TATA IBADAH NATAL

SEKSI PEMUDA GKPS

Desember 2019

TEMA:
Ibohali Manghobaskon Horja na Madear.
(2 Timoteus 3:17)

SUB TEMA:
Pasirsir, Bohali ma Kuria in Totap Marguru bani Podah ampa Ajaran ni Kristus
Jesus, ase Jonam, Toguh Marurat, Marbuah ibagas Pangarusion ampa
Habotohon pasal Kristus Sipaluah in.
(Kol. 2:7; Lah. 17:23; 1 Korint. 7: 17-20)
I. PRAELUDIUM
P. Hita haganup kuria ni Tuhan na martumpu bani panorang on,
masukanta ma Ibadah Natal Pemuda GKPS………… bani borngin on
ibagas gok tarima kasih ampa puji-pujian hubani Tuhanta. Ai domma
talar nuan banta sondang haluahon na binoban ni Tuhan Jesus laho
manondangi goluhta. Halani ai roh ma hita, dompakkon hita ma bohinta
ibagas uhur na gok olob-olob

- Barisan prosesi mamasuki ruang ibadah

- Singers : (Mandodingkon) Haleluya No. 316:1-2 (Kuria jongjong)
Sai puji ma Tuhanta in, ai tubuh Jesus in
Sai jalo ma Rajanta in, pasirsir ma uhurmu in
Mandoding puji ma, mandoding puji ma, mandoding puji   Tuhan in.
 
Megah ganup dunia on, marsangap Tuhan in
Ganup mamuji Tuhan in, pakon ganup tinompa-Niin
Mandoding puji ma, mandoding puji ma, mandoding puji Tuhan in

-----------------------------------hening ------------------------------------
II. IBADAH
1. VOTUM – INTROITUS – TONGGO
P. Ibagas goran ni Naibata Bapa pakon Tuhan Jesus Kristus ampa Tonduy
Napansing
K. Sitompa langit pakon tanoh on. Amen
P. Bangsa na mardalan ibagas hagolapan mangidah sada panondang na
bolon.
K. Halak na marianan bani linggoman ni hamateian, poltak do i babou ni
sidea sada panondang
P. Ipabuei Ham do bangsa in, itambahi Ham malas ni uhurni; marmalas
ni uhur do sidea i lobei ni bohiMu
K. Songon malas ni uhur sanggah pariama, songon halak na marolob-olob
sanggah marbagi taban-taban
PK. Mandodingkon: “Alleluia”

2
 P. Ai domma tubuh banta sada Na etek-etek, ibere do banta sada Anak,
tampei bani abara-Ni do panggomgomion, anjaha ibahen do goran-Ni:
Paruhur Halongangan, Naibata Parkuasa, Bapa sadokah ni dokahni,
Raja Damei
K. Parrarat ni harajaon-Ni ampa hadameion-Ni seng marpunsa ai bani
hotak ni si Daud ampa bani harajaonni, halani ipatotap anjaha ipatoguh
do ai marhitei uhum pakon hapintoron humbani sonari nari ronsi
sadokah ni dokahni
PK. (Mandodingkon) Alleluia
P. Martonggo ma hita: Tuhan Naibata Bapanami, holongMu hubannami
ipatangkas Ham do marhitei Jesus Kristus AnakMu in, na dob gabe
daging doskon hanami jolma. Marmalas ni uhur do hanami bani
haluahon na itotapkon Ham bannami pakon bani ganup na tinompa in.
BokasMu do siirikkononnami janah hataMu do hagoluhan bannami.
Songon parmahan na madear mambobai janah mansarihon biri-birni,
sonin ma panramotionMu bannami. Halani ai pujionnami do goranMu
na pansing in marhitei partubuh ni Sipaluah in, Jesus Kristus Tuhan
nami.
PK. Amen
2. MANDODING :”Hutonggor hu Siambilou”
Hu tonggor hu siambilou; hu tatap hu siamun
Jenges ni in ganupan na tinompa
Torsa ibaen Tuhanta; ge suan-suanan pe tabun ramos marbuah
Harangan pakon dolog maratah do ganupan jenges ni in
Nai do ge manuk-manuk lurlur do pandodingni
Pasangapkon Tuhan Naibata ganup panorang
***
Ramotkon ma, jimot ma jaga in
Torsa ma baen hinajengesni alinan ni haporsayaon
Sauhur ma ganupan hita da
Riap ma hita marmuduhon naniondoskon ni Tuhanta
Halani ai hasoman manat ma paruhurhon
3
 Ganupan in ulang soppat maseda ganup suan-suanan
Ge pinahan na i talun in ulang marmara
Ulang lassei uhurta dear ma na patorsa
Ganupan in ase ulang marngayot ganupan na itompa
Bai panorang ni goluhta on ronsi magira

