PARTORDING NI PARMINGGUON

TAON NA IMBARU
HKBP LAPAN – LAPAN

Ev. Psalmen 8 : 1-10 Ep. Epesus 3 : 14-21

TOPIK :
HASONGKALON DOHOT HOLONG NI ROHA NI DEBATA
DI GANUP JOLMA

MINGGU, 01 JANUARI 2023

 I. PARMINGGUON
PROSESI :
Uju mardalan Parhalado Partohonan sian pintu masuk bagas gareja marende ma ruas
sian BE. No. 853 “Haleluya (12x)” niluhon ni Song Leaders. Laos jongjong ma
Parhalado Partohonan di jolo ni langgatan mangadop dompak ruas ni huria.

01. Joujou Parsombaon tu Debata (U=Uluan; H=Huria)

U : Huria na hinaholongan dibagasan Goar ni Tuhan Jesus Kristus. Sadarion,
01 Januari 2023, i ma Bona ni Taon na Imbaru taon 2023 gabe taon
Profesionalisme Hajuarabagason HKBP. Marhite tema Minggunta
Hasongkalon dohot holong ni roha ni Debata di ganup jolma. Holan ala Asi ni
roha ni Debata sambing do na patariparhon hita sian taon na salpu, jala na
tamasuhi dibagasan las ni roha dohot dame. Alani i, andorang so
tapungka marhite parmingguonta mandok mauliate tu Tuhan i, parjolo ma
hupasahat hami : “Selamat Taon Baru ma di hita saluhutna”
H : Selamat Taon Baru ma nang tu hamu angka amanami dohot inanami
Parhalado di Huria on.
U : Songon tanda las ni rohanta sadarion, di pangaramotion ni Debata di
naung taripar hita tu bona ni taon on, tapuji ma Tuhanta marhite na marende
hita sian BE No. 70 : 1 – 3.
02. Marende BE HKBP No. 70 : 1 – 3 “Naung salpu taon na buruk i”
♫ Naung salpu taon na buruk i, Ho ma hupuji Tuhanhi. Ai diramoti Ho
tongtong tondingku dohot dagingkon. Ai diramoti Ho tongtong
tondingku dohot dagingkon.
♫ O Jesus sai asi rohaM, paian denggan ni basaM; muse di taon na’mbaru on
di nasa huriaM tongtong, muse di taon na’mbaru on di nasa huriaM
tongtong. (jongjong)
♫ Sai tong paian hataMi na mangapuli roha i. Alai pangago sasude padao
ma sian hami be. Alai pangago sasude padao ma sian hami be.
03. Votum – Introitus – Tangiang
U : Marhitehite Goar ni Debata Ama, dohot Goar ni AnakNa Tuhan Jesus Kristus,
dohot Goar ni Tondi Parbadia na tumompa langit dohot tano on. Amen. Sai

1
 mangaranapi do matangku dompak angka dolok: Sian dia do ulaning ro
pangurupion tu ahu? Sian Jahowa Sitompa langit dohot tano on sambing ro
pangurupion ianggo tu ahu. Ndang tagamon loasonNa tarsulandit patmu,
ndang tagamon nok mata ni Sijaga ho. Sai jagaon ni Jahowa do ho sian nasa
parmaraan, sai jagaonNa do tondim. Sai jagaon ni Jahowa do ho laho ruar
dohot laho bongot olat ni on ro di saleleng ni lelengna. Haleluya!
H : (Mangendehon) Haleluya, Haleluya, Haleluya!
U : Martangiang ma hita! Ale Amanami na di banua ginjang! Dibahen Ho do
Anak haholongan ni rohaM tu toru ni Patik, asa dipalua angka na
ginomgoman ni Patik. Urupi hami asa dohot hami dapotan haluaon i, jala
asa mian hami di bagasan harajaonMu marhitehite AnakMu Tuhan Jesus
Kristus, Tuhannami. Amen. (hundul)

04. Marende BE HKBP No. 69 : 1 + 3 “Jesus sai urupi hami”

♫ Jesus sai urupi hami dohot di taon baru on. Paimbaru gogonami
mangihuthon Ho tongtong. Pasupasu ma muse na porsea sasude.
♫ Taon parasinirohaon baen di au sandok taon on. Lam pahot ma hasesaan
ni dosangku di au on. Holan Ho do Jesuski, tuk pasaehon dosangki.

