TATA IBADAH PARTONGGOAN

BONA TAHUN KELUARGA GKPS

Sa DISTRIK VI
01 JANUARI 2023
I. Persiapan
- Saat Teduh ( Tonggo Pribadi)
- Hata pamungkah
Pardear layak do Naibata janah tarpuji ma Naibatanta sitimbulan in, na dob
manramoti pargoluhanta boi tongon hita manlopusi tahun 2022 janah sonari
imasuki hita ma Tahun na Baru tahun 2023. Ase domu hujai, ibagas
namasukonta ma tahun baru on, ase pungkah hita kebaktian partonggoan
bona tahun marhitei na mandoding humbani Haleluya. No.209 : 1 + 5
“Dob SalpuTaun Na Buruk In”
Dob salpu taun naburuk in Ham ma hupuji Tuhankin
Ai iparorot Ham tongtong tonduyhu pakon dagingkon
Ai iparorot Ham tongtong tonduyhu pakon dagingkon
Urupi, pargogohi Ham hanami mambalosi Ham
Lao manundalhon dousa in, ampa ganup na jahat in
Lao manundalhon dousa in, ampa ganup na jahat in.
II. Ibadah
1. Votum – Introitus – Tonggo
P Ibagas Goranni Naibata Bapa, pakon Tuhan Jesus Kristus ampa
Tonduy Napansing, Sitompa langit pakon tanoh on.
K Amen
P Puji ma Jahowa ale sab tanoh on!
K Balosi nasiam ma Tuhan in ibagas malas ni uhur
P roh ma nasiam hu lobei-Ni marhasoman olob-olob!
K Botoh nasiam ma, Jahowa, Ia do Naibata
P Ia do na manompa hita, Ia do simada hita! Bangsa-Ni anjaha biri-biri
na pinarmahan-Ni.
K Masuki nasiam ma horbangan-Ni marhitei hatarimakasihon, sonai
alaman-Ni marhitei puji-pujian.
P Martarima kasih ma nasiam Bani, puji nasiam ma goran-Ni.
Martonggo ma hita, Ham Tuhan Naibata Bapa nami na i nagori atas,
tarimakasih ma bani haganup panramotion-Mu bani tahun na salpu.
Gok ibagas hatarimakasihon do hanami hu-Bamu halani idop pakon
holong ni uhur-Mu mangkasomani hanami das bani tahun na baru on.
Ibagas holong ampa goluh na binere-Mu pitah mangarap holong
 ampa idop ni uhur-Mu do na tong-tong masu-masu pargoluhanni
kelurganami ibagas tahun baru on. Ibagas goranni AnakMu, Jesus
Kristus Tuhannami, hanami martonggo hu-Bamu. Amen.
2. Mandoding Hal. No. 46 : 1 + 6 “Satahun Use Ma Surutni”
1. Satahun use ma surutni, suruthoma ma umurhin
Naha do au nasaindokahni, margagan do parlahouhin?
Ganda do haporsayaonku, ‘ge holong ni atei hu pe
Bai Jesus pakon Naibatangku, ‘pa baihasomankin ale.
6. Holong ma atei-Mu hubangku, mangkasomani au ijon
Paondos Ham husurgaahubaiparrotapnihosahkon
Na radoahumangihutkonhata-Mu ‘salmanggoluh au
Malasuhurhupararathonbarita-Mu ronsidaoh.
3. TonggoSyafaat
4. Mandoding: Hal. No. 52 : 1 + 2 “Jesus Tolong Ham Hanami”
1. Jesus tolong Ham hanami, banitahunbaru on
Saipabayugogohnami, mangirikkon Ham tongtong
Pasu-pasu Ham homa, ganupnaporsaya da.
2. Pingkiranku ‘pa horjangku, saipasangap Ham ma in
Puhobarangmodomahu, Ham tongtong i lambungkin
Laholuarmasukpe, Ham hasomankin use
5. Renungan : Habakuk 3:17-19
“Age pe seng marbunga ijai hayu ara, anjaha seng marbuah hayu anggur,
lambang ia hayu jetun anjaha seng dong be lombu ibagas harang age
sonai, marolob-olob do au ibagas Jahowa, anjaha malas do uhurhu ibagas
Naibata ni haluahonku. Naibata Jahowa do hagogohon bangku, ibahen do
naheihu usih songon nahei ni ursa; Ia do manogu ahu manlangkah bani
ianan na gijang (bani sibobahon koor marhasoman parugas)”
Selamat tahun baru ma hubanta haganupan kuria ni Tuhan…
Nuan imasuki hita ma tongon tahun na bayu marhitei na pinasir-sir
ni Tuhan Naibata hubanta haganup. Malas ma uhur halani domma
ihasomani Tuhan in hita bani pardalananni goluhnta bani tahun na salpu
in. Ase sonari ibere use panorang hubanta manjalo pasu-pasu marhitei
mandalani goluhta bani tahun on. Tontu, ise pelang mambotoh aha nasihol
terjadi hulobeianni ari on janah ra do sungkun-sungkun ibagas uhur, aha
do na terjadi nasihol sidompakononta hulobeian ni ari on? kondisi
sisongonon ma gati mambahen goluh on hotop ikuasai ketidakpastian
janah perasaan ketidakpastian mambobai uhur sonai goluh on gabe
