PARTORDING NI ACARA

PARPUNGUAN BODARI UJUNG TAON

Sabtu, 31 Desember 2022
HKBP Distrik XVIII Jabartengdiy

Ev: Rom 11 : 33-36 Ep: 1 Rajaraja 8 : 54-61

TOPIK : DI IBANA HASANGAPON RO DI SALELENGLELENGNA

01. Pangaradeon: (P: Paragenda ; H: Huria;)

P: Hamu na hinaholongan dibagasan Tuhan Jesus Kristus, nuaeng nunga
sahat hita di ujung ni taon 2022 on. Bolas pe hita sahat tu ujung ni taonon
holan ala asi ni roha ni Debata do, nda tung alani gogo manang usahonta
sandiri.
H : Tapuji ma Debata naung patolhashon hita sahat tu ujung ni taon 2022
on.
P: Tapatupa partangiangan bodari di ujung ni taon 2022 on na naeng mandok
mauliate do hita tu Debata parasiroha bolon i. Antongtapahibul ma
rohanta, tabongoti ma parsaoranta dohot Tuhan i, marende ma hita.

02. Marende: BE No. 605:1, 2, 4 “Las Ma Roham” D=Do

 Las ma roham Tuhanta ro, gumomgom sasude/ Ungkap roham, jangkon
Rajam/ Marende ma sude, marende ma sude, marende, marende ma sude
 Tano nang laut, harangan i, nang awangawang i/ Hauma i, nang sunge i,/
Olophon Raja i, olophon Raja i. Olophon, olophon Raja i (jongjong)
 Ibana do Rajanta i, parasiroha i/ Na tigor i, na bonar i, parholong roha i,
parholong roha i, parholong, parholong roha i

03. Votum – Introitus – Tangiang:

P : Marhitehite goar ni Debata Ama dohot goar ni AnakNa Tuhan
Jesus Kristus dohot Tondi Parbadia na tumompa langit dohot tano on.
Amen. Sai mangaranapi do matangku dompak angka dolok: Sian dia do
ulaning ro pangurupion tu Ahu? Sian Jahowa Sitompa langit dohot
tano on sambing ro pangurupion ianggo tu ahu. Ndang tagamon
 loasonNa tarsulandit patmu, ndang tagamon nok mata ni Sijaga ho.
Sai jagaon ni Jahowa do ho sian asa parmaraan, sai jagaonNa do tondim. Sai
jagaon ni Jahowa do ho laho ruar dohot laho bongot olat ni on ro di saleleng
ni lelengna. Haleluya
H : (Mangendehon:) Haleluya…Haleluya…Haleluya
P : Martangiang ma hita: Ale Tuhan Debata, parasiroha na sumurung jala
pardenggan basa. Hupuji hami ma Ho ala asi dohot holong ni rohaM na
mandongani jala mangaramoti hami mandalani ngolunami di na sataon
bolon on bolas hami sahat tu ujung ni taon 2018 on. Marragam angka na
masa hubolus hami di na sataon bolon on, sudena i boi hubolus hami ndada
ala ni hagogoonnami alai ala asi ni rohaM na godang i do. Ale Tuhan
marpungu hami nuaeng di ujung ni taon 2018 on laho mandok mauliate tu
Ho di sasude denggan basaM. Hupangido hami ma tu Ho asa mian ma Ho di
tongatonganami sian na mamungka sahat ro di na mangujungi
partangiangannami on. Tangihon ma hami holan ala ni AnakMu, Tuhan
Jesus Kristus, Tuhannami. Amen.
(hundul)
04. Marende: BE No. 6 : 4 “Puji Jahowa Na Sangap” BL. 56
 Puji Jahowa situmpak sude ulaonmu/ Ai ditumpakhon tu ho tongtong
hangoluanmu/ Ingot ma i, denggan basaNa do i, tomutomuNa sambing do
05. P a t i k :
P :Patik ni Debata di hita di partangiangan ujung taon on tarsurat di 2 Petrus
3:13-14, songonon ma di dok disi:“Alai na maimaima do hita di langit na
imbaru dohot di tano na imbaru, inganan ni hatigoran i, hombar tu
bagabagana. Dibahen i, hamu angka haholongan, anggo i dipaimaima
hamu, ringkoti hamu ma, asa didapot Ibana hamu so martihas, so
hasurahan, di bagasan dame!”.I do sahatna.
Antong rap mangido gogo ma hita tu Debata mangulahon patikNa i.
P+H : Ale Tuhan Debata sai pargogoi ma hami mangulahon na hombar tu
patikMi. Amen.