05. PATIK: Patik I - X

U : Tatangihon ma Patik ni Debata di minggu taon baru sadari on ima patik
parjolo sahat ro di patik pasampuluhon! Patik Parjolo: Ahu do Jahowa
Debatam, ninna Debatanta. Ndang jadi marangkup Ahu bahenonmu
Debatam.
H : Patik Paduahon: Ndang jadi ganaonmu jala ndang jadi sumanonmu
manang aha na di banua ginjang dohot na di banua tonga on, ro di na
di bagasan aek na di toru ni tano, ianggo tung gabe sisombaon
manang sioloan.
U : Patik Patoluhon: Ndang jadi dohonon Goar ni Debata, ianggo so ture
dalanna, ai hona uhumNa do sogot angka na marsineang di GoarNa.

2
 H : Patik Paopathon: Ingot hamu ma pabadiahon ari Minggu i! Di na onom
ari ma ula hamu nasa siulaonmu; alai anggo ari papituhon i, ari
paradianan ni Jahowa Debatam do i. Ndang jadi ho mangula anggo di
na sadari i, manang anakmu pe manang borum manang naposom
lahilahi manang naposom boruboru, ro di pinahanmu, ro di isi ni huta
ni halak pe na mangebati hutam. Ai di na onom ari do ditompa Debata
langit dohot tano dohot laut dohot nasa isina, dung i maradian do
Ibana di ari papituhon i. Dibahen i do umbahen na dipasupasu Debata
Jahowa ari paradiananNa i jala di parbadiai.
U : Patik Palimahon: Ingkon pasangaponmu do natorasmu, asa martua ho jala
leleng mangolu di tano na nilehon ni Jahowa Debatam di ho.
H : Patik Paonomhon: Unang ho mamunu!
U : Patik Papituhon: Unang ho mangalangkup!
H : Patik Paualuhon: Unang ho manangko!
U : Patik Pasiahon: Unang ho olo manghatindanghon hata na so tutu
maralohon dongan jolma!
H : Patik Pasampuluhon: Ndang jadi haliangan ni roham bagas ni
donganmu, ndang jadi haliangan ni roham dongan saripe ni
donganmu, manang naposona baoa, manang naposona boruboru,
manang lombuna, manang hodana, manang dia pe ugasan ni
donganmu.
U : Beha pandok ni Debata taringot tu patik na sampulu i?
On do: Ahu do Jahowa Debatam, ninna Debatanta. Pargogo na so
hatudosan jala parrimas, Siluluhon dosa ni amaama tu pinomparna, ro di
sundut patoluhon, ro di sundut paopathon, pinompar ni angka na sogo roha
di Ahu; alai asi do rohangKu di angka na marriburibu, angka na marholong
ni roha di Ahu, na so mangalaosi PatikHi. Antong rap mangido gogo ma hita
sian Tuhan Debata!
U+H : Ale Tuhan Debata! Sai pargogoi ma hami mangulahon na hombar tu
PatikMi. Amen.

3
06. Marende BE HKBP No. 68 : 2 + 4 “Masilelean angka taon”
♫ Diudut Ho do hosangki paidaida ahu. Manang adong parbue ni na niulaM
di ahu. Hape jotjot tarhirim Ho, parbue i ndang olo ro.
(Jongjong)
♫ Alai na niondihonMi do au umbaen mangolu. Ho do mandok tu Ama i: “Sai
loas ma mangolu hau on, asi ma rohaMi, taon i pe lalu uhum i.”

