parhata ni parugas in
Sombah ma marhiteihonni doding na lurlur ijin

2. Puji ma Naibatanta Sipargogoh na tarsulur in, Parsimada harajaon in

Haleluya, Haleluya Puji ma Naibata
Pasangap ma goranNi, ale ganup na marhosah in, Ningon rup ma mamuji ijin
Haleluya, Haleluya Pasangap Naibata
Pahata ma tarompit ge arbab pe, irandu pakon gondrang husapi pe
Irik homa sarunei ge sordam pe, sonai ampakon ogung marolol bei
Puji ma rumbuk ma baen parhata ni parugas in
Sombah ma marhiteihonni doding na lurlur ijin

3. HASASAPAN NI DOUSA :
Paragenda :
Riap ma hita jongjong! Martonggo ma hita mansopotkon dousanta.
Ham Tuhan Naibata, ibagas toruh ni uhur roh do hanami huBamu mamboban
hagalekonnami. Ai na mangaku do hanami, buei do lang ihorjahon hanami aha
na patut sihorjaonkonnami. Halani ai patut do hanami honaringisMu. Ham
Tuhan, idop ma uhurMu bennami.

Kuria : (Mandodingkon Haleluya No. 238: 1)

Sai hu lobeimu Tuhanku, huuseihon uhurhon; Sai pasiat Ham tonggongku,
pakon ganup iluhkon.

Paragenda :Gati do hanami mangelak humbani tanggung-jawabnami, janah

hurang barani do hanami mamorsan silang, halani mabiar hanami bani resiko.
Bueinan do ipakei hanami panorang mamingkirhon dirinami sandiri marimbang
mamingkirhon na hinarosuhkon ni uhurMu. Paluah Ham ma hanami humbani
uhur biar pakon gobir. Ham Tuhan, idop ma uhurMu bennami.

Kuria : (Mandodingkon Haleluya No. 238: 2)

Husolsoli do uhurhu, na gok dousa in tongtong; Ai buei ari-aringku, hu
parambur-ambur tong.

Paragenda : Sonari iboban hanami do haganup dousanami hu lobeiMu, irik

mangakuhon, na sirsir do hanami pabayuonMu, ase boi hanami mandalankon
hataMu, janah bere Ham ma TonduyMu laho mambobai hanami bani
goluhnami. Ham Tuhan, idop ma uhurMu bennami.

Kuria : (Mandodingkon Haleluya No. 238: 6)

Mangirikkon Ham Tuhanku, sai malas do uhurhin Sai totap ma in padanku!
Amen, saud ma hata in!

Paragenda : Tangar hita ma Hata ni Naibata, bagah-bagah pasal hasasapan ni

dousa.

Tongkin do hansa Hutadingkon ho, tapi marhitei holong ni uhur na banggal,

patumpuonKu do ho. Sanggah pargajag ni ringisKu, Huponopkon tongkin
bohingKu dompak ho, tapi marhitei idop ni uhur si sadokah ni dokahni,
idopanKu do ho, nini Jahowa Sipaluah ho
Hasangapon ma bani Naibata i babou.

Kuria : A men A men A men

4. MANDODING KJ 387 : 1-2 “'Ku heran, Allah mau memb'ri”

1. 'Ku heran, Allah mau memb'ri rahmatNya padaku

dan Kristus sudi menebus yang hina bagaiku!
Reff:
Namun 'ku tahu yang kupercaya dan aku yakin
'kan kuasaNya, Ia menjaga yang kutaruhkan hingga hariNya kelak!

2. 'Ku heran, oleh rahmatNya. Hatiku beriman

dan oleh kuasa SabdaNya jiwaku pun tent'ram.
Reff:
Namun 'ku tahu yang kupercaya dan aku yakin
'kan kuasaNya, Ia menjaga yang kutaruhkan hingga hariNya

5. MAMBASA SIBASAON :
Paragenda : Tangar hita ma Hata ni Naibata na tarsurat bani Psalmen 27 : 7 –
14

7 Tangihon Ham ma, ale Jahowa, sorangku na hudilohon on, maidop ma

uhurmu bangku, anjaha balosi Ham ma ahu.

8 Ihusipkon uhurhu, sonon do nimu: Pindahi hanima ma bohingku! Bohimu ma

tongon na hupindahi, alo Jahowa.