1
06. Marende: BE No. 275 : 1 + 4 “O Jesus Tuhanhi” BL. 245
 O Jesus Tuhanhi, Ho Siparmonang i, Raja tongtong/ Ndang na margogo au,
molo so Ho di au/ Ipe dongani au di tanoon. (jongjong)
 Ndang hahuaon ni dosa be tondingki, malua au/ Ho huihuthon do, surgo
hutuju do/ Tongtong jambarhu Ho, sonang ma au.
07. Manopoti Dosa:
P : Tapaunduk ma rohanta di adopan ni Debata laho manopoti dosanta na
godang i. Martangiang ma hita : Ale Tuhan Debata, na ro do hami nuaeng
tu joloM manganggukhon dohot manolsoli dosanami na godang i. Molo
marrujiruji hami pardalanan ni ngolunami di na sataon bolon on tung jotjot
do huarsahi hami Ho marhite hata dan pambahenannami na so tama.
Ndang huhaholongi hami Ho sian nasa rohanami, dohot sian nasa
ateatenami, dohot sian nasa gogonami ai jotjotan do hinauli ni portibi on
na huhaholongi hami. Ale Tuhan, asi ma rohaM di hami sesa ma dosanami
i.
H : (Mangendehon:) BE. No. 182 : 4 “Tujolom O Debatangku” BL. 24
 Alani i tungki rohangku, jongjong di adopanMi, sai asi rohaM
Tuhanku, sesa nasa dosangki.
P : Ale Tuhan Debata, parasi roha na sumurung. Huongkuhon hami di
adopanMu, na jotjot do hami manghalupahon ngolu marparsaoran rap
dohot Ho ala na pasarisari ngolu siganup ari. Losok do rohanami manjaha
hata dohot manangihon hataM nabadia, ndang marsitutu hami
mangajarhon hataM nabadia i tu ianakhonnami na gabe bohal ni ngolu
partondion nasida. Losok do rohanami bongot tu bagas joroM siganup
Minggu laho marparsaoran dohot Ho. Ndang huhaholongi hami
dongannami jolma doshon dirinami. Ale Tuhan, sai marpamuati ma
rohaM di hagaleonnami i.
H : (Mangendehon:) BE. 206:3“Na Dison Do Au Tuhanhu” BL. 90
 Ndang adong pangidoanhu dungkon asi ni rohaM/ Na dilehon Ho
Tuhanhu, tu na unduk di hataM/ RohaMi ma tu rohangku, sai pasauthon
ma hataM
P : Ale Tuhan Debata, di ujung ni taon 2022 on hupangido hami ma tu Ho: sai
sundati ma torutoruM tu hami, lehon ma di hami partingkian laho

2
 mamparbuehon parbue na tama. Suru ma TondiM na badia i tu bagasan
rohanami na margogoihon hami paubahon rohanami, na margogoihon
hami mangulahon na hombar tu lomo ni rohaM. Tangihon ma hami holan
mangasahon goar ni AnakMu, Tuhan Jesus Kristus, Tuhannami. Amen.
H: (Mangendehon:) BE. 206:4 “Na Dison Do Au Tuhanhu” BL. 90
 Ho do mata ni aringku, halalas ni rohangki/ Na masihol do tondingku
di Ho Jesus Tuhanhi/ RohaMi ma tu rohangku asa sabam rohangki
P: Tabege ma bagabaga ni Debata taringot tu hasesaan ni dosanta: Songon on
do Hata ni Jahowa: Unang ho mabiar, ai Ahu do Siluluhon ho; nunga pola
hujou goarmu, Ahu nampuna ho. Hasangapon ma di Debata na di ginjang.
H: AMEN (hundul)
08. Marende: BE No. 581:3 “Sangap Di Jahowa” As=Do
 Balga situtu pambaenMi Debata/ Tung so hasuhatan holong ni rohaM/ Tu
jolma pardosa asi do rohaM/ Diungkap Ho dalan lao tu banuaM/ Puji ma
Debata ale manisia./Las roham, las roham somba ma Debata/ Dapothon
Jahowa na sun timbul i/ Marhite AnakNa, Tuhan Jesus i
09. Epistel : I Rajaraja 8 : 54-61
P : Epistel di partangiangan parsirangan ujung taon di hita borngin on, tarsurat di I
Rajaraja 8:54-61, Jadi dung sun ditangiangkon raja Salomo tu Jahowa saluhut
tangiang dohot pangidoan ondeng, hehe ma ibana sian adopan ni langgatan ni
Jahowa dohot sian na marsinggang i dohot sian na pinaherbangna i tanganna
dompak banua ginjang.
H : Laos jongjong ma rajai, huhut mamasumasu sandok luhutan Israel, pola
dipagogo soarana mandok songon on:
P :Pinuji ma Jahowa, naung mangalehon hasonangan tu bangsona Israel, hombar tu
sandok naung pinarbagana i! Ndang adong tartinggal nanggo sada hata sian
saluhut hatana na denggan i, naung pinaboana hian marhite sian si Musa
naposona i.
H : Sai didongani Jahowa, Debatanta i ma hita, songon naung nidongananna angka
ompunta na jolo; sai unang ma ditadingkon Ibana hita manang mambolongkon
hita.

