2 KORINT 1 : 3 – 4

3. PINUJII MA DEBATA AMA NI TUHANTA JESUS KRISTUS, AMA

PARASI ROHA SITUTU JALA DEBATA, SIPANGAPUL NA
SUMURUNG
4. AI DIAPUL DO HAMI DIBAGASAN SALUHUT
HAPORSUHONNAMI, ASA TARAPUL HAMI ANGKA DONGAN NA
DIBAGASN RAGAM NI HAPORSUHON, HINRHON NI APULAPUL
NA BINASABASAHON NI DEBATA TU HAMI.

Apostel Paulus patorangkon, Jahowa do Debata, Sipangapul na

 

sumurung”, na mangapuli di sude sitaononta. Dipaboa di Bibel, boi do

Debata mangurupi jala mangapuli sude jolma tingki marsitaonon.
Tontu, ingkon adong do na taulahon asa tadapot pangapulion sian
Debata. Umpamana, songon dia ma dokter mangurupi hita molo
ndang tajumpangi ibana? Alani i ingkon marhite haroronta do laho
mangido tu Debata asa Ibana na mangapuli hita. Panurirang Amos
mandok, ”Tung udur ma tagamon mardalan dua halak, nda jolo sian
dos ni rohanasida?” (Amos 3:3 ) Jala didok muse, di Jakobus 4 : 8 a
”Pajonok hamu ma tu Debata, dung i pajonohonna ma tu hamu!”.
Sian dia do taboto na olo Debata pajonokkon diriNa tu hita? Na
parjolo, jotjot dipaboa di Bibel, lomo do roha ni Debata mangurupi
hita. Na paduahon, adong do pengalaman ni angka halak na
mandapot pangapulion sian Debata.
Songon si Daud, godang do halak na mangido pangurupion tu Debata
ala jotjot marsitaonon. Didok si Daud, ”Sai tangihon ma soara ni
sombasombangku.” Ditangihon Debata do si Daud? I do. Didok ibana
muse, ”Dapotan pangurupion ahu . . . marolopolop ma rohangku.”—
Psalmen 28:2, 7.
Disuru Debata do Jesus laho mangapuli jolma. Asing ni tugas i, Jesus
pe ”pauliuli halak parroha na bojok [mandele]” jala ”mangapuli saluhut
halak na marsak roha”. (Jesaya 61:1, 2) Songon na nidok ni ayat i,
diparrohahon Jesus do halak na ”loja jala na sorat”.—Mateus 11:28-
30.
Tingki Jesus mangapuli, lambok do ibana, dipodai do nasida, jala olo
do ibana pamalumhon na marsahit. Hea do na marsahit kusta
mandok tu Jesus, ”Molo na olo Ho, tarpamalum Ho do ahu!” Ala asi
roha ni Jesus, didok ma, ”Na olo do Ahu; ias ma ho!” (Markus 1:40,
41) Gabe malum ma sahitna.
Saonari, ndang di portibi on be Jesus laho mangapuli hita. Alai
Jahowa, ”Sipangapul na  sumurung”, tongtong dope mangapuli halak
na marsitaonon. (2 Korint 1:3) Parrohahon ma opat cara ni Jahowa
mangapuli hita.
 Bibel.  Didok di Rom 15 : 4 ”Ai nasa na tarsurat hian, bahen
poda di hita do, umbahen na tarsurat; asa marpangkirimon hita
binahen ni habengeton dohot pangapulon na di bagasan Surat
i.”
 Tondi Parbadia. Dung mate Jesus, dame do huria Kristen di
tingki i. Boasa? Ala nasida ”mamarangehon hatahuton mida
Tuhan i, jala lam tu toropna nasida hinorhon ni pangapoion ni
Tondi Parbadia”. (Ulaon ni Apostel 9:31b) Tondi parbadia, i ma
gogo ni Debata na sun hinagogo, jala dipangke do i mangapuli
sude halak na marsitaonon.
 Tangiang. Dipaboa do di Bibel, ”Unang holsohon hamu agia
aha”, alai ”pabotohon hamu ma tu Debata pangidoanmuna . . .
Jala dame ni Debata na sumurung sian saluhut roha, i ma
mangaramoti angka ateate dohot pingkiranmuna”.—Pilippi 4:6,
7.
 Dongan Sahaporseaon boi gabe aleale na mangapuli hita
tingki masa sitaonon. Apostel Paulus paboahon, dongan
sahaporseaon i ”gabe apulapul” di tingki adong ”hagogotan
dohot haporsuhon”.—Kolosse 4:11; 1 Tessalonik 3:7.

Alai, tutu do i boi mangapuli hita? Taparrohahon ma pengalaman ni

dongan na marsitaonon na paboahon tu hita. Songon nasida, hamu
pe boi do mangkilala janji ni Jahowa na mandok, ”Songon baoa, na
niapul ni inana, songon i do ahu mangapuli hamu.”—Jesaya 66:13.
Marhite hata ni Tuhanta sadarion gabe boi ma hita gabe ma siapulan
masiurupan dibagasan holong na sian Tuhanta, Gabe boi hita gabe
berkat ditongatonga ni angka na humaliang hita. Tuhanta ma na
mangapuli jala mamasu masu hita tarlumobi ma keluarga ni Amang
Inang Keluarga Sianturi dibagasan on. Sai didongani Tuhanta ma hita
mamolus saluhut angka panggulmiton ni ngolunta.
Amen.