PARTURENA Partangiangan Mamasuhi Bagas

Kel. St. Situmorang – br. Sianipar

Kamis, 16 Maret 2023

I. PRELIDIUM
01. Sude Keluarga dohot undangan nunga marpungu di jolo ni bagas
(diparade ma namarpardomuan tu pengguntingan pita dohot kunci
ni bagas)
02. Marende BE. No. 188 : 1-2 (Jahowa Siparmahan au)
♫ Jahowa Siparmahan au,ndang hurang manang aha, ai nasa jea
dipadao do sian dorbiaNa. Tongon dibaen na lomak i, lao
pangoluhon tondingki. dibaen asi rohaNa.
♫ Ditogu au tu na tio, aek mata hangoluan, dibaen do tondingki
sio,di dalan hasonangan. Sabam rohangku sai tongtong,saleleng au
di tano on. Baen sangap di GoarNa.
03. Pengguntingan Pita
Kel: Sian asi dohot holong ni roha ni Jahowa do hupungka jala
hupasidung hami pembangunan ni bagas on. Mauliate ma di
Debata, dipasupasu Tuhan ma hami saluhutna pangisi ni bagas on
H: Bagas pangalapan tua, pasupasu, jala hasonangan ma bagas on di
hamu tumpahan ni Debata. Amen! (Laos manggunting pita)
04. Marende BE. No. 18 : 2 (Ungkap Bahal na ummuli) BL. 84
♫ Nunga ro au, o Tuhanku, ro ma Ho tu au muse. Ai di bagas
ingananMu, las ni roha do sude. Sai bongoti rohangkon, baen ma
JoroMi dison.
05. Mangungkap Bagas
Kel : (Pasahathon kunci ni bagas tu Pandita) Laos didok ma:
Ungkap hamu ma bagas on di hamu amanami Pandita, asa masuk
hami rap dohot sude keluarga ro di sude na ginokhonnami. Sai
dipasupasu Tuhan i ma hami sude pangisi ni bagas on.
Pdt : Huungkap ma bagas on marhitehite Goar ni Debata Ama dohot
Goar ni AnakNa Tuhan Jesus Kristus dohot Goar ni Tondi
Parbadia. Amen!.
H: Horas ma hamu mangingani bagas on. Inganan na ginohan ni dame
dohot holong ni roha ni Tuhan ma bagas on di hamu.
II. IBADAH ( U : Uluan/Liturgis H : Huria )
01. Marende BE. No. 9 : 1 + 4 (Hupuji holong ni)
♫ Hupuji holong ni rohaMu, o Tuhan Jesus Rajangki.
Tu Ho hulehon ma tondingku. Ai i do pinangidoMi.
Huhalupahon ma diringku. Mamingkir holong ni rohaMu.
 ♫ Di Ho saleleng ni lelengna, au on o Jesus, Tuhanki!
Ho ma nampuna sasudena, gogongku ro di artangki.
Ai naung dilehon Ho mudarMu, manggarar utang ni dosangku.
02. VOTUM – INTROITUS - TANGIANG
U : Dibagasan goar ni Debata Ama, dohot goar ni Anakna Tuhan
Jesus Kristus dohot goar Tondi Parbadia, Amen. Mariaria do
tondingku mida Debata sipalua ahu. Ai ditatap do haetehon ni
naposona on. Parhatuaon ma ahu olat ni on marsundut-sundut.
Ai habalgaon do dibahen Pargogoi tu ahu, nabadia do Goarna.
H : Pinuji ma Debata pardenggan basai na tau partanobatoan di
ari hagogotan dohot ditonga ni angka na serep marroha
U : Oloi hamu ma Jahowa marhite las ni roha, ro be ma hamu
marhite olopolop. Mandok mauliate ma hamu di Ama i naung
patauhon hamu manjalo tohap dibagasan hatiuron i, siteanon ni
angka nabadia.
H : Tu Ho do ahu joujou ale Jahowa sai tangihon ma soara ni
somba sombangku, molo hupaherbang tanganku tu bilut ni
habadiaonMu.
U : Martangiang ma hita: Ale Jahowa Debata parasiroha na
sumurung, mauliate hudok hami tu Ho, ala dijou Ho hami tu
angka punguan na badia. Ditatap Ho do ale Tuhan di
tongatonga ni bagas ni dongan nami on, di las ni roha ni nasida,
bagas on dilehon Ho tu nasida. Ale Tuhan, rap mandok
mauliate do hami tu Ho, pasupasu asa di bagasan hahipason
nasida di tonga ni bagas na martua on. Songoni nang angka
dongannami na bongot dohot na ruar sian bagas on dapotan
pasupasu dohot las ni roha. Asi ma rohaM ala ni AnakMu
Tuhan Jesus Kristus, Tuhan nami, Amen.
03. Marende BE. No. 565 : 1 – 2 (Las Rohangku Lao Mamuji)
 Las rohangku lao mamuji Debata Parholong i. Songon bunga na
mangerbang di na binsar ari i. Arsak dosa, haporsuhon, mago
dibaen asiMi. Las ni roha na manontong lehon di au Tuhanki.
 Debata Parholong roha, na manesa dosangki. Ndang tarbahen so
las rohangku lao mamuji asiMi. Sai ajari sude hami mangulahon
holongMi. Asa gok las rohanami dibagasan Tuhan i.
04.Lapatan dohot Ojahan ni Bagas di Angka Na Porsea
U : Hamuna dongannami na marlas ni roha nuaeng, Keluarga
Amanami St. Situmorang – Br. Sianipar rap dohot pinomparna.
Nunga dipaloas Debata hamu paulihon bagas on, dia do impola
ni bagas on di ngolumuna?
2
 Kel: Basabasa dohot silehon-lehon ni Debata do bagas on.
Sihalashonon jala sipangkeonnami ganup ari martangiang di
bagasan pos ni roha tu Tuhan i, Inganan panjangkonon di
pasupasu ni Tuhan i,
U : Nunga dipasahat Debata bagas on tu hamu, Asa pakeonmuna
bagas on patupahon na denggan tu keluargamuna, donganmuna,
tu masyarakat nang tu huria ni Tuhan i. Ingot hamu ma Hata ni
Debata di Yosua 2 : 18b, na mandok: “ .. jala papunguonmu tu
lambungmu di jabu on natorasmu dohot angka ibotom dohot
sandok pinompar ni amangmu”.
Kel: Dibasabasahon Debata bagas on di hami, bahen inganan
parsaoranami di keluarga besarnami, inganan pardamean
dohot parolop-olopon tu Tuhan i.
U : Dipauli hamu do bagas on di atas ojahan batu, dohot marhite
hansing-hansing na togu, Alai boto jala ingot hamu ma : Ianggo
hatoguon ni bagas on, Ima molo dipaojak jala dipajongjong, di
atas ni ojahan na togu jala na manongtong i, ima Jesus Kristus i.
H : Mian ma hamu di bagas na uli on, di bagasan dame dohot
hasadaon, dibagasan hatoguon ni haporseaon dohot
panghirimon, di bagasan las ni roha nang di parungkilon,
maradophon Tuhan i.
Kel: Ale Tuhan, sai ro ma Ho rap dohot hami Di bagas on, di angka
ulaon nang pardalanannami.
U : Bagas on naeng ma habaoran ni pasupasu dohot dame
Maradophon saluhutna na ro tu bagas on, nang maradophon
masyarakat pe.
H : Ale Tuhan, sai usehon ma pasupasuMi Tu dongananmi di bagas
on, asa taripar pasupasuMi, nang tu angka dongannami pe.
U : Ianggo bagas na binasa-basahon ni Tuhan i, bahen inganan
pangajarion di poda na tama dohot di Hata ni Tuhan i, inganan
pados tahi dohot pandapot, laho mangulahon na denggan jala na
uli marhite na masilehonan roha dohot pikiran.
Kel: Paingot ma hami Tuhan di bagasnami on, manghangoluhon
parsaorannami di bagasan dame tongtong mangajarhon na
denggan jala na uli, dohot parbinotoan di Hata ni Debata.
H : Ale Tuhan, sai ajari ma nasida ganup ari, asa tarbege sian
bagas on angka barita na denggan na tau sihalashonon. Ende
puji-pujian dohot pelean na hushus, na marparangehon
haserepon dohot hadameon. A m e n.
05. Tangiang Pangondianan (Sian Hulahula)