07. Manopoti Dosa

U : Tatopoti ma dosanta, martangiang ma hita! Ale Amanami jala
Debatanami na di banua ginjang. Parasiroha na sumurung mida hami.
Huparhatutu jala hutopoti hami do dosa dohot pangalaosionnami na
godang i. Tatap hami marhitehite asi ni rohaM, jala sesa ma dosanami
saluhutna, ala ni panghophop ni Anak haholongan ni rohaM, Tuhan Jesus
Kristus, Sipangolu hami. Amen.
(Martangiang na hohom huhut manghuling organ angonangon)

U : Tabege ma bagabaga ni Debata taringot tu hasesaan ni dosanta!

Parasi roha jala Pardengganbasa do Jahowa, lambat tarrimas jala
Parasiroha godang. Ndang dibahen tu hita hombar tu angka dosanta, jala
ndang dibaloshon tu hita hombar tu angka hajahatonta. Songon asi ni
roha ni amaama mida angka anakna, asi ni roha ni Jahowa di angka na
manghabiari Ibana. Hasangapon ma di Debata na di ginjang!
H : Amen. (Hundul)

08. Marende BE HKBP No. 64: 2 + 4 “Naung moru do muse sataon”

♫ Aut alusanhu Debatangku, ra, tung maila au disi. Marningot salpu ni
rohangku, ro di sude ulaonhi. Ai dosa do binaen ni tangan, gok dosa nang
rohangku pe; nang pat, nang mata, nang pamangan luhut marsala do hape.
♫ Ndang dapot bilanganhu dosa naung huulahon na sai laon. Huhut ndang
harajuman basa ni Tuhan Jesus na sai laon. Ndang dibaloshon Ho Tuhanhu
tu au hombar tu dosangki, sai dipalambas Ho rohaMu marnida
pangalahongki.
4
09. E P I S T E L
U : Hata ni Debata turpuk Epistel di minggu taon baru sadari on ima na
tarsurat di Epesus 3:14-21, marsingkat soring ma hita manjahasa. Ala ni i,
hulompit do tothu maradophon Ama i.
H : Ibana do haroroan ni nasa bangso, na targoar di banua ginjang nang
di tano on.
U : Anggiat, hombar tu godang ni hasangaponNa i, dilehon tu hamu jolma
parbagasan, sipargogoan jala sipatoguon marhitehite TondiNa,
H : asa maringanan Kristus i marhitehite haporseaon di bagasan
rohamuna, gabe hot hamu marurat jala marojahan di bagasan roha na
holong.
U : Naeng ma malo hamu mangantusi, rap dohot saluhut angka na badia i,
ganjangna dohot bidangna, bagasna dohot timbona,
H : laho tumanda holong ni roha ni Kristus, na mangatasi nasa
pangantusion, asa sahat tu hamu sandok hagogok ni Debata.
U : Alai tarpatupa Ibana do andul lumobi sian na tapangido manang
tapingkiri, hombar tu hagogoon na manghorhon di bagasan hita.
H : Di Ibana ma hasangapon di tongatonga ni huria i jala di bagasan
Kristus Jesus ro di saluhut sundut salelenglelengna. Amen.
U : Ido sahatna. Martua do angka na tumangihon Hata ni Debata jala na
umpeopsa.
H : Amen

10. Marende BE HKBP No. 437 : 1 – 2 “Tung na muba rohangku”

♫ Tung na muba rohangku dibaen Tuhanki, dung Jesus ma ringan di au.
Nunga sonang au on, tung dame rohangki, dung Jesus maringan di au.
Dung Jesus maringan di au, dung Jesus maringan di au. Tung na sonang
do au dung tu Jesus au lao, dung Jesus maringan di au. (jongjong)
♫ Au na lilu hian dapot sambulonhi, dung Jesus maringan di au. Nunga sae
dosangki dibaen mudarNa i, dung Jesus maringan di au. Dung Jesus....

