PERAYAAN NATAL REMAJA DAN NAPOSOBULUNG

HKBP HUTAGALUNG HAREAN RESORT HUTAGALUNG

KAMIS, 26 DESEMBER 2019

Tema :
Hehe ma ho! Marsinondang ma ho!
Ai na ro ma panondangmu,
jala hamuliaon ni Jahowa binsar di atasmu.
(Jesaya 60 : 1)
Sub Thema :
Marhitehite Perayaan Natal Keluarga Besar Remaja Dohot Naposobulung
HKBP Hutagalung Harean Tarjou Gabe Panondang tu Humaliangna.
I. Pangaradeon
1. Parhalado rap dohot Panitia Natal Remaja dohot Naposobulung, BPH Remaja dohot
Naposobulung rap dohot paniroi Remaja dohot Naposobulung martangiang di Bilut
Parhobasan (Konsistori).
2. Parhalado rap dohot Panitia Natal Remaja dohot Naposobulung, BPH Remaja dohot
Naposobulung rap dohot paniroi Remaja dohot Naposobulung mamasuhi bagas joro.
Ditomutomu tortor Remaja dohot Naposobulung.
3. Kata Sambutan sian Protokol
4. Kata Sambutan
a. Ketua Panitia Natal Remaja Dohot Naposobulung
b. Mewakili Natoras Remaja Dohot Naposobulung
c. Mewakili Parhalado
d. Paniroi Remaja Dohot Naposobulung
5. Pagalak Lilin (SL. BE. No. 616)
a. Parjamita
b. Perwakilan Parhalado
c. Paniroi Remaja dohot Naposobulung
d. Ketua Natal Remaja dohot Naposobulung
e. Perwakilan Orang Tua
f. Ketua BPH Remaja dohot Naposobulung
g. Mewakili Undangan
6. Pangaradeon
U : Hamuna angka dongan na hinaholongan dibagasan Jesus Kristus. Patut do hita marlas
ni roha di bagasan tingki on, ai dilehon dope tingki di hita mamestahon ari
parningotan di hatutubu ni Sipalua, ima Jesus Kristus. Mandok mauliate ma hita di
holong ni Debata
R : Olophon ma Debata saluhut isi ni portibion, olophon ma haroro nai dohot las ni roha.
U : Tomu ma Raja siboan dame i, puji ma Debata di bahen sude denggan ni basaNa.
Marsomba ma hita tu Debata marhitehite tangiang, marsuraksurak tu Ibana
mardongan pujipujian. Tapuji ma Debata ta endehon ma “Sai ro ma hamuna”
II. Acara Ibadah
1. Marende Be No 56 : 1 – 2 (Sai ro ma hamuna)
♪♫♪ Sai ro ma hamuna angka na porsea. Sai ro ma hamuna tu Betlehem.
Ida dakdanak, sipalua hita. Tasomba ma Ibana, Tasomba ma Ibana,
Tasomba ma Ibana, Rajanta.
♪♫♪ O Raja na sangap, Tuhan ni saluhut, ditaon Ho na porsuk di tano on.
Ala ni jolma na di hamagoan. Tasomba ma Ibana, Tasomba ma Ibana,
Tasomba ma Ibana, Rajanta. ------------------------ (Jongjong)
2. Votum – Tangiang
U : Marhitehite goar ni Debata Ama, dohot goar ni AnakNa Tuhan Jesus Kristus, dohot
goar ni Tondi Parbadia.
H : Amen !
U : Nunga tubu di hita sada posoposo, dilehon tu hita sada Anak, pampe tu abaraNa do
sogot harajaon, jala bahenonna GoarNa : Sipartahi halongangan, Ulubalang ni Debata,
Ama saleleng ni lelengna, Raja ni Hadameon.
H : Endehon hamu ma sada ende na imbaru di Jahowa ale sandok tano on. Pajojor hamu
ma di tongatonga ni sipelebegu hamuliaonNa i.
U : Hehe ma ho! Marsinondang ma ho! Ai na ro ma panondangmu, jala hamuliaon ni
Jahowa binsar di atasmu.
