Parturena

Minggu Taon na
Imbaru
HURIA KRISTEN BATAK PROTESTAN

HKBP

Thema :

0
 ‘Patupa Ulaon Parasinirohaon Tu Angka Na
Pogos’
Selasa, 01 Januari 2019
I. Patujolo
1. Mangarade ma angka Parhalado di ruang konsistori
2. Mardalan ma Parhalado sian pintu ni gareja torus tu Langgatan, dung sahat tu
langgatan laos marbaris ma disi, sahalak ma utusan ni parhaladoi mandok Selamat
Taon Baru tu Huria i

II. Parmingguon
1. Jou-jou Mamuji Debata [ Responsoria ]
U : Hamuna dongan sa huria jala dongan sa haporseaon di goar ni Jesus Kristus ulu ni
Huria i, sadarion nunga bongot hita muse tu sada taon na imbaru na pinasahat ni
Tuhanta laho sidalananta. Antong aha ma tagamon dohononta sadarion ?
H : Pujionhu do Tuhanki, dipatimbul rohangku do habalgaonNa i, ai sian asi ni
rohaNa i umbahen tarbahen ahu bongot tu bona ni taon na imbaru on.
U : Godang ma tongon na binahen ni Jahowa tu hita, ala ni i marolop-olop jala marlas ni
roha ma hita disi.
H : Endehononku ma sada ende na imbaru di Jahowa, olophononku ma Ibana na
mandongani ahu sahat tu taon na imbaru on.
U : Antong Endehon ma pambahenanNa i, pangiar ma soaram laho mamuji Ibana
hatuaonta i.
2. Marende No. 65 : 1 – 3 “Majumpang Taon na Imbaru on” Bl. 129
 Majumpang taon imbaru on di au dibahen Jesus.
Dibaen rohaNa di au on BasaNa dipatulus.
Ibana do manogu au, Saluhut jea dipadao, Mambaen las ni rohangku

 Dibahen i hupuji Ho O Jesus Debatangku.

Ai ndang hea mangulon Ho Mambaen partuaonku.
Rohangku panuratan ni Godang ni denggan basaMi , Ai Ho do pangurupi
------------Musik----------------

 Ipe dohot tu jolo on Ho pangasahononhon.

Marjea pe portibi on martua au dohonon.
Ai las rohangku marsak pe, mangolu au lao mate pe, Ho do hatuaonku.
3. Votum – Introitus
U : Marhitehite goar ni Debata Ama, dohot goar ni AnakNa Tuhan Jesus Kristus, dohot
goar ni Tondi Parbadia na tumompa langit dohot tanoon. Ahu do Alpha, Ahu do
1
 Omega, bonana dohot ujungna ninna Tuhan i, na adong dohot naung adong hian
dohot na ro. Pargogo na sumurung. Haleluya..........
H : [Mangendehon] Haleluya, haleluya, haleluya
U : Martangiang ma hita : Ale Tuhan Debata ! Sian asi ni rohaM do umbahen na sahat
hami tu taon na imbaru on; Ho do na mangaramoti hami di bagasan taon na salpu i.
Sai asi ma rohaM, sai unang tulak hami nuaeng, sai dongani ma hami di bagasan taon
na imbaru on. Pasupasu hami ro di angka ulaon na denggan, na huula hami
marhitehite GoarMu. Alai na gumodang, pasupasuhon ma HataM na badia i tu
rohanami, asa gabe na imbaru rohanami, asa tarpamasuk Ho hami tu banua ginjang di
hasusuda ni bohalnami.
S : Amen.
4. Marende No. 68 : 3 “Masilelean angka Taon” Bl. 93
 Ra naung tarrimas Debata marnida pambaenanku.
Ra naung didok tinaba ma, hau on na so dihangku.
Ndang olo marparbue i tu aha be hasea i
5. Patik Ni Debata di hita sadarion
U : Hata ni Debata na gabe Patik di hita di ari lasnirohanta sadarion, tarsurat di Rom 12 :
2, didok disi : Jala unang gabe sarombang hamu dohot portibi on; alai gabe imbaru
ma hamu, dung muba pingkiranmuna, asa tau hamu manimbangi lomo ni roha ni
Debata, i ma na uli, na hinalashonNa dohot na sun denggan. ( Ima sahatna )
Antong, rap mangido gogo ma hita tu Tuhan Debata
H : Ale Tuhan Debata, sai pargogoi ma hami mangulahon na hombar tu patikMi.
Amen
6. Marende No.162 :3 + 6 “O Debata mansai balga” Bl. 27
 Ipe tu Ho nama au ro, sai unang tulak ahu
Paombun ma, o Debata, rimasMu mida ahu