3
06. Marende BE. No. 218 : 2-3 (Tong do tau haposan)
♫ Sai tong didongani Na porsea i. Jala ganup ari Ro basaNa i
Tu na so marganggu Di gogoNa i Na mandok Tuhanku Na sun
denggan i. Tu na so marganggu Di gogoNa i Na mandok Tuhanku
Na sun denggan i .
♫ Guru di Ibana Sude tano on. Sintong do hataNa Na tu hita on
;,; Asi ni rohaNa Na sumurung i Dipatongontongon Tu lomoNa i.;,;
07. Renungan:
08. Marende BE. No. 467: 2-4 (Asi ni rohaM hupuji / P. Pelean)
♫ Sai ramoti ma rohangku, asa boi gohanMu au.
Sai mabaor ma pasupasu nang marhite sian au,
IngananMu rohanami. TondiMi manggohi i.
Pangke dohot ngolunami gabe ulaulaMi.
♫ Naeng huhatindangkon hami hagogoonMi tongtong,
Paluahon na mardosa, nang parjahat na bolong. IngananMu……..
♫ Sai papulik rohanami gabe pangoloi di Ho.
Asa marsahala hami lao mangkatindangkon Ho.
IngananMu……..
09. Tangiang Panutup:
U : Ale Tuhan Debata, parasiroha na sumurung! Mauliate ma rohanami tu
Ho, ala godang ni asi dohot holong ni rohaM. Diurupi Ho do keluarga
ni dongannami on pauli bagas nauli sian namamungka sahat tu
napaujunghonsa. Ndang tagamon so godang halojaon, parungkilon
dohot holso-holso ni rohanasida papungupungu sinamot na ringkot tu
pembangunan bagas on; ndang tung so humasusa pingkiran nasida
laho patulushonsa. Nuaeng nunga dimpos jala sirsir saluhutna songon
na huberenghami. PasupasuM do i Tuhan, jala hupujihami ma goarMu
alani saluhutna i!
Kel: Ima tutu ale Tuhan, di Ho ma pujipujiannami ari on ro di saleleng ni
lelengna.
U : Di naung hubongoti jala huompoi hami bagas on sadari on, hupasahat
jala hupagomgomhon hami ma tu Ho saluhut pangisi ni bagas on;
mulai sian na metmet sahat ro di namagodang, sisolhot, aleale nang
angka pangurupi pe ro di angka arta nasida. Mian ma Ho di bagas on
marhitehite tondiM, ramoti ma nasida mangingani bagas nauli on ro di
saleleng ni lelengna.
Kel: Ima tutu ale Tuhan, suru ma tondiM, Tondi Parbadia i tu ganup hami
pangisi ni bagas on, las ni roha, hatuaon, parsaoran na tama di
bagasan holong asa gabe bagas pangalapan gogo dohot pasupasu
jala gabe habaoran ni pasupasu, marhitehite goar ni Tuhan Jesus
Kristus Tuhannami.
U : Antong rap ma hita mangidohon tangiang hatopanta i!
H : Ale Amanami…, du. + Pasupasu + Amen…. Amen…. Amen.
4
 Alai anggo ahu dohot donganku sajabu,
ingkon Jahowa do oloannami.
(Josua 24:15c)