3
P : Sai ditaiti ma rohanta tu Ibana, asa marparange hita di saluhut dalanna huhut
mangaradoti angka tonana dohot patikna dohot uhumna, angka naung
tinonahonna tu angka ompunta i.
H : Jala saluhut hata pangidoan on, angka naung husombahon di adopan ni Jahowa,
sai ngomngom ma i di jolo ni Jahowa, Debatanta i borngin dohot arian, asa
pasintongonna uhum tu naposona dohot tu bangsona Israel, singkop ariari!.
P : Asa tung saluhut bangso ni tano on mananda, paboa Jahowa do Debata, jala
dungkon ni Ibana ndang adong
H : Jala ingkon sun daulat rohamuna tu Jahowa, Debatanta i, asa marparange di
bagasan angka patikna jala mangaradoti angka tonana suman songon sadarion.
P : I ma sahatna. Martua do angka na tumangihon hata ni Debata, jala na
umpeopsa.
P+H: Amen.

10. KOOR: P. INA

11. Marende: BE No. 712:2 “Togu Au Ale Jahowa” G=Do
 Ro ma Ho aek hangoluan na pahisar tondingki/ Sai di jolo ma Ho Tuhan
dohot tiang apiMi/ Sipartogi na gumogo, Ho ma lombulombungki, Ho ma
lombulombuki. (jongong)
12. Manghatindanghon Haporseaon
P: Tahatindanghon ma Hata haporseaonta i songon na hinatindanghon ni
donganta sahaporseaon di sandok portibi on. Rap ma hita mandok:
H : AHU PORSEA DI DEBATA JAHOWA….. (hundul)
13. KOOR: P. AMA
14. Marende: BE No. 40 : 1 “Las Be Ma Rohamuna” BL. 153
 Las be ma rohamuna, natigor roha i/ Naung ro do rajamuna, mamboan tua i/
Ndang mampanggortap i anggo diharoroNa/ Alai tuk do gogoNa padaohon
jea i.
15. Manjaha:Bericht ni Huria
16. KOOR: NAPOSOBULUNG
17. Mandok Hata: 1. Ruas ni huria, 2. Parhalado
18. Marende: BE No. 723:1….. “Tu joloM O Tuhan” BL. 723