Back to ***

3. LITURGI I : Panompaon

Prolog: Horja ni tangan ni Naibata na so tardoudou pikkiran ni jolma,

manompa tanoh on ampa sagala pangisini gok hajengeson ampa
jagiah. Marragam do ganup na tinompa in patugahkon habayakon ni
Tuhan in. Tinompa na sada mangindahi tinompa na legan songon na
marsanina. Sonin ma jengesni haganupan na i tanoh on, usih songon
sada doding na lurlur tangaron. Iondoskon do in hubani jolma ase
ipardimata janah iramotkon. (Visualisasi bisa dibantu slide)
1. Haganup na i tanoh on pataridahkon hinajenges ni na tinompa ni
Naibata. Dolog na maratah-ratah, laut ampa tao na lambar, ganupan in
patubuhkon damei ampa sonang ni paruhuran. Hagogohon do tene
hinajenges ni na tinompa in halani boi do in padaohkon hita humbani
uhur biar pakon holsoh na sai tong manrajai goluhta.

2. Itompa janah torus do ipatubuh Naibata hayu ampa sagala suan-suanan

i atas tanoh on mambahen keseimbangan pakon kesinambungan ni
ganup na tinompa in. Sidea on do na gabe paru-paru ni tanoh on,
padearhon pakon mambahen keseimbangan kadar ni udara tarlobih ma
ai bani na tading i kota. Suan-suanan pakon hayu do homa na
manramotkon tanoh on ase ulang tandus, matolbak janah maseda pakon
manjaga keseimbangan ni bah bani tanoh daratan.

3. Tonggor ma bunga silundat na i talun, na lang manonun bajuni.

Hinajenges ni bunga-bunga in lobih do humbani sagala hinajenges ni
horja ni tangan ni jolma. Lobih do tene jagiahni humbani hiou ni Raja
Salomo tingki panorang harajaonni. Tongon, igoki Naibata do tanoh on
4
 marhitei hinajenges ni na tinompa in, mambahen gok janah sempurna
pargoluhan ni jolma on.

4. Sonai do age binatang na i harangan marsiboan ragamni, torsa do

ibahen Naibata romban hubani biak ampa rupa-Ni. Sonai do homa
pinahan na tading riap pakon jolma in, iramotkon do ganup. Isarihon do
marhitei sipanganon pakon siinumon. Naibata do parsimada bani hosah
ni sidea.

5. Haganup pulou ge banua ronsi sagala na adong i atas tanoh on

patugahkon hagogok ni horja ni tangan ni Naibata. Musim na
margantih patugahkon panramotion ni Tuhan in bani tanoh on. Sonin
do humbani na hinan ronsi sonari ibahen Tuhan in marsiboan rumangni
pataridahkon habayakon ni Tuhan in.

4. MANDODING KJ No. 64:1-2

Bila kulihat bintang gemerlapan dan bunyi guruh riuh kudengar,
Ya Tuhanku, tak putus aku heran melihat ciptaanMu yang besar.
Maka jiwakupun memujiMu: “Sungguh besar Kau, Allahku!”
Maka jiwakupun memujiMu: “Sungguh besar Kau, Allahku!”

Ya Tuhanku, ‘pabila kurenungkan pemberianMu dalam Penebus,

‘ku tertegun: bagiku dicurahkan oleh PutraMu darahNya kudus
Maka jiwakupun memujiMu: “Sungguh besar Kau, Allahku!”
Maka jiwakupun memujiMu: “Sungguh besar Kau, Allahku!”

5. LITURGI II : Pardabuh Ni Jolma Hu Bagas Dosa

Prolog:Uhur do mungkah ni sagala na madear sonai ampa na masambor bani

goluh ni jolma. Uhur do homa na buei mambahen tubuh naborit. Halani
ai porlu do iramotkon paruhuron romban hubani sagala na madear.
Uhur na megah paminar bohi, tapi tonduy na marosak pamerung
angkula (Podah 17:22).
1. Hasimburuon
Maseda do paruhuron ni hajolmaon marhitei na manimpan-nimpan
hasimburuon bani uhurni. Ia hasimburuon aima uhur na lang piah
5
 mangidah halobihan pakon hinadongan ni hasoman. Uhur simburu do
patubuhkon tindakan-tindakan hasamboron na marujung bani mara
ampa hasedaon. In homa do na padaohkon hita humbani horja ni
Tonduy ibagas dirinta.

