Ibadah syukuran Punguan Parsahutaon

Dos Roha Semanan

Sabtu, 13 Mei 2023

Tema : Satahi saoloan ma hamu dibagasan holong na sian Tuhani

(Filippi 2 : 2)
Sub Tema : Marhitehite partangiangan parsahutaon Dos Roha Semanan
sekitarna naeng ma lam togu hasadaon rohanta dibagasan
Tuhani.

I. Ibadah
01. Pamuhai
Sadari on na marpungu do hita di inganan on, laho patupahon
Partangiangan Syukuran Bona Taon. Alani jumolo ma hita ro tu
adopan ni Debata mamuji pasangap goarNa, marhite angka ende nang
tangiang jala manangihon HataNa na sun badia i. Ro ma hita
marsomba tu adopan ni Jahowa taendehonma: O Debata tung
longang do rohangku
02. Marende No. 569: 1-2 “O Debata tung longang do rohangku”
(1) O Debata tung longang do rohangku, Molo hubereng na
tinompaMi, Saluhut bintang, hilap dohot ronggur,
manghatindanghon hasangaponMi, Marende au Tuhan mamuji
Ho, O, Debata, sangap do Ho. Marende au Tuhan mamuji Ho. O,
Debata, sangap do Ho.
(2) Di ladang di adaran dohot tombak, Marende pidong tung mansai
sonang. Punsu ni dolok, sunge dohot rura, Mamaritahon sangapMi
Tuhan. Marende au Tuhan mamuji Ho, O, Debata, sangap do Ho.
Marende au Tuhan mamuji Ho. O, Debata, sangap do Ho.
03. Votum-Introitus-Tangiang
L: Marhitehite Goar ni Debata Ama dohot Goar ni AnakNa Tuhan
Jesus Kristus dohot Goar ni Tondi Parbadia na tumompa langit
dohot tano on.
H: Amen
1
 L: Sai mangaranapi do matangku dompak angka dolok: sian dia do
ulaning ro pangurupion tu Ahu?
H: Sian Jahowa Sitompa langit dohot tano on sambing ro
pangurupion ianggo tu ahu. Ndang tagamon loasonNa tarsulandit
patmu, ndang tagamon nok mata ni Sijaga ho.
L: Sai jagaon ni Jahowa do ho sian nasa parmaraan, sai jagaonNa do
tondim. Sai jagaon ni Jahowa do ho laho ruar dohot laho bongot
olat ni on ro di saleleng ni lelengna. Haleluya. Martangiang ma
hita…. Ale Tuhan Debata sian asi ni rohaM do umbahen sahat
hami tu taon na imbaru on. Ho do na mangaramoti hami di
bagasan taon na salpu i. Sai asi ma rohaM, sai unang tulak hami
nuaeng, sai dongani ma hami di bagasan taon na imbaru on.
Pasupasu hami ro di angka ulaon na denggan, na hula hami
marhitehite GoarMu. Alai na gumodang pasupasuhon ma hataM
na badai i tu rohanami, asa gabe imbaru rohanami, asa
tarpamasuk Ho hami tu banua ginjang di hasusuda ni bohalnami.
Amen.
04. Marende BE. 125: 1-2 “Marlas ni Roha hita on”
(1) Marlas ni roha hitaon,mamuji Debata;Ai asi ni rohaNa i do bongot
tu rohanta i.Umbaen nuaeng mardomu i,Dison sadarion. Dison
sadarion.
(2) Dibaheni manggogo be,ma hita on sude,mamuji Tuhan Jesus
i,parasiroha godangi,Sibaen las ni rohanta i,Nuaeng nang sogot
pe.Nuaeng nang sogot pe.
05. Pangarimangion di parngoluan
L: Hita Punguan Parsahutaon Dos Roha Semanan. Na pungu do
nuaeng hita dison angka namarsihaholongan. Pos situtu do
rohanta na pinasada ni Debata do hita diparsaoranta on, lumobi
ma tahe na pinasada ni holong ni Tuhani. Sisada parrohaon do
hita, sisada haholongon; saroha sapingkiran. Ndang holan na
ringkot didirinta na tamatahon, alai dohot do nang na di angka
dongan.
H: Tutu ma nian ale Tuhan, punguannami on, na pinatubu ni holong
ni roha di hami sama hami. Di punguannami on ma hami boi
pasada roha, holong nang pingkirannami. Huingot hami do HataM
na mandok asa marsada angka na porsea di Ho.
2
 L: Mauliate ma Tuhan dipangaramotionmu di hami sahat ro di tingki
on, nunga dipasada Ho hami sude angka anggota Punguan on,
sipata do tubu angka na humurang di punguannami on, olo do
sipata huhalupahon hami na gabe ojahan ni parsadaannami on,
ima holong ni rohaMi. Gabe sipata ndang tarida holong i di hami
sama hami. Sai adong do Tuhan na hurang di punguannami on,
nang dihata lumobi ma dipambahenan.
H: Urupi ma hami Tuhan asa angka na denggan na hombar tu lomo
ni rohaM ma boi huulahi hami, jala molo tung adong pe na sega
boi hupauliuli hami.
S: Ale Tuhan, pasupasu ma hami na sapunguan on, asa rap patupa
holong na sian Ho di ngolunami on. “Masilehonan roha songon
panggargaji, masiurupurupan songon ulaon tu balian. Tabo do
angka na marhahamaranggi, molo tongtong masihaholongan.”
L: Asi ma rohaM, sai tangihon ma tangiangnami on, na husombahon
hami dibagasan goar ni AnakMu Tuhan Jesus Kristus Tuhannami
Amen.
06. Marende BE. 30: 1-2 “Jesus lehon hatorangan”
(1) Jesus lehon hatorangan, hapistaran mangantusi hataMi. Lehon
mata na marnida, dohot roha na umboto dalanMi. Asa tongtong
maradophon, bohiMi mardalan hami, asa digomgomi tondiMi ma
hami.
(2) Ganup ari ma ajari,hami na dihaotoon i dope,Asa lam porsea
hami,ho sambing do hangoluannami i.Lam lumeleng lam
pasolhot,tu rohaM ma rohanami,Hombar tu HataM,ma
pangalahonami.
07. Manjaha Hata ni Debata Heber 10 : 24 - 25
L: Masiantoan ma hita, masipajujuan tu haholongon dohot tu angka
ulaon na denggan!
H: Unang tatadingkon parpunguanta hian, songon na hinasomalhon
ni na deba; tung masipaingotan ma hita, jala lam i ma nian, ala
lam jonok diida hamu ari i!
L: I ma sahat na. Martua ma angka na tumangihon hata ni Debata
jala na umpeopsa. Amen.
08. Tangiang Pangondianon/doa syafaat
09. Marende BE NO; 826 1-2 Gohi Au Tuhan

