TATA IBADAH MINGGU KEMITRAAN

TAHUN 2019

TEMA:
Ibohali Manghobaskon Horja na Madear. (2 Timoteus 3:17)

SUB TEMA:
Pasirsir, Bohali ma Kuria in Totap Marguru bani Podah ampa Ajaran ni
Kristus Jesus, ase Jonam, Toguh Marurat, Marbuah, ibagas Pangarusion
ampa Habotohan pasal Kristus Sipaluah in
(Kolose 2:7; Lahoan ni Apostel 17:23; 1 Korint 7:17-20)

Minggu, 05 Mei 2019

0
- Penjelasan Acara
- Petugas/Pelayan Kebaktian martumpu i konsistori

Saat Teduh
Prosesi Memasuki Ruang Ibadah,
(kuria mandodingkon Haleluya No. 378:1+3) (Jongjong Kuria)
Au idilo Tuhan Jesus,
Au idilo Tuhan Jesus
Au idilo Tuhan Jesus
Porsan silang sai ihutkon Au
Jesus do manogu ahu
Jesus do manogu ahu
Jesus do manogu ahu
Huihutkon Jesus Tuhankin

1. Votum – Introitus – Tonggo

P. Ibagas goran ni Naibata Bapa, pakon Tuhan Jesus Kristus ampa Tonduy
Napansing Sitompa langit pakon tanoh on. Amen.
Ia Jesus Kristus totap do, sonai nantuari, sonai do sadarion lanjar sonai do
ronsi sadokah ni dokahni. Ia ma na mangkasomani hita haganupan.
J. Ibagas Ia do hita marhasadaon.
P. Salam ma hubanta ibagas hasatiaon na lang tarsibar.
J. Ai ma idop ni uhur ni Tuhan na gabe bona ni pangarapanta.
P. Holong na lamlam na mambere damei na tarlobih.
J. Ai ma damei na tarlobih humbani Bapa, ibagas Kristus Jesus, Sipanobus
hita.
P. In ma malas ni uhur na gok ibagas hapansingon.
J. Malas ni uhur ibagas parsaoran ni Tonduy Napansing.
P. Haleluya….Haleluya….Haleluya
J. (Mandodingkon) “Marolob-olob Au Mamuji Ham”)
Marolob-olob au mamuji Ham
O Naibata, sangap do Ham (2x)
P. Martonggo ma hita!
Ham Tuhan Naibata Bapanami paridop ni uhur na tarsulur. Domma ipasirsir Ham
haluahon ampa hagoluhan marhiteihon panghopkopon-Mu ibagas Anak-Mu Jesus
Kristus Tuhannami. Ham do na tongtong manramotkon pardalanan ni kuria-Mu
mambahen boi totap patalarhon holong-Mu i tongah-tongah ni dunia on. Puhoi
ham ma uhurnami ase tongtong ihagoluhkon hanami holong na pinaondos-Mu in
marhitei goluh na marparparsaoran pakon hasomannami jolma. Urupi Ham ma

1
 hanami ase parsimada janah ibere hanami dirinami bani horja kemitraan, na gabe
dalan-Mu mamasu-masu hanami kuria-Mu. Bani ibadah pakon pangidangionnami
sadari on, goran-Mu ma na marsangap. Ibagas Jesus Kristus Tuhannami, ipadas
hanami tonggonami. Amen. (hundul
kuria)

2. Mandoding Haleluya No. 350:1+3

Holong na humbani Tuhan, na roh humbai Jesus in
Sai totap do marsinondang holong ni Tuhanta in
Sai sondangkon ma holong-Ni das bai hagolapan in
Ase haganup pardousa ipaluah Naibata

Sai saksihon ma holong Ni, bai na laho magou in

Patuduhkon ma rosuh Ni; se maluah ganup in
Sai sondangkon ma holong-Ni das bai hagolapan in
Ase haganup pardousa ipaluah Naibata

3. Gantih ni Titah
P. Tangar hita ma Hata ni Naibata gantih ni Titah na sapuluh in, na tarsurat bani:
Johanes 15:10, “Anggo ihorjahon hanima titah-Ku, marianan ma hanima ibagas
holong ni uhur-Hu, songon Ahu na mangkorjahon titah ni Bapa, gabe marianan
ibagas holong ni uhur-Ni,”
Riap ma hita mangindo.
P+K. Ham Tuhan Naibata pargogohi ham ma ahu mangkorjahon Hata-Mu ai. Amen

4. Mandoding Haleluya No. 298: 1-2

Ai namarsanina hita on hape.
Lang be marnamubah barang ise pe
Legan bei hatanta ‘ge tanoh ta pe.
Sada do Bapanta dingat hita bei

Sada do Bapanta Sipagoluh in.

