KEBAKTIAN MAMASUKI BAGAS

Kel. N. Malau/br. Sihombing

Minggu, 16 Oktober 2016
Dapotan tua do pangisi ni jabu on. (Luk 19:9)
A. Acara Pasahat Kunci di Alaman
1. Sude Keluarga dohot undangan nunga marpungu di jolo ni
bagas nanaeng simasuhan i. Nunga dipersiaphon hian
namarpardomuan tu pengguntingan pita : gunting, kunci-kunci
rumah.

2. Marende Huria No. 188 : 1, 5 ( jongjong saluhut mangadop pintu ni

bagas.)

Jahowa siparmahan au ndang hurang manangaha. Ai nasa jea dipadao do

sian dorbiana. Tongon dibaen na lomaki lao pangoluhon tondingki, Dibaen
asi rohana.

Tongtong do denggan ni basaM, jambarhu dingolungku. Tongtong do

asi ni rohaM mangihut dilangkangku. Dung i dung suda bohalhi, sai
masuhanku jabuMi Saleleng ni lelengna.
3. Pengguntingan Pita
Nampuna Bagas : Sian asi dohot holong ni roha ni Jahowa do hupungka
jala hupasidung hami di napaturehon bagas on.
Mauliate ma di Debata, dipasu-pasu Tuhan I ma hami
saluhutna pangisi ni bagas on.
Natorop : Bagas inganan ni Tondi Parbadia ma Bagas on, na gok tua jala
gok pasu-pasu, jala marsonangsonang ma pangisi ni bagas on, di
hamuna tinumpahan ni Debata marhite-hite Tuhan Jesus Kristus.
Amen ! (pita digunting)

4. Mangungkap Bagas.
Page 1
 Keluarga : Hupasahat hami ma kunci ni bagas on tu hamu Parhalado
nami. Dipasu-pasu Tuhan do hami saleleng na paulihon
bagas on sahat tu na dimpos. Ungkap hamu ma asa
masuk hami keluarga dohot sude na hugokkonhami. Sai
dipasu-pasu Tuhan i ma sude pangisi ni bagas on.
Parhalado. ( manjalo kunci sian keluarga huhut ma didok : Huungkap ma
bagas on marhite-hite Goar ni Debata Ama, AnakNa Tuhan
Jesus Kristus dohot Tondi Parbadia. Amen.
Parhalado + Natorop : Horas ma hamu mangingani bagas on. Inganan
na ginohan ni dame, dohot holong ni roha ni Tuhanta ma
bagas on di hamu. ( masuk ma saluhut na torop dohot
Parhalado tu bagas

B. Acara Kebaktian
(L : Liturgis, R : Ruas)
1. PANGARADEON
L: Hamu angka na hinaholongan dibagasan goar ni Tuhan Jesus Kristus. Tama
do mandok mauliate hita tu Debata, hinorhon ni asi ni rohaNa tu keluarga ni
amanta N.Malau/br.Sihombing, dina boi nasida pasidunghon bagas na
pinauli nasida on.
R: Mauliate ma di Ho ale Debata. Pujion nami ma Ho sian nasa gogo, ai tung
na songkal do pambahenanMu sudena.
L: Antong dalanta manghamauliatehon saluhutna i, tapuji ma Debata, marende
ma hita.
2. Marende BE No. 125: 1 2, Marlas ni Roha Hita on
Marlas ni roha hita on, mamuji Debata. Ai asi ni rohaNa i do bongot tu
rohanta i. Umbaen nuaeng mardomui dison sadarion, dison sadarion.
Dibahen i manggogo be ma hita on sude. Mamuji Tuhan Jesus i, parasiroha
godang i. sibaen las ni rohanta i. Nuaeng nang sogot pe, nuaeng nang sogot
pe
3. VOTUM INTROITUS TANGIANG
(L : Liturgis, R : Ruas, Kel : Keluarga)
L : Mangasahon asi ni roha ni Jahowa Debata Ama, dohot AnakNa Jesus
Kristus dohot Tondi Parbadia do singkop ulaon on. Di hita na marpungu