3
 (1) Gohi au Tuhan marhite HataMi Gohi au Tuhan marhite HataMi,
Songon hudon na rumar do au Tuhan di sumurMi, Gohi au Tuhan
marhite HataMi.
(2) Gohi au Tuhan marhite HataMi Gohi au Tuhan marhite HataMi Na
mauas do tondingku O Tuhan di HataMi Gohi au Tuhan marhite
HataMi.
10. Jamita: Filippi 2 : 2

11. Marende Kj. No.363: 1-2 ”Bagi Yesus Kuserahkan”

(Pelean)
(1) Bagi Yesus kuserah kanhidupku seluruhnya, hati dan
perbuatanku,pun waktuku milikNya.Bagi Yesus semuanya,pun
waktuku milikNya.Bagi Yesus semuanya,pun waktuku milikNya.

(2) Tanganku kerja bagiNya,kakiku memngikutNya, mataku

memandang Yesus,yang kupuji Dialah! Bagi Yesus semuanya,yang
kupuji Dialah!Bagi Yesus semuanya,yang kupuji Dialah.

(3) Ya,kupandang Yesus,kutinggalkan dosaku,pada Dia ku terpaut,Dia

juru slamatku.BagiYesus semuanya,Dia Jurus,lamatku.Bagi Yesus
semuanya,Dia Jurus”lamatku.

12. Tangiang Panutup – Pasupasu

13. RAMAH TAMA

14. ACARA HIBURAN

Selamat Tahun Baru 2023

4