-------------Jongjong-------
 Ajari au, na jat padao, paias ma rohangku
Naeng unduk do au on di Ho, hataM naeng oloangku.
7. Tangiang Manopoti dosa
U = Uluan H = Huria Phd = Parhalado A = Ama I = Ina R/N= Naposo

U : Hamuna angka dongan na hinaholongan ni Tuhan Jesus Kristus, Naung mardosa do hita
nang sian bortian ni dainang, laos songoni do sahat tu nuaeng pe jotjot ta arsahi dope
Tuhanta i marhite hata, pambahenan, dohot pingkiranta na maralo tu lomo ni roha ni
Debata. Alani tapaunduk ma dirinta laho manopoti dosanta na godang i tu adopan ni
Debata, Martangiang ma hita :Ale Tuhan Debata Parasiroha nasumurung jala
Pardenggan basa. Na ro do hami nuaeng tu joloM mangarsakhon dosa dohot
2
 pangalaosionnami. Jotjot do hulaosi hami patikMu namambahen jut rohaM marnida
hami, jala jotjot ndang huhaholongi hami Ho sian nasa roha, gogo dohot ateatenami. Ale
Tuhan, Asima rohaM dihami.
H : [ Mangendehon ] Ende No. 683 : 1 “DiadopanMu Jesus” Bl. 683
 DiadopanMu Jesus, lea tutu do diringkon
Dibaen godang ni dosangkon, diadopanMu Jesus
Phd. Ale Tuhan Jahowa, di ragam ni angka namasa di tonga ni huriM, dipangido Ho do hami
asa gabe ulaulaM siboan dame dohot hasonangan nang hasadaon di tongatonga ni
parsalisian na masa nuaeng. Siboan panghirimon di tongatonga ni na marpandelean di
tingkion. Siboan apulapul dohot las niroha tu angka na marsak. Hape jotjot do ndang
tarulahon hami i. Ale Tuhan, Asi ma roham di hami.
A Ale Tuhan mansai buas do Ho mamasumasu ngolunami ganup tingki. Di ulaon siganup
ari, dipargogoi Ho do hami jala dilehon Ho sinamot bahen bohal nami di hangoluan on
dohot godang dope tahe angka pasupasuM hujalo hami. Alai aha ma naung hubahen
hami songon tanda mauliate ni rohanami tu Ho ? Jotjot do ndang hutanda hami dirinami
songon angka uluan hami di rumatangganamibe, ndang hupatuduhon hami hadirionnami
na gabe sitiruon ni angka ianangkonnami. Ndang hulehon hami rohanami manogu angka
ianangkonnami laho mananda HarajaonMi. Asima rohaM dihami
I Ale Tuhannami, di na hubolus hami ariari ni ngolunami di portibion, huadopi hami do
angka hamaolon dohot ragam ni parungkilon. Jotjot do hami ndang marhaposan be tu
Ho. Gogo, pingkiran dohot sinamotnami nama hupangasahon hami, hape gabe jotjot ma
hami madabu tu pandelean dohot tu na mabiar di parngoluaon on. Alani i, asi ma roham
di hami
R/N Ale Tuhan, dihirim Ho do sian hami asa gabe angka ianangkon na pantas marroha hami
na manghaholongi Ho dohot pasangaphon natorasnami. Hape pangkorhon ni
partingkian namasa nuaeng gabe so tarulahon hami do i, sai gumodang do hamajuon ni
jaman hupaolooloi hami gabe lupa hami mangoloi poda ni natorasnami. Ale Tuhan Asi
ma roham mida hami.
U Dibona ni Taon na imbaru on, dihirim Tuhan i do hita gabe angka ulaulaNa di portibion,
mamboan holong tu tonga ni sipanginsahi, mamboan hasadaon tu angka na marsalisi,
pajongjong hatigoran dohot hasintongan di tonga ni halumlamon, mamboan pos ni roha
di tonga ni hagangguon, mamboan hatiuron tu angka haholomon. Gabe angka
Parasiroha songon Kristus i. Ale Tuhan, dison do hami, suru ma hami.
H [Mangendehon ] No. 681 : 1 “Ale Amang Asi RohaM” Bl. 681
 Ale Amang Asi rohaM di au pardosa on. Unduk do rohangkon nuaeng
marsomba di joloM. Unang jujur, unang jujur angka dosangki. Sai salpuhon,
sai salpuhon sian rohaMi

