PARTORDING NI ULAON PARMINGGUON DOHOT ULANG TAHUN

GEREJA PROTESTAN PERSEKUTUAN ( GPP ) PAGARAN NAULI

RESORT DOLOK SANGGUL
Minggu, 28 Agustus 2022
I. Parmingguon
1. Pangaradeon ni roha

U=Uluan S=Sude I=Ina A=Ama RN=Naposo

U: Huria nahinaholongan, tung tama situtu do pasahatonta puji-pujian tu Debata
Ama, Anakna Tuhan Jesus Kristus, dohot Tondi porbadia, ala ni pangaramotion
dohot pandonganNa nasahat tu hita nuaeng minggu on. Laos marningot hita muse
nuaeng boho umur ni hurianta GPP Pagaran Nauli on 18taon. Mansai denggan do
tapahusor-husor dirohanta angka ulaon dohot panjouon ni Tuhanta I ganup huria,
nang resort, diangka panghobasion dohot parngoluon ni huria dohot parsaoranta
din a humaliang hita
S: nunga tangkas diajari hata ni Debata hita asa lam togu hadirionta songon halak
Kristen na tutu
U: Didok topic ni mingguta sadarion do:Habisuhon na sian ginjang,alani I lam
marbisuk ma ruas nang parhalado tong-tong dibagasan las ni roha. Alani tapujima
Debata
2. Marende BE.No.17:1-2
 Raja na tumimbul Sigomgomi hami Jalo ma pujiannami. Denggan ni
basaM do Pangoluhon hami, Atik pe mardosa hami, Sai apoi pargogoi
hami mangebdehon sangapmi o Tuhan.
 Sai dipuji langit JadijadianMu Saluhut pambahenanMu. Parsinondang
bolon Na marpamongguri Ho o Tuhan do dipuji.
Bulan i Bintang pe, Ho do pinujina Dohot sinondangna

3. Votum-Introuitus
U= Marhite-hite goar ni Debata Ama, dohot goar ni AnakNa Tuhan
Jesus Kristus, dohot goar ni Tondi porbadia na tumompa langit dohot
tano on.Amen. Mangasahon Debata sai hamonangan do ulahononta
H: Ngot ma ho ale parhinaloan, tarsunggul ma di buha siang ari
U: Pujionhu ma Ho ditonga-tonga ni angka bangso ale Tuhan, endehononhu ma
Ho ditonga-tonga ni angka marga. Haleluya
H: mangendehon Haleluya
Martangiang ma hita: ale Tuhan Debata pargogo naso hatudosan jala
pardenggan basa, ro disaleleng ni lelengna do asi ni rohaM. Mauliate ma roha
name tu Ho ala diramoti Ho hami nasailaon sahat ro di sadarion. Hupuji hami ma
Ho ala naung sahat tu hami barita nauli nasian anakMu Tuhan Jesus Kristus na
pangolu hami. Mauliate ma hudok hami tu Ho ala dibagasan dame dohot
hasonangan dilehon Ho hataM nabadia i. sai asi ma roham, urupi ma hami
mangulahon na nidokMu, asa hot roha name jala tarparangehon hami parange na
badia. Sai ajari jala paimbaru ma roha name asa lam ias hami ro di hasusuda ni
bohal name marhite Tuhan Jesus Kristus Tuhan name. Amen.

4. Marende BE.No.178:1+4
 Ro ma tu Jesus ro ma tibu, Bege hataNa jangkon burju. Na ro do Jesus
pangolu ho, Asal porsea ho. Mansai las rohanta i muse, Molo ias sian dosa
pe. Sai ro ma hita tu Surgo I, Laos sonang ma disi.
 Ro ma tu Jesus na holong do, RohaNa i di halak na ro. Ai dipalua tondinta I,
Unang be mago i.
Mansai las rohanta i muse, Molo ias sian dosa pe.
Sai ro ma hita tu Surgo I, Laos sonang ma disi.

5. Panjahaon ni Patik: Patik II dohot lapatanna

6. Vocal Group
7. Marende BE.No.164:1
 O Tuhan Jesus Ho Rajangku, Tangihon au naposoM on. Naeng
topotanku do dosangkuTu Ho Sigomgom tano on. Ai naeng
mangolu tondingki. Marhitehite mudarMi.

8. Panopotion ni Dosa (Agenda GPP)

9. Vocal Group
10. Marende BE.No.417: 1
 Rade situtu haluaon, na naeng tangkuponmu antong. Rade nang di
ho hatuaon, si halashononmu tongtong. Bernit do ditaon
Tuhanmu, Pasaehon dosam sasude. Tung unang paujat Ibana, Sai
jangkon panghophopNa i.