2. Marah
Anggo manggila hita magou do ganup na madear ibagas dirinta. Ambah
ni ai magou ma panrajaion diri janah saud ma sura-sura ni sibolis.
Anggo manggila hita magou do homa energi positif na adong ibagas
dirinta. Ringis pakon marah mambahen hita daoh humbani damei ampa
sura-sura na madear. Halani hisap ampa rosuh ni daging adong ma
banta anggo manggila hita. Marah boi do parsedahon hasadaonta
hubani sindohorta

3. Domdom
Uhur gigi na isimpan-simpan patubuhkon domdom na marohop-ohop.
Ai boratan do goluh ni halak na manimpan domdom ibagas dirini. Usih
songon sada rumah na marisi buei barang-barang na lang marguna
mambahen sosak ibagas rumah ai, tarsongon ai ma goluh ni halak na
ibagas domdom. Ambah ni ai tene hira songon duri bani ugah, borit
anjaha borat do pangahapni halak na manimpan domdom. Domdom pe
boi do marujung hubani tindakan na paroh mara ampa hajahaton.

4. Gijang Uhur
Goluh na sai tong mangetong dirini sigijangan marimbang hasoman na
legan aima na isobut gijang maruhur. Epes ni uhur do mungkahni gabe
lang boi hita mangidah halobihan ni hasoman. Nini uhur lang adong age
sada humbani na legan na mangatasi dirinta. Gijang ni uhur do na
manutup panonggorta pakon mangambati pikkiranta humbani
pangajarion. Ai lang siat podah bani halak na gijang maruhur halani
domma dear pangahapni pasal dirini ai. Gijang ni uhur boi do
mambahen gabe maruhur-uhur hita hubani halak na legan.

6
5. Hampung ni Uhur
Anggo haposan bani pahara na etek, ujungni gabe haposan do bani
pahara na banggal. Tapi anggo halak na hampung uhurni age bani
pahara na etek, lang gabe haposan ia age bani na ija pe. Anggo lang
koskos ijolom hita aha na gabe tanggung jawabta, boi do marhiteihon ni
ai gabe madabuh hita bani rosuh ni dunia on. Maseda do hasatiaan
anggo hampung uhurta age pasal na ija pe.

6. MANDODING: HAL No. 32: 1-2

Riap ma hita haganup, mamuji Naibata
Mesek ma pandodingta rup, ai in do na tama, ai in do na tama
Iungkab Naibatanta in, nagori atas in.
Isuruh do AnakNi in, hagoluhanta in, hagoluhanta in

7. LITURGI III : Bagah-Bagah Pasal Haluahon

Prolog: Ia haporsayaon, aima tenger ni uhur bani siarapkononkon, ampa na

mambahen torang pasal na so niidah (Heb 11:1). Halak na porsaya
hubani Tuhan, aima halak na manggoluh ibagas pangarapan.
Pangarapan do mambahen hita margogoh mamolus ganup na borat
bani goluhta; ai ibagah-bagahkon Tuhan in do goluh hasonangan bani
ganup na porsaya. Tuhanta Jesus Kristus pe domma ibagahkon
Naibata bani panorang na basaia marhitei Nabi-nabi. Padan ni Tuhan
in lang ongga mubah humbani na hinan, sonari ronsi magira pe.

1. Ibagah-bagahkon Naibata do hubani si Abraham pasal ginompar

songon buei ni horsik na i topi ni laut. Hansi pe domma 100 tahun
umurni. Na so boi bani jolma, anggo bani Naibata maningon saud do
anggo domma ipadankon. Saud do padan in janah jongjong do bangsa
ni Naibata aima bangsa Israel. Hita pe domma gabe bangsa-Ni ibagas
Kristus Jesus Sipaluah in. Tongon, lang adong parsangsian
mangihutkon Tuhan in. Sonin do humbani na hinan age ronsi sonari.
Halani ai porsaya ma hita bani padan ni Tuhan in.

7
2. Sonai do homa padan ni Naibata hubani si Noah, in ma marhitei bah na
sumbang na ijia. Age pe manringis Ia halani jolma na mardousa tapi
ipatangkas do idop ni uhurNi marhitei padanNi. Lang anjai parohonNi
be bah na sumbang in tapi pajongjongonNi do use bangsa na banggal
marhiteihon ni si Noah. Padan ni Naibata tongtong do pataridahkon
holong ampa pasu-pasu bani hita jolma.

