ACARA IBADAH SYUKUR

Ulangtahun ke-75 tahun Bvr. L. br. Sihotang

Senin, 25 September 2023
Perkampungan Bibelvrouw Eben Ezer Sinaksak

I. KEBAKTIAN
1. BE No. 15: 1, 2 Aut Na Saribu Hali Ganda BL. 103
 Aut na saribu hali ganda saringar ni soarangki
Naeng nasa gogo bahenonku, mamuji Debatanta i
Paboa las ni rohangki, hinorhon ni pambaenNa i.
 Tung sura sahat soarangku, tu ujung ni portibi on
Naeng nasa jolma haraonku, mamuji Debata tongtong
Tama do nasa hosangki, hubaen pasangap Tuhanki.

2. Votum – Introitus – Tangiang (L= Liturgis, H= Huria)

L: Marhitehite goar ni Debata Ama dohot goar ni AnakNa Tuhan
Jesus Kristus dohot goar ni Tondi Parbadia na tumompa langit dohot tano
on. Amen. Ale Tuhan, sai Ho do haporusannami marsundutsundut.
H: Tagan so tubu dope angka dolok jala tagan so adong dope ditubuhon tano
on dohot portibi on, nunga adong hian Ho, ale Debata, sian salelenglelengna
ro di salelenglelengna.
L: Ai lam moru do angka ariarinami sudena di tano on, alai na hot do angka
taonMu dohot ariariM ro di saleleng ni lelengna.
H: (Mangendehon BE No. 116: 1 Ditompa Ho Do Au BL. 243
Di tompa Ho do au, sondangi rohangkon, tung basabasaMi sude na di au on.
Gomgomi pamatangku, naeng Ho do oloanku, sai lehon ma gogongku,
LomoM naeng ulaonku, urupi tatap au tutu, Panompa na burju.

L: Ariari ni taonnami, intap ni pitupulu taon do i, jala molo marhagogoon situtu

dieak do ualupulu taon, jala hinadenggan nasida do hangaluton dohot
halojaon.
H: Sai parrohai ma hami mamilangi angka ariarinami, asa dapotan roha na
bisuk hami.
L: Martangiang ma hita: Ale Jahowa Debata, Ama nami marhitehite Tuhan
Jesus Kristus ! Mandok mauliate do hami sadarion di godangni pasupasu
dohot basabasaM na hujalo hami ro di ombasson. Buas do Ho mangalehon
nasa na ringkot i, diramoti jala diparmudumudu Ho do ngolu dohot langka
nami, lumobi ma ina nami Bvr. L. br. Sihotang manghalashon ulangtaonna
sadari on gonop umurna 75 taon, marhite Partangiangan syukuran

1
 sadarion. Manghamauliatehon pasupasuM naung jinalona. Ndang
hasuhatan denggan basa dohot asi ni rohaM naung jinalo nasida saleleng
di ngoluna, di apoi Ho do nasida mamolus ragam ni na masa, hamaolon,
parungkilon, dohot lan na paet. Di balik ni angka na paet i marsorinsorin do
nang angka nauli, na tonggi, las ni roha jala pasupasu. Mauliate ma di Ho ale
Tuhan, pasupasu ma ina nami on, dihatutuana sai lehon hahipason jala
tongtong ondihon ibana. Pasupasu ma nang parsaoran nami, gabe
hasangapon di Ho. Dibagasan Goar ni Tuhan Jesus Kristus, Amen.

3. BE. No. 6: 3 Puji Jahowa na Sangap Huhut Marmulia BL. 56

Puji Jahowa naung tipak manompa dagingmu.
Jala na tongtong manumpak hisar pamatangmu.
Jotjot do ro pangurupiNa tu ho, uju na ro hagogotan.

4. Renungan di panogunoguon ni Debata

L: Di na tahalashon ari sadari on, pasupasu ni Debata tu ina Bvr. L. br.
Sihotang, marhite umur na ganjang lam patar do dihita pangaramotion ni
Debata di sandok pardalanan ni ngoluna. I do umbahen didok Debata:
H: Tangihon ma Ahu ale pinompar ni si Jakob dohot nasa pasipasi pinompar ni
Israel, angka na huompa sian bortian dope, angka na huabing sian
hatutubuna.
L: Sahat ro di hatutuamon sai tongtong do Ahu, jala ro di na ubanon hamu sai
Ahu do mangusung hamu. Ahu do mambahensa na sai laon, Ahu do
mangompa, Ahu do mangabing jala Ahu paluahon nuaeng.
H: Marhaposan tu Ho do au ale Jahowa, ndang tagamon murak ahu
salelenglelengna. Naung mangunsande tu Ho do au sian bortian, Ho do.
Siparmudu ahu sian butuha ni dainang, sai Ho do tongtong pujionku.

