ACARA PARTANGIANGAN

KELUARGA
HKBP SINTANG

RABU, 22 APRIL 2020

Pukul 19.00 Wib
=====================================
---------- Tapahohom ma rohanta --------
1. Marende Huria No. 9 : 1 – 2 “ Hupuji Holong ni rohaMu”
 Hupuji holong ni rohaMu, o Tuhan Jesus Rajangki.
Tu Ho hulehon ma tondingku, ai ido pinangidoMi
Huhalupahon ma diringku, mamingkir holong ni rohaMu.
 Sai dilului Ho ahu, au huhalungunhon ho.
Ditaiti rohami rohangku, dibahen i hulehon do.
Dipillit Ho hian tondingku, ipe hutodo Ho Tuhanku.
2. Votum – Tangiang
Uluan : Marhitehite Goar ni Debata Ama, dohot Goar ni Anakna Tuhan Jesus
Kristus, dohot Goar ni Tondi Parbadia na tumompa langit dohot tano on.
Amen
Goak asi ni roha ni Jahowa do tano on. Marhitehite Hata ni Jahowa
manjadi angka langit. Marolopolop ma hamu ale angka partigor,
mangasahon Jahowa, talup do marende angka na unjur marroha.
Haleluya!
Martangiang ma hita : Ale Tuhan Debata, Parasiroha na sumurung !
Didok HataM do ingkon manaon hami jala mate rap dohot Tuhan Jesus
Kristus, asa rap hami dohot Ibana tu hasangapon. Sai parrohai ma hami,
asa unduk hami tu lomo ni rohaM jala asa hot hami di haporseaon na ture,
asa tongtong manghirim hami di haheheon dohot di hasangapon sogot
silehononMu tu angka na porsea di Ho. Amen.
3. Pembacaan Alkitab : Rom 3 : 1 - 8 : U = Uluan AK = Anggota Keluarga
“ Pardosa do Sude Jolma “
U : Asa dia nama hasurungan ni Jahudi ? Tu aha ma hasea parsunaton ? Sandok
godang do i. Parjolo, hasahatan ni angka pandok ni Debata do nasida.
AK : Ai beha nama, ia so porsea na deba? Tung tarbahen nasida na so porsea i ma
manegai haburjuon ni DebataSihaposan i ?
U : Dao ma i. On do tahe : Parsintong do ia Debata, alai pargabus do nasa jolma,
songon na tarsurat i : Asa pintor ho di angka pandohanmu jala monang di
panguhumonmi.
AK : Alai beha ma dohononta ? Ia dipajongjong hageduhonta hatigoran ni Debata,
nda na geduk ma Debata, molo dipalalu rimasna? Santabi di Debata !
U : Dao ma i ! Ai aut i, songon dia ma taruhum Debata portibi on ?
AK : Alai molo lam timbul hasiontongan ni Debata binahen ni gabushu paganda
hasangaponna boasa uhumon dope ahu songon pardosa ?
U : Nda tagonan ma taula na roa, asa ro na denggan, songon pandok ni na deba
mangarehei hita : songon i do hatanta, ninna. Patut ma antong hona uhum
angka sisongon i.
Ima Hata ni Debata. Martua do angka na tumangihon Hata ni Debata
jala na umpeopsa. Amen.

4. Marende Huria No. 174 : 2 “ Torop dope na siat i “

 Tama longang roham ale, umbege pangontangna.
Antong sai unang jua be, tangihon pamiona.
Ai Debata mamio ho, dibahen i sai ro ma ho
 Sai ro, sai ro. Tu surgo ma ho ro.

5. Jamita : 4 Musa 14 : 17 - 19
a. Martangiang
b. Manjaha Turpuk
6. Marende Huria No. 465 : 3 – 4 “ Ale Tondi Parbadia “
 Bereng au, ramun rohangku, ndang tarbaen malua au.
Holan Ho na boi mamuri, ro palua dohot au
Dohot au, dohot au, ro palua dohot au.
 Suru ma TondiM manggomgom hata nang ulaonki.
Paimbaru ma rohangku topot au di asiMi
Dohot au, dohot au, sai ditopot Ho nang au.

7. Tangiang Pangondianon
Pokok Doa :
a. Bangso dohot negara, Huria.
b. Wabah virus Corona, asa tibu marahaujungan.
c. Angka petugas para medis na menangani angka na marsahit lumobi alani virus
Corona, asa diramoti Tuhanta nasida mangulahon ulaon na balga i.
d. Sude ruas ni huria.
8. Marende Huria No. 211 : 1 “ (Pelean)
 Tuhan Jesus Siparmahan, au birubiruNa do.
Jesus gok di ho rohangku, sai ihuthononku Ho
Sai ihuthononku Ho, sai ihuthononku Ho
Jesus gok di Ho rohangku, sai ihuthononku Ho.
9. Tangiang Panutup
Uluan : Tatangiangkon ma peleanta. Ale Debata, Amanami, na di banua ginjang. Ho
do haroroan ni saluhut silehon-lehon na denggan dohot nasa uli basa na
mauliutus. Hupasahat hami ma sian na nilehonMi tu hami, pelean nami tu
Ho. Sai jalo ma i gabe uap na hushus di joloM. Pasupasu ma i jala ramoti
asa huparhaseang hami pelean on, patimbulhon harajaonMu di tongatonga
ni huriaM dohot di portibi on. Buhai ma rohanami marhitehite TondiM, asa
lam hutanda godang ni silehonlehonMi tu hami, asa lam girgir hamo
mandok mauliate tu Ho, marhitehite Jesus Kristus Tuhannami. Amen.
Rap ma hita mandok tangiang : Ale Amanami.........!
AK : Ale Amanami...........du.

( Molo parhalado dipaujung ma dohot tangiang pasupasu)