mabiar, bimbang, gobir mandompakkon ari-ari ni goluh na sihol
 sibolusan. Hata ni Tuhan mangkatahon “Naibata Jahowa do hagogohon
bangku janah na manago ahu” aima sada na gabe doding pangarapanni
nabi Habakuk na mangidah gogoh ampa kuasa ni Tuhan Naibata. Pusok
do uhur ni nabi Habakuk mangidah keadaan ni Bangsa Israel panorang ai
na gok ibagas dousa, tapi nabi Habakuk tidak membiarkan hadirionni
ibagas kekecewaan pakon putus asa. Age ibagas pusokan uhur mangidah
haganupan dousa-dousa ni bangsa Isarel ai, Habakuk lang mangajamkon
gogoh diri sendiri laho pasaloseihon ai justru Habakuk totap
marpangarapan bani gogoh ampa kuasa ni Tuhan Naibata. Haganupan
dousa ni bangsa ai i aduhon do hu bani Naibata. Halani ai, marhitei nabi
Habakuk ibere banta pelajaran ase sonaha hita merespon goluh na sihol
sidompakononta ai ibagas na totap semangat, sukacita pakon na totap
marpangarapan pitah hubani Tuhan. Porsaya ma hita jumpah do
hadameion anggo manggoluh ibagas kuasa ni Naibata janah damei na
humbani Naibata do na paluahkon hita humbani uhur gobir ampa biar.
Tontu bani tahun 2022 na dob salpu buei do tongon gobir, paruntolon na
idompakkon kelurga lepas kelurga sebagai kuria ni Tuhan. Sitaronon,
uhur bimbang, mabiar marhitei pengaruh pengelolaan ni keluarga na
hurang dear, masyarakat ronsi itongah-tongah ni kuria. Tapi panorang
nuan on, mandipar ma tongon hita bani tahun nabaru 2023 on, ibobai hata
Tuhan on do hita ase pitah mangajamkon kuasa na humbani Tuhan in ma
tongon na mangiring-iring pargoluhanta mandompakkon ari-ari na laho
roh. Ase, marhitei situasi ni goluh na lang martontu, goluh na ikuasai
ketidakpastian on, ibagas haporsayaon Naibata domma mamasu-masu hita
ase ibagas haporsayaonnta ma homa totap marpangarapan hubani Naibata
na sihol mangondoskon pasu-pasu-Ni hubanta. Adong kata bijak
mangkatahon “ yang terpenting bukanlah tahu masa depan seperti apa,
melainkan kita tahu kita berjalan dengan siapa” lang ibotoh hita aha na
sihol sidompakhonta bani ari na laho roh, age roh parmaraan sonai
paruntolon seng mabiar be hita, halani hata ni Tuhan mambere pos ni uhur
hubanta paboa Naibata ibagas Jesus Kristus sipaluah totap do hadir
mamasu-masu goluhnta siganup ari. Selamat tahun baru ma banta janah
selamat menyambut pasu-pasu ni Tuhan bani tahun 2023 on. Amen .
6. Mandoding: Hal. No. 404:1 (irik patumpu galangan keluarga hu Distrik
VI)
Ganup ari do in ronsi tahun hu tahun, sihol do hudodingkon goran-Mu
Ham Tuhan Naibata sai hupuji do Ham halani haganup layak-Mu
 Ham arta na harga poltik hujom in, humbani na hinan Ham do tong
Naibatakin
Bonani na dear ronsi sadokahnin, panondang na lihar bai ganup na golap in
7. Hasaksian – TonggoPanutup – TonggoPasu-pasu
P Diateitupa ma Bamu Ham Naibatanami, ibagas malasni uhur boi
hanami mandipar bani tahun nabaru on
K Ajari Ham ma hanami Tuhan mamakei goluh nami bani tahun on
P Bagei do Tuhan sura-sura nami bani tahun on
K Ajari Ham ma hanami Tuhan ase domu hubani sura-suraMu ma sura-
suranami
P Lang mabiar be hanami Tuhan manlangkahkon goluh nami bani
tahun on
P+K Ajari Ham hanami Tuhan ase totap ihaporsayai janah ihagoluhkon
hanami HataMu.
P Martonggo ma hita marhiteihon tonggo nani ajarhonni Tuhan Jesus
hubanta: Ham Bapanami na i nagori atas … Amen.
Idopni uhurni Tuhannta Jesus Kristus, pakon holong ni ateini
Naibata Bapa, ampa parsaoranni Tonduy Napansing ma
mangkasomani nasiam/hita haganupan. Amen.

III. Panorang Mambere hata/podah/ (marsimaaf-maafan)

Pendeta, Penginjil, Vikar GKPS Distrik VI

padashon
Selamat Tahun Baru 1 Januari 2023 ma hubanta haganupan
Tuhanta Jesus Kristus ma namamasu-masu hita.

……………………………………………………………………….......

Galangan Bona Tahun Keluarga

Humbani Keluarga : ________________________
Bueini (Rp) : ________ ( _____________ )