H : Boto hamu ma on; Jahowa do Debatanta. Ibana jumadihon hita, jala Ibana nampuna
hita, bahen bangsoNa dohot birubiru pinarmahanNa.
U : Bongoti hamu ma angka bohalNa marhitehite hamauliteon; angka alamanNa
marhitehite pujipujian. Mauliate ma rohamuna tu Ibana, puji hamu ma GoarNa, ai
pardenggan basa do Jahowa, ai ro di saleleng ni lelengna do asi ni rohaNa, jala
marsundutsundut do hasintonganNa, haleluya! Martangiang ma hita! Ale Tuhan
Debata, Amanami Parasi roha na sumurung. Mauliate ma rohanami tu Ho, ala dijou
Ho hami tu asi dohot holong ni rohaM. Ho do Debata na sintong jala na badia, na
manggomgomi saluhut tano on. Hupuji hami ma goarMu na badia i, ala naung ditobus
Ho hami sian gomgoman ni dosa dohot hamatean, marhite hatutubu ni AnakMu
Tuhan Jesus Kristus Tuhannami. Ragam do angka na masa naung hubolus hami di
ngolunami on. Sai marusaho do sibolis patubu angka arsak, hagaoron dohot mara di
tongatonganami. Godang do nang sihalashononnami naung pinatupaM di tongatonga
ni keluarga, huria, masyarakat, nang negaranami. Angkup ni i, sai parrohai ma hami
luhutna, asa ingot rohanami manghamauliatehon denggan ni basaMi naung paluahon
hami sian gomgoman ni hamatean i, asa parjambar hami di hangoluan na manongtong
marhitehite Tuhan Jesus Kristus Tuhannami
U+H : Amen ! ----- hundul -----

3. Marende BE. Marende BE. 48:1+3 (Ria ma hita sasude)

1. Ria ma hita sasude mamuji Debata
girgir ma parendenta be ai i do na tama ai i do na tama
3. Ampuan ni AmaNa do tinadingkonNa i
tu hasiangan on do ro, tu pardangolan i, tu pardangolan i.
4. Manjaha Hata Ni Debata 1 Korint 13 : 1 - 3
U : Tung sura huhatahon angka parhataan ni jolma nang surusuruan pe, anggo so
parholong ni roha ahu, naung songon hangsa do ahu na mangkulingkuling jala
songon ogung na maruolol.
R : Jala tung sura panurirangon di ahu, gabe huboto hasimoon sasudena ro di sandok
parbinotoan, jala tung sura parhaporseaon situtu ahu, pola tarpaunsat ahu dolok,
doshon na soada ma ahu, anggo so parholong ni roha ahu.
 U : Jala tung sura hubasabasahon saluhut artangku jala hupasahat dagingku, asa ditutung,
tung na so marguna i di ahu, anggo so parholong ni roha ahu.
R : Na lambas do haholongon i jala na sorta, ndang na mangiburu haholongon i, ndang
tenga jala ndang dipaburnangburnang dirina.
U : Maradat situtu do haholongon i, ndang na ahut, ndang olo pangarimason, ndang
dipajujurjujur na jahat.
R : Ndang las rohana mida hageduhon; alai tongtong do dihalashon hasintongan i.
U : Saluhut do ditanom rohana, saluhut do dihaporseai, dihirimi jala ditaon.
Ima sahatna, Martua do na tumangihon hata ni Debata jala na umpeopsa.
U+H: AMEN

5. Marende BE. No. 603 b : 1,2

♪♫♪ Tung di panggagatan peak Ho Tuhan, dangol pe Ho sorang sabam do roham.
BintangMu di langit humirdop torang, manatap Ho Jesus na modom sonang.
♪♫♪ Nang gaor humaliang pinahan disi, alaiHo o Jesus sinok tingki i.
Holong do rohangku di Ho Tuhanki, di dalan na holom Ho ma donganki.