9 Ulang ma ponopkon Ham bohimu dompak ahu, ulang ma tulak Ham juak-
juakmu ibagas ringismu; Ham do pangurupingku, ulang ma pabali Ham ahu,
anjaha ulang ma tadingkon Ham ahu, Ham Naibata ni hatuahonku.

10 Domma itadingkon bapa pakon inang ahu, tapi itampin Jahowa do ahu.

11 Ajarhon Ham ma bangku dalanmu, ale Jahowa, togu Ham ma ahu bani dalan
hanopan halani imbang-imbangku

12 Ulang ma ondoskon Ham ahu hubagas ringis ni munsuhku, ai jongjong do

mangimbang ahu saksi parladung, sisompulhon hajahaton

13 Totap do hubotoh, sai idahonku do hinadear ni Jahowa, i tanoh ni halak na

manggoluh
14 Parhanalom ma Jahowa, pagomos anjaha patoguh ma uhurmu. Nai ma,
parhanalom ma Jahowa

Amen. Martuah do na manangar Hata ni Naibata anjaha na marimbagashonsi!

Kuria : (Mandodingkon)
Amen, Amen, Amen.

6. MANDODING Hal. 304 : 1-2 “Sada Goran Na Majenges”

1. Sada goran na majenges humbai ganup goran in
Goran ni Tuhanta Jesus in do sijengesan in
Goran-Mu o Tuhan sai dodingkononku in
Goran-Mu Jesuskin na pamalum uhurhin

2. Sai na malum do uhurhu, domma sonang tonduyhin

Goran-Mu, do sinajatangku, maralohon munsuhkin
Goran-Mu, O Tuhan sai dodingkononku in
Goran-Mu, Jesuskin na pamalum uhurkin

7. MANAKSIHON HAPORSAYAON /ACARA KHUSUS :

Paragenda : Riap ma hita jongjong! Saksihon hita ma haporsayaonta in, songon
na sinaksihon ni haganup halak na porsaya bani sab tanoh on!

Apostolikum

Ahu porsaya bani Naibata Bapa, Pargogoh na so Kuria tarimbang, na manompa

langit pakon tanoh on. Ahu porsaya bani Jesus Kristus, Anak ni Naibata na
sasada in, in do Tuhanta, na tinubuhkon ni si Maria sanggah nape haliaban,
marhitei Tonduy Na Pansing. Na manaron na parngit, bani panorang ni si
Pontius Latus, iparsilangkon, matei anjaha itanom, turun hu nagori toruh. Mulak
manggoluh hun bani na matei bani an patoluhon. Naik hu surga anjaha hundul i
siamun ni Naibata Bapa, Pargogoh na so tarimbang in. Hunjai ma Ia mulak
magira laho manguhumi halak -na manggoluh pakon na dob matei.
Ahu porsaya bani Tonduy Na Pansing, bani Kuria parsadaan na mapansing in,
parsaoran ni sagala na mapansing in, bani hasasapan ni dousa, bani parpuhoon
ni angkula, pakon bani hagoluhan na sadokah ni dokahni. Amen.

8. MANDODING Hal. No.102:3 “ Ham Tongtong Ihutkononku”

3. Atap aha pe namasa, malas uhur, pusok pe,

Jolomanku na maharga na marholong atei pe’
Ai sadokah au manggoluh, ‘ge dob bois bohalhon,
Ningon Ham, o Sipagoluh, pujionku sai tongtong.
9. TONGGO SYAFAAT PAKON TONGGO RIAP :
Paragenda :
Riap ma hita jongjong!
Martonggo ma hita.
(Manonggohon na porlu/khusus) …………Amen.

Ham Bapanami na i nagori atas, sal napapansing ma GoranMu.

Kuria : Ajari Ham ma hanami laho papansing GoranMu, marhiteihon nasirsir

hanami manangihon pakon mangkorjahon HataMu ibagas goluh nami.

Paragenda : Sai roh ma harajaonMu. Sai saud ma harosuh ni uhurMu i nagori

tongah on songon na i nagori atas.

Kuria : TonduyMu Napansing ma marianan bennami, ase ipargogohi hanami

laho pataridahkon tanda-tanda ni harajaonMu pakon pasaudkon harosuh ni
uhurMu i tanoh on, marhitei pambalosion ampa pangabak na talup i lobeiMu.

Paragenda: Bere Ham ma bannami sadari on hagoluhan ari-ari.

