PESTA BONA TAON PUNGUAN NAIMARATA KELURAHAN BANE

-Boru, Bere, Ibebere-

Pematangsiantar, 18 Februari 2024
*********************************************************
Thema : Sada ma parrohahon hamu, Sadama hahologan muna,
Saroha,sapingkiranma hamu ! (Pilippi 2. Ayat 2b)
Subthema : Marhite – hite Bona Taon Punguan Naimarata Lam
Ringgas Mahita Tu Parpunguan dohot Mamuji Debata
I. PERSIAPAN
 Martangiang nahohom ma hita dibagasan rohatta be
II. ACARA KEBAKTIAN
1. Joujou tu Parsaoran (U: Uluan ~ R: Ruas ~ S: Sude)
U : Hamu angka dongan sapunguan, tama do hita mandok mauliate tu Debata
Jahowa nampuna hita dohot nampuna ngolunta. Ai asi ni rohaNa do na
tongtong marmudumudu hita umbahen boi taripar sian taon 2023, tu
taon na imbaru 2024 on. Jala boi hita marsaor di punguanta di bona ni
taon on ima Punguan Naimarata – dohot Boru Bere Ibebere.
R : Pinuji ma Jahowa, asi ni rohaNa do na tongtong mangaramoti hita!
U : Nunga tolhas hita tu taon 2024, ima na pinataru ni holong dohot denggan
basa ni Tuhan Debata. Puji ma Ibana siala asi ni rohaNa na manongtong i,
dohot holongNa na so marpansohotan i.
R : Pujionku ma Jahowa di luhutan ni angka partigor, gok asi ni rohaNa
do
portibi on.
U : Ro be ma hamu marsomba jala umpuji Ibana, ai habonaron do
saluhut pambahenanNa. Antong taparade ma rohanta laho pasangaphon
goarNa, marende ma hita…
2. Marende: B.E. No. 4: 1 + 3 “Sai Puji Debata”
Sai Puji Debata dibaen asi rohaNa, huhut tongtong basa di nasa
tinompaNa. Ria ma hita be mamuji Debata. Ai sesa do nuaeng dosanta i
dibaen
Dibahen i tama Pujion ni rohanta, Tuhanta Debata Nang Jesus pe
AnakNa. Nang pangondian i Naung ro tu hita on, Manggonti Jesus
i Pujion do tongtong.
3. Votum – Introitus - Doa
U : Marhitehite goar ni Debata Ama dohot goar ni AnakNa, Tuhan Jesus Kristus
dohot goar ni Tondi Parbadia, na tumompa langit dohot tano on.
R : Amen.
 U : Martua do na hundul dipangondingan ni Natumimbul i jala na mian di
linggoman ni pargogo na so hatudosan, na mandok tu Jahowa:
Haporusanku jala partanobatoanku, Debatangku, marhaporusan tu Ho do
ahu.

R : Jahowa do Haporusanku, Jahowa do Partanobatoanku. Haleluya!

U : Martangiang ma hita. Ale Tuhan Debata, Amanami na di banua ginjang! Asi
ma rohaM di hami halak na gale on. Diida Ho, na gogo do musunami, sai talu
do hami dibahen ala ni hagaleonnami. Dibahen i hupangido hami tu Ho, Sai

pargogoi jala pamonang ma hami maralohon musu i marhitehite panaonon

ni Anak haholongan ni rohaM, Tuhan Jesus Kristus. Jala m andok mauliate
do hami tu joloM di partingkian on, ala diloas asi ni rohaM dope
hami pajumpang di punguan Naimarata – Boru Bere Ibebere
kelurahan Bane di taon 2024 on, di bagasan hahipason dohot las ni
roha. Nunga huparsaulihon hami ragam ni pasupasuM di taon 2023
i. Antong, Ho ma na tongtong mangiringiring pardalanannami,
joloani ma langkanami huhut pargogoi hami di na mamolus taon na
binasabasahonMi tu hami. Asa gabe taon parasinirohaon ma on di
ngolunami, taon pasupasu jala taon na gok las ni roha. Tangihon ma
hami ale Tuhan, marhite Jesus Kristus Tuhannami, sipalua jala
sihophop hami.
S : Amen. (hundul)