Na Ulang Tahun: Nunga dibasabasahon Ho tu au hangoluan dohot asi ni roha,

jala panatapMu mangaramoti hosangku. Nunga dibasabasahon tu au
hangoluan dohot ganjang ni umur. PanatapMu mangaramoti hosangku. Sai
unang bolongkon ahu di tingki haubanonku, molo maol suda gogongku unang
tadingkon ahu

L: Sai gok pujipujianMu ma pamanganku, gok hamuliaon manipat ari. Ai Ho do

panghirimonku, ale Tuhan Jahowa.

H: (…Mangendehon BE 262 : 5 “Jahowa tuhanki” BL. 149)

5) Ramoti au tongtong / Saleleng au mangolu / Matua pe au on /
Pabenget ma rohangku / So tung marlindang ma on /
Tongtong parangengki / Ubanon pe au on / Naeng hot do sangaphi/

2
5. Manjaha: JEREMIA 31 : 18-20, 31-37
U: Nunga tangkas hubege Epraim mangandungi songon on: Nunga dipinsang
ho ahu, jala olo do ahu pinsangon songon anak ni horbo na so niajar. Sai ho
ma paubahon rohangku, asa tung saut muba; ai ho do Jahowa, Debatangku.
H: Ai dung muba rohangku, husolsoli ma, jala dung hutanda diringku hutompuk
ma gontingku. Maila ma ahu huhut marlangan, ala huusung haurahon ni
haposoonki.
U: Nda anak hasian si Epraim di ahu? Nda anak hasoloan? Ai manang piga hali
pe hatangku dompak ibana, sai marningot dope ahu di ibana; ala ni malala
do ateatengku taringot tu ibana, ingkon marpangulahi rohangku mida ibana
ninna Jahowa.
H: Ida ma, na ro do angka ari sogot, ninna Jahowa, pungkaonku ma padan na
imbaru tu pinompar ni si Israel dohot tu pinompar ni si Juda.
U: Ndada songon padan na hubahen i na jolo tu ompunasida, uju na hutangkup
tangannasida i laho manogihon nasida ruar sian tano Misir, hape diose
nasida do padan na hubahen i, atik pe ahu harajaannasida nian, ninna
Jahowa.
H: Ai on do padan sibahenonku tu pinompar ni si Israel, dung salpu angka ari
on, ninna Jahowa: Lehononku ma patikku tu bagasan ateatenasida jala
surathononku do i tu bagasan rohanasida, asa ahu gabe Debatanasida, jala
nasida gabe bangsongku.
U: Jadi ndang pe podaan ni sahalak donganna, manang dohononna tu
hahaanggina i songon on: Tanda hamu ma Jahowa! Ai tung saluhut nasida
tumanda ahu sogot, tole na metmet, tole na magodang sian nasida, ninna
Jahowa, ai marpamuati do sogot rohangku mida hajahatonnasida i, jala
ndang be ingotonku dosanasida i.
H: Songon on do hata ni Jahowa, na mangalehon mata ni ari gabe panondang
arian, aturan ni bulan dohot angka bintang gabe panondang borngin, ibana
manggunsang laut, gabe marhasak angka galumbangna; Jahowa Zebaot do
goarna.
U: Tung sura mansohot angka aturan i maradophon ahu, ninna Jahowa,
mansadi ma dohot pinompar ni Israel, unang be targoar bangso di jolongku
salelenglelengna.
H: Songon on do hata ni Jahowa: Molo tung dapot suhaton angka langit di
ginjang, jala dapot dodoon angka ojahan ni tano on di toru, dohot ma ahu
mambolongkon sandok pinompar ni si Israel ala ni saluhut na binahennasida,
ninna Jahowa.
L: Ido sahatna. Martua do angka na tumangihon hata ni Debata jala na
umpeopsa, Amen.

3
6. BE No. 743: 1 O Tuhan Togutogu
1. O Tuhan togutogu ma au, tu dalan lomo ni rohaMi.
Raphon Ho sonang mardalan au, nang rahis maol sidalananki.
TondiMi baen manggohi au on, margogoihon au naposoMon.
Pasangap Ho di ngolungkon, paima sahat tu surgo au on.

7. Tangiang Pangondianon (Doa Syafaat):

8. BE No. 826: 1 – 2 Gohi Au Tuhan

1. Gohi au Tuhan marhite HataMi, gohi au Tuhan marhite HataMi, songon
hudon na rumar do au Tuhan di sumurMi, gohi au Tuhan marhite HataMi.