Mansarihon hita sadokah ni in
Haganup goluhta ‘ge bohalta pe.
Sada do Bapanta pasirsirhon in

5. Hasasapan ni Dousa.
P. Riap ma hita jongjong!
Ibagas toruh ni uhur pakon gok panolsolion roh ma hita hubani Tuhan parholong
in. Martonggo ma hita mansopotkon dousanta:

2
 Ham Tuhan Naibata Bapanami paridop ni uhur hubani jolma pardousa. Domma
iberehon ham Anak-Mu Jesus Kristus gabe jolma anjaha manaron hahirion ampa
hadoyukon, pala matei tarsilang laho manghophop hanami anjaha mulak
manggoluh, naik hu nagori atas laho mangapiti hanami. Marhiteihon ni ai patut do
namin hanami mamakei idop ni uhur-Mu in laho pataridahkon holongMu bani
goluhnami i dunia on.
K. Ham Naibata parholong atei, ungkab Ham ma hauhuronnami.
P. Ase boi ididah hanami aha sihorjahononnami i tongah-tongah ni kuriaMu.
K. Ham Naibata parholong atei buka ham ma mata ni pingkirannami.
P. Ase boi hanami gabe juak-juak na marguna i tongah-tongah ni kuriaMu.
K. Ham Naibata parholong atei buka ham ma tangannami.
P. Ase margogoh hanami laho mangidangi kuriaMu.
K. Tarpuji ma Naibata Sisada-sada in, Napansing anjaha Naibata na
manggoluh.
P. Holong ma Ham Tuhan, tangihon Ham ma tonggonami on marhitei Jesus Kristus
Tuhannami. Amen
Tangar hita ma Hata ni naibata bagah-bagah pasal hasasapan ni dousanta. Anjaha
manghophop haganup do Ia matei, ase ulang manggoluh bani dirini bei na
manggoluh in, tapi ase manggoluh sidea Bani, na dob matei anjaha mulak
manggoluh manghophop sidea. Hasangapon ma bani Naibata i babou!
P+K Amen (hundul kuria)

6. Mandoding Haleluya No. 217: 1+3+4

Haganupan na sauhur mangindahi damei in.
Dompak Jesus na pabulus holong ni uhurta in.
Ai Tuhanta do Ulunta, hita pagori-Ni in.
Tuhan Jesus do gurunta, hita susian-Ni in.
Sai pasada Ham, o Tuhan, ganup na porsaya in.
Ase marsihaholongan, domu bai titah-Mu in.
Marhiteihon hasintongan, in do tong ipindo Ham.
Sai padomu Ham hasoman, na dob isondangi Ham.

Sai pasada Ham hanami, doskon Ham bai Bapa in.

Ase ulang hun bannami lao bai hakahouon in.
Ham do tong usihannami, bani horja in ganup.
In do tanda ni hanami, susian-Mu do ganup.

7. Mambasa Sibasaon Minggu

P. Tangar hita ma hata ni Naibata na tarsurat bani 1 Tessalonika 5:12-22;

3
 Tapi ielek-elek hanami ma nasiam sanina, “Hormat ma bani na mangkalojahon
nasiam, bani na mambobahon nasiam ibagas Tuhan in,” bani na mamodahi nasiam.
K. anjaha sagap tumang ma bahen nasiam sidea ibagas holong halani horja ni sidea.
Mardamei ma nasiam samah nasiam.
P. Anjaha iojur hanami do nasiam sanina, palumba nasiam ma halak na so torsa
marparlahou, apohi nasiam siotik uhur, anju bani na galek, marlumbang ni uhur
dompak haganup.
K. Jaga ma nasiam, ase ulang adong mambaloskon na jahat balos ni na jahat, tapi na
madear ma parayak nasiam tongtong samah nasiam, age bani haganup halak.
P. Tongtong ma nasiam marmalas ni uhur, totap martonggo,
K. martarima kasih pasal haganup, ai in do na pinindo ni Naibata humbani nasiam
marhitei Kristus Jesus
P. Ulang ma intopi nasiam Tonduy in,
K. ulang ma marhampung ni uhur pasal panjahaion,
P. tapi uji nasiam haganup, jolom nasiam ma na madear
K. anjaha simbili nasiam ma sagala masam ni na sambor.
P. Martuah ma na manangar hata ni Naibata anjaha na marimbagaskonsi.
K. Amen

8. Mandoding Haleluya No. 348: 1-3

Sauhur sapanriah ma, ganup kuria in.
Marhasadaon na dear, ibagas Tuhan in.
Riap ma hita haganup, mamuji Tuhan rup.
Mardamei marsiurupan, marsihaholongan.