3
 U Ale Tuhan Jahowa, sesa ma saluhutna dosa dohot pangalaosionnami, marhite
Pangulunami na sasada i, ima anakMu Tuhan Jesus Kristus Tuhannami. Sai pahot ma
asi ni rohaM di hami marhite hagogoon ni Tondi Parbadia, asa tarapul situtu rohanami
manjou Ho, asa pantun, tigor jala daulat hami marpangalaho bahen hasangapon di
goarMu. Songon sintong ni na mangolu Ahu nina Tuhan Jahowa, tung na so lomo do
rohangku mida hamatean ni angka parjahat, alai mulak ma nian parjahat i tumadingkon
dalanna asa mangolu ibana. Hasangapon ma di Debata na di ginjang.
H Amen
8. Marende No. 69 : 2 “Ungkap Bahal na ummuli” Bl. 84
 Pingkiranku ulaonku Tau pasangap Ho ma i.
Dungo manang modom ahu, Ho tongtong di lambungki.
Nang lao ruar masuk pe Ho ma donganki muse
9. Epistel
U : Tajaha ma Hata ni Tuhanta na gabe turpuk Epistel di Parpunguanta di Taon Na imbaru
sadarion, ima na tarsurat di Mateus 25 : 40. Songononma hatana :“Dung i alusan ni
Raja i ma nasida: Situtu do na hudok on tu hamu; Nasa na binahenmuna tu sada sian
anggingku angka na metmet on, na tu Ahu do i dibahen hamu”. Ima sahatna, Martua ma
na tumangihon Hata ni Debata jala na umpeopsa)
H : Amen.
12. Marende No 575 : 1 “Puji ma Debata na songkal” Bl. 575
[Huhut Jongjong]
 Puji ma Debata na songkal pasangap ma goarNa
Puji ma, angka rura dohot lung, angka dolok na timbo
Dohot hasak ni galumbang sude mamuji Ho.
Langit I na mansai hembang, bintang i Na mansai torang
ombuni na mansai saksak,pasangaphon Ho o Debata
Tung so olo tading au,lao mamuji Ho Tuhan.
Nasa gogo bahenonku lao pasangaphon Ho
Ro di ujungni ngolungku sai pujionku Ho.

13. Manghatindanghon Haporseaon

U : Tahatindanghon ma haporseaonta i songon na hinatindanghon ni donganta sa
haporseaon di sandok portibion, rap ma hita mandok:
H : Ahu Porsea. . . . .
14. Koor : a. ……….. b. ………. c. ………
15. Tingting – Tangiang Pangondian:
16. Koor : a. ……….. b. ………. c. ………

4
17. Acara Tahun Baru
 Mandok Hata sian sahalak Ruas ni Huria
 Mandok Hata sian sahalak Ruas Pangaranto
 Tangiang sian Parhalado
18. Marende No. 64 : 1 - - “Naung moru do muse sataon”(P.I.a.I.b ) Bl. 192
 Naung moru do muse sataon, huhut lam suda bohalhi
Beha do au nasailaon, ture do pangalahongki ?
Lam ganda haporseaongku, nang holong ni rohangku pe
Di Jesus dohot Debatangku, nang di donganhu sasude ?
 Aut alusanhu Debatangku, ra tung maila au disi
Marningot salpu ni rohangku, ro di sude ulaongki
Ai dosa do binaen ni tangan, gok dosa nang rohangku pe
Nang pat, nang mata, nang pamangan, luhut marsala do hape.
----------Musik--------------
 Aut nunga mate au nuaning, di dia tondingki tahe ?
Di hasonangan do ulaning rap dohot na badia i ?
Mamuji Debata do ahu dibaen asi rohaNa i
Manang na hona uhum ahu di api na so mintop i ?