3. Padan ni Naibata marhitei panuratan ni Nabi-nabi patangkashon pasal

indung ni ganup haluahon. In ma bagah-bagah ni Naibata sibanggalan
na mambere haluahon bani jolma. Gabe daging ma Hata in anjaha
marianan i tongah-tongah ni jolma. Jesus Kristus Anak ni Naibata
domma gabe jolma ase ulang magou ganup halak na porsaya in tapi ase
jumpahan haluahon na sadokah ni dokahni.

4. Padan ni Tuhan usih do songon parpoltak ni mataniari bani sogod ni ari

ronsi sundut use bani bod ni ari in. Pangurupion ni Naibata pe hubanta
marsada-sada lang ongga madokahtu atap pe ma podastu. Haganup do
ibahen jenges domu hubani panorang ni. Halani ai ulang ma haru uhurta
pasal atap aha pe, tapi padas hita ma in hubani Tuhan ibagas uhur na
marpangarapan.

5. Ulang be hita irajai uhur biar pakon gobir, tapi porsaya ma hita sai na
intei do tong Tuhan in mangidah hita. Tongtong ma hita marondos
janah ulang ma marpangunsandeian bani pikkiranta sandiri. Anggo
mabiar ham pasal sonaha ham patar, bani horja ampa masa depanmu,
martonggo anjaha marpangarapan ma ham hubani Tuhan in. “Pindo
hanima ma sai na bereonNi do bannima, pindahi hanima ma, sai na
jumpahan do hanima, hartuki hanima ma, sai na bukaon do bannima”
(Mat. 7:7).
8. TONGGO SYAFAAT

9. MANDODING: “Malam Kudus Di Langit Bertaburan”

Malam kudus di langit bertaburan
Bintang kemilau terang gemerlap
Terpancar kini sinar pengharapan
Yang dinantikan sekarang genap
8
 Dan bangsa yang lelap beroleh harap
Melihat fajar kini merekah
Mari sujud.. dengar kidung malaikat
Malam.. mulia.. malam Kristus lahir
Malam.. mulia... malam, malam mulia

10.LITURGI IV PARTUBUH PAKON BARITA NATAL

Prolog : Dousa ni jolma mamungkah humbani si Adam mambahen golap
janah kahou langkah ni jolma in. Halani ai lang dong be jumpah
hasintongan in, ai domma ganup mardousa janah sada pe lang
adong na talup i lobei ni Tuhan in.

L1. : Ase botoh anjaha paruhurhon ma: Humbani panorang dob luar hata
ai, ase ipasuang anjaha ipauli use Jerusalem ronsi panorang parroh
ni na mininakan ai, raja ai, pitu tahun minggu ampa onom puluh dua
tahun minggu do; ulakan do paulihon huta ai, maralaman ampa
marpasar, age pe panorang hasosakan ai (Daniel 9:25).
L2. : Sebab itu Tuhan sendirilah yang akan memberikan kepadamu suatu
pertanda: Sesungguhnya, seorang perempuan muda mengandung
dan akan melahirkan seorang anak laki-laki, dan ia akan
menamakan Dia Imanuel (Yes 7:14)
L3. : Ai domma ibagahkon Naibata bani Padan Na Basaia, ai na roh ma
Raja in humbani tutuho ni si Isai, hasusuran ni Raja Daud. Raja
Sipanggomgomi, Mesias, Anak ni Naibata na dob gabe jolma.
Tonggor ma, bani tanganNi do sagala kuasa i tanoh on

PK. : (Mandodingkon) Haleluya No. 28:1

Naha ma panjalongku, Bamu o Tuhankin?
Naha panjumpahkonku, Bamu o Rajangkin?
Sondangi Ham uhurhu, na golap na bodoh
Ai sihol bahenonku do hamegahon-Mu
P. : Bani borngin ni ai mardalan ma Josep pakon Maria mammasuki
huta Betlehem hasusuran ni ai. Das ma panorang ni bani si Maria
9
 manubuhkon Sipaluah in, tapi lang adong ianan parbornginan bani
sidea.
K. : Imasuki sidea ma harang ni pinahan, lanjar ijai ma tubuh Jesus
Kristus Sipaluah in, Mesias na paluahkon jolma pardousa.
---------------------------------- hening ------------------------------------
K. : Halani ai patoruh hita ma homa dirinta i lobei-lobei ni Anak in,
ibagas unduk pakon toruh ni uhur sombah hita ma Ia.
PK. : Gloria In Excelcis Deo
(Mandodingkon) Haleluya No. 39:1-3: “Sonang ni borngin ni in
(lanjar pagarahon lilin)
Sonangni borngin ni in, sanggah roh Jesus in
Sonang modom do halak ganup, dua mando na puho in rup
Mangoromi anakNi, Jesus Tuhanta in