Hasadaon totap toguh bani onjolan in,

ai ma haporsayaon ni sisada Tuhan in.
Sada bai pandidion in na hunbai Bapa in,
ai ganup na porsaya da, mamuji Ham Tuhan.

Ipasu-pasu Tuhan in ganupan hita on,

ase pongkut ma uhurmu marhorja pe ringgas.
Patoruh uhurmu homa bai Tuhan Naibata,
totap bani hata-Ni da, ibagas holong in.

9. Refleksi Kemitraan
P. Pardear layak anjaha paridop ni uhur do Tuhanta, halani ai Apstel Paulus
mangojur hita kuria in ase, “Pardiateihon hita ma samah hita, ase marsiojuran hita
mandalankon holong ampa horja na madear.” Halani ai dalankon hita ma horja
kemitraan i tongah-tongahni kurianta.
K. Kemitraan na idalankon hita aima kemitraan ibagas malas ni uhur, kreatif, ampa
semarak nasa tarbahen hita.
4
 P. Halani ai ipangindo hita do gogoh ampa hauhuron humbani Tuhanta, ase dapot
hita habaranion laho pajongjongkon parhiteian na boi padomuhon jolma na
marbeda-beda. Ase sada ganup jolma in gabe angkula ni Kristus, rap manjalo idop
ni uhur-Ni, janah gabe sisada haporsayaon.
K. Bani na bermitra idalankon hita do parentah-Ni Tuhanta laho marsihaholongan.
Holong ai maningon do taridah marhitei pambahenan.
P. Pakei hita ma lima panca indera na adong banta laho mandalankon kemitraan.
K. Uhur atap Hati na marpangahapan. Ganup halak na terlibat mandalankon
kemitraan, ipakei bei ma uhurni laho mangahapkon ampa mangkamalaskon
hubungan na bermitra. Aima uhur na mangahapkon holong ni Tuhan janah
uhur na marhasirsiron mambagihon holong ai hubani halak na legan.
P. Panonggor atap Mata na mangidah. Mangidah ijon aima mangkawahkon
aha na iporluhon hasoman, mangidah sonaha porluni parhasomanon, janah
mangindahi sonaha dalan lambin padearhon hubungan marhitei bagei horja
na madear.
K. Pinggol atap Telinga na manangar. Ningon boi do hita manangar aha na
ihaporluhon hasoman, sonaha pergumulan ampa pengalaman ni hasoman.
P. Pamangan atap Mulut laho marsahap. Padaskon na ibagas uhur anjaha
berbagi pasal pengalaman ni goluh, situasi na idompakkon hasoman pakon
aksi na sihol sibahenon. Anggo lang ipadas atap isahapkon mararti seolah-
olah domma dear haganup anjaha lang be adong labani na marhasoman.
K. Panganggoh atap Hidung laho manganggoh. Adong kepekaan na boi
mangarusi aha na ihaporluhon hasoman, ampa aha na lang iharosuhkon pe,
ase boi jumpah parsaoran na jenges iantara na bermitra.
P. Halani ai hatahon hita ma samah hita, “Mitrangku do ham, mitramu do ahu,
marsanina do hita” (kuria marsisalaman).

10. Mandoding Haleluya No. 446:1-2

Sisada angkula do hita ganupan, ragam ni pagori do hita tongon
Na sombuh bayak dos do in bani Tuhan seng dong ilioi isarihon do tong
Tuhanta do na gabe Hayu anggur, rantingni do hita on hajojor
Jolom ma Jesus ulang ham pandur, ase tabun marbuah na ramos
Tanda ni sisada angkula do hita, rap marpangarapan bani goluh on
Nai do bani horja rap marsiurupan, ulang dong na marsidalian ijin
Tuhanta do na gabe hayu anggur, ranting-Ni do hita on hajojor
Jolom ma Jesus ulang ham pandur, ase tabun marbuah na ramos

11. Manaksihon Haporsayaon (jongjong kuria)

5
 P. Saksihon hita ma haporsayaonta in, songon na sinaksihhon ni haganup halak na
porsaya bani sab dunia on.
K. Ahu porsaya… pst

12. Acara Khusus:

a. Mambasa Tonah ni Pimpinan Pusat GKPS
b. Mambasa Narasi “Sahabat”
c. Tonggo Pangapition.

