ACARA IBADAH PERESMIAN GIO KOST

JLN KARTINI SISINGAMANGARAJA KISARAN

1
I. Di Pelataran Gio Kost
1. Pangaradeon : Sude Keluarga dohot ONTANGAN marpungu di
jolo ni Gio Kost
2. Marende BE. No. 565 : 1 – 2 “Las rohangku lao”
Las rohangku lao mamuji Debata Parholong I Songon bunga na
mangerbang di na binsar ari i Arsak, dosa, haporsuhon mago dibaen
asiMi Las ni roha na manongtong lehon di au Tuhanki Sude
jadijadianMu, laut, tano, langit i Angka bintang dohot bulan nang
mataniari I Hauma, ladang, nang harangan, rura dohot dolok i
Saluhutna mangendehon sangap di Tuhanta i
3. PENGGUNTINGAN PITA
J SITORUS / BE SIAGIAN
Sian asi dohot holong ni roha ni Jahowa do hupungka jala
hupasidung hami Gio Kost on. Mauliate ma di Debata,
dipasupasu Tuhan i ma hami saluhutna Pengelola dohot
pangisi ni Hotel on .
U : Inganan nauli, pangalapan tua, pasu-pasu jala hasonangan
ma inganan on di hamu dohot di sude na mian dison
tumpahan ni Debata marhitehite Tuhan Jesus Kristus
( Digunting ma Pita Oleh Ny J Sitorus/Br Siagian )

4. Membuka Selubung
Kel J Sitorus/Br Siagian
Dibagasan Roha na mariaia Hubungka hami ma Selubung ni
Gio Kost on Tuhanta ma na mamasumasu dohot
namangaramoti, saluhut halak na mian dison diramoti ma
pengelola nang angka parkarejo di inganan on

5. Pasahat kunci ni Gio Kost tu Uluan

Hupasahat hami ma kunci ni Gio Kost on tu hamu
panditanami. Dipasupasu Tuhanta do hami saleleng on na
paulihon Bangunan on sahat tu na dimpos. Ungkap hamu

2
 ma asa masuk keluarga on rap dohot sude naginokhonna. Sai
dipasupasu Tuhan ma sude na mian di inganan on.

6. Mangungkap Pintu ( Pandita/Uluan)

U : Huungkap ma Pintu ni Gio Kost on,( Bagas Parmianan Gio
Kost on ) marhitehite goar ni Debata Ama, dohot goar ni
AnakNa Tuhan Jesus Kristus, dohot goar ni Tondi Porbadia.
Amen. Horas ma hamu di Inganan on. Inganan na ginohan ni
Dame dohot holong ni roha ni Tuhanta ma inganan on di
hamu. (Masuk ma tu bagas Gio Kost laos hundul be ma
hombar tu inganan naung diparade)

II. ACARA PARTANGIANGAN

7. Marende BE 754 : 1 “Gok las ni roha”
Gok las ni roha do au di ngolungkon Di ngolungkon di
ngolungkon gok las ni roha Do au di ngolungkon tongtong di
rohangkon
Mauliate gok las ni roha maringan HolongMi Tuhan di au
Mauliate gok las ni roha maringan HolongMi Tuhan di au
8. VOTUM
U: Marhite-hite goar ni Debata Ama dohot goar ni AnakNa
Tuhan Jesus Kristus dohot goar ni Tondi Porbadia, na
manompa langit dohot tano on.
H : Amen
U : Pelehon ma tu Debata hamauliateon, jala garari ma angka
bagabagami tu Natumimbul. Manang ise mamelehon
hamauliateon, ido pasangap Ahu, jala mambahen lapang,
asa hupatuduhon di ibana hatuaon ni Debata.
S : (Mangendehon) Haleluya…haleluya…haleluya
U : Martangiang ma hita : Ale Tuhan Debata Amanami
pardenggan basa nasumurung. Na ro do hami tu joloM
mamboan pujipujian dohot mauliate ni roha nami tu
adopanMu. Apala di tingkion dilehon Ho do di hami las ni
roha, hahipason, gabe ni angka na niula dohot sinur ni
pinahan. Dipasupasu Ho do hami sonang so hariboriboan,