Jongjong-------------------------
6. MANOPOTI DOSA
U : Hamu angka dongan na hinaholongan ni Tuhan Jesus Kristus. Sian bortian ni dainang
nunga mardosa hita jala sahat tu nuaeng pe jotjot do taarsahi Debata marhite hata,
pambahenan dohot pingkiranta na maralo tu lomo ni roha ni Debata. Alanii,
tapaunduk ma rohanta marsinggang tu adopan ni Debata laho manopoti dosanta na
godang i.
(Martangiang na hohom diiringi musik BE.683 sa-ayat)
U : Ale Tuhan Debata, Amanami Parasiroha na sumurung jala pardengganbasa. Na ro do
hami nuaeng tu joloM mangarsakhon dosa dohot pangalaosionnami. Jotjot do hulaosi
hami patikMu na mambahen jut rohaM marnida hami jala ndang huhaholongi hami
Ho sian nasa rohanami dohot sian nasa gogonami dohot sian nasa ateatenami dohot
sian nasa pingkirannami.
H : Ale Jahowa, unang ahu pinsang di bagasan rimasMu, jala unang ajarI ahu di parpiarpiar ni
murukMu.
U : Ale Tuhan. DihiriM Ho do sian hami asa manghaholongi dongannami doshon
dirinami. Hape, ndang huhaholongi hami dongannami doshon dirinami, baliksa tahe
jotjot do hubahen hami sogo ni roha ni dongannami marhite hata dohot
pambahenannami.
H : Ale Jahowa, unang ahu pinsang di bagasan rimasMu, jala unang ajarI ahu di parpiarpiar ni
murukMu.
U : Ale Tuhan Jahowa, di na hubolus hami ariari ni ngolunami di portibion, huadopi hami
angka hamaolon dohot parungkilon. Jotjot do hami ndang marhaposan tu Ho, holan
gogo dohot pingkirannami do na hupangasahon hami. Gabe jotjot ma hami madabu
tu pandelean, ngolu na bobonosan, ngolu na tahutan ala so Ho hubahen hami
haporusan dohot partanobatoan ni ngolunami.
H : Ale Jahowa, unang ahu pinsang di bagasan rimasMu, jala unang ajarI ahu di parpiarpiar ni
murukMu.
U : Ale Tuhan. Disuru Ho do hami patundukhon dohot mangarajai angka na tinompaMi.
Hape ndang huulahon hami parsuruonMi hombar tu lomo ni rohaM alai hombar tu
lomo ni rohanami do laho pasombuhon hagiot ni dagingnami. Ndang hujaga jala
huramoti hami angka na tinompaMi baliksa tahe husegai hami do hinauli ni
natinompaMi.
H : Ale Jahowa, unang ahu pinsang di bagasan rimasMu, jala unang ajarI ahu di parpiarpiar ni
murukMu.
U : Ale Tuhan, lehon ma tu hami tondiM na badia i, asa unang ganggu rohanami di asi ni
rohaM, alai asa hot rohanami marhaporseaon laho manggotaphon nasa dosa dohot
roha portibion, asa hupasahat hami dirinami tu Ho, gabe pelean na mangolu jala na
badia marhitehite Tuhan Jesus Kristus Tuhannami. Amen.
H : (Mangendehon) BE.683:2+3 ”Di adopanMu Jesus”
♪♫♪ Di adopanMu Jesus, marsomba au huhut tungki.
Lao manopoti dosangki, di adopanMu Jesus.
U : Tabege ma hata bagabaga ni Debata taringot tu hasesaan ni angka dosanta: Parasi roha
jala pardengganbasa do Jahowa, lambat tarrimas jala parasi roha godang. Ndang
dibahen tu hita hombar tu angka dosanta, jala ndang dibaloshon tu hita hombar tu
angka hajahatonta. Ai songon dao ni langit sian tano on do gogo ni asi ni rohana di
angka na mangkabiari Ibana. Songon dao ni habinsaran sian hasundutan dipadao
Ibana sian hita angka pangalaosiontai. Songon asi ni amaama tu angka anakna asi ni
roha ni Jahowa di angka na manghabiari Ibana. Hasangapon ma di Debata na di
ginjang.