13. Mandoding Haleluya No. 501:1-2+4

Sada ma ganup na tardilo rup, manjalo Tuhan in
Mandoding rumbuk, marmegah pe rup
Mamuji Goran-Niin
Mandoding rumbuk, marmegah pe rup
Mamuji Goran-Niin
Suankon ma da, bai uhurta rup, hasadaonta in
Sauyun homa, manlangkah riap, ibagas Tuhan in
Sauyun homa, manlangkah riap, ibagas Tuhan in
Totap ma Tuhan, baen Ham hanai on, sada ampakon Ham
Sai Ham ma tongtong, Parmahan tongon, manjaga hanai on
Sai Ham ma tongtong, Parmahan tongon, manjaga hanai on
14. Ambilan: Jeremia 33:10-13

15. Manggalang (Agenda GKPS Model A)

(Sada kantong galangan untuk Dana August Theis GKPS)

16. Tonggo Galangan - Tonggo Panutup – Pasu-pasu (Agenda Model A)

Narasi Tentang “Sahabat”

6
Seperti lirik lagu Sekolah Minggu, “Kau temanku, ku temanmu, kita selalu bersama
seperti mentega dengan roti. Kau temanku, ku temanmu, kita selalu bersama seperti
celana dengan baju”. (dinyanyikan)
Setiap orang pasti memiliki sahabat. Ternyata persahabatan sangat penting dalam
hidup kita. Aristoteles mengatakan bahwa sahabat ialah dua tubuh dalam satu jiwa.
Dalam satu jiwa dua individu dilebur dalam karakter, kebiasaan dan lainnya. Walau
memang dalam hubungan sahabat sering juga terjadi perbedaan; misalnya: beda
pendapat, beda makanan kesukaan, beda hoby dan lainnya. Namun walau banyak
perbedaan ternyata karena kita sudah merasa dekat satu sama lain kita dapat saling
menerima. Namanya sahabat, kita seharusnya selalu ada dalam suka dan duka. Tahu
tentang keadaan dan perasaan sahabat. Sebagai sahabat tentu seharusnya menjadi
orang yang paling mengerti tentang sahabat kita.
Pernah satu ketika, saya sangat dekat dengan seorang sahabat. Semua tentang sahabat
pasti saya tau, bahkan sampai urusan pribadinya. Hingga pada satu ketika, saya
mendengar dari orang lain bahwa ia akan menikah dengan seseorang yang telah
menjadi kekasihnya beberapa lama. Sahabat tidak pernah memberitahu ke saya tentang
hal ini. Awalnya sedikit kecewa karena sebagai sahabat ternyata ada saatnya dia
melupakan sahabat yang lama karena sudah punya “sahabat baru”. Saya hubungi
beliau untuk menanyakan langsung tentang kabar bahagia itu. Ia pun minta maaf tidak
memberitahu kepada saya tentang hal itu dan ia pun bercerita tentang semua
pengalamannya; bagaimana pertemuannya dengan kekasihnya bahkan rencana yang
akan mereka tempuh.
Sebagai sahabat yang baik saya pasti akan selalu mendukung sahabatnya terlebih untuk
hidup yang lebih baik. Sahabat akan tetap berusaha melakukan yang terbaik, untuk
membantu sahabatnya dalam kebingungan dan pergumulan.
Sabahat akan selalu menaruh kasih setiap waktu dan menjadi saudara dalam
kesukaran. Menjadi sahabat tentu ada harga yang harus dibayar, kadang kita harus
berkorban demi sahabat; korban perasaan, waktu, materi dan yang lainnya.
Namun kita melakukan semuanya dengan rasa syukur karena kita diberi hati yang
penuh kasih yang mengikat kita dengan sahabat kita. Bersyukur untuk persahabatan
yang ada, yang dapat kita jalani dan nikmati. Bersyukur untuk Tuhan yang telah
menunjukkan teladan bagi kita, yang telah menjadikan kita sahabat-sahabat-Nya.

“Tidak ada kasih yang lebih besar dari pada kasih seorang yang memberikan nyawanya
untuk sahabat-sahabatnya.” (Yohanes 15:13).

7
8