3
 mardamedame jala mardenggan denggan di angka
parsaoran siganup ari.
S : Tung balga do las ni roha nami sadarion, siala bolas
keluarga J Sitorus / Boru Siagian patupahon Acara
Peresman Gio Kost on
K : Sai inganan Parmianan nauli ma on pangalapan tua,
pasupasu jala hadameon sian Ho ma Tuhan inganan on di
hami saluhutna. Padao ma na mambahen parmaraan,
songgot-songgot, manang parsahiton di hami sude.
Patongon angka na hombar, hombar tu hagunaan ni
inganan on ,Ramoti jala pasupasu ma saluhut halak na mian
dison dibagasan hasonangan dohot hadameon Tambai
nang pansarian dohot pangabahan na tama marhite
ingananon, ajari nang hami saluhutna laho patupahon
ingananon gabe pasupasu tu portibion
U : paingot hami saluhut ale Tuhan Jahowa, asa unang holan
arta portibion huharingkoti hami, alai asa mangarade hami
di bagas na sumurung di banua ginjang naung pinaradem,
na so tarngatngat ni ngitngit dohot tasik. Jalo ma tangiang
namion marhite hite Jesus Kristus Tuhan nami. Amen..

03. Marende B.E. No. 12: 2-3

Huboto Ho do mual ni na denggan sasude. Dilehon Ho do sian
i godang di hami be.
Ai aha na adong hian di hami na lea. Sude dilehon ho nian o
Tuhan debata.

04. Sipaingot
U : Di na marlas ni roha hita Sadarion di Peresmian Gio Kost
on , tama do pahusorhusoronta poda ni Debata tu angka
naung tarpasupasu di ngolu siganup ari, dohot na pauli
angka bagas songon na tarsurat di 5 Musa 8 : 11-20 :
“Antong ramoti ma dirim, asa unang lupa roham di Jahowa
Debatam, gabe dang diradoti ho angka tonaNa i, uhumna
dohot aturanna, angka na hutonahon i tu ho sadarion.
K : Asa unang ia dung mangan ho jala bosuran, jala dipauli ho
angka bagas na uli diingani ho. Tole lombum dohot
4
 birubirum lam sinur do jala ganda perak dohot sere di ho,
ganda huhut saluhut na di ho.
S : Hape lam dipaginjang ho roham jala lupa ho di Jahowa
Debatam, na mangalehon pasupasu di ho saleleng ngoluM.
U : Ibana manogunogu ho di halongonan na bolon jala na
jorbut, inganan ni ulok tulung api dohot naga dohot hala,
tano hasang huhut na so marisi aek; Ibana tahe paruarhon
di ho aek sian dolok batu na pir sahali.
S : Ibana mangalehon ho mangan Manna di halongonan, na so
tinanda ni angka ompum, asa Ibana paserep roham dohot
mangunjuni ho, asa marhasonangan ho bahenonna di ujung.
K : Asa unang dohononmu di bagasan roham: Gogongku sandiri
dohot huaso ni tanganku mangomo di ahu hamoraon on.
U: Ingkon paingotingoton ni roham tahe Jahowa, Debatam, ai
Ibana do na mangalehon gogo tu ho mangomo angka arta
i, asa pahothon padanna naung niuarihonna tu angka
ompum, songon na andar sadarion. Alai tung sura lupa
roham di Jahowa, Debatam, jala diihuthon ho angka Debata
sileban huhut mangoloi jala marsomba tusi,
hatindangkononku hian ma tu hamu sadarion, ingkon mago
situtu hamu. Songon bangso parbegu, angka naung niago ni
Jahowa
maradophon hamu, suang songon i hamu mago, ala so
ditangihon hamu soara ni Jahowa, Debatamuna. Ido
sahatna.
K : Sai ditangihon jala dipeop rohanami ma saluhut tona ni
Debata na hujalo hami sadarion. Jala sai dipargogoi ma
hami manghamauliatehon pasu pasu ni Debata, baen
sangap di goarna na badia i..
U : Martua ma hamu ala ditangihon jala dipeop hamu hata ni
Debata. Amen

