PARTORDING NI PARPUNGUAN BODARI

UJUNG TAON

HKBP PALEMBANG, RESSORT PALEMBANG

DISTRIK XV SUMBAGSEL

 Ev: Rom 11 : 33 – 36  Ep: 1 Rajaraja 8 : 54 – 61

TOPIK:
DI IBANA MA HASANGAPON RO DI SALELENGLELENGNA

HURIA KRISTEN BATAK PROTESTAN

SABTU, 31 DESEMBER 2022
1
PAMUHAI :
U : Huria nahinaholongan ni Tuhan Jesus Kristus na marpungu do hita di
borngin ujung taon 2022 on. Ndang apala sadia lelengnai
salpuhononta ma taon 2022 jala bongotan ta ma taon naimbaru 2023.
Di ujung ni taon on ringkot do rujiruji laho marningot pardalanan naung
tabolus, huhut laos songon na mangalap gogo andorang so tauduti
pardalananta i. Antong aha ma si soarahononta tu Tuhan Pardenggan
basa i ?
H : Sai parrohai ma hami mamilangi angka ariarinami, asa dapotan roha
na bisuk hami.
U : Marsalpuan do angka taon, alai MANONGTONG DO ASI NI ROHA NI
DEBATA. Nuaeng bongot ma hita tu parsaoran na badia laho mamuji
dohot pasangaphon Tuhanta i. Tapangiar soaranta lao mamuji Ibana.
Marende Ma hita.

1. Marende BE HKBP No. 10 : 1, 4 - 5 “HUPUJI HUPASANGAP

HO” BL. 128
♫ Hupuji, hupasangap Ho, Amang pardenggan basa. Ai
jadijadianMu do sude, angka na masa. Ditompa Ho do sasude
daginghu ro di tondi pe, pinuji ma goarMu.
♫ Tongtong pasangaponhu Ho saleleng au mangolu.
Paratarataonhu do barita ni goarMu. Pamatang dohot tondingki
ingkon mamuji sangapMi, pinuji ma goarMu.
♫ [ Jongjong ] Antong, ro ma hamu sude saluhut na porsea.
Marolopolop hita be mamuji Debatanta. Na sun denggan do
sasude binaen ni Debatanta i. pinuji ma goarNa.

