PARTURENA

PARTANGIANGAN
PANIMPULI
HKBP HABINSARAN RESSORT
JANJIMATOGU

01. PANGARADEON DIRI:

L : Hamu angka dongan na hinaholongan dibagasan Kristus! On ma tingki na
parpudi di hita patupahon partangiangan lingkungan dibagasan taon on.
Mandok mauliate do hita tu Debata, ala asi dohot holong ni rohaNa, boi hita
marpungu dibagasan sada ni roha paujunghon partangiangan lingkungan di
taon on. Ala ni i, tapuji ma Tuhanta na paloashon hita marpungu di inganan
on. Taendehon ma ende pujipujian di goarNa “Puji Hamu Jahowa Tutu”
H : (mangendehon : BE. No. 14 : 1 “Puji hamu Jahowa Tutu”)
Puji hamu Jahowa tutu, pardenggan basa
Parasi roha salelengna i, Pardenggan basa i, Parasiroha i
L : Mauliate ma tapasahat tu Tuhanta, di sude denggan basaNa naung tajalo di
ngolunta dibagasan taon on, Ibana do na mangalehon hahipason dohot angka
na ringkot dibagasan ngolunta siganup ari. Alani i tapuji ma Tuhanta
dibagasan gok las ni roha.
H : (mangendehon BE. No. 14 :5 “Puji Hamu Jahowa Tutu”)
Somba hamu Jahowa burju, Marhapantunon ma hita di Tuhanta Debata
Burju tasomba ma Tuhanta Debata
L : Godang ma tongon na nilehon ni Debata Jahowa tu hita, jadi marlas ni roha
ma hita mamuji goarNa na badia i. Nunga di pasada hita saluhut angka na
masihaholongan di ingananan on; Antong jongjong ma hita saluhutna,
tapahibul ma rohanta marsomba tu Ibana jala tapuji ma Ibana.
H : (mangendehon BE. No. 14 : 2 “Puji Hamu Jahowa Tutu”)
Sai burju be marende sude, Mamujimuji Tuhanta Debata Jahowa i
1
 Parasiroha i, na marmulia i

02. VOTUM – INTROITUS – TANGIANG

L : Marhitehite Goar ni Debata Ama dohot Goar ni AnakNa Tuhan Jesus
Kristus dohot Goar ni Tondi Porbadia. Amen.
Parangehon hamu ma na tama di Tuhan i, marguru tu sandok lomo ni
rohaNa, marparbuehon parbue marhitehite saluhut ulaon na denggan. Oloi
hamu ma Jahowa marhitehite las ni roha, ro be ma hamu tu joloNa
marhitehite olopolop. Haleluya! Martangiang ma hita: Ale Tuhan Debata,
Amanami na di banua ginjang! Sai lehon ma tu hami roha na togu, na badia,
pingkiran na denggan dohot roha na ringgas pasauthon ulaon na denggan.
Sai lehon dame tu hami asa sonang hami mangolu di bagasan
pangondingiM, sai marsigantung tu hataM ma hami maradophon saluhut
musunami. Sai ramoti jala pargogoi ma hami marhitehite Tuhan Jesus
Kristus Tuhannami. Amen.

03. MARENDE BE. NO. 28 : 1 - 2 “ HATA NI JAHOWA”

Hata ni Jahowa, Sipadame jolma, hangoluan i.
Halalas ni roha, siapuli roha, ni na marsak i.
Gogo ni Debatangki, paluahon n porsea, sian nasa jea.
Na rade di hita, asi ni rohaNa, nang basaNa pe.
Nunga mate Kristus, nunga sun ditobus, hita on sude.
Sangap ma di Debata! Na porsea di hataNa, do pangoluonNa.