4
 (~~~~~ Papungu Pelean 1a & 1b ~~~~~)
 Tu joloM, O Tuhan sahat ma diringkon, pangke ma au hombar tu lomoM/
Molo ndang Ho Tuhan maringanan di au, diringkon ndang mararga be i/
Tung pogos pe dison manang sonang tahe, marsigantung tu Ho sasude/ Holan
Ho huihuthon ndang be diringkon, togutogu ma tu na ture.
(musik)
 Tu joloM, o Tuhan sai gara rohangkon, tung unduk do mangoloi Ho/
TondiMi ma tongtong margogoihon au on, mangulahon lomo ni rohaM/ Tung
pogos pe dison manang sonang tahe, marsigantung tu Ho sasude/ Holan Ho
huihuthon ndang be diringkon, togutogu ma tu na ture.
(musik)
 Tu joloM, o Tuhan tung marpadan do au, inghon Ho huihuthon tongtong/ Ai
huboto tangkas na martua do au, nang muse dohot di ngolungkon/ Tung
pogos pe dison manang sonang tahe, marsigantung tu Ho sasude/ Holan Ho
huihuthon ndang be diringkon, togutogu ma tu na ture.
19. Jamita: Rom 11 : 33-36
20. Marende: BE.No.504:1- “Ditogu Tuhan Jesus Au” BL. 344
(Pelean Tu Dana Pensiun HKBP)
 Ditogu Tuhan Jesus au, i do na mangapuli au. Di ganup dalan nang tung
maol, tanganNa do tongtong hu haol. Ditogutogu Jesus au, tanganNa sai
maniop au tongtong ma siseanNa au, paima boi tu surgo au.
 Holom pe angka dalan i, di linggom hamatean i. Tiur pe angka ari i, tung
guru do di Tuhanki. Ditogutogu Jesus au … du….
….Holan Poti…
 Gomos di tiop tanganki, so tung na silap langkangki. Di nasa parsorionki,
Ibana haporusanki. Ditogutogu Jesus au … du….
 Ditanda angka dalanki, diboto parmaraani i. tanganNa i na gogo i, manogu
au tu surgo i. Ditogutogu Jesus au … du….
21. Parsuruon:
U: Hamu angka dongan satongkinnari salpuhononta nama taon 2022 on jala
bongotanta taon na imbaru taon 2023. Di nanaeng tadinghononta taonon
jala bongotanta ma taon naimbaru, disosohon do hita asa mangasahon
gogo na sian Debata laho patupa ulaon na hinalomohon ni Debata; jala
5
 tongtong ma galak palitonta marhitehite na marparsaoran dohot hata ni
Debata.
H: HataMi do sulusulu ni pathu jala hatiuron di dalanhu.
U: Di bagasan pandongani on ni Debata las ma rohanta mamongoti taon 2019.
Di taon na naeng ro naeng ma lam marsitutu hita jala hobas tu angka ulaon
na denggan. Antong, borhat ma hamu tu tongatonga ni portibi on,
pabotohon hamu ma habasaronmuna tu saluhut halak! Donok do Tuhan i.
Unang holsohon hamu agia aha; alai sandok pabotohon hamu ma tu
Debata pangidoanmuna marhitehite tangiang dohot elehelek mardongan
mauliate! Jala dame ni Debata na sumurung sian saluhut roha, i ma
mangaramoti angka ateate dohot pingkiranmuna di bagasan Kristus Jesus.
H: (MangendehonBE No. 467:4 “Asi Ni Roham Hupuji” BL. 315)
 Sai papulik rohanami gabe pangoloi di Ho/ Asa marsahala hami lao
manghatindanghon Ho/ IngananMu rohanami, TondiMi manggohi i/
Pangke dohot ngolunami gabe ulaulaMi.
U : Tatangianghon ma peleanta: Ale Debata, Amanami na di banua ginjang,
Ho do haroroan ni saluhut silehonlehon na denggan dohot nasa ulibasa na
mauliutus. Hupasahat hami ma sian na nilehonMi tu hami, peleannami tu
Ho. Sai jalo ma i gabe uap na hushus di joloM. Pasupasu ma i jala ramoti
asa huparhaseang hami pelean on, patimbulhon harajaonMu di tongatonga
ni huriaM dohot di portibi on. Buhai ma rohanami marhitehite TondiM, asa
lam hutanda hami godang ni silehonlehonMi tu hami, asa lam girgir hami
mandok mauliate tu Ho, marhitehite Jesus Kristus Tuhannami. AMEN
H : (Mangendehon) Nasa na nilehonMi, tondi ro di pamatanghu.Hosa dohot
gogongki, ro di saluhut artanghu.Hupasahat i tu Ho, na so unsatonhu do.
Ale Amanami na di banua ginajang! Sai pinarbadia ma GoarMu! Sai ro ma
harajaonMu! Sai saut ma lomo ni rohaM di banua tonga on songon na di
banua ginjang! Lehon ma tu hami sadari on hangoluan siapari! Sesa ma
dosanami songon panesanami di dosa ni dongan na mardosa tu hami! Unang
hami togihon tu pangunjunan! Palua ma hami sian pangago!
H : (Mangendehon): Ai Ho do nampuna harajaon, dohot hagogoon.Ro di
hasangapon, saleleng ni lelengna, Amen
U : Pasupasu ! (Parhalado Partohonan).
H : (Mangendehon) Amen, Amen, Amen.
6
 Praeses, Parhobas Distrik, Pangula Na Gok
Tingki
HKBP Distrik XVIII Jabartengdiy

Pasahathon

SELAMAT MENYAMBUT TAHUN BARU 2023

Tu sude
Parhalado nang Ruas ni huria
Sa-HKBP Distrik XVIII Jabartengdiy

HKBP Ressort :
Bandung Riau Martadinata, Jawa Tengah, Bandung Timur,
Cimahi, Purwakarta, Yogyakarta, Bandung Barat,
Pekalongan, Cilacap, Cirebon, Cimahi Jln Sisingamangaraja,
Brebes, Karawang, Tasikmalaya, Bandung Tengah,
Semarang, Subang, Solo, Cikampek, Betesda Baleendah.
Shalom