 Ndang dapot bilanganhu dosa naung hu ulahon nasailaon.

Huhut ndang harajuman basa ni Tuhan Jesus nasailaon
Ndang dibaloshon Ho Tuhanhu tu au hombar tu dosangki
Sai dipalambas Ho rohaMu marnida pangalahongki.

19. Jamita : Lukas 4 : 16 - 21 ( Manjahahon Jamita Pinarade ni Ephorus)

20. Marende No. 69 : 1 - - - “Jesus sai urupi hami” (Pelean II) Bl. 84
 Jesus sai urupi hami dohot di taon baru on
Paimbaru gogonami mangihuthon Ho tongtong
Pasupasu ma muse na porsea sasude.
 Pingkiranghu ulaonhu tau pasangap Ho ma i
Dungo manang modom ahu, Ho tongtong di lambungki
Nang lao ruar masuk pe, Ho ma donganhi muse
-----Musik-------
 Taon parasinirohaon baen di au sandok taon on
Lam pahot ma hasesaan ni dosangku di au on
Holan Ho do Jesuski, tuk pasaehon dosangki
 Sai apuli ma rohangku dohot holong ni roham
Jala jalo tangianghu ala denggan ni basaM
Jea sasude padao, asa unang marsak au
 Sai pagomos ma rohangku manundalhon dosa i
5
 Lam paganda ma ringgashu mangulahon patikMi
Asa unang rohangkon lalap di portibi on
 Sai ramoti au Tuhanhu sipat taon na’mbaru on
Usung au di tanganMu molo suda bohalhon
Asa las rohangku lao, ia ro panjouM di au