2. Gohi au Tuhan marhite HataMi, gohi au Tuhan marhite HataMi

Na mauas do tondingku, O Tuhan di HataMi, gohi au Tuhan marhite HataMi.

9. Jamita

10. BE No. 754 : 1... “Gok Las Ni Roha Do Au”

Gok las ni roha do au di ngolungkon. Di ngolungkon di ngolungkon gok las
ni roha. Do au di ngolungkon tongtong di rohangkon

Reff: Mauliate gok las ni roha maringan, HolongMi Tuhan di au

Mauliate gok las ni roha maringan. HolongMi Tuhan di au

Mardame jala sonang do rohangkon, di ngolungkon, di ngolungkon

Mardame jala sonang do rohangkon. Tongtong di rohangkon
Reff:

Gok do holong ni Jesus di ngolungkon, di ngolungkon, di ngolungkon

Gok do holong ni Jesus di ngolungkon, Tongtong di rohangkon

11. Tangiang Panutup

II. Acara Ulang Tahun (Tersendiri)

”SELAMAT ULANG TAHUN”

TUHAN YESUS MEMBERKATI

4
Khotbah Ulangtahun
Mazmur 92 : 13-16

Waktu akan berjalan terus tanpa seorangpun yang bisa membuat waktu itu bisa
mundur atau maju, tentu tanggal hari ini akan terjadi adalah hanya untuk hari ini, jika
waktu berikutnya kita akan berkumpul kembali dalam hari yang sama tentu akan ada
perubahan angka, akan ada perubahan tahun, dan ada pula perubahan umur.
Dan demikian juga bahwa tak seorangpun juga yang bisa memundurkan waktu, begitu
kesalnya manusia sebenarnya, sai songonna lungun do roha ni jolma ala dang boi
dipaulak tingki. Anggo sangkap ni jolma boi do ala nunga manolsoli nuaeng, “aut boi ma
nian mulak tu tingki na parjolo”. Ido umbahen adong ende batak “ndang haulahan be
mulak poso.
Memangnya ada apa waktu muda, seolah-olah orang menyesali umur saat ini, atau
waktu saat ini. Boi ma ra songonon on, wee aut sugari gogo ahu mangula tingki poso,
ndang songon on taononku, aut sugari ringgas ahu marsikola, aut sugari burju ahu
marsiajar dang 7 taon ahu tammat SMP, dlsb. Pun taka da orang yang bisa berusaha dan
berhasil memajukan waktu. Aut sugari tapatujolo tingki, geor do portibi on. Tanggal piga
do tahe gajian? Tanggal 1, dang boi aturonta i. Yakin do ahu aut sura dipajolo jolma
tingki, tiap ari do ra tanggal 1, gajian torus. Alai ingkon sabar do hita 30 ari.
Itulah buktinya bahwa hanya Tuhanlah pemilik waktu itu. Kita hanya diberi waktu
sesaat, memasuki waktu-waktu dan tahun yang Tuhan berikan maka jangan sampai
siasia. Waktu dan tahun yang Tuhan berikan bagi kita.
Dang boi hita sala mangetong tingki, ndang boi hita sala mangantusi tingki. Ingkon
mulak doi tu haporseaonta na mandok “hanya Tuhan semata pemilik waktu, kita hanya
diijinkan sesaat untuk memasuki waktu itu. Alani unang sia-sia.

Jesaya 46:4 “Sahat ro di hatutuamu sai tongtong do ahu, jala ro di na ubanon sai ahu do
mangusung hamu. Ahu do mambahensa na sai laon, ahu do mangompa, ahu do mangabing
jala ahu paluahon nuaeng.”

Perayaan ulangtahun itu biasa, umur panjang itu biasa, tetapi hidup berumur dan
bernilai dimata Tuhan itu luar biasa. Sebenarnya kalau umur kita bagi Tuhan ini sama,
sampai berapa umur kita diberikan itu kembali kepada Allah yang berdaulat atas hidup
kita. Benar kita menjaga diri, benar kita menjaga kesehatan, tetapi seutuhnya hanya
Tuhan pemilik kehidupan kita.
Somal doi marumur 100 taon pea dong do jolma, na sahat tu umur 75 taon pe godang
do, na marulangtaon pe songoni, biasa doi. Alai boha do marhitehite partangiangan
ulangtaon, boi sahat tu hita hata ni Debata na mandok “umur atau kehidupan yang
mempunyai nilai”.

5
1. Semakin manusia berumur, harusnya semakin lurus.
2.