04. MANJAHA TURPUK EPISTEL : 2 TESSALONIK 2 : 13 -17

L : Tabege ma Hata ni Debata turpuk di ari Minggu XXI\ Dung Trinitatis
sijahaon di partangiangan on, 2 Tessalonik 2 : 13-17. Alai na tama do hami
tongtong mandok mauliate tu Debata marningot hamu, ale angka dongan, na
hinaholongan ni Tuhan i, ala dipillit Debata hamu sian mulana, asa saut
hamu malua, i ma marhite sian Tondi na pabadiahon dohot haporseaon di
hasintongan.
H : Ai tu si do hamu dijou marhitehite barita na uli, na hubaritahon hami, asa
partohap hamu di hasangapon ni Tuhanta Jesus Kristus.
L : Antong, ale angka dongan, hot ma hamu jongjong jala marsitiopan ma hamu
tu angka poda na huajarhon hami tu hamu marhite sian hata nang surat pe.
2
H : Apala Tuhanta Jesus Kristus dohot Debata Amanta, na manghaholongi hita
jala mangalehon apulapul, na mian tongtong, dohot panghirimon na
denggan sian asi n iroha i:
L : Ibana ma mangapuli jala pahothon rohamuna di bagasan nasa ulaon nang
hata na denggan! I do sahatna: Martua ma angka na tumangihon Hata ni
Debata jala na umpeopsa. Amen.

05. MARENDE BE. 716 : 1+3 “DI NA MAMOLUS SANDOK

NGOLUON”
Di na mamolus sandok ngolu on, gok do na marsak, gale
Boan sinondang tu na holom i, asa margogo muse
Bahen ma ahu parhiteanMu, pasupasuM mabaor ma i
Ale Tuhanku patupa ma au, baen pasupasu tu dongan sude

Ula na denggan tu halak sude, songon binaenNa tu ho

Ingot, urupi luhut na gale, gabe parholong ma ho
Bahen ma ahu parhiteanMu, pasupasuM mabaor ma i
Ale Tuhanku patupa ma au, baen pasupasu tu dongan sude

06. REFLEKSI : “PANDONGANION NI DEBATA DIBAGASAN

NGOLU NI HURIA”
L : Hamu angka dongan na hinaholongan, dibagasan partangiangan wijk na
parpudi sadarion, tama do hita mandok mauliate marningot saluhut
pandonganion ni Debata dibagasan ngolu ni hurianta dohot dingolunta
ganup marsadasada. Tung so boi do porsoonta, molo ndang Debata na
mandongani huriaNa jala na masumasu hita, tung so tabahen hita do hot
jongjong sahat tu sadari on. Marningot saluhutna i, aha ma sidohononta tu
Debata ?
H : Mandok mauliate ma hami di Ho Tuhan, na mamasumasu ngolunami jala na
mangaramoti ngolu ni ruas ni huriaM.
L : Godang do angka las ni roha dohot parungkilon na tabolus, jala godang do
na mambahen hita mengkel jala tumatangis di pardalanan ni ngolunta. Molo
taida angka ragam ni sibolusonta dohot hinaborat ni situhukonta mangadopi
na masa di pardalanan ni ngolunta ganup, tung so tarbahen hita do
mangadopi i sian gogonta dohot hamaloonta. Alai sahat tu sadarion, boi do

3
 hita tolhas marsada ni roha di partangiangan lingkungan na parpudi ditaon
on. Di saluhutna i, aha ma sidohononta tu Debata?
H : Mandok mauliate ma hami di Ho Tuhan, na manghamonangkon hami sian
ragam ni angka na masa.
L : Hatindangkononta do, dingolu ni huria Debata do Ulu jala Raja ni huria i.
Debata do na marmudumudu huriaNa, jala dibagasan Ibana singkop do
haluaon. Di na mardalan hurianta manipat dibagasan taon on godang do
pasupasu marhitehite panghobasion naung tajalo. Di saluhut na i, aha ma
sidohononta tu Debata?
H : Mandok mauliate ma hami di Ho Tuhan, na mangalehon pasupasu tu hami
sude ruas ni huriaM.
L : Pinuji ma Tuhan i ganup ari, ai ro di saleleng ni lelengna do asi ni rohaNa.
Nunga tapanghilalahon denggan basa ni Jahowa na mandongani jala na
marmudumudu hita dibagasan partangiangan lingkungan di taon 2022 on.
Antong saluhut poda, pangajarion, jamita naung itabege marhitehite
partangianganta saleleng on, bahen patoguhon haporseaonta ma i
mangadopi angka ragam ni na masa dibagasan ngolunta.
H : Bahen ma hataMi sulusulu ni pathu jala hatiuron di dalanku. Amen.

07. MARENDE BE NO. 392: 1 “SAI PASIAT TUHAN JESUS”

Sai pasiat Tuhan Jesus tu bagasan roham i
Sai maimaima Jesus bege panuktukNa i
Sai pasiat Tuhan Jesus, jangkon i tu roham i
Nunga tingki parasian, sotung sanga salpu i.
Ai sadia leleng nari laos so putus roham i
Unang toishon, sotung salpu tingki parasian i
Sai pasiat Tuhan Jesus, jangkon i tu roham i
Nunga tingki parasian, sotung sanga salpu i.