21. Parsuruon Mangalangka tu taon na imbaru

U : Martangiang ma hita laho sumombahon Pelean na tapapungu tu harajaon ni Debatanta.
Ale Tuhan Debata na di Banua Ginjang, na jongjong do hami di bona ni taon 2019 on
mandompakhon habangsaM na marmulia i laho pasahathon tu Ho pelean nami. Asi ma
rohaM sai jalo ma i gabe pelean na hunsus di joloM. Pasupasu ma i jala ramoti, asa
huparhaseang hami pelean on bahen harararat ni harajaonMu di Huriam dohot di
portibion. Jala sai lam ajari hami pasahathon tu huriaM angka natau pauliulihon huriaM
tu joloanon. Amen
H [Mangendehon] Nasa NanilehonMi…….. Bl. 73
U Marningot hamaolon na ta adopi di taon nasalpu, ndang tagamon so bobonosan jala
mabiar hita laho mandalani taon 2019 on. Alai boi do pos rohanta jala ndang mabiar hita
molo sai taingot Tuhanta Jesus i naung ro mamboan asi ni roha dohot holongNa na
tuhita. Ai didok Ibana sadarion tu hita :
H Disuru do Ahu mamaritahon tu angka na tarhurung asa malua, tu angka na mapitung asa
marnida, paluahon angka na ginosagosa, mamaritahon taon parasinorohaon ni Tuhan i.
U Marningot ragam ni angka namasa na mambibiari hita di taon nasalpu i, ndang tagamon
so sungkun-sungkun rohanta mandok “ isedo pangurupi di ahu di taon 2019 on ?”
H Pos do rohangku, Debatangku do mangurupi dohot manjagai ahu sai tongtong, ai didok
do : Sadari on do jumpang na tarsurat ondeng, di na binegemuna i.
U Debatanta i do naung mandok “ Ai Ahu do Jahowa Debatam na maniop tanganmu
siamun, jala na mandok tu ho : Unang ho mabiar Ahu mangurupi ho” Antong unang ho
mabiar, ai sai jagaon ni Jahowa do ho, sian nasa parmaraan, sai jagaonNa do
tondim,.Sai jagaon ni Jahowa do ho olat ni on, rodi saleleng ni lelengna.
H [Mangendehon] No. 214 : 2 “Sonang dilambung Jesus” Bl. 161
 Sonang di lambung Jesus Rap hita lao tusi Inganan na ummuli Do di lambungNa i
Ai nunga diparade hasonanganta i Asa marhasonangan Na ro tu Jesus i Sonang di
lambung Jesus Rap hita lao tusi Inganan na ummuli Do di lambungNa i
U Ale Tuhan Debata, na so marmula na so marpansohotan, Debata na manongtong ro di
saleleng ni lelengna ! Na so olo suda do angka taonMu, jala ndang marparbolatan angka
ariariM; alai jempek jala na gabur salpu do taonnami dohot ariarinami. Nunga salpu
muse sada taon sian ariarinami, alai ndang salpu ianggo asi ni rohaM. Dibahen i hupuji
hami Ho marhitehite Tuhan Jesus Kristus Tuhannami, ala ni godang ni asi ni rohaM na
pasahat hami tu bona ni taon on. Mansai godang do denggan ni basaM hujalo hami
manipat taon na salpu i, jala huingot hami do i sadari on. On pe mauliate ma rohanami tu
Ho, ala dipangolu jala diramoti Ho hami; dilehon Ho sipanganon dohot paruloson di hami
6
 jala dipasupasu Ho na niula ni tangannami. Angkup ni i dilehon Ho do hasonangan tu
luatnami, jala dipalua Ho do hami sian parmaraan, jala diramoti Ho do hami di
hagogotan. Tongtong do dilehon Ho Barita na Uli i manondangi hami asa sanga hami
paubahon rohanami. Angkup ni i dilehon Ho do apulapul tu na marsak, tu na matean,
asa unang mandele nasida. Molo huingot hami sude pambahenannami di taon naung
salpu i, na maila do hami nuaeng maradophon Ho, ala jotjot magopo ariarinami dohot asi
ni rohaM hubahen hami. On pe binsan disalpuhon Ho nuaeng taon naung salpu i sian
hami, salpuhon ma sude pambahenannami na hurang i, jala sesa sude dosanami. Sai
huphupi ma pambahenannami na hurang i, marhitehite asi ni rohaM. Diebati Ho do hami
manipat na sataon i, jala diida Ho do lan na so marparbue na denggan di
tongatonganami. Sai unang jolo taba, sai pasombu ma hami mangolu, anggiat
marparbue na denggan hami tu joloan on. Huparhatopot hami do sude asi ni rohaM jala
di bagasan haserepon dohot unduk ni roha do hami nuseng mangido tu Ho: Sahat tu Ho
ma hami on sude. Sai togutogu jala ramoti ma hami on sude. Sai togutogu jala ramoti ma
hami di bona ni taon on, songon i ganup ari, asa pujionnami Ho di taon na ro on.
Patuduhon ma ganup ari tu hami dalan sidalanannami dohot ulaon siulaonnami. Sai
pasupasu ma hami jumpa marpungu di bagasMon, di parsikolaan, songon i dohot di
bagasnami be. Sai tumpahi sude parjamita, pangajari dohot na paturehon na marsahit,
songon i dohot na pinasahat tu nasida. Sai ramoti ma na manggomgomi hami. Tatap ma
salohut na tarsosak, na pogos, na dangol, na so marama, na nileaan ni halak. Unang
loas nasida hona rupa, alai patuduhon ma tu nasida asi ni rohaM na so mansohot i, asa
rap marlas ni roha hami sogot di hasonangan di lambungMu di inganan na hot, ala ni
AnakMu, Tuhan Jesus Kristus, Tuhannami. Amen.Ale Amanami na di banua ginjang ! Sai
pinarbadia ma GoarMu ! Sai ro ma harajaonMu ! Sai saut ma lomo ni rohaM di banua
tonga on songon na di banua ginjang ! Lehon ma tu hami sadari on hangoluan siapari !
Sesa ma dosanami songon panesanami di dosa ni dongan na mardosa tu hami ! Unang
hami togihon tu pangunjunan ! Palua ma hami sian pangago !

H Mangendehon Ai Ho do nampuna harajaon............

U Pasu-pasu
H Mangendehon AMEN

Selamat Tahun Baru 2019

7
Horas