Kuria: Ajari Ham ma hanami, ase lambin mangidah, mananda janah

mambotoh, na pitah Ham do harohan hagoluhannami, ase ihamalaskon hanami
buei ni silayak-layakMu, no dob binereMu pakon na sihol bereonMu ope
bennami.

Paragenda: Sasap Ham ma dousanami songon panasapnami bani dousa ni

hasoman, na mardousa dompak hanami.

Kuria: Ajari Ham ma hanami mangkaholongi hasoman-nami, songon

pangkaholongiMu bennami, ase na madear ibahen hanami balos ni na jahat,
lang marsubil, lang mardomdom, tang marmapas ni uhur hanami hubani
hasoman. Pargogohi Ham ma hanami, ase tongtong mambalosi Ham janah
manghaholongi hasoman.

Paragenda : Ulang hanami bobai Ham hu parlajouan. Paluah Ham ma hanami

humbani pangagou.

Kuria : Ham Tuhan Naibata, parorot anjaha parmudu-mudu Ham ma hanami

laho manlembangi dousa pakon si-ding ni sibolis, ase monang hanami
mangimbang pangagou in.

Paragenda : Ai Ham do Simada harajaon, pakon hagogohon ampa hasangapon

sadokah ni dokahni. Amen.
Kuria : (Mandodingkon) :
Amen, Amen, Amen.

10. Bernyanyi “PertolonganMu”

Hatiku tenang berada dekatMu

Kaulah jawaban hidupku
Hatiku tenang berada dekatMu
Kau yang p'lihara hidupku

Reff:
PertolonganMu begitu ajaib
Kau tlah memikat hatiku
Di saat aku tak sanggup lagi
Disitu tanganMu bekerja

PertolonganMu begitu ajaib

Kau tlah memikat hatiku
Kini mataku tertuju padaMu
Kurasakan kasihMu Tuhan.

11. AMBILAN : Mateus 20 : 29 - 34

12. MANGGALANG : (Model “A”)

P :Paima ipatumpu hita galanganta, tangar hita ma lobei hatani Naibata na

gabei onjolan banta laho manggalang ai ma na tarsurat bani

Heber 13 ; 16
Manbahen na madear ampa namar sibere bere, ulang ma halupahon nasiam
ai, ai galangan na sonai do iharosuhkon naibata.

Mandoding Hal.383:1,3 “Marhitei Diatei Tupa”

1. Marhitei diatei tupa roh do au Tuhan
Mamboban buah ni horja na binereMu
Jesus, Jesus, jalo Ham ma au
Bai hurangni panurdukhu anju Ham ma au

3. Anggo sai hupardiatei ganup layak-Mu

patut hurang namin ope, na huboban on
Jesus, Jesus, jalo Ham ma au
bai hurangni panurdukku, anju Ham ma au
13. TONGGO GALANGAN – PANUTUP – PASU-PASU :

Pendeta : Riap ma hita jongjong !

Martonggo ma hita mangondoskon galanganta hubani Naibata
Ham Tuhan Naibata, Bapanami, pardear layak janah na unjah hu bennami.
Tarima kasih ma hatahononnami hu Bamu, halani tongtong do ipasu-pasu Ham
goluhnami. Domma ihasomani ham hanami janah ipasu-pasu Ham horja name
das humbani sadari on. Sonari ibagas malas ni uhur roh do hanami
mangondoskon buah ni horja na dob pinasu-pasu Mu in gabe galangan
hatarimakasihon pakon puji-pujian Nami hu bamu. On pe sai jalo ham ma
galangan name on, bahes hasangapon ni GoranMu pakon pabolaghon
harajahonMu I dunia on. Ibagas goranni anakMu, Jesus Kristus Tuhan name,
jalo Ham ma tonggo name on. Amen

Kuria : (Mandodingkon doding galangan) Hal. 249 : 2

Ganup binereMu in, tonduy pakon angkulangku.
Hosah ampa gogohkin, ronsi haganup artangku.
Huondoskon in Bamu, seng paosoronku in.

Pendeta : Jalo ham ma pasu-pasu humbani Tuhan naibata :

Ipasu-pasu anjaha iparorot Tuhan Naibata ma ham
Isondangkon Tuhan naibatama bohiNi hu bamu janah maidop ma uhurNi
mangidah ham
Idompakon Tuhan Naibata ma bohiNi hu bamu janah ipasorap ma dameiNi bani
tonduymu. Amen

Kuria : (Mandodingkon) Amen. Amen. Amen.