08. TANGIANG MANGIDO HASESAAN NI DOSA

L: Tatopoti ma dosanta. Bodari on di partangiangan na parpudi di taon 2022,
ita ingot ma angka dosanta na ita ulahon. Godang pangalaosionta. Ai jotjot
o hita mardosa maradophon Debata, jala jotjot ita sungguli rimas ni
Debata marhite sian pangalaosionta di hataNa. Ale Tuhan Jahowa, sai
unang paingotingot pangalaosionnami, unang alang asi ni rohaM, sai urupi

4
 ma hami, Ho ale Tuhan Debata hatuaonnami, palua hami, jala sesa
dosanami.
H: Tuhan, asi rohaM, sesa dosa nami.
L: Disuru Tuhan Jesus do hita asa gabe parhobas, ndada sihobasan. Gabe
pangapuli,ndada siapulan. Na tau mangurupi, ndada siurupan. Sipardame
ndadagabe sipadameon. Hape lemba do hita mangulahon i.
H: Tuhan asi rohaM, sesa dosa nami.
L: Disuru Tuhan Jesus do hita asa gabe parasiroha di tongatonga ni
panginsahi. Siboan pos n iroha di tongatonga ni hagangguon. Siboan
panghirimon di tongatonga ni pandelean. Hape jotjot do hita ndang tau
mangulahonsa.
H: (Mangendehon) BE No 165 : 3 “Jesus Na Pangolu Au”
O Tuhan hutopoti ma, luhut na dosangki
Asi rohaM sai sesa ma, di Ho ma tondingki
L: Didok Apostel Paulus, “Tuhan Jesus Kristus do pardengganan pasaehon
dosanta. Alai ndada holan dosanta dohot do dos ani portibi on.”
Hasangapon ma di Debata di ginjang.
S: Amen!

09. MARENDE BE NO. 249 : 1 “NGOT MA HO O TONDINGKI”

Ngot ma ho o tondingki, dungo martangiang
Asa unang musu i, tole so tinagam
Bisuk ni setan i do manait tu dosa lan na so marroha.

10. TANGIANG PANGONDIANON SIAN RUAS

11. MARENDE BE NO. 249 : 5 “NGOT MA HO O TONDINGKI”

Martangiang ho huhut asa saut malua
Sian jea saluhut gabe ho martua
Jesus do n agogo jala tau mangalo saluhut pangago

12. TANGIANG PANGONDIANON SIAN PARHALADO

13. MARENDE BE. NO. 826: 1-2 “GOHI AU TUHAN”

Gohi au Tuhan marhite HataMi, Gohi au Tuhan marhite HataMi,
Songon hudon na rumar do au Tuhan di sumurMi,
Gohi au Tuhan marhite HataMi.

5
 Gohi au Tuhan marhite HataMi, Gohi au Tuhan marhite HataMi
Na mauas do tondingku O Tuhan di HataMi
Gohi au Tuhan marhite HataMi.

14. JAMITA: PSALMEN 145 : 17 – 21

15. MARENDE BE. NO. 723 : 1-..“TU JOLOM O TUHAN”

(P. Pelean)
Tu joloM, O Tuhan, sahat ma diringkon pangke ma au hombar tu lomoM
Molo ndang ho Tuhan maringanan di au, diringkon ndang mararga be i
Tung pogos pe di son, manang sonang tahe, marsigangtung tu Ho sasude
Holan Ho huihuthon, ndang be diirngkon, togutogu ma tu na ture.

Tu joloM o Tuhan sai gara rohangkon, tung unduk do mangoloi Ho

TondiM i ma tongtong margogoihon au on, mangulahon lomo ni rohaM
Tung pogos pe di son., du

Tu joloM, O Tuhan, tung marpadan do au, ingkon Ho huihuthon tongtong

TondiM i ma tongtong margogoihon au on, mangulahon lomo ni rohaM
Tung pogos pe di son., du

16. TANGIANG PELEAN–ALE AMANAMI– PASUPASU – AMEN (3X)

MAJELIS HKBP HABINSARAN RESSORT JANJIMATOGU

MENGUCAPKAN :

Selamat Memasuki
Minggu Akhir Tahun Gerejawi
dan Minggu-minggu Advent
TUHAN MEMBERKATi..!