4. Marende: BE. No. 690: 1 “Hibul Rohangku”

Hibul rohangku tu Tuhan Jesus. Sude ngolungku di Tuhan Jesus,
Ihuthononhu do Tuhan Jesus. Ndang olo au sumurut be.
5. Pembacaan Epistel : Mazmur 121: 1-8
U: Hata ni Debata turpuk Epistel di partangiangan bona taon sadarion, i
ma na tarsurat di Psalmen 121:1-8, tajaha ma margantisorin. Ende
hananangkok. Sai mangaranapi do matangku dompak angka dolok: Sian
dia do ulaning ro pangurupion tu ahu?
R: Sian Jahowa Sitompa langit dohot tano on sambing ro pangurupion
ianggo tu ahu.
U: Ndang tagamon loasonna tarsulandit patmu, ndang tagamon nok mata ni
Sijaga ho.
R: Ida ma, ndang olo nok mata, jala ndang olo modom ianggo Sijaga
Israel.
U: Jahowa do Sijaga ho, Jahowa do parlinggomanmu di lambung ni tanganmu
siamun.
R: Ndang tagamon doiton ni mata ni ari ho arian, manang bulan pe
bornginna i.
U: Sai jagaon ni Jahowa do ho sian nasa parmaraan, sai jagaonna do
tondim.
R: Sai jagaon ni Jahowa do ho laho ruar dohot laho bongot, olat ni
 on ro di salelenglelengna.
U: I ma sahatna. Martua do na tumangihon hata ni Debata jala naumpeopsa,
Amen!

6. Marende: BE. No. 66 : 1 “Debata Baen Donganmi”

Debata baen donganmi, lao mangula ulaonmu. Baen Ibana haposanmu, sai
paserep rohami. Debata baen donganmi, Debata baen donganmi
7. Tangiang Pangondianon – Doa Syafaat
8. Marende: BE. No. 25: 1 “Hatami Ale Tuhanku”
HataMi ale Tuhanhu, arta na ummarga i. Sai paian di rohangku, unang so
hutiop i. Molo so be sitiopan, hata na badia i; aha nama haojahan ni
haporseaon i?
9. Jamita / Renungan: Pdt. EFRAN M SIANIPAR, M.Th
10. Marende: BE. No. 697 :1+3 “Molo Ho Do Huihuton” (pp)
♫ Molo Ho do huihuthon dame sonang rohangki. Sai horas jala martua
nasana hinophopMi. Reff: Ho tongtong ihuthononku Jesus si palua
au. Ho sambing do uloanku alani i martua au.
♫ Hupelehon ma diringku mangihuthon lomoMi. Ndada be na olo salpu
na mangohi rohangki. Reff…..
11. Mangauhon Basa ni Debata di taon 2023 – Parsuruon tu taon na imbaru
2024
U: Di hita dongan na sapunguan, tama do hita mandok mauliate tu Debata,
diramoti do hita manipat taon 2023 na naung tasalpuhon i. Di tonga ni
punguanta on pe – punguan Naimarata Boru Bere Ibebere Kelurahan Bane,
holongNa sambing do na mangarahut parsaoranta.
R: Puji ma Jahowa ale tondingku, jala unang tung halupahon denggan
basaNa sudena!
U: Atik pe adong hagaleonta ganup marsadasada, sai dilehon do roha
panganjuon mangula di dirinta be. Atik pe marasing angka pingkiran nang
pandapot di tongatonganta, diparbisuki Debata do hita laho mambuat
angka
haputusan na denggan na tau pauliulihon parsaoranta ditongatonga ni
punguanta on.
R: Puji ma Jahowa ale tondingku, jala unang tung halupahon denggan
basaNa sudena!
U: Godang do ariari ni ngolunta na marsalpuan nilalapan ni hagiot ni portibi
on,
so mangolu hita di Hata ni Debata. Jotjot do sai tapangasahon dirinta,
gogonta, parbinotoanta, nang huasonta. Antong di taon na imbaru on, sai
hataM ma na gabe sulusulu ni patnami, jala hatiuron di dalannami. Manang
didia pe hami, uju di jabu, di balian, di pardalanan, di kantor, di sikkola, di
partigatigaan, di tonga ni keluarga nang ditongatonga ni bangso on,
dongani jala pargogoi ma hami. Maringan ma Ho Tuhan di rohanami!
 R: Asa gabe parhobas hami, unang holan sihobasan. Gabe pangurupi, unang holan
siurupan. Gabe parholong, unang holan sihaholongan. Asa gabe pangapuli,
unang holan siapulan. Gabe pardame, unang holan sipadameon.

U: Antong hupasahat hami ma ngolunami tu Ho, borhati ma ganup hami

marhite asi ni rohaM. Pasupasu ma hami di dalan sidalanannami di taon
2024 on. Asa martua hami, ganup na mangasahon pangaramotionMu jala
na
mangulahon na hombar tu lomo ni rohaM. Amen. Antong rap mangido ma
hita di tangiang Ale Amanami….
12. Tangiang Ale Amanami – Tangiang Pasupasu – Amen (3x)

III. Acara Ramah Tamah

IV. Hiburan