Page 2
 marlas ni roha tongon sadari on, tama ma hita mandok mauliate tu Tuhanta
siala pasupasuNa na so habilangan hita na tongtong sahat tu ngolunta.
Nunga simpul jala tipak ojak inganan on parmianan ni Keluarga ni amanta
N.Malau/br.Sihombing, ima bagas na pinauli ni pande bagas. Jala
dibagasan sadarion tahalashon marhite Kebaktian Mamasuhi bagas on,
dalanta martangiang tu Tuhanta asa dipasupasu Tuhanta saluhut pangisi ni
bagas on.
Kel : Mauliate ma rohanami di Ho Ale Jahowa na marmudu hami, lumobi di
pasupasuM naung mangalehon sada bagas di hami, ima na gabe inganan
parmianan nami , laos ajari ma hami Tuhan asa tongtong huhamauliatehon
hami pasupasuM jala hubahen hami nang bagas on bagas pamujion di
GoarMu.
R : Nunga jumpang naniluluan dapot najinalahan laos tulus nasinangkapan
nasida.
L : Mangasahon Jahowa, sai hamonangan do parjambaranta, marhaposan tu
Jahowa ma ho sian nasa roham, jala unang marpangunsandean ho tu
pingkiranmu sandiri, sai Ibana ma tanda di nasa dalanmu asa Ibana patigor
angka dalanmu. Tu Jahowa ma alu-aluhon angka pambahenanmu, asa tulus
angka sangkap ni roham.
Kel :Jahowa do pargogongku dohot lombulombungku, marhaposan tu Ibana do
rohangku, jadi dapotan pangurupion ahu asa marolopolop ma rohangku jala
pujion ni endengku ma Ibana.
L : Sai tumpahi ma bangsoMi jala pasupasu bangso na niainMi, sai parmahani
jala dongani ma nasida rodi salelengnilelengna. Ai sai tumpahan ni Debata
do Sion jala paulionNa do angka huta ni Juda asa maringan nasida disi jala
nampunasa. Asa pinompar ni angka NaposoNa i tumeansa sogot, jala angka
na manghaholongi goarNa maringan disi.
Martangiang ma hita: Ale Jahowa Debata Parasiroha na sumurung,
mauliate hudok hami tu Ho, On pe, ale Debatangku! Sai tonggor ma
mataM, jala tinggil pinggolMu mangalusi tangiang di inganan on!. Ditatap
Ho do ale Tuhan di tongatonga ni bagas ni dongan nami on, di las ni roha ni
nasida, bagas on dilehon Ho tu nasida. Ale Tuhan, rap mandok mauliate do
hami tu Ho, TondiM ma natongtong mian di tonga ni bagas on laho
mandongani dohot mamasumasu pangisi ni bagas on, suang songon i ma
ganup na bongot dohot na ruar sian bagas on dapotan pasupasu dohot las ni
roha. Asi ma rohaM ala ni AnakMu Tuhan Jesus Kristus, Tuhan nami,
Amen.
Page 3
4. MARENDE BE 159 :1+ 4 MARTUA DONGAN ANGKA NA
Martua dongan angka na sabagas, na mardonganhon Tuhan Jesus i.
Na mangoloi Ibana na sai ringgas, na so marholang tangiangnai.
Tongtong holong rohaNa di ibana, manungkun lomo ni rohana i,
huhut tongtong marguru tu hataNa, dibaen sandok pangalahona i.
Martua dongan, angka na sajabu Parlas ni roha dibagasan Ho
O Jesus na ringkot mamasumasu angka na holong roha i di Ho
Martua ma tutu sude nasida Nang di na songop hasusaan pe
Ai sai diapul Ho rohanasida Paima ditogu Ho tu jabuMi.

5. LAPATAN DOHOT OJAHAN NI BAGAS DI ANGKA NA PORSEA

L : Hamuna dongannami na marlas ni roha keluarga
N.Malau/br.Sihombing, Nunga dipaloas Debata hamu paulihon
bagas on, ingot hamuma hata ni Debata natarsurat di Josua 24 :15c, alai
anggo ahu dohot donganku sajabu, ingkon Jahowa do oloannami.
Antong, dia do impola ni bagas on di ngolumuna?
Kel : Basabasa dohot silehon-lehon ni Debata do bagas on. Sihalashonon jala
sipangkeonnami ganup ari Martangiang di bagasan pos ni roha tu Tuhan
i, Inganan panjangkonon di pasupasu ni Tuhan i,
L : Nunga dipasahat Debata bagas on tu hamu, Asa pakeonmuna bagas on
patupahon na denggan tu keluargamuna, donganmuna, tu masyarakat nang
tu Huria ni Tuhan i. Ingot hamu ma Hata ni Debata di Yosua 2 : 18 b, na
mandok: .. jala papunguonmu tu lambungmu di jabu on natorasmu
dohot angka ibotom dohot sandok pinompar ni amangmu.
Kel : Dibasabasahon Debata bagas on di hami, on pe, bahenon nami ma bagas
on gabe inganan parsaoran dikeluarga besar nami, jala gabe inganan
pardamean dohot parolop-olopon mida Tuhan i.
L : Dipauli hamu do bagas on di atas batu ojahan , dohot marhite hansing-
hansing na togu, Alai boto jala ingot hamu ma : Ianggo hatoguon ni bagas
on, Ima molo dipaojak jala dipajongjong, di atas ni ojahan na togu jala na
manongtong i, ima Jesus Kristus Tuhan i.
R : Mian ma hamu di bagas na uli on, di bagasan dame dohot hasadaon,
Dibagasan hatoguon ni haporseaon dohot panghirimon, Di bagasan las ni
roha nang di parungkilon, Maradophon Tuhan i.