05. Marende BE-149 : 1, “Ho tongtong ihuthononku”

Ho tongtong ihuthononhu, Jesus sipangolu au. / Tung na so
tadinghononhu Ho na paluahon au. / Sian sasude dosangku,
dohot sian uhum i. / Na tongtong habiaranhu, ala pardosaonhi.
06. LAPATAN DOHOT OJAHAN NI BAGAS PARMIANAN
5
 (U : Uluan, R : Ruas, Kel : Keluarga)
U: Hamuna dongannami na marlas ni roha keluarga, J Sitorus /
Boru Siagian, Nunga dipaloas Debata hamu paulihon Inganan
on, ingot hamuma hata ni Debata natarsurat di Josua 24 :15c,
alai anggo ahu dohot donganku sajabu, ingkon Jahowa do
oloannami. Antong, dia do impola ni bagas on di ngolumuna?
Kel:Basabasa dohot silehon-lehon ni Debata do Inganan on.
Sihalashonon jala sipangkeonni ganup na mian dison ma on ari
ari Martangiang di bagasan pos ni roha tu Tuhan i, Inganan
panjangkonon di pasupasu ni Tuhan i,
U: Nunga dipasahat Debata bagas on tu hamu, Asa pakeonmuna
Inganaon on patupahon na denggan tu nahumaliang tu angka,
dongan, tu masyarakat nang tu Huria ni Tuhan i. Ingot hamu
ma Hata ni Debata di Yosua 2 : 18 b, na mandok: “
.. jala papunguonmu tu lambungmu di jabu on natorasmu dohot
angka ibotom dohot sandok pinompar ni amangmu”.
Kel: Dibasabasahon Debata Inganan on di hami, on pe, bahenon
nami ma Inganan on gabe inganan parsaoran jala gabe inganan
pardamean dohot parolop-olopon mida Tuhan i.
U: Dipauli hamu do inganan on di atas ojahan batu, dohot marhite
hansing-hansing na togu, Alai boto jala ingot hamu ma : Ianggo
hatoguon ni inganan on, Ima molo dipaojak jala dipajongjong, di
atas ni ojahan na togu jala na manongtong i, ima Jesus Kristus
Tuhan i.
R: Mian ma angka halak namian di inganan on, di bagasan dame
dohot hasadaon,
Kel:Dibagasan hatoguon ni haporseaon dohot panghirimon, Di
bagasan las ni roha nang di parungkilon, Maradophon Tuhan i.
U: Inganan on naeng ma habaoran ni pasupasu dohot dame
Maradophon saluhutna na ro tu inganan on, nang maradophon
saluhut jolma na humaliang ingana on.
R : Ale Tuhan, sai usehon ma pasupasuMi Tu dongan nami di
Inganan on, asa taripar pasupasuMi, nang tu angka dongannami
pe.
Kel : Ale Jahowa Zebaot, Debata ni Israel, nunga dipapatar Ho tu
pinggol ni naposomon hata on: Ahu pajongjongkon di ho sada
Inganan Parmianan nauli. Ala ni umbahen naung
6
 marhasonangan roha ni naposomon. On pe, ale Tuhan
Jahowa! Ho sandiri do Debata, jala hasintongan do angka
hatam, jala nunga diparbagabaga Ho tu naposomon hata na
denggan on.
R: Antong pungka ma nuaeng mamasumasu Keluarga ni
amanami, J Sitorus / Boru Siagian, asa hot di adopanmu
nasida ro di salelenglelengna; ai Ho sandiri, ale Jahowa
marbagabagahon.
U: Ianggo bagas na binasa-basahon ni Tuhan i, bahen inganan
pangajarion di poda na tama dohot di Hata ni Tuhan i,
inganan pados tahi dohot pandapot, laho mangulahon na
denggan jala na uli marhitehite na masilehonan roha dohot
pikiran.
Kel: Paingot ma hami Tuhan di Inganan on, dohot sude na mian
dison manghangoluhon parsaorannami di bagasan dame,
tongtong mangajarhon na denggan jala na uli, dohot
parbinotoan di Hata ni Debata.
U: Ale Tuhan, sai ajari ma nasida ganup ari, asa tarbege sian
Ingananon on angka barita na denggan na tau sihalashonon.
Ende puji-pujian dohot pelean uap na hushus, na
marparangehon haserepon dohot hadameon. A m e n.