Keluarga Besar Pdt. A. Mh. Banuareah, S.Th / S. br. Silitonga:

Pendeta HKBP Ressort Immanuel Tomuan – P. Siantar

1. J. Nainggolan/Ir. R.S. br. Banuareah P. Siantar

2. Pdt. HT. Banuareah, S.Th/NC. br. Purba Samosir
3. Ir. Ganda Saputra/L.I.N br. Banuareah Jakarta
4. M. Lubis/E.M br. Banuareah Medan
5. P.H.D Banuareah, ST/Dr. S. br. Sihombing Bandung
6. Hothita R.M br. Banuareah, S.Si, Apt Medan
7. Pahompu: Novica Angreani, Martha Jessica, Metania Stevie
Amanda, Eiren Sarahsyka, Marcell Samuel Timothy,
Mirabel Keyra, Winona Debora, Jonathan Christian.

5
6
 PARDALANAN NI JESUS
TU DOLOK GOLGATA
Orator : Jadi di na laho Jesus martangiang patoluhalihon, dungi
didok Jesus ma : nunga dapot tingkina nuaeng, sahat
ma Anak ni jolma I tu tangan ni pardosa. Ndi, nunga ro
na pasahathon Ahu.
(Dungi ro ma si Judas dohot angka soldadu)
Orator : Diboto Jesus do saluhutna na naeng songgop tu Ibana,
jala ruar ma Jesus didok ma tu siJudas.
Jesus : Ise do na ?
Orator : Alai nunga dipabotohon parjehe I hian partinandaan tu
nasida. Ia I na huumma, Ibana ma i. ima tangkup hamu.
Judas : Jesus halak Nazaret I do. Tabi do ho Guru (laos di
umma).
Jesus : Ahu do i. O Judas, pangummaon do hape dibahen ho
pasahathon Anak ni jolma i.
Orator : Dungi ditangkup angka soldadu dohot induknasida
dohot halak Jahudi. Jadi diboan ma Jesus tu jolo ni si
Hannas, ima simatua ni siKayapas, sintua ni malim di
na sataon i. siHerodes:
SiKayapas do na mandok: Dengganan do mate sahalak
humophop bangso. Alai diihuthon angka siseanna I do
pardalanan ni Jesus i. Alai angka sintua ni malim ro di
sandok rapot godang I, mangalului panindangion
gapgap dompak Jesus, na tuk mambahen Ibana
marutang hosa. Alai adong ma marsoara sian na torop i.
ninna ma: didok Halak on, tarbahen Ahu do
mangalohai Joro ni Debata jala pajongjongonNa I
sumuang di bagasan tolu ari. Dungi hehe ma siKayapas
mandok: ndang alusanMu na hinatindanghon nasida
dompak Ho? Na tutu do ho Kristus?
Dungi ro ma Jesus mandok: Songon na nidokmi ma
tutu. Alai hudok ma tu hamu: olat ni on ma idaonmuna
Anak ni jolma i. Dungi dibaoan ma Jesus tu siLatus.
Latus : Pangaluan dia do dibaoan hmu dompak halak on?