Page 4
 L : Bagas on naeng ma habaoran ni pasupasu dohot dame Maradophon
saluhutna na ro tu bagas on, nang maradophon saluhut jolma na humaliang
bagas on.
R : Ale Tuhan, sai usehon ma pasupasuMi Tu dongananmi di bagas on, asa
taripar pasupasuMi, nang tu angka dongannami pe.
Kel : Ale Jahowa Zebaot, Debata ni Israel, nunga dipapatar Ho tu pinggol ni
naposomon hata on: Ahu pajongjongkon di ho sada bagas. Ala ni
umbahen naung marhasonangan roha ni naposomon. On pe, ale Tuhan
Jahowa! Ho sandiri do Debata, jala hasintongan do angka hataM, jala
nunga diparbagabaga Ho tu naposomon hata na denggan on.
R : Antong pungka ma nuaeng mamasumasu Keluarga ni amanami
N.Malau/br.Sihombing, asa hot di adopanmu nasida ro di
salelenglelengna; ai Ho sandiri, ale Jahowa marbagabagahon.
L : Ianggo bagas na binasa-basahon ni Tuhan i, bahen inganan pangajarion di
poda na tama dohot di Hata ni Tuhan i, inganan pados tahi dohot pandapot,
laho mangulahon na denggan jala na uli marhitehite na masilehonan roha
dohot pikiran.
Kel: Paingot ma hami Tuhan di bagasnami on, manghangoluhon
parsaorannami di bagasan dame, tongtong mangajarhon na denggan jala
na uli, dohot parbinotoan di Hata ni Debata.
L : Ale Tuhan, sai ajari ma nasida ganup ari, asa tarbege sian bagas on angka
barita na denggan na tau sihalashonon. Ende puji-pujian dohot pelean na
hushus, na marparangehon haserepon dohot hadameon. A m e n.
9. MARENDE BE. 463 : 1 PASUPASUM TONGOSONMU
Pasu-pasuM tongosonMu, i do didok hataMi.
Suru TondiM na Badia, bosur bahen rohangki.
HagogoonMu, songgop ma tu rohangkon
Unang sai holan manetek, gohi sandok diringkon.
10. TANGIANG PANGONDIANON (hula-hula)
11. Marende B.E No. 160 O TONDI PARBADIA, BONGOTI BL. 206
Rajai ma hami sai tongtong Pasaor tu rohanami on DameM, o Tuhannami
Marhitehite tondiMi Ingani rohanami be Huhut patogu hami
Dao ma bada Sian hami, jabunami baen inganan Pardamean, hasonangan.

12. JAMITA : St.Ir.TP. Simanjuntak

Page 5
13. MARENDE BE 435 : 1-2 MOLO JESUS DONGANMI
(P a s a h a t h o n P e l e a n)
1. Molo Jesus donganmi las roham,Jesus I pangurupi, las roham,
Hot haporseaonmi do hot pos ni roha miMardonganhon Jesus I las
roham.
Las roham, las roham mardonganhon Jesus i. Las roham, marsinondang
ma di ho, bintang pangkirimon I mardonganhon Jesus I las roham.
2. Molo Jesus donganmi las roham, JagaonNa tondimi las roham,
Tiruonmu ma tongtong dame nang holongNa I,
Saleleng dingolumi las roham. Las roham

15. TANGIANG PANUTUP PASUPASU

C. Hata huhuasi diatur hasuhuton

PIRMA PONGKI BAHULBAHUL PANSALONGAN

PIRMA TONDI TU LAJUNA MA PANGOMOAN
HORAS

Page 6