2. Votum –Introitus: (U: Uluan ; H : Huria) (A.XVIII/B – D.II/8)

U : Marhitehite Goar ni Debata Ama dohot Goar ni AnakNa Tuhan Jesus
Kristus dohot Goar ni Tondi Parbadia na tumompa langit dohot tano
on. Amen! Hohom ma hamu maradophon Tuhan Jahowa; ai jonok
nama ari ni Jahowa na bolon i, jonok nama i, jala silu situtu do i ro. Di
na mulak tinogihon ni Jahowa angka na tarbuang sian Sion, doshon
halak na marnipi do hita. Gok parengkelon ma uju i pamanganta jala
marolopolop. Ida ma, hatop do Ahu ro, tiop ma na di ho nuaeng, asa
unang adong na mambuat tumpalmi. Haleluya!
U&H : Mangendehon: BE.HKBP No. 852: 1 “HALELUYA (3x) HKBP”
2
 ♫ Haleluya, Haleluya, Haleluya.
U : Martangiang ma hita! Ale Amanami, Ama ni Jesus Kristus
Tuhannami, na tubu di huta Betlehem! Sai pinuji ma GoarMu na
badia i, ala naung ditingkir Ho hami bangsoM. Ditogutogu Ho do
hami sian haholomon tu hatiuron jala dipadomu Ho do hami, na
holang hian sian Ho, gabe saor muse dohot Ho. Gok halalas ni roha
do hami ala ni i. Sai jalo ma hamauliateon ni rohanami, naung
tinopotMu hami marhitehite AnakMi. Amen. (Hundul)
3. Marende BE HKBP No. 574 : 2 – 3 “ PUJI MA DEBATA” BL 574
♫ Olophon, olophon Tuhan i, hatindanghon denggan ni basaNa i .
Sai arahon donganmi, ro tu Sipalua i. Olophon, olophon Tuhan i,
hatindanghon ma denggan basaNa i.
♫ Tagam ma, tagam ma Tuhan i, sai pagalak ma tongtong palitomi.
Lam jonok ariNa i, salpu parungkilon i. Tagam ma, tagam ma
Tuhan i, sai pagalak ma tongtong palitomi.
4. Patik :
U : Tatangihon ma Patik ni Debata di Parpunguan bodari ujung taon
on, ima na tarsurat di 2 Petrus 3 : 13 – 14. Alai na maimaima do
hita di langit na imbaru dohot di tano na imbaru, inganan ni
hatigoran i hombar tu bagabagaNa.
H : Dibahen i, hamu angka haholongan, anggo i dipaimaima
hamu, ringkoti hamu ma, asa didapot Ibana hamu so
martihas, so hasurahan, dibagasan dame!
U : Antong rap mangido gogo ma hita sian Tuhan Debata!
U+H : Ale Tuhan Debata! Sai pargogoi ma hami mangulahon na
hombar tu PatikMi. Amen.
5. Marende BE. HKBP No. 53 : 2, 4 “DI BETLEHEM DO TUBU“
♫ Tu holong ni rohaNa hubonom rohangkon. Hulehon di Ibana sude
na di au on. Olo, olo, sude na di au on.
♫ (Jongjong) Burju naeng lehononhu di Ho rohangkinon. Asi rohaM
Tuhanhu, urupi au tongtong . Olo, olo, urupi au tongtong.
6. TANGIANG MANOPOTI DOSA:
U : Tatopoti ma dosanta tu Debata, martangiang ma hita! Ale Tuhan
Debata, na badia jala na bonar. Parasi jala Partalup ni roha jala na
basar do Ho! Sai marpangulahi ma rohaM mida hami.
3
 H : Dibahen i sai sesa ma sude dosanami! Ndang adong na
hupangasahon hami dungkon ni asi ni rohaM; hatigoran na
pinatupa ni AnakMu do na hupangasahon hami tu joloM.
Dibahen i pasonang jala apuli ma hami angka na hinophop ni
Tuhan Jesus Kristus, Tuhannami. Amen.
“----------Manghuling music angon-angon-----------”
U : Bagabaga ni Debata taringot tu hasesaan ni dosanta: Molo tung
adong manang ise na mardosa, adong do pangondianta di Ama i, i
ma Tuhan Jesus Kristus na tigor roha i. Jala Ibana do pardengganan
taringot tu dosanta, alai ndada holan taringot tu dosanta, dohot do
taringot tu dosa ni saluhut portibi on. Hasangapon ma di Debata na
di ginjang!
H : Amen. (Hundul)
7. Marende BE HKBP No.691: 2, 3 “HUPASAHAT MA TU JESUS ”
♫ Pangkeonhu ma tanganhu mangula lomoNa i. Langka nang
simanjojakhu mangihuthon Tuhanhi. Hupasahat ma tu Jesus
saluhutna diringki. Hupasahat ma tu Jesus saluhutna ngolungki.
♫ Nang pamereng ni matangku mandompakhon Jesus i. Soara ni
pamanganhu mamuji goarNa i. Hupasahat ma tu Jesus
saluhutna diringki. Hupasahat ma tu Jesus saluhutna ngolungki .
8. EPISTEL
U : Hata ni Debata Epistel di parpunguan bodari ujung ni taon on,
tarsurat di 1 Rajaraja 8 : 54 – 61, tajaha ma
marsoringsoring! Jadi dung sun ditangianghon Raja Salomo tu
Jahowa saluhut tangiang dohot pangidoan ondeng, hehe ma
ibana sian adopan ni langgatan ni Jahowa dohot sian na
marsinggang i dohot sian na pinaherbangna i tanganna dompak
banua ginjang.
H : Laos jongjong ma raja i, huhut mamasumasu sandok
luhutan Israel, pola dipagogo soarana mandok songon on:
U : “Pinuji ma Jahowa, naung mangalehon hasonangan tu
bangsoNa Israel, hombar tu sandok naung pinarbagaNa i! Ndang
adong tartinggal nanggo sada hata sian saluhut hataNa na
denggan i, naung pinaboaNa hian marhite sian si Musa
naposoNa i.

4
 H : Sai didongani Jahowa, Debatanta i ma hita, songon naung
nidongananNa angka ompunta na jolo; sai unang ma
ditadinghon Ibana hita manang mambolonghon hita.
U : Sai ditaiti ma rohanta tu Ibana, asa marparange hita di saluhut
dalanNa huhut mangaradoti angka tonaNa dohot patikNa dohot
uhumNa, angka naung tinonahonNa tu angka ompunta i.
H : Jala saluhut hata pangidoan on, angka naung husombahon
di adopan ni Jahowa, sai ngomngom ma i di jolo ni Jahowa,
Debatanta i borngin dohot arian, asa pasintongonNa uhum
tu naposoNa dohot tu bangsoNa Israel, singkop ariari!
U : Asa tung saluhut bangso ni tano on mananda, paboa Jahowa do
Debata, jala dungkon ni Ibana ndang adong.
H : Jala ingkon sun daulat rohamuna tu Jahowa, Debatanta i,
asa marparange di bagasan angka patikNa jala mangaradoti
angka tonaNa suman songon sadarion.”
U: I do sahatna. Martua do angka na tumangihon hata ni Debata
jala na umpeopsa.
H : Amen.
09. Marende BE HKBP No.485 : 1, 4 “DONGANI AU TUHAN” BL 243
♫ Dongani au Tuhan, sondangi rohangki. Pangiring ni mataM
patongon langkangki. Sandok sude gogongku padohot
pingkiranku. Huboan peleanku mangalu ulaonMu. Ai i
hinalomohonMi, urupi rohangki.
♫ (Jongjong) Sitolusada Ho sulingkit rohangki. Lopokhon rohaMi
bagas tu rohangki. Padiri ma tondingku baen joro ingananMu.
Patolhas ma basaMu tu au niasianMu. Martua au dibahen Ho
Sitolusada Ho.
10. Manghatindanghon Haporseaon:
U : Tahatindanghon ma haporseaonta i songon na hinatindanghon ni
donganta sahaporseaon di sandok portibi on. Rap ma hita
mandok!
H : Ahu porsea di Debata Jahowa… (Hundul)
11. SUNGGULSUNGGUL
12. MANJAHA BERICH & STATISTIK