5
11. Manghatindanghon Haporseaon
U : Tahatindanghon ma haporseaonta i, songon na hinatindanghon ni
donganta sahaporseaon di sandok portibi on. Rap ma hita mandok!
U+H : Ahu Porsea di Debata Jahowa…..d.u. (hundul)

12. Koor Punguan Ina

13. Tingting
14. Mandok Hata Selamat Taon Baru:
a. Mewakili Parhalado
b. Mewakili Ruas Ama
c. Mewakili Ruas Ina
15. Marende BE HKBP No. 149:1... “Ho tongtong ihuthononhu”
(Papungu Pelean Ia + Ib)
♫ Ho tongtong ihuthononhu Jesus Sipangolu au. Tung na so tadinghononhu
Ho na paluahon au. Sian sasude dosangku, dohot sian uhum i. Na
tongtong habiaranhu, ala pardosaonhi.
♫ Tung di dia jumpang ahu, Tuhan sada songon Ho. Na manogunogu ahu tu
na sonang songon Ho? Naung ditaon Ho hamatean lao humophop
tondingki. Asa masuk au manean tohap na sumurung i.
♫ Manang aha pe na masa, las ni roha arsak pe. Tioponhu Ho na basa, na
marholong roha pe. Tung saleleng au mangolu, nang dung suda bohalhon.
Ingkon Ho, o Sipangolu, pujionhu sai tongtong.
♫ Sai ingani ma rohangku, Jesus dohot TondiMi. Ro di ujung ni langkangku,
togu au o Tuhanhi. Di na tos muse hosangku, di na homur matangki. Sai
tiopi ma tanganhu, togu au tu lambungMi.

16. JAMITA: Psalmen 8 : 1 – 10 (Manjaha Jamita ni Ephorus)

17. Marende BE HKBP No. 581:1….. “Sangap di Jahowa”
(Papungu Pelean tu jolo tu Kategorial Naposobulung)
♫ Sangap di jahowa na sun timbul i, balga ni holongNa ndang tarasam i.
Dilehon AnakNa na sasada i, manobus hita jolma pardosa i. Puji ma Debata

6
 ale manisia, las roham, las roham somba ma Debata. Dapothon Jahowa na
sun timbul i, marhite AnakNa Tuhan Jesus i.
♫ Tung so hasuhatan do basaNa i, marhite AnakNa ni lehonNa i. MudarNa
durus do di hau silang i, rara pe dosanta ias dibaen i. Puji ma Debata…
♫ Balga situtu pambaenMi Debata, tung so hasuhatan holong ni rohaM. Tu
jolma pardosa asi do rohaM, di ungkap Ho dalan lao tu banuaM. Puji ma
Debata… (Jongjong)

18. Panghangoluhonon ni Hata ni Debata

U : Ale Tuhan Debata, Amanami, naung patariparhon hami tu taon na imbaru
on. Sai urupi ma hami mandalani taon 2023 on mangasahon
pandonganionMu na sumurung i. Pargogoi ma hami mangulahon lomo ni
rohaM, pasupasu ma ulaonnami, patuk ma nasa na ringkot di
ngolunami jala marsangap ma Ho marhite sandok ngolunami.
H : O Tuhan Jesus Kristus Tuhannami, mandok mauliate do hami tu Ho
naung patubuhon hami paduahalihon di bagasan Asi ni rohaM. Lehon
ma di hami roha dohot pangantusion laho mananda angka
pasupasuMi. Lehon ma di hami roha dohot tondi na imbaru, asa
tongtong huoloi hami lomo ni rohaM sahat ro di ujung ni ngolunami,
asa lam tangkas parbue ni haporseaonnami tu Ho.
U : Ale Tondi Porbadia na manungguli hami marhitehite hataM. Padungo ma
hami ganup manogot laho mangarimangrimangi hataM na gabe ojahan
ni ngolunami siganupari. Paingot ma hami asa unang hulaosi hami lomo ni
rohaM jala pargogoi ma hami mangoloi lomo ni roha ni Debata saleleng di
ngolunami.
H : (Mangendehon) BE No. 811 : 1 “Di Au Ma Ho Tuhan”
♫ Di au ma Ho Tuhan di ariaringki, ai denggan ni basaM padame rohangki.
Di sude partingkian, di sude inganan, Di au ma Ho O Tuhan asi rohaM.
U : Tangiang Pelean – Tangiang Taon Baru – Ale Amanami – Pasupasu