7
Na torop: Aut unang sibahen na jahat halak on, ndang tagamon
pasahatonnami Ibana tu ho.
Orator : gabe ninna siLatus ma mandok nasida: boan hamu ma
Ibana, uhum hamu ma Ibana marguru tu adatmuna. Alai
ninna angka Jahudi ma: ndang jadi pusaonnami manang
ise. Na dapot hami do on pabalikbalikkhon bangsonami
jala mangorai mangalehon guguan tu kesar i. Didok do
Ibana Raja, Kristus do Ibana. Jadi ninna siLatus ma
mandok na torop i. ndang jumpang ahu manang dia
salana? jadi dung didok songon I, dipasahat ma Jesus tu
nasida asa diparsilanghon. Jadi laos Jesus sandiri do
mamorsan hau pinarsilang i.
Orator : Laho manogihon Ibana, disoro nasida ma sahalak,
siSimon sian Kirene goarna. Tu ibana ma
dipaporsanhon hau pinarsilang I, paihutihut Jesus.
Orator : Torop do halak na mangihuthon Ibana, nang angka
boruboru na manangisi jala na mangandungi Ibana. Jadi
didompakhon Jesus ma nasida, ninna ma: Hamu angka
boru Jerusalem, unang ma Ahu tatangisi hamu,
dirimuna dohot anakhonmuna ma! (Huhut dilehon
minum).
Orator : Jadi dung sahat nasida tu dolok na margoar Golgata,
lapatanna Partangkurahan, diparsilanghon ma Jesus rap
dohot angka parjahat i. Na sada disiamunNa, na
sadanari tu hambirangNa. Jadi didok Jesus ma.
ALE AMANG. MARPAMUATI MA ROHAM MIDA NASIDA,
AI DANG DIBOTO NASIDA NA BINAHEN
NASIDA I.
Orator : Alai disurat siLatus ma sada boaboa, dipalohot ma tu
hau i. On do hatana: JESUS HALAK NASARET.
RAJA NI JAHUDI. Jala tarsurat do I di hata Heber, di
hata Rom dohot di hata Gorik.
Orator : Asa dung diparsilanghon nasida Jesus, dibuat nasida ma
abitNa, diparopat ma i. diganup soldadu sabagian be,
dunghon ni sampesampeNa.
Orator : Dungi ninna parjahat I ma tu Jesus: Ai ndada Kristus I
Ho? Palua ma diriM nang hami antong. Alai dialusi
8
 donganna I do ibana. Ninna ma: Uhum na tigor do na tu
Ibana, ndang adong diula na so ture. Laos ninna ma: O
Jesus, ingot ahu, ia dung sahat Ho tu HarajaonMi.
Orator : Gabe ninna Jesus ma mandok ibana: Situtu do na hudok
on tu ho: sadarion do ho rap dohot ahu di Paradiso.
Dungi marsoara ma Jesus na patoluhalihon ninna ma:
Ndi ma inang, Anakmi. Ndi ma inangmi. Soara na
paopathon: Eli, Eli, lama sabactani. Ale Debatangku,
Debatangku, boasa tadinghononmu Ahu? Soara na
palimahon: Mauas Ahu. Soara na 6 Nunga marujung.
Soara na 7: Amang, tu bagasan tanganMu ma
hupasahat tondingKu. TOS MA HOSANA.

9
 ACARA PARTANGIANGAN
DI LAPANGAN
1. Marende BE. No. 152: 1
2. Tangiang Pamuhai
3. Marende BE. No. 86: 1
4. Puisi
5. Vocal Solo
6. Puisi
7. Tangiang Pangondianon
8. Marende BE. No. 88 : 1
9. Tangiang Ale Amanami + Pasupasu

Angka Ende:
1. 182: 1 –
2. 212
3.

10