11.Epistel: Yeremia 2: 4-13

12.Marende BE.No.789:1-2
Lului hamu harajaon ni Debata, Rap dohot hatigoranNa, TambahononNa ma
ondeng tu hamu. Haleluya, Haleluya,

Haleluya, Haleluya, Haleluya, Haleluya, Haleluya.

Pangido ma sai na lehononNa do
Lului ma sai na jumping, Tuktuhi ma sai na ungkaponNa do,
Haleluya, Haleluya, Haleluya, Haleluya, Haleluya
Haleluya, Haleluya.

13.Manghatindanghon hata haporseaon

14. Manjaha Tingting Huria

15.Marende BE.No.211:1----(P.Pelean 1&2)

 Tuhan Jesus Siparmahan Au birubiruNa do Jesus gok di Ho
rohangku Sai ihuthononku Ho Sai ihuthononku Ho, Sai
ihuthononku Ho Jesus gok di Ho rohangku Sai ihuthononku Ho.
 Jumpa masa sorimago Tung pangapul Ho gogo Ia bogasMi huida
Sai ihuthononku Ho Sai ihuthononku Ho, Sai ihuthononku Ho Ia
bogasMi huida Sai ihuthononku Ho.

Dokkon ahu suruanmu Ai hatam so magopo Dung i Ho huhut manogu

  Donganki manopot Ho Taiti ma sude tu Ho Taiti ma sude tu Ho
Sai asi rohaM sai togu Sahat ma sude tu Ho.

16.Jamita : Matius 16:21-28

17.Marende BE.No.:180:1----(P.Pelean 3+4)
 Ro tu Jesus ho na loja Na maheu i
Lam lumbang do di lambungNa Rohami.
 Bereng di hau pinarsilang Daon ni sahitmi. Tuhanmi na hona
uhum Singkatmi.
 Timbang holong ni rohaNa Na sai godang i. Ai dilehon do hosaNa
Tobusmi.

18.Mangarimangi partingkian
U: Huria ni Tuhanta, tung saluhut do hita manjalo pasu-pasu na godang
nasian Tuhan I, alani patut ingkon hamauliatehononta angka pasu-pasu
natajalo sian Tuhan i.
A: Ale Tuhan nami, Ho do namamillit dohot manjou torop jolma asa manjalo
sian pasu-pasuMi. Dipapungu Ho do nang hami nuaeng

huriaM, laho pasangaphon Ho, ala uli ni PambahenanMu tu Hurianami

be.
U: Sai didongani Asi ni roha ni Debata na godang I ma sude hurianta di
Resort Tapteng 4 on, tarlumobi ma huria GPP Pagaran Nauli on. Patar
ma nang pasu-pasuNa di ngolunta siganup ari. Holong dohot baga-
bagaNa , ima namangaramoti sude huriaNa sian ari sadarion ro di
saleleng ni lelengna.
I: Saluhut naboi hupelehon hami, ndada napatuduhon huaso dohot
hagogoon nami, alai naeng patuduhononnami do holong dohot
haunduhonnami tu Ho ale Tuhannami marhite naung gok umur ni huria
nami on 18 taon
U: Naung dihaholongi jala ditopot Debata Huria ni Halak Kristen di
portibion, jagaonNa jala pasu-pasuonNa do hita. Aha ma tama bahenonta
balos ni i? ndada sere manang perak pangidoanNa, talehonma angka
nadumenggan, jala lomo ni roha ni Tuhan I tu tonga ni huriaNa, ima
songon tanda mauliate ni rohanta tu Ibana
RN: Ale Tuhan Nami, hamauliatehonon nami do denggan ni basaM dohot
pasu-pasuM tu huria nami on. Sai ajari ma hami mamuji Ho, anggiat gabe
angka anak hatiuron jala na

marbisuk hami dibagasan Ho. Jala gabe pasu-pasuM nang huriaM di

namarsada-sada di masyarakat nang dibangso nami on.
U: Dihaporseai rohanta do na diparade Debata do hangoluan na
dumenggan di angka naporseai. Sai patogu ma roham, jala pahot roham
laho mengihuthon Tuhantai manontong saleleng ni lelengna.
19.Tangiang Pelean+ Pasu-pasu
20.AMEN-AMEN-AMEN
 SELAMAT ULANG TAHUN, JALA ANGGIAT GABE
PASU-PASU
II. Ulang tahun
1. Potong Kue
2. Mandok Hata
III. Warna-warni