U+R: Amen Hundul ---
7. MARENDE BE. NO. 600 : 3,4 “Las ma roham”
♪♫♪ Sai dipatunduk dosa i luhut tinompaM i. Sai naeng disoadahon do barita dame i.
Antong hamu pardosa i pauba roham i. Tangihon niendehon ni Surusuruan i.
♪♫♪ Hamu angka na loja i jala na sorat i.
Binaen ni angka dosam i dapothon Tuhan i.
Tinggangkon hinolsohonmi tu Sipalua i.
8. Koor : a. Remaja dan Naposobulung HKBP Hutagalung Harean
b. P. Ina Kamis HKBP Hutagalung Harean
9. Liturgi 1 (Penciptaan)
10. Marende BE. No. 45 : 7 ”Ndang tadinghononku Ho”
♪♫♪ Hosianna Anak ni Debata na gabe jolma.
Topot ma huriaMi, asa sai tongtong martua.
Sangap ma di goarMi, salelenglelengna i.
11. Liturgi 2 (Kejatuhan Manusia ke dalam Dosa)
12. Puisi “Indahnya Natal di Hatiku” ()
13. Marende BE. No. 608:3+4 “O Betlehem na metmet i”
♪♫♪ Hohom so pamotoan do saut bagabaga i. Sian banua ginjang ro Kristus Tuhanta i
Portibion ramun do binaen ni dosa i. Tu angka na manjangkon do ro Sipalua i
14. Vocal Group/Puisi/Koor
a. Remaja dan Naposobulung HKBP Dame Saitnihuta
b. Pemuda Pemudi GKPI Hutagalung
c. Koor Mannen Yehuda
15. Fragmen Kejatuhan Manusia Kedalam Dosa
16. Vocal Duet “Damai Bersamamu” (Fitri & Tasya)
17. Marende BE. No. 601 : 2,3
♪♫♪ Ro sian banua ginjang tuat tu portibi on.
Na gumomgom saluhutna tubu di bara inon.
Raphon jolma na lea saor tu hita Debata.
♪♫♪ Tagan di hametmetonNa parangeNa i burju.
Pasangaphon natorasNa lam marroha situtu.
O dakdaknak tiru ma Jesus Kristus na burju.
18. Fragmen Kelahiran
19. Vocal Trio “” (Ravika, Ruth & Septa)
20. Marende BE. No. 607 1, 2.
♪♫♪ Nunga tubu Kristus i, Haleluya! Di huta Betlehem i, Haleluya!
Gabe daging hata i, Haleluya! di mula ni Natal i, Haleluya!
♪♫♪ Na rade tarsilang i, Haleluya! Di partangkurakhan i, Haleluya!
Mangoloi AmaNa i, Haleluya! Lao manghophop jolma i, Haleluya!
21. Liturgi Lilin
22. Marende BE. No. 54 : 1,2
♪♫♪ Sonang ni bornginna i, uju ro Jesus i!
Sonang modom do halak sude, Holan dua na dungo dope
Mangingani Anakna, Jesus Tuhanta i
 ♪♫♪ Denggan ni borngin nai, uju ro Jesus i!
Tu parmahan di Betlehem i, dipaboa na disurgo i;
Nunga ro Sipangolu, Jesus, Tuhanta i.
23. Koor : a. Remaja dan Naposobulung HKBP Simorangkir
b. Koor Ama HKBP Hutagalung
24. Liturgi Pangaranto
25. Vocal Solo Donni Sinaga
26. Koor a. Remaja dan Naposobulung HKBP Onangadugadu
b. Remaja dan Naposobulung HKBP Sosunggulon
27. Liturgi Orang Tua
28. Koor Remaja dan Naposobulung HKBP Hutagalung Harean
29. Marende BE. No. 47 : 1,2 ”Di na saborngin i do binsar”
♪♫♪ Di na saborngin i do binsar panondang di tondinta i.
Padaohon saluhut na simpar, lao patiurhon sasude.