Dearni bornginni in sanggah roh Jesus in

Bai parmahan i Betlehem in, ipatugah na hun surga in
Domma roh Sipaluah, Jesus Tuhanta in

Buei ni tuah ijin, sanggah roh Jesus in

Tor maluah pardousa use, humbai hamagouanni hape
Ben na roh Sipagoluh, Jesus Tuhanta in
Na pagarahon Lilin:
1. Pengkhotbah 4. Undangan
2. Ketua Panitia 5. Orang Tua
3. Ketua Pemuda 6. PMJ

Cat. L1 = Liturgi 1, L2 = Liturgi 2, L3 = Liturgi 3

11. AMBILAN
12. MANDODING KJ NO 109: “Hai Mari Berhimpun” (Patumpuhon Galangan)
Hai mari, berhimpun dan bersuka ria!
Hai mari semua ke Betlehem!
Lihat Yang lahir, Raja bala sorga!
Sembah dan puji Dia, sembah dan puji Dia,
Sembah dan puji Dia, Tuhanmu!

10
 O, come all ye faithful, joyful and triumphant
O, come ye, o, come ye to Bethlehem
Come and behold Him, born the King of Angels
O come, let us adore Him, o come, let us adore Him
O come, let us adore Him, Christ the Lord

Martumpu ma hita malas ma uhurta

Laho ma hita hu Betlehem
Tonggor malekat mamuji Tuhanta
Sai sombah puji Ia, sai sombah puji Ia, Rajanta in

13. TONGGO PANUTUP – TONGGO RIAP –PAINGKATHON- PASU-PASU

(Jongjong Kuria)
P. Ham Naibata Bapanami na i surga, domma apala gabe jolma Ham
ase jumpahan goluh ampa haluahon hanami. Martarima kasih do
hanami halani domma parsimada hanami bani holong na tarsulur in
K. Ibagas uhur na bulus ma nuan hanami parsimada Bamu, Ham ale
Sipaluah, holongMu ma mambobai hanami bani goluhnami.
P. Ham Jesus simada goluh na manongtong, ondoskononnami ma
dirinami huBamu. Sai harosuhMu ma na manontuhon langkahnami.
K. Magodang anjaha matoras bani pangarusion, in ma situjuonnami, ase
gabe pasu-pasu hanami hubani hasomannami.
P. Marhitei pesta pardingatan partubuh ni Kristus in, lambin tangkas ma
panandaionnami pasal holongMu na banggal in.
K. Suruh Ham ma hanami gabe siboban barita janah sondang haluahon
in, ase tarbarita hasintongan in hu sab tanoh on.
PK. Lambin tangkas ma tongon holongMu in bannami
P. Ham ale Tuhan Jesus, Ham do na mamasu-masu goluhnami. Ijon
iboban hanami do galangannami na gabe tanda tarimakasihnami.
Tongon lang tarboban hanami omas pakon pirak songon na binoban
ni halak Majus ai; tapi uhur na borsih manjalohon Ham, in ma
manggoki galangannami.
K. Jalo Ham ma galangannami on ale Tuhan janah paganda Ham ma
pasu-pasuMu hubannami, ase in gabe hiteinami pasangapkon Ham.
P. Riap ma hita martonggo, marhitei tonggo na pinodahkon ni Tuhan
Jesus hubani susianNi.

11
 PK. Ham Bapa nami na i nagori atas….. pst. Amen
P. Laho ma nasiam, baritahon janah saksihon nasiam ma Ambilan Na
Madear in ija pe nasiam marianan.
Jalo hita (ham) ma pasu-pasu humbani Tuhan Naibata:
Idop ni uhur ni Tuhanta Jesus Kristus pakon holong ni atei ni
Naibata Bapa ampa parsaoran ni Tonduy Napansing ma
mangkasomani hita (nasiam) haganupan. Amen
III. POSTLUDIUM (Sambil bersalam-salaman)
Menyanyikan: “We Wish You A Merry Christmas”
We wish you a Merry Christmas 3x

Selamat hari Natal

25/26 Desember 2019
&
Selamat menjelang
Tahun Baru
01 Januari 2020

12