ACARA KEBAKTIAN MAMEAKHON BATU OJAHAN

Bagas ni Keluarga : D Simanjuntak/ E Br. Limbong

Bengkulu, Selasa 17 Juli 2018

1. Votum
P : Marhite – hite goar ni Debata Ama, dohot goar ni Anakna Tuhan Jesus Kristus, dohot
goar ni Tondi Porbadia na manompa langit dohot tanoon. Dipasaor ma damena tu
tondinta be. Amen
J : Ale Jesus Tuhan nami bereng hami na dison, pinarmahanmi do hami saluhutna na dison,
sai asi roham dihami, sai pangolu hami on, Amen

2. Marende BE Bo.2 : 1 “ Naeng Pujionhu Ho Jahowa “

Naeng Pujionku Ho Jahowa / ai ho do Debata na tutu i
Sai suru tondi parbadia / tua ahu asa hupuji goarMi
Marhite hite Jesus anakMi, asa lomo roahm di endengki

3. INTROITUS
P : Ende sian angka anak ni si Kora, Denggan nai angka ingananmi ale Jahowa Zebaot !
J : Pola do langan jala malas rohangku, dibahen lungunna diangka alaman ni Jahowa,
marolop olop do rohangku dohot sibukku tu Debata na Mangolu i.
P : Gari Apporik Jumpangan jabu jala leang - leang dapotan asarna bahen inganan ni angka
anakna mandok angka langgatan pamelean tu Ho ale Jahowa Zebaot rajangku dohot
Debatangku.
J : Martua ma angka namangingani bagasMu sai ho do pujion nasida.
P : Martua ma halak ia dibagasan Ho hagogoonna ia roha nasida dibagasan manuju dalan
na tigor.
J : Angka na umbolus rura partangisan, ibana do dibahen mualna gabe maruli pasu – pasu
nasida.
P : Lam gelleng lam balga do gogo nasida paima tolhas nasida tu jolo ni Debata di Sion.
J : Ale Jahowa Debata Zebaot, sai tangihon ma tangiangkon, sai tangi ma ale Debata ni si
Jakkob, Sela .
P : Lombu – lombu nai do ho ale Debata, Asi ma Roham tatap ma bohi ni Mesias Mi.
J : Ai dumenggan do sadari dia angka alamanMu sian saribu ari na asing, tagonan do
dipangido rohangku sijaga pintu ahu dibagas ni Debatangku, asa maringan di angka
undung – undung ni parjahat.
P : Ai Debata Jahowa do mataniari dohot lombu – lombu dilehon Jahowa do asi ni roha
dohot hamuliaon, dang diholit na denggan I di angka naburju marpangalaho, ale Jahowa
Zebaot, martua ma jolma na marhaposan tu Ho.
 Martangiang ma hita, ale Tuhannami Jesus Kristus, anak ni Debata Ama na so hatudosan.
Ho do Tuhan nami jala Ho do sillam di Hasangapon ni Debata Ama dohot suman ni
hadirionNa na ro tu portibion. Ho do batu parsuhi na tarpili jala na arga dohot ojahan na
hot, namangido ma hami tu Ho, pahot ma batu parsuhi nanaeng peakhononnami dibagasan
goarmu na Badia I, songon mula dohot ujung ni nasa na adong, laos Ho na mamungka,
patorushon dohot paujunghon ulaon na hupungka hami sadarion, asa gabe hasangapon
dohot hamuliaon digoarmu nabadia, hupasahat hami ma pangidoan namion tu Ho ale
Jahowa Tuhannami Jesus Kristus namangolu dohot na sintong I, namangarajai rap dohot
Debata Ama dohot Tondi Porbadia, rodi saleleleng ni lelengna. Amen

4. Marende BE. No. 3 : 1 “ Puji Jahowa ale tondingku “

Puji Jahowa ale tondingku / Puji Ibana Debatami
Tagan so suda dope bohalhu / naeng pujionhu basa nai
Sitompa daging tondi pe, ingkon dipuji sasude, haleluya, haleluya

5. JAMITA

6. Marende BE No.6 : 1 “ Puji Jahowa Na Sangap “

Puji Jahowa Na sangap huhut Marmulia
Hamu sude na parroha ringgas na ria
Marpungu be, marolop - olop sude, Hamu sude manisia

7. MAMEAKHON BATU PARSUHI

a. Pangula ni Huria (St. DJ Simanjuntak)
b. Hasuhuton (D Simanjuntak/ Br Limbong)
c. Hula – Hula (A. Gevariel Limbong / Br Simbolon)
d. Dongan tubu (St. DJ Simnajuntak)
e. Pargomgom (Op. Syeren Br Simbolon)

8. Marende BE No. 66 : 1 + 3 “ Debata Baen Donganmi “

Debata Baen Donganmi, lao mangula ulaonmu
Baen ibana haposanmu sai paserep rohami
Debata baen donganmi, Debata baen donganmi
Debata baen donganmi, sai na saut do ulaonmu
Sai na tulus do sangkapmu, jala sonang rohami
Debata baen dongan mi, debata baen donganmi