07. Marende B.E. No. 470: 1+6

a. Jesus Ho nampuna au dohot na adong di au. Gogo dohot
hosangki sahat ma tu tanganMi.
b. Pinangido ma tu Ho, rohangki pe dohot do baenonMu,
Tuhanki, tong tu harajaonMi.

08. Tangiang pangondianon

09. marende B.E. No. 467 : 1

 Asi ni rohaM hupuji ala Ho manobus au. Dipaias Ho
rohangku gabe soranganMu au. ingananMu rohanami
tondiMi manggohi i. pangke dohot ngolunami gabe
ulaulaMi.

10. JAMITA :
7
11. Marende B.E. No. 753 : 1+2 (Papungu pelean)
Di pardalanna Jesus di jolongku, holong ni tanganMi manogu au.
Nang di ngolungku Ho do sombaonku, tung sonang mardalan
raphon au. Huboto do tangkas panoguonMu, diiring-iring Ho
do langkangki. Sahat ro di ujung ni pardalanku, togu ma au
jonok tu lambungMi
 Patogu ma Tuhan haporseaonku, asa polin tu Ho
manghirim au. Tu surgoi patulus pardalanku, tondiMi
maringan ma di au. Huboto do……….
12. PARSURUON
U :Ale Tuhan Debata, parasi roha na sumurung. Mauliate ma
dipasahat rohanami tu Ho, ala godang ni asi dohot holong ni
rohaM. Diurupi Ho do dongan nami on pauli inganan
parmianan nauli on sian na mamungka sahat tu na
paujunghonsa. Ndang tagamon so godang halojaon,
parungkilon, dohot holso-holso ni roha nasida
papungupungu sinamot na ringkot tu pembangunan ni Gio
Kost on. Alai tung dipasingkop Ho do na ringkot tu ulaon i,
gabe dimpos jala sirsir saluhutna songon na hubereng hami
nuaeng. Pasu-pasuM do i Tuhan, jala hupuji hami ma
goarMu alani saluhutna i.
K : I ma tutu Tuhan, di Ho ma puji-pujian nami arion ro di
saleleng ni lelengna.
U : Di naung hubongoti hami jala dihalashon hami inganan on
sadarion, hupasahat jala hupanggomgomhon hami ma tu
Ho saluhut pangisi ni inganan on, Halak mian dison Mian
ma Ho di Inganaon on marhite-hite TondiM, sai ramoti ma
nasida na tingga mangingani inganan na uli on asa tongtong
di bagasan hahipaso dohot pangaramotion na sian Ho i
Kel : Ima tutu ale Tuhan, suru ma Tondi Parbadia tu ganup hami
pangisi ni ingana on,dohot sude angka na mangula di ingan
on asa jumpang hami dame, las ni roha, hatuaon,
parsaoran na tama, asa masa di hami holong na
masihaholongan marhite-hite goar ni Tuhan Jesus Kristus
Tuhannami.

8
S : Sai parrohai ma hami mamilangi angka ariarinami, asa
dapotan roha na bisuk hami.
U : Antong borhat ma hita tu halasan ni rohanta, sai saut ma
angka na tasangkapi saluhutna, di ulaon sadarion dohot di
angka ulaonta siganup ari, ai nunga ro Debata tu tonga-
tonganta.
U : Tangiang Pelean+Ale Amanami…….+ Pasupasu
H : AMEN….AMEN….AMEN

III. Acara Selanjutna di atur tersendiri