5
13. MANDOK HATA
12. Marende BE HKBP No. 753 : 1 . . . “DIPARDALANAN JESUS DI
JOLONGKU“ BL 753 (P. Pelean Ia,Ib)
♫ Di pardalanan Jesus dijolongku holong ni tanganMi manogu au.
Nang di ngolungku Ho do sombaonhu, tung sonang mardalan
raphon Ho. Huboto do tangkas panoguonMu, diiringiring Ho do
langkangki. Sahat ro di ujung ni pardalanhu, togu ma au jonok tu
lambungMi.
♫ Sipata lilu haporseaonhu, ni lilianan ni portibi on. Alai dung Ho
hutatap o Tuhanhu, margogo do au di ngolungkon. Huboto do
tangkas panoguonMu, diiringiring Ho do langkangki. Sahat ro di
ujung ni pardalanhu, togu ma au jonok tu lambungMi.
---Musik---
♫ Patogu ma Tuhan haporseaonku, asa polin tu Ho manghirim au.
Tu surgo i patulus pardalanku, TondiMi maringan ma di au.
Huboto do tangkas panoguonMu, diiringiring Ho do langkangki.
Sahat ro di ujung ni pardalanku, togu ma au jonok tu lambungMi.

13. JAMITA: Rom 11 : 33 - 36

14. Marende BE HKBP No. 504 : 1 . . . “DITOGU TUHAN JESUS AU”
BL. 344 (Pelean Namarboho tu Dana Pensiun HKBP)
♫ Ditogu Tuhan Jesus au, i do na mangapuli au. Diganup dalan
nang tung maol,tanganNa do tongtong huhaol. Ditogutogu Jesus
au, tanganNa sai maniop au. Tongtong ma siseanNa au paima
boi tu surgo lao.
♫ Holom pe angka dalan i, di linggom hamatean i . Tiur pe angka
ari i, tung guru do di Tuhanki. Ditogutogu Jesus au, tanganNa sai
maniop au. Tongtong ma siseanNa au, paima boi tu surgo lao.
---Musik---
♫ Gomos ditiop tanganki, so tung na silap langkangki. Di nasa
parsorionki Ibana haporusanki. Ditogutogu Jesus au, tanganNa
sai maniop au. Tongtong ma siseanNa au, paima boi tu surgo
lao.
6
 ♫ Ditanda angka dalanki, diboto parmaraan nii. TanganNa i na
gogo i, manogu au tu surgo i. Ditogutogu Jesus au, tanganNa sai
maniop au. Tongtong ma siseanNa au, paima boi tu surgo lao.

15. PANGUJUNGI
U : Tatangianghon ma peleanta! Ale Debata, Amanami na di banua
ginjang, Ho do haroroan ni saluhut silehonlehon na denggan
dohot nasa ulibasa na mauliutus. Hupasahat hami ma sian na
nilehonMi tu hami, peleannami tu Ho. Sai jalo ma i gabe uap na
hushus di joloM. Pasupasu ma i jala ramoti asa huparhaseang
hami pelean on, patimbulhon harajaonMu di tongatonga ni
huriaM dohot di portibi on. Buhai ma rohanami marhitehite
TondiM, asa lam hutanda hami godang ni silehonlehonMi tu
hami, asa lam girgir hami mandok mauliate tu Ho, marhitehite
Jesus Kristus Tuhannami. Amen!
H : (Mangendehon) BE HKBP No. 204 : 2 “NDANG
TADINGHONON- HU HO”
♫ Nasa na nilehonMi, tondi ro di pamatanghu. Hosa dohot
gogonghi, ro di saluhut artanghu. Hupasahat i tu Ho, na so
unsatonhu do.
U : Ale Amanami na di banua ginjang! Sai pinarbadia ma GoarMu!
Sai ro ma harajaonMu! Sai saut ma lomo ni rohaM di banua
tonga on songon na di banua ginjang! Lehon ma tu hami sadari
on hangoluan siapari! Sesa ma dosanami songon panesanami di
dosa ni dongan na mardosa tu hami! Unang hami togihon tu
pangunjunan! Palua ma hami sian pangago!
H : (Mangendehon) BE. HKBP No. 841:1 “AI HO DO NAMPUNA
HARAJAON” BL. 841
♫ Ai Ho do nampuna harajaon dohot hagogoon, ro di
hasangapon saleleng ni lelengna. Amen!
U : Tangiang Pasupasu
H : (Mangendehon) BE. HKBP No. 845 : 1 “Amen (3x) HKBP”
♫ Amen, Amen, Amen.
7
Selamat Menyongsong
Tahun Baru
01 Januari 2023

Debata Mamasumasu