Sondangon ni panondang on muse sandok portibi on.
♪♫♪ Ianggo ho ale tondingku, sai jangkon ma Panondang i!
Sai unang ma lea rohamu dibaen hametmetonna i;
Pabalionna do sude, Sibolis dohot dosa pe.
30. JAMITA : Yesaya 60 : 1
31. Marende BE. No. 605 : 1........... (Papunggu Pelean)
♪♫♪ Las ma roham! Tuhanta ro; Gumomgom sasude.
Ungkap roham, jangkon rajam,
marende ma sude, marende ma sude. Marende, marende ma sude.
♪♫♪ Tano nang laut, harangan i; Nang hajanghajang i;
Hauma i nang sunge i, olophon Raja i, olophon Raja i.
Olophon, olophon Raja i.
♪♫♪ Bura binaen ni dosa i, marujung ma disi.
Ai nunga ro Mesias i, mamboan dame i, mamboan dame i.
Mamboan, mamboan dame i.
♪♫♪ Ibana do Rajanta i, parasiroha i. Na tigor i, na bonar i,
parholongroha i, parholongroha i. Parholong, parholongroha i.
32. Manghangoluhon Hata ni Debata
U : Asa jumpang hita dame sian surgo jala jumpang hita haluaon ni tondinta, rap ma hita mangido:
H : Sai asi ma rohaM!
U : Asa jumpang hasonangan di sandok portibi on, jala jumpang hasadaon ni roha nang pingkiran di
sandok huria ni Tuhan i di tano on nang di sude keluarga besar Remaja dan Naposobulung HKBP
Hutagalung Harean, rap ma hita magido:
H : Sai asi ma rohaM!
U : Asa mardame hita di bagasan dirinta, saurdot roha dohot pingkiranta, rap ma hita mangido:
H : Sai asi ma rohaM!
U : Asa jumpang dame nang holong di tonga-tonga ni ganup keluarga besar Remaja dan Naposobulung
HKBP Hutagalung Harean, margogo jala marsahala natoras gabe malim maradophon angka
ianakhon, asa lam diboto ianakhon pasangaphon natorasna, rap ma hita mandok:
H : Sai asi ma rohaM!
U : Asa margogo hita patuduhon hasadaon nirahut ni holong ni roha di tonga-tonga ni
bangso Indonesia na tahaholongi on, asa jumpang dame di ganup pangisina, jala
mangolu di bagasan paralealeon, rap ma hita mangido:
H : Sai asi ma rohaM!
U : Asa margogo jala marsahala hita mamaritahon barita nauli i tu nasa na tinompa, asa
mardame sude na tinompa ni Debata, dao hita sian hamongkuson na mengeksploitasi
alam, rap ma hita mandok:
H : Sai asi ma rohaM!
U : Asa ditatap luat na taingani on dohot ganup huta nang luat na niinganan ni angka na
porsea, asa dipasiding ngolunta sian angka hasipelebeguon, rap ma hita mangido:
H : Sai asi ma rohaM!
U : Asa ditatap angka suansuanan dohot parbuena, asa dilehon udan dohot las ni ari di
tingkina, rap ma hita mangido:
H : Sai asi ma rohaM!
U : Asa ditatap halak na di pardalanan, na marsahit nang na marsitaonon dohot angka na
tarhurung asa dapotan haluaon; rap ma hita mangido:
H : Sai asi ma rohaM!
U : Antong nunga taboto angka rumang ni ngolu kekerasan i, na paholang parsaoran di
sude na tinompa ni Debata. Di Pesta Natal on, dijou do hita asa tapadao bangko
kekerasan sian ngolunta, sian tonga-tonga ni keluarganta, masyarakat nang hurianta. Las
ma rohanta, ala naung ro Jesus Raja ni Hadameon i, gabe siboan dame dohot holong ni
roha ma hita tu portibi on.
H : Tuhan! Urupi ma hami asa tutu hami siboan dame nang holong ni roha di portibi on.
U+H: Amen
33. Tangiang Pelean – Ale Amanami – Amen … Amen… Amen…